薩莉亞意式餐廳 (得寶商場)

营业中

休息中

約朋友交收兼食埋飯, 兩個人又無咩idea想食咩, 見到呢到有分店, 唔諗啦................, 就呢間啦!朋友係鷄翼控, 二話不說就要叫鷄翼, 咁確實呢度既鷄翼又幾好味既, 皮香肉嫩, 有少少辣但朋友再另外加辣椒仔, 佢話辣D仲好味喎! 呢8隻好快被我地KO晒!主菜叫左呢款水牛芝士薄餅, 材料就只係水牛芝士, 簡簡單單就食到香軟芝士味, 熱辣辣上枱, 拉開就見到芝十, 一人半個, 份量岩岩好!仲有空位食埋呢個菠菜三文魚意粉, 有幾片薄切三文魚, 味道頗咸, 用黎送意粉食就唔錯, 面頭灑上芝十粉, 撈勻一齊食令意粉更加香, 質數一D都唔差!侍應落單及上菜速度快, 又唔收加一, 價錢親民, 食物水準又OK, 要等位都值既!

星期六朝早出左街，林住返屋企食晏，但又唔想食杯麵，所以渣車去左德寶商場睇下有咩食,去到地下個層好似foodcourt既地方，冇咩岩食，所以上左一層既薩莉亞，好彩唔使等好耐，5-10分鐘就入左去。之後叫左個肉醬意粉，鐵板牛排同煙肉菠菜。肉醬意粉味道ok,肉醬唔會少到撈唔到，不過本人鐘意食林d既意粉，佢既意粉偏硬左少少，不過唔太差😄佢個牛排幾好味，好入味，又唔會過熟，不過有點靭，但以$47有依個質數，ok呢！煙肉菠菜本人覺得味道比較淡，但你可以話健康d,冇咁多味精😝黎到薩莉亞最抵就係佢地既$12任飲，所以次次黎到，我都會選擇任飲，你鐘意飲咩都得，飲幾多杯又得😁

去薩莉亞，很多是貪好坐，野食唔錯，抵，又可以任勘野飲，其中有幾樣野食，幾乎都上左必食既隱形榜單內，例如肉醬多利亞。不過，今次我就冇食肉醬多利亞，而係食左甜蝦多利亞。因為多利亞本身既份量並唔多，所以喊多左個蜆。多利亞都係同以前一樣，有好濃郁的芝香味，完全滲入煙韌既米粒內面，每一啖都十分好味。蜆就份量幾多，微辣，有少少惹味，但我都係比較鍾意食多利亞多啲。

有好多時候朋友出街食飯，又諗唔到食乜，就會去食薩莉亞，因為真係多野揀，同埋啲食物質素都算係唔錯。今次去食左墨魚汁意粉，同埋芝士焗薯角。墨魚汁意粉一直都是我的最愛，通常說色香味，照理說，黑漆漆的墨魚汁令人沒有食慾，但出奇地黑亮的意粉格外誘人，令人好想食，食落意粉本身的質地，與及非常掛麵的鮮香墨魚汁，就真係不錯。芝士焗薯角份量不大，不過新鮮焗好，火腿微焦，薯角熱辣鬆軟，都幾好味。

放工心血來潮想食意粉, 行過呢間見唔駛點排好耐, 就㩒飛仔拎位, 可能係平日關係, 等左一陣就有位, 仲要係卡坐熱熱地叫個沙律清新一下先, 友人點左三文魚沙律, 話要補充下D OMEGA 3喎, 份量頗多, 三文魚都唔少, 味道偏咸, 加埋D沙律菜一齊食會好D我就偏好中華沙律, 份量都足夠同埋夠晒凍, 你知若果沙律唔夠凍係幾咁大件事食完凍野, 當然要叫返個熱辣辣PIZZA啦, 呢款水牛芝士PIZZA係我每次黎都必點, 因為我係芝士控, 呢個一咬落去完全感受到芝士係我口中湯盪漾, 香滑柔軟, 我可以一口氣食晒半個好啦.....說好左要食意粉嘛, 呢款卡邦拿意粉, 配上煙肉片, 意粉軟硬度好岩我口感, 再加上夠汁可以令每條意粉都索到汁, 好香疍汁味, 咁既價錢, 呢個味道好驚喜喎!埋單2人連埋任飲都係百幾蚊, 真係平過屋企煮!

食過好多次:每次都會叫蒜蓉法包。烘得好靚又暖暖的。非常好食👍👍今次叫左農舍比薩.個pizza好多菇.岩曬菇王菇后。仲有超濃芝士焗薯角。黑椒蜆肉鐵板煮都頗多蜆肉👍黑椒味重辣味雞翼都幾大隻外皮很香脆。肉質鮮嫩。不錯:今次還試了青醤邦哥尼意粉😚味道很新鮮。食慣左其他款例如肉醬。都可以試下呢個唯一美中不足既係野菌雞肉雲吞。雲吞冇乜野菌味.味道質感較差整體來講餐廳氣氛不錯。一家大細又得兩個人拍拖又得得左落單同上菜速度都頗快

其實吃過很多次，覺得又便宜水準又不錯，只是等位時間有點耐。7點左右到達，還有二十多個號碼在前面，等了大概三十分鐘，就可以進入。二話不說，立即點餐，menu 已背進腦袋 雞翼和波菜辣炒意粉是我每次必點的。雞翼size 夠大，香辣而且肉質滑波菜意粉，配上蒜頭辣椒炒，很香口，麵身夠爽，控制煮意粉時間剛剛好，再加上波菜減油膩，一流！青醬意粉，麵質仍然有水準，但青醬不是的的茶，sorry炸蝦球，不是泰式那種，用了粟米片炸，蝦球夠彈牙，不錯。鴨脾是新推出，即管一試，有驚喜！香濃鴨味，肉質滑，啖啖肉。埋單只需一百多元，怎會不是窮人恩物呢

下午茶時段好d，冇咁多人叫了個辣味雞翼作下午茶 餐板影得好吸引，下午茶依肚應該一流 結果來了，一看雞翼好細隻，骨好粗大，雞肉得少少，比例骨多肉少，肉質尚算滑嫰可口，辣味不太濃，容易入囗，雞皮也有點脆口，整體不乎我預期的吸引

睇完戲已經好晏，上網睇到原來九龍灣都開左一間薩莉亞^^梗係要去食丫！！不過管唔到成9點半好多人，最後等左30分鐘先有位><見到有個新餐 - 香嫩鴨腿，一陣試下先首先一定要同時落單嘅係忌廉湯及蒜蓉包。湯份量偏少，但極香滑，配上熱辣辣好香口嘅蒜蓉包，真係一流！！之後仲叫左雙重芝士份量的水牛芝士PIZZA~2層厚生芝士鋪滿係薄餅上，口感一流，芝士濃郁嘅味道長留口腔中！新嘗試：香嫩鴨腿...有啲名不符實，鴨質偏硬，有肉汁但唔算好入味。鴨腿本身偏肥最後又係必食嘅香辣雞翼～外表焗得好香脆，肉質嫩滑～

2015年12月9日 (星期二) 5:18pm 環境整潔，餐具乾淨，每款碟子皆很美麗，花紋圖案與別不同，跟食物相配襯；牆壁掛上各式油畫。 打破『平嘢無好嘢』的定律，食品價錢便宜，味道質數卻佳！！ 天寒地冬，熱水機壞了，要飲 ... 冰水 ... 吞拿魚配蕃茄辣汁意粉 - 由於橄欖油太多，令吞拿魚和蕃茄變得很鬆散，且味道偏淡又肥膩。陶瓷碟子圖案清雅。 雞肉多利亞 - 焗飯熱騰騰香噴噴，賣相好像焦糖布甸。雞肉新鮮大粒，飯面鋪滿芝士醬，味道非常濃厚，正呀！適合喜歡濃味的朋友。只是份量略為少，不夠喉啊。【推介之選】❤❤❤ 蒜蓉焗田螺 - 侍應奉上時，熱得滾滾的，泡沫不斷冒出來，最適合冬天吃。雖然小小一隻，但鮮味爽口。陶瓷碟子圖案清雅。【推介之選】❤❤❤ 辣味雞翼4隻 - 辣味適中，不會太嗆喉，雞肉烤得香嫩，只是 ... 雞翼太細隻了啦！陶瓷碗子圖案美麗，與雞翼顏色十分合襯。【推介之選】❤❤❤ 脆焗香味雞球 - 味道和賣相好像麥當奴的麥樂雞，熱熱的鐵板令雞肉更香脆，不過覺得帶點熱氣和份量少了些。【推介之選】❤❤❤《餐牌》：【溫馨提示】：❶ 所有晚餐食物都是單獨落單，沒有提供套餐選擇的。❷ 叫

一直聽人話呢間又抵又好食, 終於去試左, 價錢還可以.1). 煙肉菠蘿PIZZA 加左double CHeese都唔係話好勁cheese味, 再濃d就好了.個底好脆不過pizza就唔係好熱.$29 咁個size都唔錯 2). 芝士焗薯角成餐第二位好食既野, 好多芝士仲有忌廉, 薯角都好食, 非常濃味! 下次必需再叫!3). 辣青口湯湯只得好少, 重點反而係青口, 咁既價錢份量都算多, 有一兩隻唔開口, 其他既都幾好食, 個湯唔算好辣.4). 香辣雞翼辣度對我尼講岩岩好, 少少少辣味, 其實比M記既雞翼更加唔辣, 不過都幾好食, 又冇雪味.5). 邦哥尼意粉寫係人氣NO1好有期望, 不過冇想像中咁好食, D汁好少, 其實只係蕃茄醬, 但得一小PAT, 太少, D意粉好乾唔好食, 有D硬好似唔太熟咁, 多D汁可能會好D, 要點埋芝士焗薯角D芝士/青口湯 會比較好.6). 肉醬多莉亞呢個係我覺得全餐最好食既野, 係因為最後唔太飽先至會叫埋呢個, 好彩有叫到! 真係好好食, 好香肉醬味同芝士味, 好CHEESE! D飯好香好好食, 為左呢個我會再幫襯!另外每人+左$13飲個自助吧, 不過下次

第一次吃薩莉亞是5，6年前，在深圳東門吃到的! 那時候，香港還沒有分店，但早已聞說又平又好吃，每人吃飽飽，也只是人民幣30元左石! 故每逢到國內遊玩，皆會去光顧!早幾年薩利亞也在香港設分店了，雖然價錢較內地貴，但對香港一般物價來說，性價比超高! 由於好評如潮，故一到用餐時間，便會大排長龍! 為了避開人群，我特意挑平日的下午茶時間來吃! 果然，整間店只有4-5桌人在用餐，明顯冷清!只要選擇特定的下午茶餐，便可免費享用飲品吧內的飲料，很划算!Cabonnara 已試過好幾次了，依然保持了固有的水準! 意粉彈牙有咬口，奶油又香又滑，雖然份量少一點，但貴精不精多! 我最怕茶餐廳的"肥意粉"...由於意粉放太久, 發漲了, 麵質變得非常腍身, 而且有點黏口...幸好這家店沒有退步!水牛芝士PIZZA 的批底是厚底來的!　批底較厚身，但配上份量水足的水牛芝士，中和了當中的油膩感! 不錯!這個辣味雞翼份量同樣偏少，每隻雞翼的大少大概只是譚仔的一半, 值得留意!但雞翼烤得剛好, 不會太乾身; 辣味不會很重，反倒非常惹味!除了食物外, 我們每人皆喝了2杯美祿，現在很少地方可以喝到了! $100 左右便吃

星期六晚，想響屋企附近食野。想起好耐冇食薩利亞喇!!因為每次想食都要大排長龍，每次去到都要排成50張台 (只是二人台，仲未計其他四人台 )，所以次次都食唔到!難得今晚唔趕時間，等一下啦! (等等下都40分鐘 )。我地見到餐廳內都係以4人台佔多數。但等既人以2人組合為多。所以2人台turnover好慢。相反4人台好快。好啦。終於入得!次次來到蠅友都會好興奮不理價錢地點餐，皆因這裡每樣款式都大部分都不過$30!介紹下餐牌先!小食類, 都係沙律,湯都係小食類, 平均一樣$20!鐵板都有，都係$40至$50. 未食過, 唔知有冇花園餐廳質素呢意粉飯pizza仲有其他既，但我仲係開飯新手，放唔到咁多相呀!我地今次叫左好多小食，以下為重點推介:1。藍青口蕃茄湯，$24, 推薦指數: 這個真係必點! 湯有加酸辣汁，多洋蔥。好開胃。青口好入味! 湯裡都有十多粒青口，抵食!2。甜蝦多利亞， $30, 推薦指數:呢個我地見到好多張台都有點，應該算係王牌。叫得王牌當然係正野，芝士焗類似risotto的飯。芝士比例真係好多! 呢個飯份量唔多既，個碟好淺。3。粟米湯，$10, 推薦指數:比上來加左價。呢個湯係

今天中午和男友去這間餐廳吃午餐，下午2時左右沒有太多人排隊，等了15分鐘左右便可以入座。由於不是太肚餓的關係，我們只叫了辣味雞翼(8隻)和黑椒雞肉比薩。辣味雞翼方面，雞翼size偏小，看上去沒有太多肉。雖然雞翼size比較小，但很美味，雞肉很滑很嫩，又有肉汁，very good！黑椒雞肉比薩方面，比薩是薄批，很香脆，雞粒都很滑很嫩。另外比薩上面有芝士，和比薩一起吃很美味！價錢方面，辣味雞翼(8隻)$32，黑椒雞肉比薩$34，餐廳不用加一服務費，總共$66。價錢在意大利餐廳中算便宜的了，而且食物又美味，值得的。總結來說，這間餐廳的食物都算美味，而且又便宜，very good！

日日都見到排長龍，按根兒要等一小時，今日早起11時許即吵醒家人去嚐個午餐。很便宜呀， 根本點東西吃不用考慮價位，盡情點任性一次。生菜沙律，中間的是中華沙律，就是日本餐廳常吃到那種， 染了綠色爽身的海草。蒜蓉包可脆，大大一塊甚是飽肚，抹上蒜泥牛油後，另外再灑上大量的芝士份。試一試雞翼，醃到券少辣，細細只賣十來元，去bbq時吃燒雞翼的回憶浮現。另人驚喜的parma ham芝士pizza， 只售三十來元卻沒因價就貨， 麵包鬆軟可口，烘好邊位脆身， parma hm也鹹香，回歸基本無須大量配料都滋味萬分。 蜆肉pizza, 蕃汁偏水不過亦嚐到蕃茄那種酸味，意粉索得較軟身，若生點就有彈力更可口，蜆肉也不少呀！漢寶扒一大塊， 伴以黑椒汁，雖然只平 但都加了太陽多同薯條，蛋煎老了點但可接受範圍，薯條就敗於太腍唔脆身這缺點上。主角漢堡扒沒令我失望，吃得出肉味，切下也非薄如紙而是有1cm厚度，飽足的一道料理呢。加12元有汽水任飲，真是超開心的加點項目，計下來每人只比了50來元!