藤本藍鰭吞拿魚專門店 (已結業)

今日經由熊貓下單外賣自取，7:05落單熊貓話7:24可以拎，我去到7:30仲未有，我等到7:40忍唔住追問幾時有，因為我已走左一班車，唔想再走一班，佢趕完出來後，用我聽到既語氣同其他人講話我趕住去死！我落order既全部都係生野，跟本冇任何樣野需要煮，到最後7:44分我先拎到外賣. 我唔知佢既野好唔好食，但咁樣既態度，已經唔好講服務，係完全冇服務，年長店員果種黑心程度，佢d野出遲左追佢地仲要比人咒去死，唔好貼錢買難受！

每個禮拜返工想食日本嘢都會黎幫襯幫襯咁多次今次黎評價下喇！🌞摯愛食佢啲炸物，牛扒飯，仲有三文魚捲！😋之前平平無奇一大夠肉🌝食肉獸狂喜~宜家會幫你擺花花~該死的儀式感🤣又幾靚喎三文魚捲~~超好味！唔會太熟~半生狀態！贈送嘅吞拿魚湯我都好中意！好好味！有時候同事唔飲我會幫佢飲埋😋一個人飲兩碗湯🤣我對生嘢麻麻哋(魚類)，平時同事同我一齊黎食，佢叫生嘢食比較多，試食咗佢啲澳洲吞拿魚又幾好味啊，我覺得好味過啲三文魚(我對生嘅三文魚麻麻)。希望之後有多啲新嘢食喇❗️❗️🥰

近日倒核廢水，對日本餐廳都有影響，經過見到好多日餐廳都少人，但其實香港好多日本餐廳既食材大部分都唔係來自日本，所以都唔係太擔心。平時去開lunch既藤本就主打澳洲吞拿魚。近排見佢轉左menu，加左意粉，仲多左選擇幾好最正係lunch包湯，沙律同埋前菜，唔洗成日食魚生飯。前排食左個蟹肉蟹膏意粉，勁正蟹肉都好多，夠晒蟹味，一啲都唔腥🤤今日就食左個三文魚帶子丼，好鮮甜。追加左炸餃子小食，外脆內軟。下次再試吓吞拿魚黑松露意粉，佢啲意粉真係令人有驚喜！

好耐冇食過咁難食既野！叫左個二人前套餐$398個十件壽司好似lunch 已經搓好放到左成日咁，落完單都冇5分鐘就上菜。刺身三點係大拖中拖同赤身各兩件，但都食唔完就叫佢地收走，個幾塊野完全冇味，睇落個樣極唔新鮮，食到想反胃。諗住食個壽喜燒定定驚，點知碟肉好似雪幾日幾夜咁。個湯底都係得個甜字條花魚一夜干燒到乾過柴。最慘係連杯柚子蜜都可以冇味既。簡直係浪費左個胃，完全唔知點好評點黎食到一肚氣！係除左價錢ok 之外冇野ok,平時唔寫食評都要留返個字！

呢間店已經轉左幾次手雖然個名唔同，但開親都係日本野之前個兩間都OK，諗住呢間都唔差啦點知中晒伏完全唔係食評啲人咁講吞拿魚必食三文魚都仲好過佢呀我同朋友分別叫三色藍鮨吞拿魚丼同雙色藍鮨吞拿魚丼三色有赤身、中拖、大拖雙色有赤身、中拖兩個丼同樣都共有六塊刺身但三色丼係細塊同薄過雙色丼朋友同我都覺得佢嘅吞拿魚非常一般👎🏻👎🏻👎🏻個樣睇落唔覺得好新鮮，味道食落又唔鮮味三款赤身、中拖、大拖味道都差唔多油脂又唔夠😰😰😰感覺同啲連鎖壽司店差唔多甚至可能仲好過佢，無下次啦

上勝執咗之後，下一首依然係一間日式餐廳，主打高質藍鯨吞拿魚。估唔到去到晚市都依然有套餐，值得一讚。每個套餐都會有三款吞拿魚刺身，每款一片，同埋有一個沙律，一碗吞拿魚頭麵豉湯，整體都唔錯，可以再encore

同呀媽食好西 😚1. 藤本吞拿魚御膳 $158當中包括赤身，中拖羅，大拖羅，吞拿魚腩蓉軍艦壽司，吞拿魚腩蓉小卷及迷你吞拿魚腩蓉丼🐟丼飯係醋飯，超好味，而且吞拿魚好新鮮，可以一次過品嚐唔同部位嘅口感！ 雖然揀左少飯，但係都係食唔哂個飯架！2. 黑松露和風牛肉定食 $88 每一啖牛肉都充滿黑松露味，夾埋洋蔥一齊食會變得口感豐富，配白飯一流！ 每個set都會跟一碗味噌湯，沙律菜及中華沙律～ 呢間性價比超高，值得一去再去！

之前經過荔枝枝發現這間新開業的藤本藍鰭吞拿魚專門店、專門吃呑拿魚的店沒多少間、趁今天放工買回家一試。餐廳環境光潔闊落、晚上六時來到上班族還未放工、外賣也不用等太久。值得一讚是外賣包裝做得不錯、就算搭車回家後仍然保持完好。藍鰭呑拿魚赤身丼魚肉油潤軟稔、而火炙藍鰭呑拿魚赤身丼表面稍微用火炙烤過、微微焦香、裡面呈半熟狀態、肉質仍保持軟滑。簡單灑上芝蔴已經很美味。除了刺身丼、還有多款創意卷物、壽司、熱食可點。火炙三色卷裡面除了有呑拿魚、還有燒汁鰻魚、鋪上滿滿的魚籽、味道口感更添豐富。另外海鮮丼有油甘、呑拿魚、蝦、三文魚、炙燒左口魚跟蟹肉、鮮甜豐富～不用$100就食到吞拿魚丼、性價比超高！

Sunday，懶洋洋！不想煮飯，我姊建議吃外賣，舉雙手贊成！她說教會附近新開了家日本料理，有外賣優惠，可以試試！我們點了以下的：#火炙藍鮨吞拿魚丼：我吃這個，喜歡火炙，藍鮨吞拿魚的油香更突出，米飯軟糯，加了壽司醋，好吃！#三文魚拼藍鮨吞拿魚丼：我姊吃這個，她說三文魚和吞拿魚都很新鮮。#三色藍鮨吞拿魚丼：1碗有齊大拖羅、中拖羅、赤身，和上面兩款丼飯，價差只30元，性價比之選！#味噌湯：跟丼飯，有鮮味又不會過鹹，好評。#蔬菜沙律：跟丼飯，蔬菜新鮮的。媽媽不吃生冷食物，又點了：#鹽燒三文魚頭：好多肉，油香滿滿，大愛！#三文魚親子卷：三文魚火炙過，好好味！100％會再吃的店，下次會堂食。

荔枝角一向都有好多美食，這家是最近新開的，位於長荔街，是專門吃藍鰭吞拿魚的～作為日本美食愛好者，當然不能錯過啦！店鋪環境夠大，相信午市來吃都不需要等太久，而晚上人就少很多，連外帶都可以很快準備好，這大概就是工廈區餐廳的特色吧～小安點了兩份，一份是三色吞拿魚，有赤身、中拖及大拖，三款吞拿魚的丼飯配沙律和湯，竟然不用一百元啊，太抵了吧？另一款是三文魚配吞拿魚蓉丼，同樣是配沙律和湯，只需$68（晚市一樣價錢），性價比極高！丼飯是醋飯，而刺身份量不少又新鮮。外帶的話還會有保溫袋，好貼心～整體都好滿意。

一向都好鍾意食吞拿魚，知道荔枝角開咗間吞拿魚專門店、特登放工去買外賣返去同屋企人一齊食～店員話剛剛開業三個月，難怪餐牌也好像新的一樣、堂食座位都好舒適。店員話剛剛拖羅運到好新鮮、推介我地試一試。藍鰭呑拿魚赤身丼 賣相不錯、保持魚身的油潤、赤身油脂較少、口感紮實。海鮮丼 有赤身、三文魚、油甘魚、左口魚裙邊和甘蝦、好豐富。最喜歡炙燒過的左口魚裙邊肥美爽口、濃郁甘香～以這個價錢來說性價比好高、下次試下其他熱食先～

平日行過發現開左間新日本餐廳 見餐牌咁平就入去試下😋餐廳佈局好有日式風格😍Lunch menu 一d都唔貴 1個set已經包哂前菜 沙律同湯都係$78!!叫左個鰻魚飯 醬汁好好味🤤黎到梗係試鎮店之寶 藍鰭吞拿魚!! 肥美又鮮美 超正🤤🤤味噌湯足料又唔鹹😊餐前小食青瓜仔好脆好開胃☺️ 真係好味到全部清哂😋😋總括嚟講 呢間新開嘅日本餐廳真係好平 用平民價錢就已經食到日本質素嘅美食同刺身 如果平時行去荔枝角 又掛住日本既話 真係可以去食下 lunch set 真係好抵食☺️☺️

誤打誤撞搵到間藍鰭吞拿魚專門店每日即切吞拿魚聽到都覺得勁撞啱時間仲有切魚表演睇添😍下午茶時間嚟 平日係有下午茶不過我就撞正端午節唔緊要 點午餐一樣抵食點咗火炙藍鰭吞拿魚當吞拿魚好厚切 夠晒新鮮 仲有五大件有一件甜蛋 好滑溜Wasabi係即磨食到有粒粒口感嘅套餐仲跟吞拿魚頭煲麵豉湯芥辣魷魚同埋沙律$78絕冇欺場一場嚟到當然要食刺身啦～午市加$28就有中拖羅食喇❣️其實比貴少少要大拖羅都得不過我鍾意冇咁重油脂另外其實熟食種類都好多串燒炸物等都有我就點咗燒牛舌牛舌夠厚身之餘燒等都好香口最正就係個芥末籽鹽就係幫境牛舌升華咗呢度冷氣勁足又多卡位（滿座）座得好舒服 熱辣辣嚟呢到食最啱

無意中發現近年日式丼飯店愈黎愈多，有位朋友喺荔枝角番工，佢話lunch食過一間藍鰭吞拿魚丼飯覺得好正😁我今日咁啱去開長沙灣政府合署有啲文件要交，去完就同佢試埋戈度嘅dinner先。除咗menu本身有嘅菜式，牆身上有黑板寫住有好多刺身同燒物，客人又多啲選擇。吾好以為餐廳叫藍鰭吞拿魚專門店就得藍鰭吞拿魚食，其實仲有好多款壽司同手卷食。首先食大拖羅壽司，一黎到已經知高質喇，大拖羅顏色好粉嫩，一食落口好多油脂🤤特盛吞拿魚手卷，有齊曬大拖羅、中拖羅、赤身，啱曬勁中意食吞拿魚嘅人！大拖羅油脂最豐富肉質好淋。其次系中拖羅亦吾錯，赤身口感較實在。中三文魚腩手卷，三文魚肉質肥美新鮮。月見免治雞肉棒，免治雞肉棒啖啖肉，食到啲雞軟骨好爽口，沾上醬汁更美味。藤本吞拿魚火山丼，用得餐廳名命名應該吾會差。用吞拿魚蓉飯砌成火山形狀🌋飯本身有日本醋味，撈埋wasabi同新鮮吞拿魚蓉食滋味非常。

小編今次同太太嚟到呢一間位於荔枝角，專門食藍旗吞拿魚嘅日本餐廳食晚飯，吞拿魚一向都係我同老婆喺日本菜式裏面比較喜歡嘅一款魚。小編今次同老婆order咗吞拿魚手卷，三文魚腩手卷，大吞拿魚壽司，吞拿魚丼飯，同埋免治雞肉棒。吞拿魚菜式方面，餐廳係以吞拿魚做主打嘅，所以吞拿魚嘅質素絕對有保證，吞拿魚新鮮不在話下，配埋餐廳特製嘅壽司飯配合到相當完美，小編特別推薦吞拿魚丼飯同埋吞拿魚手卷，呢兩款簡直係體驗唔到何謂新鮮美味嘅吞拿魚。大家不妨嚟到呢一間位於荔枝角，專門食吞拿魚嘅日本餐廳試一試。