薄荷葉泰國菜

营业中

休息中

今個四月的天氣時晴時陰， 路過元朗劇院附近突然下起大雨，剛好是晚飯時間，就在附近找餐廳。遠處看到一間酒吧的外表，原來是藉泰國菜， 價錢合理，選擇又多，很快入座。 餐廳座位很多，一半在室內，有冷氣和音樂提供， 另一半在室外，同樣有瓦遮頭，不怕雨水更充滿泰國風情。 餐牌選擇齊全，泰國菜一般的炒飯炒粉，串燒小食，海鮮， 應有盡有。 泰式炒金邊粉 $128以蛋包著金邊粉，金邊粉炒至橙黃色的，鑊氣很香，旁邊更有花生碎芽菜辣粉等等，食落微甜又微酸，跟泰國街頭口味一樣，份量很足料，推介！ 沙嗲串燒 $108啤酒杯盛著牛肉豬肉雞肉串燒各兩串，燒得很惹味，肉汁濃郁，不會過鹹， 特別豬肉和雞肉的肉質很嫩，外皮烤至香口，另外有一碟沙嗲味，跟串燒很夾，真的很高質。 泰式燒豬頸肉 $108豬頸肉即叫即烤，廚房已把豬頸肉切片，上菜時香味十足，肉質肥瘦均勻，加上自家製燒烤汁，酸酸辣辣的口感，很juicy。 蒜蓉炒雜菜 $88很大碟的什菜，樣樣都有齊，用蒜蓉炒香，惹味得嚟又唔鹹，食完豐富肉類，清一清口舌，正。 椰汁雞湯(S) $108同樣高質的泰式湯類，味道清甜帶酸，飲落很開胃，而且材料很多，有雞肉和香菇，飲不停口。

同表妹去食生日飯,去咗元朗體育館附近的泰式酒吧 @mintthaihousehk 薄荷葉泰國菜, 餐廳充滿泰國芭提雅風情,悠閒的氛圍,讓你瞬間放鬆心情餐廳其實係元朗區開業已久,深受區內居民歡迎,由泰籍廚師直接主理,風味正宗, 而且餐廳所用的泰式香料都是自家農場有機種植,時令食材用料新鮮, 食得健康又泰味十足！🔮冬蔭功湯     如果你也是泰式料理的愛好者,一定不要錯過這家的冬蔭功,冬蔭功湯勁香,點咗個小份,都原個煲上, 飲到底都是暖暖的,湯料十足,飲得出有濃郁的蝦味和香茅味,還有各種泰式香料等,酸辣清爽,湯汁濃郁惹味,,鮮蝦仁又夠爽彈,真的是味道絕佳呀！ 🔮泰式炸蝦球   蝦球是用新鮮的蝦肉和香料醃過, 滿有鮮蝦味,即叫即炸,外脆內彈牙, 加點泰式辣醬用生菜包住來食,十足泰國風味呀！ 🔮廚師推介春卷  見到寫住廚師推介,就好想叫來食. 春卷成隻筷子咁長,用酒杯盛載上枱, 好睇又特別;入面有猪肉碎,木耳,九層塔等餡料,用生菜包住來食,香口得來有種好fresh的感覺, 勁好送酒呀！ 🔮馬拉盞通菜   泰菜必點馬拉盞系列；通菜爽脆, 濃郁的馬拉盞香辣惹味, 越食越有feel 🔮招牌火焰燒雞 

薄荷綠泰菜酒吧坐落於元朗劇院和圖書館正對面，非常方便。酒吧天花掛滿五彩天燈，極具特色。✨酸甜魚 $188有點似中式糖醋魚，個人覺得更勝一籌。產地來自泰國布吉的鱸魚，魚肉經油鍋炸過仍保留鱸魚香味。連魚骨都炸得卜卜脆，細骨可以食埋，對不會挑魚骨既朋友非常友好🤭酸甜醬配料是蕃茄🍅、菠蘿🍍、燈籠椒🫑、洋蔥🧅，實在下飯開胃。強烈推薦一定要配薄餅或者白飯！✨越式紙米卷 $118非常清爽。米紙皮包裹著沙律菜和煙三文魚。紫米醋是亮點，一定要呷點醋哦🤭✨酸子豬手 $168勁勁勁大隻😱原隻豬手裹著炸漿去炸，真係少有。來剖開橫切，第一層是酸汁麵衣；第二層是彈牙豬皮；第三層是肉汁淋漓的豬肉。建議一定要點附餐的青紅二醬，令味道肉錦上添花。伴碟有脆炸珍珠菜，是店家自家種，據說有明目作用，對眼睛好呢🤩✨椰青 $50新鮮大個，泰餐必點

細細個讀中學成日都都行體育館呢邊出去食lunch成日經過呢間餐廳但唔知點解從來都冇食過😂今次終於有機會試喇📍薄荷葉泰國菜佢係半開放式酒吧咁嘅setting感覺都幾chill雖然有啲蚊咬下我但店員好細心咁留意到 仲即刻拎蚊怕水俾我噴下✅有機前菜💰$12✅酸辣鳳爪沙律💰$98泰式前菜真係好開胃酸酸辣辣咁✅泰式燒豬頸肉💰$108✅沙爹串燒(豬牛雞各二)💰$108兩款都好好肉燒得好香口 啲汁好惹味✅椰汁雞湯(細)💰$108好足料嘅湯🍲好香椰汁味又好濃雞味🐓✅馬拉盞炒椰菜苗💰$98食泰國野一定要食椰菜苗馬拉盞好正✅冬蔭功炒飯💰$128本身揀唔到飲冬蔭功湯定椰汁雞湯見到有冬蔭功炒飯就可以一次過食哂兩款味好辣食到好刺激🤪✅青咖哩雞💰$118✅Roti薄餅💰$55青咖哩好香椰奶味🍛薄餅點黎食就最啱喇✅Frozen Beer沙冰💰$75食咁多辣野天氣又開始熱一路食一路飲啤酒真係好爽🍺

入元朗食飯不妨試一試這間泰菜館——薄荷葉泰國菜！佢地位於元朗安康路嘅怡康大廈，係一個絕對係食物質素高嘅餐廳！他們的蝦片真係一級棒！蝦片鬆脆又有啲鹹香，一口接一口停唔到口啊！$38，真係食到好開心！如果你鍾意清爽的蔬菜，這個蒜茸炒雜菜一定會滿足你嘅胃口！蔬菜爽脆又新鮮，蒜茸味道又好香，真係一份好健康又開胃菜式！而這裡的豬頸肉金邊粉就更加係絕配！豬頸肉嘅肉質十分嫩滑，加上金邊粉的獨特口感，絕對係一道令人咂舌的菜式！$118就可以食到一大碟金邊粉，豬頸肉量還很多。最令人期待嘅當然係佢哋嘅招牌菜——甜酸魚！一啖就可以感受到魚肉鮮美，酸甜味道絕對係絕配！啲魚肉又鮮又滑，一定會讓你食到停唔到口啊！甜甜酸酸大量菠蘿青椒和紅椒，炸紫蘇葉，作為配料，食完還很健康。而且，甜酸魚只係$188，真係物超所值！最後，如果想飲點清爽的，這裡的椰青一定係你嘅首選！啲椰青肉質鮮嫩多汁，真係飲完好清涼解渴！叫了2個椰青一人一個正！總括而言，薄荷葉泰國菜係一個真的不錯，食物質素高，味道又好，價錢合宜，環境適合一家大細又適合三五知己暢飲。餐廳：薄荷葉泰國菜 (元朗)元朗安康路怡康大廈地下12-13號舖#泰國菜 #薄荷葉 #

薄荷葉泰國菜喺區內屹立咗好多年，食物水準保持得好高好穩定，餐廳氣氛好chill，室內外座位都好舒服，播埋泰國流行曲，令人有置身泰國嘅感覺餐牌好靚，提供嘅選擇好多，款款都好吸引今晚點咗2人餐($438)，加多個冬蔭公湯($108)甜柚鮮蝦沙律 - 擺盤好靚，柚子新鮮清甜，中間仲有生菜同芽菜，加埋蕃茄仔同甜甜酸酸嘅沙律汁，口感豐富，味道開胃，蝦肉亦新鮮實淨泰式燒牛仔骨 - 牛仔骨燒得好香好淋，食材本身就高質，牛味好重，伴碟嘅沙律有蘿蔔絲、椰菜、生菜同蕃茄仔，配上有紅酒香味嘅沙律醋，好好食椒鹽魔鬼魚 - 炸得好香脆，魔鬼魚肉一絲絲又實淨，椒鹽份量啱啱好，配埋面頭嘅三色椒，食落更香口，仲有兩款辣度唔同嘅醬汁，令味道更有層次泰式炒茄子 - 茄子係餐廳自家有機種植，軟硬度炒得剛剛好，用咗肉碎、洋蔥、蔥、三色椒等嘅配料一齊炒，令個汁更香濃，店員推介我哋用薄餅點埋啲汁食，下次一定會試下冬蔭公湯 - 酸辣度啱啱好，好足料，每啖湯都飲到菇、蕃茄、蝦肉等，湯個口感好厚實，愈飲愈想飲餐廳環境同氣氛好好，又乾淨，裝飾又靚又有心思，店員又殷勤，好有耐性推介同介紹唔同嘅菜式，食物好好味之餘，份量亦好足，好抵食，絕對

薄荷葉泰國菜 📍元朗安康路怡康大廈地下12-13號舖 ===================== 三月四月都病咗，好耐好耐冇約朋友出街食飯，所以約下朋友出去食餐好呢間餐廳經過幾次，經常坐滿人餐廳係元朗圖書館對面，餐廳半開放型形式，餐廳亦都裝有燈飾，在黃昏時分，係一間有格調嘅餐廳食飯，係一種享受😎首先上咗一個有機前菜（$12）之後我哋叫咗，沙嗲豬牛雞各兩串（$108）串燒非常推介，肉質鮮嫩，入口即溶，不錯的小菜我哋仲叫咗：泰式炒金邊粉（$128）鮮甜爽口，唔會太油膩，即是兩個女仔都食得晒甜酸魚（$188）我哋見到隔籬枱點左，賣相吸引，所以想試下，的確不錯馬拉盞炒通菜（$78）呢個係我好鍾意嘅泰國菜式之一，廚師仲加咗一啲鹹嘅落去炒，特別的配搭士多啤梨泰色特飲（$35）熱情果特飲（$35）餐牌冇「熱情果特飲」呢款，但店員推介，真係好好飲，搭去泰國菜，清新的感覺

餐廳有燈飾 有音樂 好有情調🫶最岩坐低傾下計 飲下野😍有機前菜（$12+1）香辣 瓜果咬落好脆卜卜 索索聲 好新鮮😋什錦小食（小） （$128+1）拼盤上既食物都係雙份既 兩個人食就岩岩好😌有龍蝦片 雞肉串 春卷 蝦餅等等 可以各款泰式小食都試下😛最特別既係春卷 口感似平時食開既生菜包肉碎 但呢個春卷就唔辣既～可以安心食 超讚🥳馬拉盞炒椰苗 （$98+1）椰菜苗質感十分好 食落香噴噴又惹味 平時唔食菜既我 都忍唔著食多幾啖🤤黃咖哩雞+薄餅 （$173+1）黃咖哩好香滑 好creamy 完全唔辣既 怕辣既朋友仔都可以食到🤤薄餅係酥皮既 撕開沾咖哩 更加入味 每次食泰國菜都必點😽石榴果汁 （$35+1）石榴汁可以抗氧化 味道甜中帶酸 女士必飲推介🤩熱情果果汁 （$35+1）Menu 上仲未有既新果汁 酸酸甜甜 開胃解膩 讚👍

和家人到馬田村附近看完物理治療後，便到旁邊的泰國餐廳吃飯。這次和家人品嚐了他們的椒鹽魔鬼魚、馬拉盞炒通菜、冬陰公湯和泰式菠蘿炒飯。餐單上魔鬼魚是時價的，起初以為會很貴，原來是按魚的大小分了三個價錢。最大的魚是198，最小的是138。比我想像中便宜多了！椒鹽魔鬼魚這道菜的魚肉鮮嫩，外層裹上了一層酥脆的椒鹽粉和粒粒的三色椒，還配有兩種泰式醬汁。更讓人驚喜的是，魚骨也可以吃！魚骨味道充滿骨膠原，有咬口。馬拉盞炒通菜的通菜爽脆鮮嫩，搭配上香氣十足的馬拉盞。冬陰公湯，這道湯的湯底清爽，但是又帶有一點點的辣味，讓人不禁想再喝上一碗。湯裡的食材豐富，有蝦、菇、香茅、車厘茄等等，每一種食材都能夠完美的融入湯裡，讓湯的味道更加豐富。最後是泰式菠蘿炒飯，這道菜的泰式風味十分突出，菠蘿的甜味、腰果和肉鬆的香氣混合在一起很出色。

好耐無食泰國野薄荷葉開左好耐都未試過半開放式，就算坐出面都有個蓬擋住，唔驚落雨入面既燈光裝修都好有氣氛佢有set dinner價錢都ok甜柚鮮蝦沙津擺碟好有心思，好多柚子，柚子都算甜無乜苦澀味中間仲有大量芽菜洋蔥，連埋個汁好清新口感以清爽為主，係好好既開胃菜沙嗲串燒豬牛雞各點兩串，會配埋醬汁雞燒到岩岩好，好juicy 又嫩豬肉唔會韌，牛肉味夠平時串燒都會燒得比較乾，但依度係燒得好juicy!推介一定要試試馬拉盞炒通菜通菜上菜仲好翠綠，而且食落唔會太鹹味道唔錯酸辣明爐魚泰國野點可以少得明爐魚魚身係先炸過，好少見所以食落係外脆內軟，多層功夫就係多層口感酸辣湯唔算辣湯滾耐左會開始辣d魚唔會腥或者有泥味～好好食仲有好多配菜添！椰青好清甜～～食泰國野必點！

好耐之前喺元朗返工嘅朋友帶我嚟食過一次印象中味道不錯，而且餐廳氛圍幾好，燈光音樂加上裝修感覺幾似泰國夜市裡的小餐館😆🔸有機前菜 - 醃青瓜蘿蔔 $12微酸爽口幾開胃～🔸自家製炸蝦餅 $88一份4大件開邊有8塊，蝦肉彈牙飽滿份量足，脆口但唔會𠝹損牙肉。🔸馬拉盞炒通菜 $78火候剛好，翠綠惹味。🔸冬蔭公（小） $108口味偏酸一點不會太辣，屬較溫和版本，配料主要有本菇同蝦🦐，小的也有4-5碗很足份量。🔸泰式燒豬髀仔 $148一客4件再伴上泰式風味沙律，豬髀仔燒得啱啱好唔會乾爭爭，加埋泰式酸辣醬一齊食好夾。🔸黃咖喱牛 $118🔸薄餅 $55咖喱無乜辣度不過幾香，配薄餅一流，牛肉份量也不少，唔食牛都可以跟配雞肉/豬肉～🔹薄荷青檸梳打 $45加咗薄荷葉有畫龍點睛效果，清新又不甜，好飲過平時淨青檸梳打(๑˃̵ᴗ˂̵)!!

入到嚟元朗同個朋友仔chill一下，搵咗呢間有得食泰國菜又有得飲酒。好，坐低睇吓有咩好食先。前菜送個青瓜仔，酸酸辣辣幾開胃。冬陰功海鮮炒飯，個飯炒得好香，真係好似飲緊冬陰功湯飲，海鮮都大大粒，份量都唔少，食落每一啖都有海鮮。黃咖喱豬，咖喱幾香唔太辣。食咖喱，最緊要配薄餅，呢個薄餅幾抵食，有兩大塊，而且都夠酥。明爐酸辣魚，條魚好有肉，夠實淨，一路煮住夠熱，酸辣味好夠，煮到咁上下可以再加湯上去，keep住個味道。最後叫左杯guava飲，涼浸浸幾好！

泰國氛圍感之《薄荷葉泰國菜》朋友介紹下話呢間泰菜氣氛幾好，所以去左一試，餐廳半開放型式有露天有室內，室內有大電視播住泰文歌，天花亦有民俗花燈不停轉住，所以晚上氣氛感十分好，另外餐廳裝修以泰國風佈佈置，同同上木系家俬，令人感覺置身泰國中，menu算幾多野食，不過唔見有生蝦，問下餐廳，原來有供應的，而且酒類選擇算幾多，最岩三五知己chill一下，餐前小食：係青瓜同蘿蔔用酸汁醃製，唔算太辣，甜柚鮮蝦沙津 $108：有2大隻蝦，蝦唔霉算新鮮，沙律無酸酸甜甜，幾開胃，肉碎生菜包 $108：香料同肉碎令味道豐富，味道偏辣，入口口感一粒粒既唔知係咩XD，不過個人口味中意肉碎有多d肥， 黃咖哩 (牛) $118：我幾中意幾個咖啡，因為唔算辣XD，牛肉份量多好淋，配料有洋蔥、紅椒，青椒，我係汁怪，咖啡夾埋薄餅食，成件事非常夾，泰式燒羊架 $198：staff教路，中意食香草既話，可以加d迴香一齊食，個面燒得燶燶地，幾香口，不過個人口味中意生少少XD，薄餅 $(55)：外脆內軟，點咖啡食無得輸，餐廳氣氛真係幾好，令人食完都想座多陣傾計chill一下。

位於元朗公共圖書館對面間泰國餐廳，次次附近經過都見客流不絕，於是就去試下，的確整體又唔錯！價錢合宜，份量足👍🏻有機前菜$12酸青瓜同紅蘿蔔🥕，開胃前菜甜柚鮮蝦沙律$108蝦味鮮甜彈牙，柚子清甜，配埋洋蔥及芽菜，口感更豐富自家制炸蝦餅$88外皮炸到香脆，蝦餅彈牙馬拉盞炒通菜$78通菜新鮮配埋餐廳特制醬料，十分惹味斑蘭咖喱豬$118份量十足，豬肉片勁多，而且咖喱滲透住斑蘭香味，配上薄餅簡直一流😋👍🏻薄餅$55外脆內軟，同咖喱可以話係絕配椰青$50大大隻椰青，好清甜菠蘿🍍$35菠蘿特飲酸酸甜甜，又解渴又解辣，唔錯

週未約咗舊同事元朗搵飯食，舊同事話帶我試試元朗好氣氛泰菜，餐廳位於元朗劇院後面，有戶外位呢排天氣涼涼地幾舒服泰式炸生蠔，酥脆麵糊包裹住肥美蠔肉，色澤金黃，一絕。甜柚鮮蝦沙律🥗清甜的柚子，加上鮮蝦，再配酸甜的醬汁，開胃又美味！串燒，呢到串燒用一個玻璃樽呈上，表面燒到焦香，裡面咬落有肉汁，上面撒上少少黑椒，配埋泰式酸辣汁夠哂惹味見到海鮮類仲有一個椒鹽魔鬼魚，幾新奇就試試，魔鬼魚肉嫩滑味美🐟麒麟啤仲有好多果味選擇🍻