薄餅地

营业中

休息中

Pizza Day 係一間外賣pizza意粉既小店，質量一向唔錯。今日點左：肉醬意粉細size意式辣肉腸 pizza肉醬意粉第一次食佢既肉醬意粉，性價比幾高，味道香濃，芝士夠多，非常足料。之前食過有啲地方既肉醬意粉個底好多油，勁肥，但Pizza Day 既唔會。可以再encore細size意式辣肉腸 pizzaPizza統一厚度，無分厚薄批。Pizza皮偏薄，口感煙韌。正常辣肉腸pizza偏寡， 下次試下其他pizza先

日子過得特別快，放假緊係食有質素嘅晚餐，再度重臨Pizza Day買大Pizza Day大食一番。估唔到一個Whatsapp落order就搞掂，唔洗20分鐘就拎得，仲要手工搓面糰做餅底連入爐時間！後生仔果然手快腳快做嘢又爽手，出品完全冇揸流灘。質地同用料都同之前幾次冇咩分別，又唔會太流口，一個男人啱啱好。同之前幾次一樣，唔洗10分鐘就食哂成個批！真係好滋味好滿足！衷心希望你哋間鋪會繼續keep住度熱誠經營落去！

好早已經發現呢間Pizza店，終於有時間一試佢哋嘅出品，唔錯！手工做，服務態度OK，味道口感有驚喜。佢有跟個白色調味醬話用嚟點嚟食，但係佢個pizza本身就好惹味，我未試過食得咁開心，咁快脆唔洗八分鐘就單拖食哂成個批！土瓜灣同紅磡雖然多餐廳，但係基本上全部都9成9食哂試過哂，呢間算係我心裡面唯一最後想試嘅鋪頭，雖然冇得堂食，但係睇得出佢哋係一班有活力嘅年輕人，而且手工嘢其實都幾蝦人手勢同火侯掌握，真心覺得值回票價。148蚊嘅簡單大批，正正係鋪頭後生仔推介比我嘅Pizza Day，的確好介紹！希望你哋keep住出品水平！

我剛剛嘗試了一家隱閉的披薩店，他們的披薩真是太棒了！🔥即使從店舖自取到家走了一段路仍然熱辣辣，香氣撲鼻😋從外觀來看，披薩的薄餅底酥脆金黃，看起來就讓人垂涎欲滴🤤第一口咬下去，我的味蕾立刻被滿滿的奶酪所征服！🧀那鮮美的香氣和濃郁的口感，簡直是披薩愛好者的夢想！😍上面的配料也超豐富！🍅🍄🌶️我可以清楚地品嚐到熟透的番茄、香菇的鮮甜和辛辣的辣椒，每一口都充滿了層次感和濃烈的風味！🌟這家披薩店的服務也非常好👏員工們友善又熱心😊我絕對會再次前往品嚐他們的美味披薩～💯😄

叫過好多次外賣，次次都好地地不過一早有聽人講過水準唔穩定只係未見過鬼唔識怕黑今次個餅完全唔熱，芝士亦都未溶哂邊又唔燶（唔關外賣事，10分鐘內已食）雞翼都係單骨，問題都係唔脆唔熱冬甩都一樣，比之前水準下降得太緊要，好失望雖然工作氣氛係好重要，但次次見入面幾個人都係吹水多過做野，芝士未熔哂都照pack比客，摸上手唔熱繼續冇反應，咁熟客都唔會再回頭如果入面d員工可以唔好專心吹水打鬧比心機小小造餅焗餅會好d

諗唔到食咩叫薄餅最開心，我就鍾意揀小店多過大型連鎖。大角咀這間外賣薄餅有三款素食口味，這天一試發現質素好有驚喜！甜品仲可以揀爆漿冬甩添。大角咀巷弄裡都幾多好野食，留意到這間薄餅店好久，這天忽然想吃薄餅來試試看。不想在現場等可以預先用電話或whatsapp落單，都幾方便。淨色薄餅盒連logo都沒有，不過聞落幾香幾吸引。素食者披薩 HK$45火箭菜好多感覺有半個沙律，批餅是薄薄那種，而且咬落好香。餡料最驚喜係個焦糖洋蔥，非常香口好味。整個薄餅味道都好有驚喜，附送的類似沙律醬，中規中距無特別好食。榛子朱古力冬甩 HK$28冬甩就有少少失望，麵糰好似半生不熟有點黏口，棒子朱古力醬都無特別好食。外賣細pizza四十幾蚊算抵食，薄餅這個質素我之後都會再幫襯。

手工薄餅外賣店Pizza Day在紅磡及大角咀都有分店，主打特色口味的酸種Pizza及爆餡冬甩。Pizza Day主打手工酸種薄餅。爆餡冬甩，有三種味，餡料甜度適中，灑上砂糖，非常美味。

Pizza Day 係紅磡區都算出名，晚餐時段會大排長龍等外賣！由試業期開始我地已經開始食，起初價錢比較合理，但後來佢加價後就冇再食lu。隔咗一年之後突然想食🤭 所以今次細細地買咗個八吋 Truffle and Mushroom Pizza!🍕🍕Truffle and Mushroom Pizza $78松露味真係非常香濃，加上有蘑菇加持香上加香🥰佢個Dough 比連鎖Pizza店鬆化好多，整體感覺都非常優質！只不過價錢係貴咗啲，唔抵食囉…😌

從未食過咁難食嘅Pizza，鹹到好似放一斤鹽落口。不知所謂。pizza 拎起所有料跌到周圍都係，冇餅底. Very disappointing and will never order it again!!!!!

依家好多餐廳都唔開堂食,買外賣食都係一個唔錯嘅選擇係openrice發現呢間平價Pizza舖,見到Pizza都幾多選擇,一於黎試試嗌左兩個pizza一個意粉再加埋跟餐小食揀左薯餅同炸雞翼Pizza簡單不失美味,有樣有內涵意粉彈牙,超多黑松露醬,唔錯唔錯炸雞翼嘅炸衣唔會過厚,調味唔太咸,香口得黎好惹味薯餅不過不失,用黎頂下薯餅癮都唔錯邊個話平野無好野,呢度咁多野食三百蚊都唔洗,仲要包埋跟餐飲品,食質素又唔錯,推薦!

-{紅磡外賣pizza🍕}之前有聽過youtube亦有介紹過 晚餐聚會試左依間☺️要左3款pizza6個donut🤓🤤Ton Yum Goon Pizza🤤 ($138)Fusion得黎味道好特別 仲要係夾嘅😚個包邊仲有個dip sauce係似沙律醬但惹味啲嘅😎創意分極高😂👖褲評: 8/10🤤Pepperoni Pizza🤤 ($108)意式辣肉腸冇乜特別 純粹加塊肉😂但個dip sauce搭救☺️👖褲評: 7/10🤤Margherita🤤 ($79)係水牛芝士同蕃茄醬 最食得倒餅底嘅原汁原味😋餅皮夠薄又唔會好麵包體咁😌☺️👖褲評: 7.8/10🤤Donuts🤤 ($120/6)味道排名如下: 咖啡店>奶醬多>Nutella>奶黃>芝麻>宇治抹茶 頭4嘅味道ok但始終包體較乾👀👖褲評: 6.5/10🤤Truffle fries🤤 ($46)普通啦 始終係淋左同埋松露味都係來自個松露醬度👖褲評: 6/10都係鐘意個dip sauce冬陰功味必試！！依間都係得takeaway😌用whatsapp落單嘅會有9折🤩食落真係抵食👻性價比: 8

過去一年，食過好多次Pizza Day，Margherita 唔少得，仲食過PEPPERONI 同水煮牛，又有vegetarian ，最鍾意vegetarian ，因為啲料甜甜地，感覺好清新。佢哋標榜用酸種造批底，全部即叫即製，所以熱辣辣，啱啱焗起批邊脹卜卜，好鬼死靚。最近又食Pizzas Day嘅Vegetarian pizza ，不過嗰買相差左啲，批邊無之前咁脹，但批底依舊煙韌。仲有就係出左新menu，之前只有9吋批一個尺寸，分左大細批，細嘅8吋，大嘅12吋，價錢細嘅平左三分一，大嘅貴左三分一。

疫情下一大班朋友出街食飯勁唔方便 加上星期六難等位...等到位又唔知要分開幾多張檯所以朋友聚會都變成去朋友屋企今次聚會有大人有小朋友 所以野食既選擇範圍收窄左好多咁岩朋友屋企有張pizza傳單 pizza就成為左我地既晚餐6大2細 我地叫左兩個12吋pizza 兩個pasta 一份薯條Parma Pizza 巴馬火腿披薩第一次食有巴馬火腿既pizza 估唔到又幾match喎不過個人覺得咸左少少但係蘸埋餐廳比既沙律醬就中和返個咸味 唔錯Pizza day 披薩地因為大家都有選擇困難症 唔知揀咩餡料好 所以就揀咗個咩都有嘅😂辣肉腸係厚切架😍好多餡好豐富Truffle & Mushroom pasta 松露雜菌意粉朋友食過話好好味 所以叫左兩兜一樣可惜今次大失水準...意粉有點乾 淡而無味 完全搵唔到松露既蹤影...Truffle fries 松露薯條薯條份量都幾多 唔係粗薯條 但亦唔會太幼 炸得勁香脆醮個黑松露醬好好味 兜黑松露醬同個意粉成勁大既反比呢個黑松露醬真係好香黑松露味 又有黑色一點點既松露痕跡只係我覺得一兜太少唔夠醮🙊Croquettes 西班牙炸煙肉球未見到之前好奇咩係炸煙肉球

意外見到起紅磡廣場對面條斜路開左間pizza鋪比起連鎖既pizza,可以見到佢地openkitchen 即整薄餅叫左個意式辣肉腸pizza薄底係茄汁，上邊鋪滿芝士最特別係食剩批邊有佢地送既醬可以點黎食煙un既批邊，加埋佢地既特制醬，真係十分好味另外佢地亦推薦自家制冬甩，我揀左朱古力榛子原來係炸起左冬甩，再唧d醬入去一咬個冬甩做到流心既效果佢既榛子醬亦十分濃郁作為飯後甜品真係無得彈最近佢地做緊優惠，有最新冬蔭功pizza,每日20位限量二人餐，可以whatsapp佢地落單有9折下次有機會一定要試下

從來唔鐘意寫食評都想寫番篇。話說我之前都有call開app叫開外賣食呢間野，咁佢啲餅靚就一直都知。今次路過，直接自取，叫咗啲pizza同肉醬意粉，pizza餅皮同以往一樣咁正，之前都食得出喺手製皮，但都估唔到真係叫一單搓一單，唔怪得淨食餅邊啲皮都好似食緊啲貴佢成條街嘅酒店西廚咁，好有麵香同生命力。肉醬意粉app冇得叫，落街舖先有，順便叫嚟試吓，睇佢哋個餐牌真係會當咗佢係流流薄餅店中嘅一個side，但$58， 區內嘅午市價，佢全日供應，包沙律嘢飲好閒，個意粉卻絕不欺場，佢叫肉醬，唔知係咪食得太多大家樂，呢個食起嚟啖啖肉到好似食緊肉丸咁，摷極都仲有，重要嘅喺佢用嘅牛肉食得出喺同佢嘅肉丸pizza同一款，有肉味，鮮，肉質結實唔多肥肉但亦唔dry，反而有啲好香嘅肉膏肉汁，融合埋喺意粉裏面，好似食番細個嗰啲未偷工減料嘅真‧肉醬咁（但啲肉靚好多囉）。買意粉有得加廿蚊肉丸，真係後悔冇加。講明要等15-20分鐘都值。好多地方肉醬多就會麵少，但佢肉醬多，啲意粉都食得出冇少過，仲要加埋個頗有份量嘅烤焗芝士喺面，喺佢嗰啲用喺pizza上面、冇溝過奶油忌廉嘅靚拉絲芝士，壓得到落哂一個普通焗飯式鋁盒都算佢勁。開