薩莉亞意式餐廳 (碧海藍天)

营业中

休息中

芝士薄餅外皮焦脆,內餡芝士濃郁,每一口都好滑順,非常美味。而魷魚蝦仁意粉,醬汁濃郁鮮美,配搭細滑Q彈嘅意粉,口感香滑爽口。魷魚同蝦仁非常鮮甜彈牙,令整個菜式變得更加豐富。至於蜆肉意粉,同樣以特製醬汁烹調,味道香濃鮮甜,與嬌嫩嘅蜆肉完美融合。粉身更係咬落一個彈牙,非常討味。三道菜式雖然都係意粉,但每一個都有唔同的特色,無論係口感定係味道,都錦上添花,令整個用餐體驗變得更出色。總括黎講,呢三道作品既美味又富變化,非常適合喜歡意粉的香港人。性價比高,絕對係情侶或家庭聚會嘅不二之選。強力推介!

位於荔枝角 AEON入面的薩莉亞一直也是知道這店很價格很大眾化 一直說是可以裡面任點buffet 但是lunch $35也真的是太便宜了 也有很多學生過來幫襯點了一個意粉，一個沙律 然後咖啡可以不停拿 我真的是覺得他們的咖啡豆有水準 我覺得以這個價錢相當超值食物方便吧 就一個普通意粉 但是＄35能吃飽己經很高興沒有什麼特別要求但是有一點扣分的，就是他們的餐具很髒 看起來就是沒有做清潔 令人擔心他的衛生程度 圖三的那個叉子真不敢用 建議餐廳用一次性餐具

我同朋友去食薩利亞餐廳啦，我哋嗌咗腸仔、牛扒同明太子海鮮意大利粉。先講腸仔，性價比真係最高。味道唔錯，腸仔煎得剛剛好，外脆內軟，好多汁。係我最喜歡嘅一道菜至於意大利粉，味道就中規中矩啦。唔算出眾，但都算鮮味可口。明太子同海鮮味道都幾香濃，意粉煮得夠彈牙。不過我覺得味道有啲普通，冇乜特別之處講到牛扒，就真係有啲失望。七十幾塊嘅價錢，性價比真係低過茶餐廳。牛扒嘅質素好差，肉質粗糙，味道唔夠嫩滑。真係好難吃，冇食過咁差嘅牛扒薩利亞餐廳嘅腸仔同明太子海鮮意大利粉性價比最高，味道都唔錯。不過牛扒嘅性價比就低過茶餐廳，味道好難入口。如果你去食，可以試下佢哋嘅腸仔同意大利粉，但牛扒就要小心選擇啦

睇完網上介紹呢個品牌，就想再次光臨平日放工嚟到未係好多人同店員示意拎位，就叫我哋掃針咭入去我哋揀咗個卡位坐底呢間舖都幾新淨，光源充足，坐落都舒服呢個鐘數已有不少家長小朋友、同學仔食緊相對係比較熱鬧同噪吵啲-家庭式餐廳最大特色價錢便宜估唔到款式都幾多選擇我哋兩個人首先揀咗忌廉湯十幾蚊都預咗罐頭湯咁湯面有裝飾再配埋復古風格的碗，賣相不錯飲落都似罐頭湯再多少少調味估唔到都幾多海鮮粒，味道不錯香草牛油焗田螺勝在香草牛油汁調得好，提升咗味道香草蒜蓉包夠蒜香夠哂脆雞翼味道還好窩蛋芝士肉醬飯食落有層次，加埋蛋汁送飯一流最後仲有朱古力甜品意外好食-整體價錢取勝，味道還好，份量比較細碟食物款式都幾多，啱一家大細同學生嚟食如果你鍾意嗌到一枱都係食物呢度只需要少少錢就滿足到你～

外買時，只要求餐具，亦被瞓話，指用OpenRice 落單需要提出，沒有的話，下次不會再提供。 究竟我開口要求餐具都有錯？記著，並不是每個人外賣都是回家吃的。希望薩利亞高層留意工作人員態度。

是日星期五，大概二人枱等左十幾分鐘到入座，入座差唔多8點幾，場內其實大部分都有客但唔係full house果種，按鐘等待職員過來落單，等左一陣無人黎，試下再按，見到場內得一兩個職員，個個都ignore個鐘上枱號，我估都係唔夠人手架姐，等到終須附近有枱客人走左，職員慢慢行去收枱我地再舉手終於過來落單啦～叫左水牛芝士，意粉焗菠菜同一個肉眼排，等左20零分鐘，一直都未有任何食物到，都仲係諗緊，應該唔夠人手架姐，等下啦～但其實一直期間見職員數量咁少，但仍然係慢活慢慢行遊緊雲咁，一啲都睇唔出好趕好急既情況，到老公出去再拎多杯野，見到場內多兩個職員，生怕會唔會漏左單，因為落左單咁耐都無人派返單，老公出去問下收銀，哦原來有落到單，再等下添，之後差唔多半個鐘黎曬所有食物，仲見個職員好木口木面咁好想即刻放低曬手上所有食物，以為係咪當中有牛排焗野所以熱到想快啲放低，但原來食到落口樣樣野包括牛排焗菠菜都只屬於暖的情況～意粉係涼到係瓊埋一舊咁，我真係唔知自己食緊咩野，其實我絕對明白呢個價錢唔應該要求太多，但係食左咁多年咁多間分店，我完全未遇過呢個情況，然後個個職員係慢活人生到以為自己係高級餐廳食緊

薩莉亞意式餐廳我唸係香港都有十年歷史, 但我一次都無幫襯過, 無仔細研究過佢, 間唔中經過門口, 覺得佢就係pizza hut d friend, 而感覺pizza hut 仲要比佢多一點新意, 會搞下D綽頭。而今日因為唸住去AEON睇下D微波爐加上聽日又預先約好左食大餐, 今晚決定簡單食, 所以就黎左呢間開係AEON入面既新分店。餐廳面積非常大, 枱又擺得好疏, 睇埋個餐牌價錢, 覺得如果咁都有錢賺, 咁香港好多餐廳食水都真係好深。我地點左脆脆蝦, 青醬蜆肉西蘭花意粉, 黑椒汁漢堡, 蒜香法包同飲品吧。真心覺得呢度係中, 小學生既天堂, 無論係同一班同學仔黎食定屋企人帶佢黎食, 屬於小朋友既口味, 價錢十分便宜仲有任飲汽水。如果我小時候薩莉亞意式餐廳已經係度, 我唸我會經常慫恿媽咪帶我黎食, 真係食多幾次都唔會肉赤。青醬蜆肉西蘭花意粉同蒜香法包好味, 青醬份量足夠口感順滑沒有苦澀味鹹度亦適中, 就係小朋友都好易接受既簡單味道。蒜香法包必食, $10一份, 焗得啱啱好, 香脆又充滿蒜蓉香。平時一般外賣麵包店買個蒜香包都要呢個價錢, 又要無咁好食, 呢度仲有得舒舒服服咁坐同免收加一。黑椒

因為疫症好耐都冇同老公出去食飯行街啦...👫咁啱今日大家都一齊放假，所以諗住去Aeon supermarket睇下有咩正牛扒🥩做晚餐🤤。 點知過到嚟發覺係到開咗間薩莉亞...喺薩莉亞🤩🤩🤩真係好正囉😍😍同老公二話不說2條友立即走去攞位，好彩當時都唔算太多人，等咗15min左右就有位👍 依間枱櫈環境比深水埗分店整潔很多👍睇見lunch menu 選擇都有好多幾抵食。 我個set揀咗有田園salad、 粟米廉湯湯＋黑松露野菌忌廉意粉，1個價錢＄47有咁多野食真心覺得平、靚、正呀！最後，有d 美中不足就係叫咗布甸甜品，竟然漏咗單

留意到「薩莉亞」這個品牌最近喺香港已經開到成行成市，非常厲害！呢間日式連鎖快餐店早年因為衞生問題見報，以致很多人都不敢去幫襯。但係香港人都很善忘，因為每次經過「薩莉亞」，都會見到裡面人山人海。呢晚我地嚟到荔枝角，心想週六夜晚應該唔會太多人卦？點知我地估錯咗，幾乎全院滿座，兼且非常嘈吵。因為很多枱食客都係一家大細，食得高興自然氣氛熱鬧啦！講返食物質素，幫襯咗咁多次，雖然唔係同一間店，但係每間店嘅水準都差唔多，不過不失。以超平價錢可以食到薄餅、意粉、海鮮、周打魚湯，而且唔駛加一，確實非常超值！

今日去左試新開嘅Saizeriya,地方都幾闊落又多位，都有唔少家長小朋友去食。我地叫左周打蜆湯，菠蘿煙肉薄餅，明太子魷魚蝦意粉，雞肉多利亞同雞翼。周打湯$12一碗，有一粒粒嘅蜆，蘿蔔，薯仔同洋蔥，足料又夠味。薄餅$30好多菠蘿，不過麵團就麻麻地。意粉$34來說夠大份又非常足料，明太子落得豪爽，海鮮質素都唔錯，值得推介！焗飯$29嘅白汁配雞汁幾好食，雞肉有燒過嘅味道。雞翼17蚊4隻，都煮得惹味，不過皮就可以更脆。總括：性價比極高又唔使加一，不過記得要帶cash因為佢只收現金。