薩莉亞意式餐廳 (環翠商場)

营业中

休息中

今日同啲同事去咗呢間西餐廳食披薩，我哋四個人叫咗兩個披薩，一個意粉，一碟雞翼，一碟腸仔配薯角，野飲方便兩個人叫左任飲。我覺得呢度啲雞翼，同埋腸仔都幾好食。另外而家有有氣的檸檬茶飲，唔錯喎食左咁多樣嘢，埋單每人都係42元

等左幾個月，公司終於請到個新同事喇！真係等到頸都長埋。我當然要同新同事食餐歡迎飯喇，話晒我手頭上工作厭力終於可鬆一口氣喇！新同事就揀左係公司附近薩莉亞餐廳，去到拎飛唔洗5分鐘就有位喇！還記得7月前日日都好多人排隊，可能因為學生放假，少左人午膳時間用餐？？？由於得2個人，點左唔係好多野食。重點必食黑松露意粉、雞中翼、仲有要飲佢自助飲品吧熱朱古力，真係好好飲架。我地仲叫左煙肉菠菜、薯角烤香腸、煙三文魚飽到一個點呀！仲以為會唔夠食，點知食唔晒打包走。下次要搵多啲同事一齊去食先，咁可以再叫多啲野食

薩莉亞就好似譚仔一樣，久唔久就要食一食，冇計啦佢又平又好食，真係好難令人唔上癮！！例牌嗌返個粟米忌廉湯，佢個濃度同埋甜度啱啱好，最鍾意就係佢面頭嗰啲忌廉，真係好好味😋辣味雞翼又係必食，啲雞肉好滑好淋身，表皮又甜甜地，連我呢啲唔食得辣嘅人都覺得好好食今次呢個黑松露野菌忌廉意大利粉水準就一般，嗰汁太稀，而且冇咩黑松露味，一般般多利亞系列又係必食之一，啱曬啲鍾意食忌廉白汁嘅人我哋兩個細食嘅人，埋單$100都唔使，$100就食到西餐，真係好抵食！

薩利亞出名平兼食物質素有保證，久唔久唔知想食咩個陣都會去食薩利亞，不過每次都要等好耐，因為有好多忠實食家支持（本人也是）。來得食薩利亞當然不可錯過佢既忌廉湯，湯既濃度岩岩好，忌廉味好重，每次黎都必定會食。黑松露意粉也是必叫之選，黑松露就好似榴槤咁，鐘意食既人會覺得好香，唔中意食既人會覺得好臭，不過依度既黑松露意粉個味唔會好濃，只有少少既黑松露味，所以唔中意聞到黑松露味既人都可以試試。雞翼都係一個唔錯既選擇，因為本人平時唔係點食辣野，但來依度一定會試下依款有少少辣既雞翼。

薩莉亞一直都係我心目中嘅平價抵食之選。今次黎柴灣食，依然係要等好多張枱。薩莉亞果然威力強大，無論幾時都係咁多人要等好耐位。今次叫咗幾款：呢塊肉眼扒平時食開都大讚，因為肉質軟又有汁好食。但今次竟然大失手！啲肉食落又「鞋」又硬，完全唔合格！好彩呢個蜆肉依然咁好味。好簡單咁焗個蜆再加啲胡椒，整法簡單但好好食。鐵板上仲有啲好鮮味嘅蜆汁！牛油味好重！好香口好好食呢個都整得好好味，但可惜只得4隻！如果大份少少多幾隻就正啦

薩利亞一向都係我既心頭好味道唔係話超班但呢個價錢呢個質素都好難搵到第二間😂呢日一個人食lunch唔洗諗就落薩利亞啦😂1:00pm左右一個人入座唔洗等位☺️坐低即刻點餐 唔徙時間🤣首先叫左個周打海鮮湯即係白湯🤣入面加左d薯仔粒紅蘿白粒同海鮮味道ok啦蒜蓉包我每次食薩利亞都必嗌！個包份量大即叫即整堅係外脆內軟咁樣先$10 你話唔食對唔對得住自己😭經常都好掙扎要叫肉醬多利亞定雞肉多利亞今次揀左雞肉其實即係白汁焗飯佢既奶味非常重其實份量唔大（個碟好淺）但好膩 最好share食我一個人食完呢3樣野都唔洗60蚊非常滿足🤣🤣

這間薩莉亞意式餐廳非常多分店，很耐之前在其它分店吃過一次，全部都是芝士菜式，今次在柴灣這個排隊之區確實有很多排隊客，差不多等了30分鐘，今天是年初一，全柴灣7成餐廳都關門，幸好這間正常營業，可惜 的是要大排長龍，餐廳人手不足家人亦沒有責怪，很多檯都是沒有人坐，但是未有人手執檯，最後等了差不多30分鐘才有位。我們一家人點了辣味雞翼 $32、歐陸風烤焗香腸 $34、黑椒雞肉薄餅 $35、黑松露野菌忌廉意大利粉 $34、肉醬多利亞$27、蒜香法包 $10、芝士法包 $12、蒜汁燒魷魚$29。食物都是罐頭式煮法，簡單易做，份量不太多，但勝在價錢夠平民，不收加一，但每款加加埋埋都差不多平均每人要$70。總評：價錢平，食物普通。

講到抵食，即時諗起呢間開左無耐的薩莉亞！平日放工去到已經要等位，想食真係要比好多耐性去等！呢日我叫左Pizza(一般), 辣雞翼(極推薦👍🏻，辣得出色），薯角(白汁好味)，仲有蕃茄青口湯(推薦👍🏻，有好多隻青口)黎窿莉亞都係叫得開心，食得開心，荷包亦開心😆

話說早幾日就同兩個friend 出街食飯，又唔想食太貴喎，最後就去咗柴灣間薩莉亞食啦。叫咗三碗湯，兩個飯，一個意粉，兩個pizza，一碟雞翼，兩樣甜品。煙三文魚意粉自己覺得係最抵食嘅意粉碟雞翼都唔差，叫咗要全辣，都真係ok辣，接受到唔錯！最後甜品雖然冇影到相，但係我兩個friend都表示幾好食㗎！最後叫咗咁多嘢好似都係$200左右。以三個人食咁多嚟講都好抵啦！

開始懷疑自己係咪香港人🤣🤣🤣，我真係從未食過這間野🙄🙄🙄咁岩這區開左，我先第一次食，真是有點無知🤔🤔🤔真係有啲意想不到，叫到成枱野，都係百幾蚊，唔怪之得，咁多人來食了。因為新開張，日日都大排長龍。今天剛好放早，五點就嚟食，不過也要等位😅😅😅。幸好不是太爆，等候一會就行。我們唔理3，7，21。見到想食就點🤣🤣🤣，周打海鮮湯兩個，蒜蓉焗田螺，芝士焗薯角，水牛芝士薄餅，溫泉蛋卡邦拿意大利粉，香焗白汁雞肉菠菜。周打海鮮湯，很多配料👍👍👍，田螺不夠香，如果加埋牛油同薯蓉，應該會更好食。芝士焗薯角，正爆😍😍😍，芝士夠多，薯角又香口。水牛芝士薄餅就麻麻地，皮底較堅韌。溫泉蛋卡邦拿意粉也唔錯，白汁菠菜都正爆😁😁😁總括來說那麼平價，有這水準，也算是非常唔錯，如果要求不高，也可以接受。正所謂一分錢一分貨。不過這間分店，空調有點不夠，應該是商場問題，所以都比較熱，服務態度也很好。