薩莉亞意式餐廳 (新都城大廈) (已結業)

一直聽聞北角有間魚生飯不錯吃，搞笑既係每次行到門口都比對面既薩利亞搶Fo,諗住轉去個度食又比出面既人龍嚇窒。。。所以兩間餐廳一直都未有機會搓搓～古語有云：欲試魚生飯 必先薩利亞。而今日！ 身為芸芸打工仔決定準時收工趕去朝聖（準時走好似係種原罪黎🤔）為左窮L美食生涯刻上多個里程碑，吾以原罪帶身，破薩咒，刻魚碑！7點前拎籌唔夠5分鐘就可以進場，地方乾淨寬敞，全卡座，空間與私隱很足夠服務方便唔使舉手或大嗌，每個卡座都設有平安鐘，既方便又快捷～ 㩒完你張檯號會出現係個board 度，又可以睇埋邊張檯想同你爭服務資源lol(應該係比waiter 們睇囉）正題：番國盛宴 - 忍周湯 趙蒜包 實基亦 嗒墨飯 品松意周打海鮮湯：濃郁，材料豐富，$12 cp值很高，灑上黑椒再配搭蒜蓉包有另一番層次😂惟略欠高溫蒜蓉法包：鬆軟可人🤤$10 兩條很抵Diao辣味雞翼：入味，惹味，回味，追加之選墨魚汁意大利飯：偏咸，缺乏鮮味和口感黑松露野菌忌廉意大利粉：香，意粉軟硬適中，野菌只有2種😂五樣total 埋單HKD$117 實屬高CP 之選謹記珍惜食物 享受聚餐 食唔晒就打包好！ 完！

今日嚟到北角嘅薩莉阿餐廳食飯，解下想食西餐嘅心癮🤤。係薩莉阿食飯就係可以用平民價錢食到西餐，有Pizza,pastas,焗田螺,西湯同鋸扒.....叫好多嘢食都唔心痛👍🏻每次嚟到都要叫佢食辣味雞翼，味道微辣就算我唔食得辣嘅都可以接受👍🏻👍🏻尤其是焗到表皮香脆簡直令人口水流流🤤另外又點少得卡邦利意粉，面落嘅肉碎為意粉錦上添花😋👍🏻👍🏻👍🏻👍🏻👍🏻👍🏻👍🏻👍🏻

其實一向嘅質素都唔錯，但係服務態度真係越嚟越差，等候時間長之餘，店員嘅服務都令人失望！其實佢嘅薄餅我都幾推薦，但係喺下單時，等咗好耐都未有店員過嚟，當時其實唔係黃金時段，樓面人手都算充足，但係就唔知點解要等咁耐，上菜嘅速度都好慢ಥ_ಥ，喺下單嘅時候，店員係冇幫我地覆一次單，真係行過嚟揸住部機咁，我哋下完單佢就走左(｡ ́︿ ̀｡)，真係有少少失望。。我哋喺用餐嘅時候發現少咗一套餐具，咁就問店員啦，點知店員只係叫我地自己去拎ಠ_ರೃ我今次嗌左個莎樂美薄餅，分量好似比以往少咗，薄餅細咗，啲用料都好似比以往少，唔知係咪心理作用呢，成餐飯都食得唔係好開心，態度又差食物又少咗份量。。

呢期好瘋狂 一個星期食幾餐每次都會叫粟米pizza 肉醬多利亞 蒜蓉包 再多個意粉同雞翼就夠哂飽每次都好抵食 兩個人百幾蚊埋到單 抵食啦！今次叫多左新出既明太子意粉同焗蛋 專一既我都係覺得食開果幾款最好食

久唔久都會食薩利，同朋友喺北角逛街，又諗唔到食乜好，於是就去咗呢間食，入到去坐咗卡位，上手食完嘅碗碟仍然無人收，按左好耐鐘都冇人理，之後有個黑口黑面嘅女侍應經過，就叫佢幫我地執枱，之後佢好冇禮貌咁點左我哋去坐其他枱坐⋯⋯都算⋯⋯之後點餐，咁左好多次鐘都冇人理我地，當時其實冇乜客的，最後幾經艱辛先有人埋黎落單，食物到咗，但係冇餐具，再按鐘問人攞，又係冇人理⋯⋯最後要自己起身走去其他枱攞餐具⋯⋯呢間真係我暫時食過咁多間最恐怖嘅一間

唔知發生咩事，我去個陣已經唔係多人忙到踢晒腳，都有半年冇食過，想食下啦～點知發現各方面都差左少少。以前做學生覺得佢cp值好高，擺盤都唔差，叫好多款都唔係貴，但今次叫左個煙肉菠菜同蒜汁意粉……結果就好似張相咁，一pat咁擺上黎，零擺盤，見到都唔太開胃。個意粉又係一大pat咁，亂糟糟咁上碟。味道質素下降左，衛生情況都麻麻，唯一既係碟野係熱同新鮮上，所以都食得落，但講唔上係享受食物。佢應該係炒完就一野pat上碟……下次要再諗下食唔食，或者只係咁岩呢間既問題(?)

最近蕯莉亞新出左一款意粉🍝就係我最鍾意嘅明太子🧡🐟完全正中紅心🎯當然要馬上嗌黎試下啦😆。明太子魷魚蝦仁意大利粉 $34意粉上面鋪滿一堆明太子 所以意粉好夠味😘亦唔dry唔腥唔太咸 個人感覺幾有驚喜❣️🥰平時黎親都係食黑松露忌廉意粉👉🏻👈🏻下次就可以換下新口味😊配菜方面配魷魚蝦仁 質素ok👌🏻

呢間連鎖式西餐好多地區都有，今次去北角分店食晚餐。排隊排左差唔多20分鐘，因為餐廳唔大，好多人等位！今次食咗個夏威夷pizza，味道普通，另外叫咗個忌廉湯，咖啡係自助添飲的，卡邦尼意粉同埋墨魚汁海鮮飯，忌廉湯好好飲，意粉都好好食，但係墨魚汁海鮮飯就有啲失望，因為我覺得個汁吾好食！餐廳環境好大，亦都好乾淨，全部都係卡位，員工態度尚可，出餐速度正常，但order嘅速度就太慢，所以大家如果去呢間餐廳食要預多啲時間。

薩莉亞相信大家都食過，而且仲係大部分人嘅食堂添今次同大家分享下小編我最常叫的幾款菜。💓粟米忌廉湯 $12粟米湯迷🤩比較稀身忌廉味頗重 有時想飲湯就會叫佢 但$12就覺得小貴。💓黑松露野菌忌廉意大利粉 $34小編我絕對係黑松露的忠實Fans😍這個黑松露味好濃配合忌廉Creamy嘅口感絕對係每一次必點之選。💓雞肉多利亞 $29想食飯就會揀呢款 勁多芝士好Creamy 。💓辣味雞翼 $17人人必叫😂勁惹味食幾多都唔夠。💓香辣腸 $17原來辣味腸都好惹味 正正的😚❤️

今天在北角工作，順道在附近的食店吃午餐，記起蕯莉亞有套餐吃，於是便去了啦。坐下來看了一會兒餐牌，點了邦哥尼意大利粉，另外加了$13 便有沙律及任飮優惠。意粉味道好，粉質很爽，蜆份量都多，汁帶微辣，可接受。沙律新鮮，醬汁味美，份量雖不多，但$13 來說算抵吃啊！飲品就任飲，冷熱都有，包括汽水、茶包、咖啡，大家可以各式其式呢！整體來說，味道非常不錯，招呼也好，座位舒適，見幫親的顧客，大多數是中學生及主婦，已知這裡是抵食之選了

朋友介紹話有一間連鎖店係食西餐，而且價錢平得好緊要，起初都唔相信西餐可以平得去邊，點知食完之後先發覺真係好抵。不過第一樣野講嘅唔係佢嘅食物，而係佢排隊嘅人數真係極多。我哋4個已經好早去到餐廳門口，當時只係6:15分，點知撳咗飛之後望一望上面個螢幕都要等成30張飛，好彩樓下有間吉之島$12店可以行吓，結果等左45分鐘先有得入去。入到去叫完嘢食之後就同侍應講我哋要食嘢咁出面有個自助水吧，你可以自己選擇飲汽水或者咖啡。我哋叫咗個類似蝦餅嘅物體，一個麥汁意大利飯，2個忌廉湯同埋一個pizza。雖然未至於好好食但係都ok架，而且埋單都只係百幾蚊，咁平嘅西餐可以去邊度搵

今日自己一個去食飯，揀咗出名平靚正嘅薩利亞。下午兩點嘅時候人流唔多，唔使等位，如果係平時午餐或者晚餐時間，等一個鐘都未必有得食。。。自己一個唔想食咁多，就要左一個芝士蝦焗長通管意粉，係第一次要呢款。之前有出過芝士吞拿魚焗長通粉，但後尾又消失左一排，而家又出返類似！但我就覺得焗得過乾，醬汁分布唔均勻！薩莉亞嘅白汁奶油香好重，配長通管意粉都好好食，但其實呢個又唔係焗到好乾，面頭嘅芝士係焗啱啱好，應該係醬汁太少搞到通粉都焗硬晒！

兩個人，食乜好？🤔，附近消費便宜的蕯利亞意大利餐廳可算是實至名歸，我們今晚到餐廳醫肚，輪侯了大约15分鐘，點了菠蘿沙律，海鲜意粉，焗田螺和鐵板雞扒，埋單才100多圆,好抵食啊！😋

見一個人平平地去左依度食 其實早排同屋企人都黎食過 但今次真係好失望好嬲等位等得耐係好正常 始終人手唔夠加上午餐時間 坐低好快有野食 叫左個水牛芝士pizza 同飲品吧 埋單$42 唔收加一都好抵 但可能因為唔加一啦 啲侍應態度真係好差 其實入座到拎餐黎都冇野 最重要係埋單戈陣 先係最嬲 依家冇左單 要自己出去講枱號碼 但枱號碼佢地貼得唔顯眼 真心睇唔到睇錯都唔出奇 我又唔係佢地戈度做 睇錯有咩出奇 咁去到收銀櫃台 依間既一個員工 高高瘦瘦帶眼鏡既黑黑地 極之差態度 佢身上又冇掛名牌 所以唔知叫咩名 應該唔係收銀位戈個黎既 佢黑口黑面咁打張單出黎 咁我睇到咁貴當然話打錯單 咁我都意識到係因為我講錯枱號碼 咁我指番俾佢係邊個位 佢就西面咁話 61號枱下話 咁算 我唔出聲 到佢找錢 又西口西面咁扔啲錢係枱咁 睇到真係嬲 咩態度 我明係忙 但唔係代表可以咁樣對客人 如果俾著你係客人 個員工咁 真係唔嬲都難 希望薩莉亞可以好好好咁培訓下員工既待客之道

從來未試過食薩莉亞食到咁嬲，嬲在唔係佢D食物差，反而佢D食物係幾好的。講番成件事來龍去脈：事發當日係周末晚上，呢間薩莉亞完全迫爆，店外排滿哂人，因此當時本人亦預左要等20-30分鐘左右。然後禁完飛之後盲係店外呆企。由於本人當日係同另一位朋友一同前往，我地係禁1-2人飛嘅。過左廿分鐘左右，Waiter開始嗌位嗌得快左，但全部都係3-4人位及5-6人位入哂去。1-2人只係入左2檯。開始唔耐煩之際，又有新一班3-4人嘅黎左。令人眼火爆嘅事出現喇 —— Waiter竟然安排新黎嘅幾班3-4人入座先於我地2人位個班！絕對係垃圾安排！我眼見佢地完全無打算拆台，令到黎左成半個鐘嘅2人可以入座，反而係我地面前做出D咁嘅事。當下我即刻向職員反映，佢地好似先至記起要嗌2人飛嘅入座咁，犀利~薩莉亞最差體驗，絕對係呢次！