薩莉亞意式餐廳 (得寶商場)

营业中

休息中

雞翼好食, 焗得剛剛好, 入面幾juice, 我從來都好怕同唔食入面有紅色的, 但佢真係剛好無, 幾嫩滑, 多士大件但唔係次次都好味, 我第一次食果陣又鬆脆, 又軟熟, d 蒜蓉好好味, 但第二次時無咁軟熟之餘, 個蒜蓉麻麻地怪怪地形容唔到, 鐵板嘅食品都幾好, 雞扒果種同漢堡扒果種都夠味, 唔太鹹又唔太淡, pizza一般啦, 要揀d有菠蘿之類嘅先會無咁乾身, 但都還可以接受, 不過咁嘅價錢仲想點, 算抵架啦~~服務算係咁, 一撳鐘就有人黎, 都唔係等好耐啫...其實呀helen^^ 你話d人遊魂, 要捉住d人黎落單, 其實遊魂果個係咪你呀??每張枱有個掣比你撳, 舖中間旁邊幅牆有個電子牌, 有show到客人撳鐘枱號嘅次序, 佢地見到就會順次序黎搵你架啦喎...

依間九龍灣分店開咗幾日, 已有咁多間分店,但估唔到咁多人的! 等咗成45分鐘, 先講間舖比荃灣細成倍,員工又少, 最重要係唔係佢哋係生手定係懶, 個個好似遊魂咁......一定要諗到定食嘢,跟住要眼明手快捉住佢落單........個湯真的少到離奇,但賣相和味道尚算OK^^食咗幾款都麻麻, 個菠菜又濕....唉! 火腿PIZZA尚算OK; 焗蠔就勁多油,所以好膩; 至於最差都就係個墨汁意粉, 勁濕和無味@@

開張至今巳幫襯多次.因其服務及環境都好.自助式水自取!食完去櫃台埋單又免加一感覺好free~~好似喺屋企開餐咁.意粉好味.各款都ok.醬汁剛好.D多利亞飯甜甜哋有芝士幾特別.蒜蓉田螺幾好食如可在底加小小薯蓉會冇咁油,仲多D口感添!長意粉冇試!薄餅不知是否其自家出品是底軟D,唔多脆口.三文魚有D腥可能芝士唔夠.薄餅不夠芝士食落似麵包多D.味道較遜色.D扒都唔差如可送埋餐包或餐場或飲品就完美啦.

知道九龍灣開分店，非常期待，店面仲要好近男朋友屋企，終於今晚去試。去到見到好多人等緊，可能好多少唔願等，所以等左唔夠30分鐘就有位。坐低即刻叫野食，樣樣都係2X-3X，兩個人叫左樣野：周打蜆湯雞翼4件腸仔拼薯角焗田螺菠菜煙肉水牛芝士pizza青醬煙肉意粉再加飲品$12X2(任飲)小食不過不失，咁嘅價錢有哩個質素唔錯，最驚喜係意粉同pizza，pizza底好軟熟，唔太厚，餡料唔會過多，好正！意粉煮得啱啱好，無過淋，醬汁恰到好處，唔會太多好漏，亦無太少乾爭爭。兩個人食到飽飽埋單都係$162，正係抵！最值得一讚係佢啲服務，入到去都知佢地人手不足，連廚房員工都要上樓面傳菜，不過應該嘅服務仍然有，叫人一叫就有人應，埋單多謝前多謝後，雖然後多但唔會迫二人坐卡位坐埋一邊再質多兩個人搭枱，全餐坐得舒舒服服，哩樣野好多餐廳都做唔到！

知道九龍灣得寶開左之後, 一於去試下!叫左芝士焗薯角($17), 煙肉青醬意大利粉($27), 健康餐(沙律+餐湯$18), 挪威煙三文魚($23), 兩位飲品任飲($24), 芝士法包($9)芝士焗薯角分量少, 味道正常沙律中的菜顏色不甚漂亮, 像是不太新鮮, 但食落去冇咩問題, 頗清爽.挪威煙三文魚同樣賣相不佳, 有點點出水的感覺, 但入口都是沒有異味, 鹹度亦得宜.芝士法包, 不知是否味覺遲緩, 吃不到芝士味, 只吃到香蒜和和香草味煙肉青醬意大利粉- 我非常喜愛青醬的味道, 充滿蒜頭, 香草, 橄欖油的味道, 味道清新不滯不膩, 亦比一般白汁意粉來得健怡. 意粉煮得剛剛好, 口感煙韌, 本以為一間平價的餐廳煮意粉的水準會和茶餐廳一樣, 真是出乎意料的好啊! 煙肉下得少, 但不要緊, 那個芝士薯角肉也有煙肉, 食到不想再吃了!飲品我只喝了一杯熱Milo和一杯芬達, 兩杯風馬牛不相及的東西, 但不喝又會像會蝕底, 我的肚子有點受不了~~~今時今日有一間餐廳還是以好像十年前價格來定價食物, 真是值得加許, 而且味道沒有中伏的感覺, 而且意粉有少許驚喜, 已經是很好的表現, 加上員工作超

上个星期四, 到這間餐廳午膳。叫了水牛芝士pizza, 煙三文魚意大利粉, 水牛芝士pizza 才$28文, 好抵, 而且好好味。意大利粉的硬度恰度好處。剛開張, 乾淨企理。