薩莉亞意式餐廳 (逸峰廣場)

营业中

休息中

薩利亞餐廳的最大特色，應該算是自助飲品吧，咖啡紅茶汽水任斟任飲。這餐廳開幕初期我們都經常光顧，只是後來覺得這裏的餐具越來越不潔，欠缺衛生，便有一段時間沒有再來。今天再來，發現自助飲品吧有些改革，杯子也換過了，有比較乾淨。可是放在桌子上的餐碟，仍然十分污糟，有一些黑色的污漬，用水沾濕紙巾是可以抹乾淨的，真不知為何他們不能洗乾淨。有相為證，本來另一隻碟子更多污漬，只是我忘記先拍照，便把較多污漬的碟子抹乾淨，相中的碟子污漬較少，但仍是不能接受。講番食物，這裏的餐點款式多，味道美有特色，我們最喜歡多利亞，汁多味美，今天吃的有點兒烤焦，味道仍不錯。脆脆蝦是新菜式，可是蝦子太小，炸粉較厚，掩蓋了蝦子的美味。

逢星期一至星期日都會好多人等位， 所以一定要預早少少去拎位，係粉嶺區都算多人去食既餐廳，以間餐廳一直以為係外國引進，上網搜尋資料，先知原來係日本引進香港。餐牌有好多唔同種類選擇，有沙律，意粉，濃湯，前菜，薄餅，意大利飯，烤焗類，扒類，甜品，而飲品成人只需加$12就可以，小童就加8蚊，有熱飲同凍飲，唔驚小朋友唔岩飲，任飲係自助式。每一次黎到我地3個人點了2個意粉，3個小食就夠飽啦！野菌忌廉意大利粉$29意大利粉都算多同大份，如果唔夠可以自己再加多d 芝士粉，不過不失菠菜煙肉辣汁香蒜意利粉$29辣味少辣，好重香蒜味，每次老公黎都會點。脆焗香味雞球$24熱辣辣，岩岩焗起，雞球唔鞋，點埋沙律醬個味就會唔太單調香脆芝士三文魚塊$19有4件，有面好多芝士同三文魚。蒜蓉焗田螺$28好香蒜蓉味，蒜蓉入面有牛油，好香好香，田螺一定要連埋蒜蓉食。

粉嶺終於有薩莉亞啦今日遲放，又唔想出旺角果啲食，唯有留守粉嶺呢頭睇下有咩食。不過又唔想食火車站果幾間，就醒起逸峰開左薩莉亞。2條友食就係咁易叫少少啦！Main dish叫左雞肉多莉亞，好creamy不過我就略嫌有少少膩，我唔推介。而我最愛就係煙肉蒜香意粉，超正！蒜蓉好香，辣辣正，好滋味！而小食叫左雞翼同蒜蓉田螺。雞翼正常啦，冇特別驚喜。但田螺就好正，焗到啲蒜蓉同田螺勁香，超正！i like it!! 食左咁多加多2支啤酒都係130咋，超抵！不過提醒一下！openrice時間錯既，10點半就收架啦！唔係12點！

今日去薩莉亞食晚餐,之前响將軍澳食過lunch,又買過外買返屋企食都覺得一般,但今晚食完又覺得ok喎,唔知係咪等得耐肚餓,所以好食咗。三文魚沙律$24,都幾大碟。見媽媽食晒應該都唔差。意大利菜湯$12,好普通,不過只係$12,仲想要求咩呀。黑椒蜆肉鐵板煮$19,雖然係鐵板,但唔熱。辣味雞翼$32有8隻,匿個ok喎,不過辣咗d對於我匿講。但匿個價錢有8隻,相比大形店舖嗰d,可以接受。中華海草$9,都係媽媽之選。水牛芝士薄餅$29,可以切4件正常pizza,匿個係主打芝士,無其他料,齋咗d。煙肉菠蘿薄餅$29,匿個好味d。菠菜煙肉辣汁意粉$29,匿個好味,辣辣地。羊鞍焗爐燒$39兩隻,今餐最貴匿個。香蒜辣汁野菌西蘭花$19,匿個都唔錯,但份量真係少咗d。加$12可以任飲汽水,咖啡或茶,有綠茶(仲可以唔洗個個都加架)。叫咗10樣野都只係$265,平時其他餐廳一定唔只匿個價錢,當然食物份量一定唔同,但匿個價錢,匿個質數我覺得超值啦。平平地又想食pizza,意粉係不錯既算擇。當然如果係要求高既,我就唔推介啦。今次唔記得影相

今晚我們去咗粉嶺聯和墟做完嘢之後，去咗逸峯廣場睇吓去邊間餐廳食晚飯？行到去見到有間叫「薩莉亞意式餐廳」嘅門口有好多人喺度排隊等位，心諗點解會有咁多人排隊等位？睇到店外掛著嘅餐牌，發現原來價錢好相宜抵食！我們叫咗煙肉菠蘿薄餅同帕馬火腿薄餅嘅size雖然唔算好大個，但薄餅焗得好香脆乾身，煙肉菠蘿嘅味道比較好，因酸酸甜甜嘅菠蘿配上香濃嘅煙肉一齊食，感覺好清新，唔會有好油膩嘅感覺，至於帕馬火腿嘅味道就比較鹹，而且無其他配料，所以感覺比較單調！黑椒汁肉眼牛扒嘅脂肪仲多過啲肉，而且肉質亦比較鬆散，至於黑椒汁嘅味道就不過不失，但感覺黑椒汁好似好矜貴咁，因份量極之少！蕃茄海鮮意粉嘅蝦肉肉質好鮮味彈牙，而且都算大隻，意粉嘅質感都算煙煙韌韌，但蕃茄醬嘅份量太過少，所以味道就超級淡！辣味鷄翼嘅辣味唔算好濃郁，鷄肉嘅肉質都幾嫩滑，而外皮就非常油膩！另外！飲品就係買咗第一杯之後，就可以無限次添飲！

今日晏就同朋友黎粉嶺拎啲野，渣車經過薩利亞，就決定食呀。薩利亞出名平，野食都唔差 朋友話薩利亞焗飯出色， 就點左呢個。果然唔差，鋪滿芝士，味道濃厚。飯焗到岩岩好，唔會太軟or太硬意粉都唔差，蕃茄有啲酸...海鮮出水出到係薄餅表面，一睇都唔想食 。最尾食左兩件....唔好味好味，再辣啲就正...食落去仲有啲沙...啲蜆未完全吐哂沙...餐廳衛生一般...野食都麻麻地...價錢就算抵食既..不過都無下次...

每次嚟都必叫蒜蓉包喜歡麵包鬆軟不會烘得乾身$10 一個湯真係好抵雜菜料多味道一般且偏鹹之前嚟食都冇咁鹹的新出的野菌意大利飯食落似用普通米不太有意大利飯的口感味道其實幾好但可惜實在太鹹了今晚跟之前來吃的，有失水準，很鹹！

薩莉亞一向出名平靚正，叫到成枱嘢都唔洗擔心價錢，當然相對每款既份量都唔會好大喇~而我就鍾意樣樣都試少少，滿足一吓我既多心~其實都光顧過好多次，見佢餐牌都update得幾密~啱哂我地呢貪新鮮既人~而最近佢地開始多咗好多甜品既item~可以滿足埋飯後一定要有甜品既人~肉醬多利亞~芝士同肉醬味香濃，拌飯一流!菠菜配煙三文魚忌廉意大利粉~三文魚份量尚可，忌廉汁剛夠拌勻所有意大利粉，菠菜沒有苦味辣味雞翼~無得輸，雖然上枱賣相一般，但味道一流，唔乾且十分惹味!hkd12飲品自助吧係薩莉亞既特色，唔知您地知唔知清水都可以免費自取架呢~唔想飲甜嘢都可以多個選擇呀~衛生情況如圖，有油漬既匙，有飯粒既叉!呢個價錢的確係抵嘅!

第一次到薩莉亞意式餐廳，當時非常有新鮮感，食物選擇多，價錢便宜。20161218(星期日)--是日第二次即興再次到訪，沒有了原有的好感，7:00PM到達，最後拿了票等侯了四十五分鐘才可入座。三人點了肉醬飯，兩款意大利粉、羊鞍和鐵板黑胡椒蜆:食物飛快地上桌，上桌時熱騰騰的，味道合格，份量不多。小朋友選擇飲品任飲($12/位)有可樂、忌廉、橙汁、七喜、檸檬茶、咖啡、牛奶咖啡、朱古力、美祿等可供選擇。不用全桌一起選擇，一人也可以選擇任飲，彈性處理，不錯。埋單:忘了價錢，意粉和很多食物價錢由$20-$30不等，便宜，但份量很少，如果胃納大的，又會多選幾款食物，最後埋單又不會等別便宜，只可說是可多試幾款食物。味道中規中矩，餐廳價錢便宜，很多食客輪候，如果動輒要等上愈半小時，我又未必會選擇到此用餐。此次用餐後，我暫時未有再光顧。

我同男朋友一直都好鍾意食薩莉亞，因為又平又好味，一個字：抵食！但係粉嶺呢間分店嘅食物質素真係有待改善首先我地係第一次食粉嶺店嘅，但身為薩莉亞嘅忠實粉絲，緊係一坐低就叫個雞肉多莉亞啦！點知黎到，一放入口。。。冇味嘅。。。男朋友叫咗個意粉，平時好大食嘅佢，竟然食咗一半就話真係食唔到落去，仲話食到想嘔！可想而知。。。仲有我地去斟嘢飲，我撳美淥但佢出水俾我結果我地兩個都冇食晒就埋單走左不過我都知道呢家分店唔係開左好耐，希望遲啲會回復返應有嘅水準啦！

來到聯和墟的新屋苑商場，行到最入係地面嗰層，終於見到呢間最多卡位的西餐廳，媽咪好鐘意係呢到坐，又多嘢飲選擇，食物方面，就首選pizza la鐵板漢堡都正，不過，well,spaghetti so and so law...so salty ah大佬，我好想問佢啲鹽係米捐嚟㗎!!食品方面，除了汽水等行貨，佢的茶包都幾特別，芒果茶包都好有果香，

點左三文魚沙律（$24）普通，似係成碟係雪櫃攞出黎 芝士焗薯角（$17）好味，上枱仲係熱的，👍🏼 煙肉菠蘿比薩（$29）好味，必試 卡邦拿意粉（＄29）好麻麻，但食落其實係正常的 飲品任飲（$12@一位）可樂、忌廉、橙汁、七喜、檸檬茶、咖啡、牛奶咖啡、朱古力、美祿，仲有得加冰。好多選擇