薩莉亞意式餐廳 (+WOO嘉湖二期)

营业中

休息中

今天在銀座分店外賣自取.其中order一個pizza叫半隻分裝一盒，分別收咗2個大盒錢都算！問職員話係得一隻盒size,浪下浪下！返到來打開，個pizza半隻未切件，又冇刀，得個匙羹食飯用嘅.只好原隻咬，有半隻送學生午餐.你話點食？另外賣自取，相當冇彈性，不可電話落單，要收錢先做嘢！下次唔會考慮！

好耐無食薩莉亞，屋企人提議去食，由於星期日的關係，門口滿滿的人群在等位。比預期晚餐時間早45分鐘去取票輪候位置，可惜都等了1小時多，可能因為我們人多吧。點了墨汁意粉，辣雞翼，芝士焗波菜，腸仔配薯塊，磨菇忌廉意粉，等等。味道一般般吧，雞翼夠辣，其他的還好，平價西餐。不知道是不是新開不久的原故，某些菜的份量比天水圍天澤邨分店的份量明顯的少，男生的家庭成員直呼「縮左水」，要再order一份才足夠。而服務方面，有點好笑，吃完的碟沒人收，職員上菜時看到滿滿的空碟，拿著食物在旁邊呆等😂等的是我們客人自己收起碟，騰出位置讓他放下食物，他也沒有其他同事幫忙，在發呆🤣

之前商場大裝修，搬咗過另一邊，新裝修後首次幫襯，雖然個場細咗，但環境就舒服過之前果間好多，而且有好多卡位，雖然人山人海，但都唔算等好耐，好快就可以入座，揀好食物後就撳鐘，但撳咗四次都冇人理我哋⋯⋯最終都係要等侍應行過叫佢埋黎同我地落單，個鐘有等於冇⋯⋯餐牌上多咗幾款新嘅食物，我就試左其中一款，不過就大失所望⋯⋯餐牌上嘅圖片同實物也差太遠吧⋯⋯而且我嗰碟意粉食到尾搵一隻蝦都冇，似乎真係有點兒那個⋯⋯

同男朋友係睇我好期待嘅「怪獸與怪獸與葛林戴華德的罪行」之前，去左食薩莉亞係嘉湖銀座/置富嘉湖嘅分店。搬左舖之後好近戲院，而且裝修得好靚好光猛，比起之前個間感覺更乾淨，坐得更舒服。今個舖位仲有近窗嘅卡位，最尾嘅卡位最係二人嘅自閉位，我地兩個都好想坐個個位😂😂，可惜所有卡位都滿！除左搬左新位之外，連飲品bar都換左新機，最特別係啲杯，可能我大鄉里無咩見識，呢個金屬杯係可以載熱水！就算過左一陣拎個杯都唔會熱！好特別！但係，食物個度就爭少少，雖然上菜速度係好快。我地總共點左三樣野，周打海鮮湯$12，雞肉多利亞$29，同埋溫泉蛋卡邦尼意粉$32。湯就ok嘅，就好多料（洋蔥、碎左嘅蝦，*，磨菇紅蘿蔔同薯仔等等，充滿海鮮香。第一次點呢個卡邦尼意粉，賣相就一般，而且好咸，就加上煙肉仲咸，可能我本身唔食咁重口味掛。而個雞肉多利亞都ok嘅，但比起我之前食，今次啲飯無咩焗嘅香氣同口感。睇在免加一同環境咁好，下次會再試其他食物！