薩莉亞意式餐廳 (喜薈商場)

营业中

休息中

非常肚餓，黎到位於喜薈商場的薩莉亞意式餐廳醫肚，早排黎過裝修緊，今日黎終於開返啦~客人唔算太多，但唔知係唔係時間撞正落場時間，店員不足，見佢地好忙咁又收錢又落單又執枱又送餐，但都好快可以幫我地落單。一行三人點了五樣食物，包括8隻雞中翼、蒜茸焗田螺、白汁雞肉菠菜、甜蝦粗管麵和卡邦拿娜意粉，感覺份量好像少了，但質素依舊好吃。蒜茸焗田螺係我的最愛，田螺大大隻，加上蒜茸焗得非常惹味，食完田螺都要食埋D蒜茸。。而甜蝦粗管麵的份量較少，但其他餐廳好少有粗管麵，所以特別點來試試，配合白汁芝士，口感不錯。

下課後想吃沙律！就想起平價的意大利餐廳「薩莉亞」這名字已經深深地印在小市民中。辣汁西蘭花菇菇 $19 走辣，白灼西蘭花和菇菇西蘭花清甜，菇菇爽口，白灼不會太久而變得太軟身，不錯的！唯獨份量較少...可是這清新的感覺讓人不能拒絕！☺️黑椒汁燒雞 $32配菜為粟米和3塊薯仔👍🏻黑椒汁沒有辣味，雞肉較想像中靭和份量少，沒有嫩滑的感覺，粟米和薯仔很正常！$32可吃到平價鐵板燒，沒有什麼要求了吧！😂既可以吃到鐵板燒又可以吃到沙律，肚子好感動😭

星期六夜晚, 我地一行3人係荔枝角行完街之後搵食，因為荔枝角呢D工業區，好多餐廳都淨係做五日半，所以我地就行返去長沙灣搵食喇。行到興華街，竟然見到薩利亞，諗都唔洗諗即刻衝左入去拎飛，果時未夠7點鐘，所以我地等左5分鐘就有位。呢間分店都幾新，裝修比較光猛。點餐後加飲品吧就可以出去斟野飲。飲品吧除左汽水之外仲有咖啡機提供咖啡。蒜香法包($10)烘得岩岩好，好香蒜味辣味雞翼係必點，辣得好入味雞肉多利亞係我最愛，份量都夠一個人食。辣肉腸pizza , 辣肉腸比較乾身，但pizza 唔錯卡邦尼意粉，唔知點解硬係少咁D野咁，好唔知點。

忍唔住呢頭食完，返嚟即刻寫食評。 薩利亞咁多分店，係未試過好似呢間咁。 今日lunch一個人諗住快快趣係附近呢間食，去度冇人等位，按左飛仔一陣有個女侍應A出來。 呢個時候有個阿嬸閃係我前面同個女侍應講佢一位，個女侍應就帶佢入去，我話我嚟先，飛都攞左。 佢先問阿嬸有冇飛，阿嬸話唔識攞。 之後個女侍應就話一齊入啦，一個既坐呢度，要我同個阿嬸一張枱。 我唯有照坐照落order，同落order個男侍應講我地係分開單的。 之後阿嬸都落埋order，阿嬸張單返到嚟係加埋我d order。 阿嬸搵左另一個女侍應B來問點解張單咁貴，我地係分開單，呢個時候女侍應B話咁你地做咩坐埋一齊，呢度冇得搭枱。 我叫佢問返佢同事點解咁安排， 佢若無其事叫我坐過另一張枱，好似係我有問題？ 第一，你有部攞飛既機，係咪應該跟飛叫入座？ 第二，你D同事 (at least 2 個) 都唔知冇得搭枱呢回事，公司有冇做training？ 第三，客人有得揀梗係唔會想搭枱，只係你同事咁安排，lunch hour都費事你地生意做少左，但到頭來又係你地同事話冇得搭枱，仲好似講到個客有問題“你地做咩坐埋一齊”。 一句唔好意思都冇，你地同

次次黎的必點菜：煙三文魚！$24有好多塊，正足料份量大的意粉！黑松露味勁濃，菇又夠多，點解可以賣34蚊咁平，超好食呀另外再嗌個雞飯，啲芝士多到呢～好邪惡，入面有少少飯，啱晒細食的人再嗌個小食：蔥蒜雞扒呢個就失色咗少少，首先等好耐先黎，其次佢啲肉好鞋....不過味道十足！勁多蔥蒜，如果啲肉無煮到咁鞋就perfect了，好可惜

價錢平，好好味。但每份食品份量不大，剛剛夠一個人吃，大食者要份半。我最欣賞是: 每位加12元就可在飲品吧任取，靠自律，無人監察，好大方，飲品種類很多，大概有十來種，我飲了四大杯，又冷又有熱，覺得好滿足; 小孩子最高興，成日去飲品吧飲不同的汔水。以價錢來說，認真抵食，如果在又一城, 近似的fusion 菜，最少要一倍價錢。不過星期日要等位最少半小時，因為少伙記執枱，場內有好多坐位等執檯，因此枱有枱等，人有人等。好彩大堂有冷氣。建議等位人仕可落定柯打，一有位就有得食。或者未執檯時，已經告之客人等緊什麼號檯，落定柯打先，一執好枱就有得食，因為叫pizza 要等最少廿分鐘，霸住張枱又係度等等等。因為人多，知客攪唔惦，有個顧客被人打佔，不停駡，男知客不停道歉也於事無補。楊太

食過其他分店都唔錯，今次見到長沙灣開新分店，就諗住試下尼間分店好唔好食。叫左意大利菜湯。。。湯好稀，而且越飲越咸，唔建議飲尼個最後我要飲大量水先解到咸味。（我飲唔晒，頂唔順）之後仲叫左白汁雞肉菠菜。。。外觀冇咩野，但一攪就知唔對路。d汁好稀，同我平時食既分店好唔同。同埋菠菜唔入味。。。菠菜，白汁同芝士，好似各自獨立上都得，完全夾唔到味。食左咁耐，第一次覺得難食。整體：果然唔同分店唔同廚師，下次唔會再幫襯，今次感覺好差。