薩莉亞意式餐廳 (天澤商場)

营业中

休息中

薩莉亞愈開愈多分店，但食物就愈來愈差。呢間簡直係睇住佢走下坡。首先嗰啲碟，刀，叉油令令，又勁污漕。枱面好多碎又唔乾淨都冇人抹。人手又長期不足，成日㩒左鈴好耐都冇侍應過黎。雖然有啲食物都唔差，但都少左去食了。

係天水圍搵到一間餐廳所以就決定試下。兩個人食得唔多，一碟軟殼蟹明太子配卡邦尼意粉同西冷扒。超正！嗰個意大利粉，好夠味，仲要好大隻！西冷扒肉質鮮嫩，有咬口，咬落去真係有啲肥油吱出嚟，啱晒我呢啲重口味嘅人！飲品呢，我就飲左可樂.環境方面，都好舒適。空間感十足，坐得好舒服

這晚又到了薩莉亞吃晚飯。一坐下發覺桌子和地板都有食物碎屑, 衛生一般, 亦沒有侍應遞上餐牌和餐具, 最後要自己去取餐牌及清潔桌面。這晚點了共4個菜式。辣味雞翼是每次必點的菜式, 味道有點像pizza hut的雞翼, 但這裡價錢更實惠。這次因為朋友表示不太餓, 所以點了兩個以蔬菜為主的菜式, 當中以白汁雞肉菠菜較出色。溫泉蛋肉醬多利亞是他們的招牌菜, 份量不多, 但肉醬配芝士加上飯焦非常惹味。 值得一讚是點菜後10分鐘內已上全部菜式, 全都是熱乎乎的, 令味道更上一層樓。整體來說食物質素高, 價錢平民化, 但衛生和服務還有很大進步空間。

天澤商場入面比較好食嘅西餐就只有薩利亞，其實開始嘅時候環境衛生量中比較好，但係呢間鋪開到依家再幫襯就開始發覺有好多昆蟲周圍爬甚至會喺啲碟度爬過。雖然衛生情況比較一般，但係以佢嘅價錢來講我都仲可以接受呢一個衛生情況，唯有自己裝熱水先抹乾淨啲刀叉及碗碟先啦。殺你啊嚟到一定要食嘅梗係雞翼啦，不過雞翼嘅大細好飄忽，今次嘅大細就適中啦。味道依然都係好香口，啲肉都係好嫩滑嘅，食四隻有時真係唔係好夠喉。另外仲嗌左焗薯角焗白汁雞肉菠菜，同埋野菌忌廉意大利粉。雖然埋單只係88蚊，但其實都算係好食㗎，呢個價錢有呢一個味道絕對係會令我再幫襯嘅。唯一希望就係改善下衛生情況啦！

初初認識呢間餐廳係喺深圳灣某個大商場，當時見到餐牌價錢驚為天人為何可以如此平價？當時一個意粉都係9-10人仔，食個扒都係2-30！仲要味道唔錯！後來數年後喺香港開咗多間分店，價錢都好相宜，都係十幾廿幾有交易，所以每晚晚餐時間都常常滿坐個人好喜歡食呢個黑松露什菇意粉，菇味夠濃，份量對我來剛剛好家人叫呢個雞飯芝士濃厚雞亦必食，同某某薄餅水準差無幾，但價錢平二三倍另外叫咗什菇炒西蘭花份量不多但味道不錯咁嘅價錢質素又唔差難怪晚晚都咁多人食啦

餐廳任飲都係13元位，種類唔算太多，不過基本嘅都有，例如：咖啡、朱古力、汽水、茶包，都算唔錯。蒜蓉包上枱熱辣辣，蒜蓉味濃，而且法包好香脆辣味雞翼(4隻)，雞翼size比較細隻，辣辣地好野味。水牛芝士薄餅，茄汁比例多左啲，所以食落搶走不少芝士味。甜蝦沙津，甜蝦冇乜味，好彩沙津菜和車厘茄好新鮮。雞肉多利亞，好多芝士，撈埋一齊食好正，不過分量極少。兩個人食左5様食物，都只係$109，真係好掋食，雖然分量唔多，不過我地兩個人都食得飽飽

薩莉亞平就街知巷聞啦，雖然食物唔係好高質，但性價比都算高，我呢啲平民街坊就變左常客啦。周打海鮮湯，足料好味！！每次黎都會叫，有好多蜆肉，忌廉味十足。温泉蛋卡邦拿意粉，有蛋香，好滑溜，香甜忌廉味，有煙肉。蕃茄海鮮意大利粉，新菜式，好香濃蕃茄味，有魷魚🦑圈，青口，蝦🦐🦐🦐，仲有少少茄茸，好食既！雞肉多利亞，不滅的菜式，廣受大家歡迎，白滑芝士汁，配香濃黑椒汁，茄汁飯做底，香脆既雞肉，給予味蕾有多重刺激，正！雞翼，唔算好平，但好食，唔大隻，肉質夠滑，焗得夠香夠惹味😋😋雞肉菠菜，菠菜都好鮮甜，配埋忌廉汁要俾十個like👍🏻👍🏻👍🏻👍🏻👍🏻👍🏻👍🏻出左新餐牌，我最愛既青醬意粉仲未有幸復出，傷心😢😢

今日5點幾想食少少野，又唔想食甘飽，見薩莉亞唔洗等位就入去食。蝦沙律新岀，個醬清新，啲鮮仲好多，一啲都唔古汁，菜新鮮無苦味。雞翼永遠都係最愛個人喜好加茄汁仲加好味！辣度又岩岩好！新岀溫泉蛋意粉，感覺一般，個蛋味唔特岀，食落都有啲dry，口感唔豐富pizza永遠唔可以少左菠蘿嫁！新鮮焗岀黎，但感覺焗得太耐了，個邊硬同埋少少燶左，如果個時間同溫度控制翻會比較好！加左個餐飲，個檸檬茶太甜了。。溝左半杯水都係甜總括品道都係不過不失！

原本今日想吃焗飯和意粉， 於是打電話到天澤的薩利亞打算先叫外賣後自取 。電話裏的職員表示餐廳並無提供此服務，客人必須到店面下單。恕我孤陋寡聞，普通一間茶餐廳都可以先下單再自取 ，一間連鎖餐廳竟然無此服務。算吧~ 於是我唯有到店面下單。下單完畢後我立即詢問收銀男職員外賣要等多久？他表示大約10至15分鐘，於是我等到20分鐘才詢問職員我的食物是否準備好？ 店員向我表示食物正在準備，叫我到門口等 。後來比我遲下單的顧客都已經取了食物，而且點的食物比我多。  於是我再詢問門口男職員，他表示幫我去廚房看一看，但出來仍然沒有給我任何答覆 。之後，所有比我遲下單的客人都已取得外賣，我於是再入店內詢問其他職員，她表示食物正在包裹便無再理會我。 最後過了10分鐘我見仍未有食物，忍不住直接向店長查詢。女店長入廚房後表示食物出錯要我再等五分鐘，我已等了三十分鐘，晚上830了，我已經非常餓，於是我表示不再等了並要求退錢。 該女店長立即黑面，並向我多次理論表示外賣一向都要等15分鐘以上，而且態度並不友善。  最後我忍不住發火才肯退錢給我。此店的職員工作態度求其，對客人的查詢敷衍了事，對於運作出錯並沒有加以正視，

啲牛排好好食 意粉都好靚平日夜晚都會同家人去食 廚師真係煮得好好不過企係岀面帶位個個成日黑口黑面態度好差有次問個個女人個意粉有啲咩餸 佢竟然粒聲唔岀走左去 然後揾左個靚仔答我 平日見到佢都係到黑面 叫佢落單又走左去 叫佢收錢又走左去 都唔知請佢翻來做乜不過都係個別例子姐 有個細細粒既女仔態度好好架 又有禮貌心地一定好好仲有個成日帶住帽既男仔 佢好似好忙咁 但都好有耐性聽我講野同幫我10分俾9分！！

D意粉煮得好硬，d番茄又5新鮮，環境又5乾淨，從此5會再食！一食都知個廚師求其煮！！7仔d肉醬意粉都好食過佢！點左個野茵肉醬意粉，未食過d肉醬意粉係有水汁囉！叫左佢個意粉林d上，到最後都係無聽到！！同老公食2啖就閃人，真係勁難食

這店在網上facebook好多人介紹，今日自己來品嚐下。只知道這店的食物份量不算大，款式多樣化，價錢夠平民化水牛芝士pizza 的批底很薄，水牛芝士味道不太濃，味覺都叫做ok，餅底焗得剛好，軟得黎還帶點脆蒜蓉包烤得金黃酥脆，配著牛油和大蒜的香濃滋味，一口接一口，超好味辣味雞翼有8隻，但每隻都偏細隻，肉質好入味，外皮炸得很香口卡邦尼意粉的醬汁也很濃味，份量適中飲品係自助式斟酌，每位只須要付$12，無限添飲整體都滿意，但份量就比較少適合女仔多d

早幾年天水圍的餐廳選擇不多，主要是小食店。而在這兩三年間，不同種類的餐廳如雨後春筍，紛紛出現在這裡，例如：西式、日式、韓式等等。平時約朋友食飯主要是屯門、元朗、旺角。因為大家都比較忙碌，放工後已經是7、8點，所以食飯首選當然是附近或方便到達的地方。今天晚上我就約了朋友到附近的薩莉亞意式餐廳食飯。到達後，先取票，再等了20分鐘左右便可進入。餐廳門面是深啡色的窗框與淺黃色的牆壁，仿如一間小屋，甚有特色。門外還有一排木椅供客人坐下等位 。先上枱的是卡邦尼意大利粉。天氣比較炎熱，個人認為食意粉比較沒有那麼飽滯。剛上枱的意粉，上面灑了一層芝士粉及數塊煙肉（喜歡芝士朋友，還可任添芝士粉啊）。由於太肚餓的關係，我們很快已將芝士粉、煙肉與意粉混合了。看見每條意粉也沾上了芝士粉，覺得很滿意 。彈牙的意粉配上香濃的芝士粉，再加上煙肉微微的煙燻味道，十分配搭。接著是農舍比薩。Pizza一上枱我就被它吸引了，因為pizza份量足夠2-3人食(這裡指細食的朋友)。配料有蘑茹、青椒，洋葱、芝士粉等。一口咬落去，蘑茹連同洋葱的味道非常夾，配搭甘甜的青椒，感覺清新。飽肚又健康 ，值得一試！最後的是歐陸風烤焗香腸

一談起PIZZA, 大家定會聯想到PIZZA HUT, PHD, 有多少個人會立刻想起薩莉亞? 薩莉亞雖然不是PIZZA專門店, 但其意食的款式及味道, 並不比PIZZA HUT遜色; 而且價錢更是合理, 所以我會一試再試。今天父親節, 一家人來吃, 點了辣味雞翅, 水牛芝士薯角, 蒜汁燒魷魚, 菠菜伴煙肉及地中海海鮮焗飯; 3人食完才百五元, 十分超值;這裏的水牛芝士薯角, 每次來必點之選; 香濃的芝士包裏著片片薯角, 每一啖都能吃到香濃幼滑的芝士, 煙肉伴以啖啖的芝士, 更能突出煙肉的味道;辣味雞翅, 雞翅醃得十分均勻, 裏裏外外都是甜甜辣辣的口感,惹味之餘又十分醒胃;蒜汁燒魷魚, 原條魷魚碳燒, 配上甜甜的烤汁,烤汁香濃, 自己配制, 十分惹味; 可惜魷魚肉不夠入味, 只有外層沾上烤汁的較為入味; 如果鮑魚肉裏上糯米會更加吸引;地中海焗飯, 飯焗得不夠乾身, 海鮮料不夠多, 只有數粒蜆及2隻青口, 茄汁味太濃, 完全吃不到海鮮味, 有點兒失望;今天跟家人吃的這餐飯, 既飽, 滿足及開心; 在此祝各位讀者父親節快樂!

平時堂食都ok但外賣啲飯差到都唔知點形容...壓實晒，一舊舊...好似比啲汁浸勁軟，飯粒斷開晒...但事實上啲汁係完全停留係飯面...汁飯分開架喎難以理解...仲叫左雞翼，正常狀態