薩莉亞意式餐廳 (新都城中心一期)

营业中

休息中

cs都唔知佢地做緊咩，個炸蝦冇左沙律醬就算，個炸蝦仲要淋到嘔白泡，完全唔知自己食緊啲咩，問佢攞沙律醬問第一次唔比，問左第二次先攞過嚟，仲要話咩覺得個食物質量差都冇計，啲態度差到阿媽都唔認得，芝士粉而家都要加錢啦^^，cs唔會再幫襯，完全唔掂，成間餐廰得個沙律個生菜係ok嘅，大家都小心啲，食餐飯比人激爆血管，超級差嘅experience，本身趕時間諗住喺呢度簡簡單單食餐飯，而家掃晒興，真係多得你地^^

呢間平民食堂薩莉亞，真係一個月都食幾次😂每一次諗唔到食咩，就食佢😂呢間餐廳位置夠大，坐得舒服，而且食物都係熱辣辣同新鮮的👍🏼肉醬多莉亞焗飯，必點👍🏼辣味雞翼很好吃，其實一啲都唔辣😂呢一碟蜆，次次都一定叫，又平又新鮮又好食😋今天很開胃，所以食飽飽之後，都忍唔住叫咗兩個甜品，價錢都只係20元，真的非常優惠。總結而言，兩個人，平均每人$100都唔需要，就已經可以食得飽飽，又食得豐富😍真係抵呢一間餐廳咁多分店，咁好生意😂👍🏼

環境新都城這一間坐得都算舒服闊落，乾淨企理，其他分店好多時都有浸異味，新都城呢間就冇，服務員都好勤力有禮食物嚟到必食肉醬多莉亞，新鮮熱辣上枱，表層滿滿的肉醬，食開咁多年都係食呢個招牌菜，永遠冇中伏雞翼新鮮熱辣辣脆皮，嚟到都係必食之一，我自己都有買一包冷凍返屋企食，原味必食中華沙律到時同出邊普通中華沙律一樣味，冇咩特別鐵板焗蜆蜆新鮮，有做飛沙，唔會一口咬落去都係沙，同埋有少少黑椒癖腥，性價比都算高總結：平民餐廳，唔好抱住食星級質素既諗法去食意大利菜。普通飯來說性價比好好，不過身為將軍澳居民的我，我都是比較喜歡坑口區，食店選擇多，商場質素高d

來薩利亞多數都食呢個雞肉多利亞，雖然望到個名其實都唔知係咩來，但就係覺得好吸引，好邪惡。味道而言佢絕對係重口味派別，然後醬汁都幾漏。所以唔好望佢細細份，食完一碟都真係即刻飽曬

呢間餐廳新開張時經常要等好耐先有位，但自從商埸開咗好多各類唔同嘅餐廳後，已經唔需要等太耐了，今天須然係星期日中午時段，但都只係等咗幾分鐘就可以坐低。而家餐廳檯面上擺放咗個架，架內有餐牌、各款餐具及紙巾方便顧客，十分貼心，另外點餐就要自己掃 QR code。頭盤叫了個甜蝦沙律，蝦份量算多但就有啲霉，沙律醬唔多夠，認真麻麻地。呢個意式菠菜伴煙肉，味道稍淡，好普通。呢個肉醬多利亞，芝士同醬汁夠哂多，啲飯就有啲軟淋， 撈勻咗醬汁後口感好黐立立，味道尚算 ok。呢個係墨魚汁意大利粉，呢個賣相唔錯，墨魚汁夠多，墨魚圈唔會韌，撈勻咗意粉後每條意粉都掛滿墨汁，非常好味！

呢間野出名平都唔期待有咩service，但以前真係冇咁差，好耐冇食諗住食吓，但真係食到一肚氣。枱面有個侍應鐘，㩒完顯示器出左枱號，但完全冇人理。等左好耐見到有個女侍應行過揮手叫佢，佢冇野做緊，唔係傳緊菜，亦唔係要執枱，但完全當你透明扮睇唔到掂行掂過，最後要隔離枱提我地可以 scan QR code先落到單。重點係由入去到坐低冇人講過要QR code落單，我㩒哂鐘揮哂手，肯定佢睇到架，除非佢係盲嘅，你唔想serve提一句叫我自己scan係咪咁難？終於落完單，到傳菜又係嗰個女侍應，大大力咁放落黎，其實你唔想做可以唔做架喎🙂食食吓我見到對面枱有個阿叔，企起身走埋去問嗰個女侍應邊度埋單，佢可以唔答佢若無其事行返入廚房😳 阿叔企左喺度一陣，最後終於有另一個應該係經理走埋黎問咩事，同叫佢去門口俾錢。今晚真係大開眼界，咁嘅態度都有人請，飲食業真係好等人用，已經唔係講服務質素，嗰個女侍應係連做人嘅基本禮貌都冇！！！最後講吓野食，正常薩莉亞既水準，性價比高而且比以前份量多左。所有野都好，只係服務差到一個點，點平都唔會想再去受氣。食飯時間間間餐廳都排哂隊，佢唔駛等係有原因嘅。

比即場嗌外賣的等候時間還要久，價錢還比即場嗌貴，錢和時間都失去，請問還有沒有繼續用下去的理由？店員還要說漏了單，請問是何其差的外賣系統才會發生如此問題，還是是餐廳店員的問題？如果我不詢問店員，是否真的要等到餐廳關門才可取我的外賣？真的是非常差的一次外賣體驗，會考慮是否繼續使用此外賣系統！

星期三食完蕃茄吞拿魚意粉、芝士雞肉菠菜，食落無異樣，全部食晒。一個鐘後又痾又嘔，痾咗7、8次水，嘔咗3次，第一次嘔晒啲芝士菠菜，啲意粉仲係原條出返嚟。頂到凌晨發燒叫白車入急症瞓咗兩晚，要打止嘔止痾針吊鹽水，喺醫院第二朝仲係嘔梗啲蕃茄皮🤢🤢仲發咗兩次燒燒到39度所以要瞓足兩晚先出得院。過咗咁多年啲衛生問題都仲喺到🤢屋企人話依家啲菜貴所以唔排除用咗啲唔新鮮嘅菜，但食落味道無變，加上已經以後見到都有陰影，一定無下次

我唔知係咪薩莉亞啲廚房人員更換，牛扒上面有血水嘅。脆脆蝦唔熱嘅，鐵板雞扒呢，不屬於鐵板煎，在鐵板上炆熟啲汁水全部流曬汁嚟。感覺喺是在食減肥餐。希望本公司呢，可以同廚房好好溝通呢，我感覺喺度食緊垃圾囉。

將軍澳新都城都幾多嘢食架！今日諗住食平啲啲，就去咗全城都知薩莉亞最抵食嘅pizza餐廳啦🤣😂裡面都幾多人㗎😅但係都唔使等位😁即叫個特大香烤雞髀先，因為佢38蚊好大隻，跟住諗住叫個沙律，但係佢啲沙律賣曬。。。所以叫咗個香蒜辣汁野菌西蘭花19蚊，埋單都好平㗎咋幾十蚊就可以食飽飽😍yeah蒜蓉西蘭花嚟啦😋好細兜呀🙄🙄啱嘅19蚊個價錢係咁細兜😅😅味道ok嘅如果大兜d就好啦，因為19蚊 就咁摷個蔬菜應該啲菜都好多㗎你睇下到真係好少喎 😅😅😅主菜嚟啦🔥香烤雞髀❤嘩真係好大隻呀😁用鐵板上咋咋聲咁樣你睇下好香㗎❤我切咗一嚿食幾好食喎👍👍咁諗住再切大嚿啲。。大件事唔熟呀😱😱😱可能因為太大隻嘅關係，廚師呢唔識煮。。。。煮到個外皮好脆。。。但係裏面係唔熟㗎😔😔😔咁所以冇辦法啦😑我要帶返屋企食啦😅因為都差唔多10㗎啦。。。咁唯有攞走囉😶😶其實ok好食嘅，不過唔熟就大件事啦🤪期待佢哋可以進步啲啦💪💪💪#katkatfoodies

今日落街就買左個卡邦拿意大利粉同埋一個蒜蓉法包，加埋都係四十幾蚊，幾平。意粉仲附送一隻溫泉蛋，意粉嘅醬汁都算唔錯，唔算係好濃，但係口感唔錯，都爽口，係差在份量有d少，加埋個蒜蓉包就啱啱好，蒜蓉包好鬆軟。

薩利亞是香港罕有的意式餐廳，它食物選擇十分豐富，有焗飯、意大利粉、pizza及不同小食，而且所有食物價格都比外面的餐廳便宜，而它們的招牌菜—肉醬多利亞份量不少，可是只售$28，可以說是平、靚、正。另外，薩利亞有各式各樣的spaghetti 選擇，其中它們的墨汁意大利粉十分特別，在其他餐廳難以找到這款意大利粉。

等了半小時，被安排坐在付款櫃枱對面的位置，點了兩個飯，誰不知來了兩個意粉，沒有心機等候，只好接受不更換。未知是否食物太美味，吸引了久違的“ 昆蟲 ”,令我頭也不回，草草吃完便走。

每次必點黑松露什菌意粉，同埋雞翼可惜現家雞翼得反原味，味道差左另外叫左個粟米芝士薄餅，香濃既芝士，可惜個沙律醬多左少少～最後黑松露意粉，香濃既黑松露配忌廉既味道～真係好好食👍🏻

今晚來到這餐廳，點了幾款食物：野菌忌廉意大利粉，菠菜煙肉辣汁意大利粉，意大利粉煮得時間啱啱好，不會太冧，夠爽彈！(略嫌餸太少)脆焗香味雞球，外皮炸得鬆脆，味道唔錯 ！水牛芝士薄餅，面頭有濃濃嘅芝士香味，餅皮夠鬆化，好食 ！這間餐廳來過很多次，但衛生環境越來越差，在自助飲品區牆上見到幾隻小強😱，到差不多食完的時候，在梳化旁邊，又見到隻小強行來行去🙈，下次都不敢再去了😤