藤椒知味

营业中

休息中

今日去觀塘行咗一日街，周圍揾嘢食，點知嚟到巧明街，見到依間藤椒知味真係估佢唔到，店舖平平凡凡，都應該係三哥啲friend啦，點知出乎意料之外，佢嘅牛肉米線同魚片米線真係好好食，牛肉好新鮮，魚亦超滑，真係估佢唔到，正！直得再試

個名叫藤椒，但係果碗藤椒魚片米線就同清湯一樣嘅，零椒味，同清湯無分別！魚仲要係雪藏嘅，魚丸得一粒！重點哩碗嘢，我哋等咗個幾鐘6點幾同埋朋友一齊嚟，有一半吉枱但電話就講到要特登留座咁。坐低就有個亞姐掉張QR code 講咗句“自己落單，如果你上到嘅話”就人影都唔見啦！想問咩上到？攞手機出嚟就知咩事，原來張舖係零訊號，兩部手機真係一格都無，但舖頭又無 wifi 喎，咁點落單呀？唯有手寫啦！寫咗一碗藤椒米線，一碗清湯米線，兩杯石榴凍飲，一份雞翼，一份粟米。為咗唔嘥紙，我哋係填埋係一張紙上。大約20分鐘後上咗一份清湯米線，跟住一份粟米，10幾分鐘後再上一杯凍飲，我哋即時提醒係兩杯，亞姐哦完話好追。結果等了又等，我哋追咗三次，直到7:45聽到收銀話8點收舖......what?!我哋等咗個幾鐘，仲有一碗藤椒米線，一份雞翼，一杯凍飲仲未上喎！無獨有偶，現場多枱人（其實坐咗十枱都唔夠）都急忙舉手，我嘅隔離枱又係兩個人，又係好似我哋咁只嚟咗一人份嘢食。追問之下，個收銀先話無哂啲單，先嚟逐枱問返我哋仲有咩未嚟？我哋追咗3次，依家先講無單？ 仲要咁奇怪，二人枱嘅剛好嚟一人份？我兩杯一樣嘅凍飲，入單唔好入2

當日我和我太太經過，見到新開張於是走去幫襯，我地二人入去點了兩個藤椒湯底米線，而配餸方面分別點了香茅豬扒，滕椒雞扒，滕椒牛肉及滷水雞翼，飲品方面石榴茉莉茶，芋泥茉莉厚乳….職員先上飲品，石榴茉莉茶是可以的，但係芋泥茉莉厚乳，飲的時候用黎沖飲料的粉是未完全溶化，即代表該杯飲品完全沒有手工成份，第一啖已經好似將D甜味粉狀放入口😑到米線上到枱上，我首先試一試個湯底，完全沒有藤椒的清香，及一點少麻的感覺都沒有，同鹽水湯沒有分別，之後我就是滕椒牛肉，牛肉是經過梳打粉泡發過，這點絕對不能夠接受，因為北方的麵食就是一啖湯一啖米線一啖湯一啖配餸，而將牛肉泡發過，湯底絕對不能滲入牛肉入面，就算某大集團亦都唔會咁做，如果因為成本問題，其實可以轉用肥牛⋯⋯食豬扒的時候，一口咬落去感覺有生粉鋪在外面，口感非常差⋯⋯基本上，配餸方面係用車仔麵的方式放在北方麵食，完全沒有北方麵食的元素⋯⋯在時段方面，我們是午飯時間去，我大概10分鐘已食完，食完立即收走我面前的碗及筷子，絕對明白午飯時間出邊有人等位，及做多啲生意，但係我太太未食完我都係唔走得，咁你收嚟做啲乜？😂😂😂而且店內的掛畫是有紅糖糍粑及醉雞，但是菜單上是沒有

🍜喺社交平台碌到呢間位於觀塘巧明街嘅米線餐廳「藤椒知味」，小編咁啱啖附近，於是試咗個下午茶餐。🌶️店名都用藤椒做主打，當然要試試佢地嘅知味滕椒湯底！小編揀咗下午茶雙拼套餐，配料就揀咗藤椒雞扒及藤椒牛肉。配送飲品一杯，免費升級熱特飲！🍲上菜速度快，肉片份量感人。但湯麵只屬微溫，欠缺冬天嚟碗熱騰騰湯麵個種幸福感。藤椒湯底喺清湯帶微微藤椒味，整體偏淡，算不上出色。藤椒雞扒及藤椒牛肉並沒有任何藤椒味，只係普通茶餐廳嘅雞扒及牛肉片質素。🥄幸好，桌上放置自肋藤椒油！額外添加藤椒油後，香味提升不少！藤椒油喺全場最出色作品。🥱整體而言：1. 座位空間寬闊。2. 店員親切，上菜速度迅速。3. 茶餐廳質素，整體表現一般，試一次就算。藤椒知味地址：觀塘巧明街99號巧明工廠大廈地下15號舖電話：23983329/23983836營業時間：星期一至六 07:30-20:00#香港食好西 #香港 #野生代言人#觀塘#巧明街 #巧明工廠大廈 #藤椒知味 #米線 #藤椒

因為好多foodie 吹奏及新開張既新鮮感，lunch 好多人排隊。 排隊安排都ok ,但 阿姐傾向俾大枱入先，就算你3個人，隔離3個人，明明可以併枱，都會俾個排後d既6人枱。等左25分鐘，終於入到座。但 結果都幾失望，我食左滕椒湯底+滕椒雞扒+冬菇+生菜米線。 個湯底 除左好輕微既滕椒味，係無乜其他味，個雞扒淨係得個咸，冬菇有沙，係菜無出事。 好在佢有滕椒醬提供，就可以加返唔少分，可惜 加左又會太咸….. 整體係唔ok, 唔會再去～

出嘢超超超超慢，等咗一個鐘都冇嘢出，全場客人等超耐都出唔到一碗米線。阿姐手忙腳亂，唔知忙啲咩，經常出錯嘢，一碗米線可以來來回回3～4次都出唔啱。最好笑係叫咗碗撈米線，阿姐問點解冇湯，使唔使俾返碗湯？問佢呢個本身有湯，佢話冇，之後就走咗⋯⋯⋯

Lunch去食等左15分鐘就有位，13:34落左單等到14:15（已過正常公司食飯時間）都係得2杯凍檸茶加一個小食。出菜混亂，侍應冇咩禮貌。隔籬枱仲慘，樽裝可樂都等咗大半個鐘先有。真係無下次，重點小食都係一般