薩莉亞意式餐廳 (黃埔天地百寶坊)

营业中

休息中

大概是全港最价廉味美的西餐厅啦所以每次饭点都人爆满，一眼望去门外人最多的那家就是了，而且餐厅里服务员动作都很快，态度也蛮不错的。餐前汤+餐前包+披萨+鸡翅+饭后甜点=性价比超高的一顿美味去了好多次，总结几个我觉得好吃的食物推荐给大家意大利菜汤(HKD12)感觉有点像罗宋汤，从来对番茄🍅🍅都是没有抵抗力的。汤里的番茄，白菜，胡萝卜等都炖得很入味了，整体酸酸甜甜的，作为餐前汤很开胃；一盘适合两个人喝蒜香法包(HKD10)满分推荐的餐包! 外皮是脆的，里面是软软的，伴着浓淡适中的蒜香，不腻不咸，口感很好!辣味鸡翼(HKD32)两个人八个鸡翼完全吃得完! 虽然是叫辣味鸡翼，但不是很辣，是肉汁丰富的烤焗鸡翼，鸡翼很新鲜，不会觉得是冰冻很久的那种外酥里嫩，会有一点甜甜的感觉水牛芝士薄饼(HKD 29)之前尝试过很多披萨，其实每一款都很好吃，推荐水牛芝士薄饼(芝士很浓郁)；黑椒鸡肉薄饼；鸡肉野菌双享薄饼，都不会踩雷意面推荐:温泉蛋卡邦拿那意粉，野菌忌廉意粉，番茄腌肉意粉甜品狂热推荐:香浓朱古力冰雪蛋糕(不小心删了照片，但是每次去都必点这一款，记得告诉服务员最后上哦)

平時食開意大利野 每樣野都要80至90幾蚊起跳薩莉亞完全係窮人恩物最開心係一大班friend一齊食可以嗌幾樣野share必食肉醬多利亞同水牛芝士薄餅可惜食物永遠都唔係好夠熱

野菌忌廉意大利飯：意大利飯軟硬適中唔會話太過淋身，而內裡因加上有好多不同嘅菌類會有陣陣菌香，雖然賣相好似平平無奇，但食落去每一啖都有陣陣忌廉香味以及菌味鍾意清清哋嘅朋友一定想食，加上輕量嘅芝士粉一齊食都唔會話好漏但食完一定會好滿足，而且咁嘅價錢嚟講真係非常抵食。

薩利亞算係呢一區黎講大件夾抵食嘅餐廳。食過幾次，覺得職員嘅服務態度其實唔錯，送餐都好快又準確，唔會漏唔會錯。食物方面性價比好高。每一碟都係幾十蚊，就算係牛扒都唔過$70！特別推介個牛扒（配燒汁）。佢上菜時大約七成熟，有少少血水同牛汁好香。以呢個價錢黎講係超班！另外佢嘅水牛芝士配車厘茄都值得一食。可以當係前菜沙律用黎開胃。甜品方面佢嘅tiramisu 都好食！整體黎講呢間餐廳嘅餐牌好多選擇，有前菜有沙律，又有飯同意粉，仲有牛雞豬主菜比你揀。以咁嘅選擇咁嘅味道同價錢絕對勝過好多西餐廳

白汁野菌雞肉雲吞  雲吞不錯，熟成度剛好，白汁加左洋蔥、芝士粉等，幾忌廉咪，野菌落得夠多。 野菌忌廉意粉 醬汁同前者一樣，正常 水牛芝士比薩  茄醬唔算多，比較淡口，但芝士就落得好重手。 肉醬多利亞 肉醬好味，酸酸咪咪，撈飯一流。 海鮮比薩九吋比薩口感同味道有別於平時食嘅港式薄餅。比薩唔算厚底，但亦唔薄皮，稍為少少脆但較為煙韌，切起黎有點吃力。一般嘅比薩就好似扁左麵包咁鬆泡泡，蛋味較濃。意式比薩小麥味道好香，亦感覺到發酵過嘅風味。比薩面層舖滿煙三文魚、蝦、魷魚，仲有豐富嘅芝士。材料夠新鮮，芝士味濃郁，但稍為結實，做唔到拉絲效果。如果溫度更高，芝士融化得更徹底，相信會食得更開心。香辣雞翼 雞翼係餐前小食最佳選擇，雞翼烤焗到金黃色，有刺激惹味嘅辣道，肉質嫰滑，肉汁豐富，小食黎講已經好唔錯。卡邦拿意大利粉  卡邦拿最必要嘅蛋味好充足，味道亦夾雜左雞湯同酒嘅香味。意粉韌度適中，煙肉略嫌煎得未夠香口。芝士味同忌廉口感應該要加倍，惟有自行加芝士粉，撈一撈，搞一搞，豐富一下。餐廳大，職員不多，客人請自動波。自助型式，冇人幫你斟茶遞水，所以無須加一服務費。 雖然味道講唔上極之好味，但至少合格有餘，

最愛的飯堂Saizeriya真係平靚正 窮人的西餐選擇唔講唔知 餐單出現左變動 有增又有減.明太子海鮮意粉🍝NewCP值爆燈 明太子醬唔會過腥 微辣仲有魷魚圈同大蝦 必定會再食.雞肉多利亞🧀原來冇左甜蝦但saizeriya嘅多利亞真係好好味無論配肉醬/雞肉/甜蝦 都一樣好食.雜菌x雞肉薄餅🍕有得雙拼好多好多芝士 批底又薄 饀料又多個人覺得黑椒雞肉真係好滑 好抵食

耐唔耐都會想食返餐薩利亞，貪佢價錢唔貴得黎，款式又多，份量雖然唔係好大份，但就更加岩我呢啲心多多咩都想食少少既心態～叫到好似放題咁，埋單都唔會肉赤，難怪無論自己一個，同一兩個朋友，或一大班朋友黎食都好岩！講返食物，每次黎都會order既係辣味雞翼，雖則話辣味，但其實唔太辣，好惹味，肉質又嫩，my favorite!甜蝦沙律幾fresh,甜蝦幾彈牙，係一個好健康既開胃菜～芝士法包，濃濃芝士塗滿法包好吸引，超香濃，啖啖cheese~~甜粟脆薯煙肉焗蛋,呢個係新菜式，都唔錯，焗蛋幾香口，nice try!水牛芝士薄餅,又係邪惡芝士，餅底焗得唔錯，呢個價錢，超抵食啦！溫泉蛋肉醬多利亞，呢個味道都ok,撈埋溫泉蛋，濕濕地，唔會乾～

薩莉亞係想食意式美食但又想平既首選，食咁多次都無令我失望，佢地既水準真係好穩定尤其超鐘意但地既carbonara 同埋鐵板魷魚，真係好好食，又超平，你去街市用同樣價錢都好難買到條咁大既魷魚。# 松露意粉 # ***** ***** 10/10以咁既價錢，絕對比10分。超香松露味撲面而黎，一次過食2碟都得，而且意粉彈牙有咬感，勁好味!# 辣烤雞翼 # ***** ***** 10/10每一次食，呢個雞翼都係熱辣辣，微辣，甜甜地，最緊要係咬落好juicy，唔比10分過意唔去!其實以前響上海食過薩莉亞唔覺咁好食，但係香港既薩莉亞真係超正呀，唔怪得無論邊間分店都長期咁多人企響門口等位啦!

今天和一班朋友打完羽毛球後大家都想吃一個下午茶，於是來到這一間意大利餐廳，這間餐廳座位非常之咁寬闊嘅還有可以自助飲品供應各適其適，我們點了好幾個烤魷魚這個烤魷魚燒烤得非常之香，而且魷魚肉也很爽脆的，還有一個鐵板蜆，這個蜆用黑胡椒和有些檸檬汁去燒製，嘅非常之重黑胡椒味和零檬汁的香氣也非常之足，還有燒雞翼味道也配合得很。

通常在黃埔睇完戲，行7、8分鐘黎呢到食飯。價錢真係好抵，以餐廳水平黎講，仲平過便利店的頹飯，仲要不設加一，明碼實價，以今時今日香港的物價黎講，係好抵食！餐牌選擇多，可以揀好多平日自己煮唔到的野食，而且每樣都好足料！上菜又快，味道也不俗，性價比超高！座位很闊落，每桌之間都有空間，係一家大細聚餐的好地方，見每桌人都嗌好多野食，食得好開心。值得一讚係這裡是員工都很有禮貌，就算有很多工作，但他們都會微笑，而且客人多問一點也不會嫌不耐煩，甚至會給予客人建議。有位上年紀的伯伯員工更會和小朋友玩，令人食飯都好滿意。唯一不足是很多人按服務鈴，令在場會不斷響起「叮叮」聲，但都實屬小問題。希望會在香港其他地區開更多分店！

假期又係諗食咩嘅時候，好耐都冇幫襯薩莉亞，今日就去咗食。其實好耐之前都有傳餐廳嘅衛生問題好嚴重，所以已經有一段好長嘅時間冇食，因為都怕佢啲碗碟唔乾淨，最近腸胃比較好，可以去挑戰下🤣叫咗明太子魷魚🦑意大利粉，意粉多汁，明太子都多到食唔晒。雞肉多利亞意大利飯係我係呢一間餐廳一直以來最鍾意嘅嘢食，水準都仲可以保持到，都好味😋最後叫咗四隻辣味雞翼，唔知係咪好耐冇食，都好懷念佢雞翼嘅味道，好好食呀😘薩莉亞係平價餐廳來講係好食嘅，如果冇衛生問題，我諗我都會多啲幫襯😆

放工後同夫君到窮人恩物之選，食平平意大利餐。這是我們對此餐廳的稱呼！🤣因為7:30後先到，所以都頗多人，要等大約20分鐘才有位。入餐廳前已鎖定目標，雞翼，香辣腸，意粉及pizza😉😉快速看過餐牌便點了以下⭐️辣味雞翼4隻 - 必點，唔洗講⭐️香辣腸 - 配上薯角，但略嫌太乾⭐️黑松露野菌Pasta - 這款之前沒試過，平常我們會點温泉蛋carbonara pasta。意粉一上枱便聞到好香松露味，醬汁不會太多，都不錯。⭐️煙肉菠蘿pizza - 好多芝士，味道淡左D。盛惠$98，經濟實惠之選🤪

已經好耐冇幫襯過薩莉亞，但今晚年初二晚飯冇嘢食，我想食啲係除咗連鎖店之外既野！明太子魷魚蝦仁意大利粉（$34 ）呢一款好似係新口味，我以前都未見過未食過。新年就梗係試吓啲新嘅嘢食啦。呢個意大利粉都OK呀，正正常常不過不失😌不過感覺上啲意粉份量好似比以前少左😂可能我真係太耐冇幫襯過啦😝出咗新款又唔知，加咗價更加唔知lol除咗食意粉之外，我重點左辣味雞翼四隻（ $17 ），又加價啦哈哈！薩莉亞嘅雞翼都算係佢嘅保證黎嘅👍但一定要叫辣味先至得！一個人食四隻就啱晒，夠晒喉😃😃

成日諗唔到食咩就會去薩莉亞食，每次都要必食雞翼，又香又辣。平時食開水牛芝士pizza，今次叫左粟米Pizza，啲餡都好多，啖啖都係粟米，好好味。最後梗係要叫返個肉醬多莉亞。

呢間餐廳係由中學食到而家，原因係佢性價比非常之高，適合任何年齡層嚟食。佢嘅意粉之中我最鍾意煙三文魚菠菜意粉好香好好食。另外佢嘅雞翼有少少辣，會好juicy同滑，啖啖肉，非常之咁抵食，兩個人可以食一打都唔肉赤。但係佢嘅意大利飯就差少少。同埋菠菜比較梅。薄餅個餅底比較厚身同硬身，我就覺得一般啦。總括來講都係非常之抵食嘅、係糧尾嘅首選