蕉積妹 (已搬遷) 新店位置

太耐冇去旅行竟然可以喺香港食到香蕉超期待😍叫咗一份香蕉煎餅配榛子醬佢都仲有好多醬揀大約等10分鐘就有食落好香口榛子醬好夾超級推介佢有啲熊仔樽泰式奶茶都幾吸引 +$9就買到

係葵廣竟然有得食泰國嘅呢種香蕉煎餅～🍌🍌熱辣辣香噴噴再加上nutella醬真係好邪惡！🍫食得出係即叫即整 好香脆😋不過食到最後有少少膩😂😂係隔離買返杯野飲解一解再繼續食✌🏻

終於唔洗入到元朗咁遠先食到香蕉煎餅加上聽聞葵芳呢間蕉積妹都薄有名氣，今日終於得閒去試下我有選擇困難症，就叫左個師傅發板香蕉煎餅。結果出黎係朱古力mix 彩色既朱古力碎。望落都幾繽紛色彩。香蕉煎餅個底好香脆，食到一層層既酥皮，口感幾好，香蕉味都好香，朱古力就唔算太甜有機會會再試炸鮮奶

黎到掃街聖地，發現有新小食店，蕉積妹位於葵涌廣場1樓電梯旁，黎到時候門口已經人頭湧湧排左一堆人買野食+等野食。全店只賣4款甜品：❁ 泰式地道風味既香蕉煎餅❁ 自家製既熊仔樽泰式奶茶❁ 法式焦糖燉蛋❁ 炸鮮奶——————————————♥———————————————- - - - - - - - - - - - - - - - - - - - - - - - - - - - - - - - - - - - ♥️ 炸鮮奶 $32 / 4條依個年代炸鮮奶買小見小，細細個既時候得酒樓先會有，竟然係掃街鋪頭見到，即刻買黎試下。炸鮮奶有4條同8條選擇，店家每日新鮮自家製，即叫即炸，大約等7-8分鐘，取餐時店員會淋上煉奶🤤，薄薄既金黃色炸皮包著滑溜軟嫩既原味鮮奶，外脆內軟，奶香味十足。- - - - - - - - - - - - - - - - - - - - - - - - - - - - - - - - - - - -——————————————♥———————————————

一直無機會試元朗既香蕉仔，朋友推介呢間，真心唔錯🤤，試埋新推出既手工糖水😁。🥑師傅發板香蕉煎餅 有好多種口味，但對於我呢種選擇困難症最好就係揀師傅發板，當日係朱古力mix埋花生醬，餅底真係好脆！我試過油麻地果間都冇呢間咁脆😯🥑楊枝甘露手工糖水 純手工製作既糖水，真材實料有芒果果肉、西米露、袖子、果凍，口感豐富🤤買煎餅加20+ 其實係幾抵👍🍁整體🍁🥑性價比：8/10🥑美味：9/10🥑環境：-/10🥑回頭：10/10🥑人均：$50

🍌香蕉煎餅 榛子醬 $36 (6/10)個皮同之前食開嗰啲唔一樣，炸到好好酥脆，真係成舊都好脆身，有啲似炸春卷個皮？冇咗平時食嗰種煙靭餅皮嘅感覺，香蕉都幾香甜，榛子醬都唔算好香濃，叫做唔會太甜😂普通！推薦指數: 6/10可能係食過比較普通嘅香蕉煎餅，可以唔使試😂

-{葵廣香蕉餅🍌}見過唔同嘅媒體介紹依度嘅香蕉餅🥰一於試下先🙆‍♀️🤤香蕉煎餅🤤 ($36)要左榛子醬😉煎餅皮有啲蛋香又唔太甜 入面夾住啲香蕉蓉balance得好好🤩輕鬆清半份😛👖褲評: 8/10🤤泰式奶茶🤤 ($9)飲到泰式奶茶嘅煉奶☺️飲到最後真係有啲濟 不過個樽嘅設計都好特別！👖褲評: 7/10一定要黎試香蕉煎餅😎可以打電話落order先😆性價比: 8/10服務: 8.5/10環境: nil🚩 蕉積妹 🚩地址: 葵芳葵富路7號葵涌廣場1樓1092號舖#fuudjai #fuudjai旺角 #fuudjai小食 #fuudjai東南亞菜 #fuudjai葵芳

👆🏻蕉積妹食評在 10:33又發現好東西!這個我經常都想吃很有泰國風味是一些香蕉的煎餅啦我就點了這個他有很多味道我點了榛子醬啦聞是很香的香蕉是溶溶地風味呢跟泰國那些是有分別泰國是再油一些這個比泰國那些再厚身一些榛子都挺多的榛子加煉奶喇所以甜度一定足夠呀因為我鍾意甜食我覺得榛子是好吃的中間好吃 我建議大家側邊吃到中間啦中間留到最後吃我覺得這家挺有誠意呀還有開了五個月大家可以來試

蕉積妹 (葵芳).成日葵芳行過我已經想食，但係每次都食到好飽或者冇合適嘅時機！. ▪️焦糖燉蛋▪️.尋日喺酒店嘅自助餐入邊食咗一個好難食嘅焦糖燉蛋，非常之唔開心，今日喺呢度終於食得番好好食嘅焦糖燉蛋！(⁎⁍̴̛ᴗ⁍̴̛⁎)完全媲美得上大型連鎖店50幾蚊一個！焦糖皮脆，入面好香奶油勁creamy，雖然係肥胖嘅味道但係真係好好食！. ▪️香蕉煎餅▪️.個人覺得嚟到呢度梗係要試埋佢嘅香蕉煎餅，佢有好多唔同嘅醬選擇，最後我哋揀咗朱古力醬，要等10分鐘左右，熱辣辣！不過如果唔係鍾意食香蕉嘅人就唔建議食，因為佢都有好濃郁嘅香蕉味因為佢每一舊都有香蕉肉係入面！.▪️泰式奶茶 ▪️.啤啤熊樽，鍾意嘅仲可以留返愛嚟裝其他飲品，佢嘅泰式奶茶都幾好飲(⁎⁍̴̛ᴗ⁍̴̛⁎).#ay87food葵芳.📌 蕉積妹 (葵芳)葵芳葵富路7號葵涌廣場1樓1092號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.

好失望，一見到就巳經知賴嘢好厚皮，如果你食過泰國香蕉餅你就知個口感一定唔係咁樣又厚又粉 最後係食唔落泰國係好薄好脆 呢個係得個樣似食落口一啲都唔似但值得一讚係職員有禮貌

上星期六⛄️同朋友經過葵廣呢間甜品小店叫「焦積妹」，比佢地嘅香蕉煎餅、焦糖燉蛋吸引住！😋💕😊🤓我地點咗以下餐點。。。1️⃣香蕉煎餅🍌🥞$36熱辣辣咁上，香脆餅底，濃郁香蕉味，配上榛子醬、煉奶，呢個組合好夾，好好味，香蕉迷必食👍🏻2️⃣焦糖燉蛋🍮$38香脆焦糖面，充滿蛋香、奶香，口感幼滑，好正👍🏻3️⃣泰式奶茶🧋$19茶味香濃，甜度適中，口感順滑，用咗可愛熊仔樽做包裝👍🏻✨店員係即叫即整嘅，仲提醒我地要盡快食，咁先最好味。😋

之前專登入元朗嗰間食，諗住懷念吓泰國banana pancake ，但真係好失望。今次行過見到呢間，都冇乜太大期望，勝在唔係等好耐，點知又幾好食喎，雖然同泰國嗰啲都係差啲，但好食過元朗嗰間。一定要企埋一邊即刻食，仲有脆底嘅口感，外賣就唔知了。

今次同朋友黎到葵廣掃街，都食左吾少好野。食完冷麵、章魚燒同雪糕之後，就黎到呢間新店試新野。就係我響ig 見到既蕉積妹喇。🍌今次就試左佢個香蕉煎餅(榛子醬)($ 36) 首先，因為係即叫即整，所以係熱辣辣，攞上手甚至食落口都會覺得好熱，真係要小心燙親。🙈然後，個煎餅我每啖都食到香蕉蓉。而且入面個香蕉餡食落酸酸may may，加上面頭甜甜地既榛子醬同煉奶，簡直係絕配。我覺得一件煎餅兩個人食都好夠。因為食落口會覺得好膩，可能係食呢個香蕉煎餅之前我已經食左好多野。所以如果想食佢個香蕉煎餅，記得要留肚。同埋原本係想試佢個限定金莎醬，不過我係落左單之後先講。🙈雖然店員有同後廚講聲改單，但最後都係比番榛子醬我。不過我都無所謂，個香蕉煎餅都一樣好味既。😋

雖然佢地既主打係香蕉煎餅，但係好似我呢啲唔食香蕉既人都唔洗驚，可以叫小蕉或者走蕉🙈我就叫左法式焦糖香蕉煎餅，小香蕉🤗每樣野都係即叫即整，唔會一早整定再翻叮比你。想講，琴日起碼係我20幾年黎再食香蕉，其實香蕉都冇我想像中咁難接受🙊煎餅黎到仲係熱辣辣，又脆口，加埋煉奶，如果冬天食更加不得了❤️焦糖燉蛋又係必叫之選，面頭既焦糖脆卜卜，燉蛋忌廉味爆燈又夠濃滑，一次食兩個都唔係問題🤤最後仲叫左枝泰式奶茶，上次飲過今次又再encore🥳茶味十足而且佢地改良過，唔怕好似泰國個啲咁甜😊以我所知蕉積妹開左半年都唔夠，希望大家可以多多支持啦，老闆娘同店員都好好人架🥰

想食香蕉煎餅唔一定要去泰國去元朗嘅🤭葵廣都有得食lu仲要超多味選擇🐷🐷法式焦糖香蕉煎餅 $36即叫即整熱辣辣🔥之前香港食過一間所以有對比有傷害，依間煎得好脆口！香蕉甜度適中，整體唔會超甜🍌加上面頭有脆焦糖，會食到一件接一件😚🐷焦糖燉蛋 $38燉蛋好滑重奶味🥛甜度較低，加上面頭嘅焦糖甜度剛剛好🍬一定要即食最好唔好外賣喇～放耐咗焦糖融咗就晒曬🤣另外八個燉蛋吉杯可以換一個焦糖燉蛋，等同八送一價錢更扺！🐷泰式奶茶 $19 (任何食品加$9換購)賣相好可愛！qq熊仔🧸泰式奶茶都難避免會甜，但好嘅係佢樽裝冇冰🧊唔怕愈飲愈淡！✨人均消費 ～$50環境 🐖🐖🐖🐖 4/5食物質素🐖🐖🐖🐖🐽 4.5/5店員態度🐖🐖🐖🐖 4/5蕉積妹 📍葵芳葵富路7號葵涌廣場1樓1092號舖