薩莉亞意式餐廳 (新都城中心一期)

营业中

休息中

呢间野出名平都唔期待有咩service，但以前真系冇咁差，好耐冇食谂住食吓，但真系食到一肚气。枱面有个侍应钟，㩒完显示器出左枱号，但完全冇人理。等左好耐见到有个女侍应行过挥手叫佢，佢冇野做紧，唔系传紧菜，亦唔系要执枱，但完全当你透明扮睇唔到掂行掂过，最后要隔离枱提我地可以 scan QR code先落到单。重点系由入去到坐低冇人讲过要QR code落单，我㩒哂钟挥哂手，肯定佢睇到架，除非佢系盲嘅，你唔想serve提一句叫我自己scan系咪咁难？终于落完单，到传菜又系𠮶个女侍应，大大力咁放落黎，其实你唔想做可以唔做架㖞🙂食食吓我见到对面枱有个阿叔，企起身走埋去问𠮶个女侍应边度埋单，佢可以唔答佢若无其事行返入厨房😳 阿叔企左喺度一阵，最后终于有另一个应该系经理走埋黎问咩事，同叫佢去门口俾钱。今晚真系大开眼界，咁嘅态度都有人请，饮食业真系好等人用，已经唔系讲服务质素，𠮶个女侍应系连做人嘅基本礼貌都冇！！！最后讲吓野食，正常萨莉亚既水准，性价比高而且比以前份量多左。所有野都好，只系服务差到一个点，点平都唔会想再去受气。食饭时间间间餐厅都排哂队，佢唔驶等系有原因嘅。