蘇花餐室

营业中

休息中

友人與我共三人到這餐廳吃晚餐，點了C10, C11 套餐，全部都是番茄湯底+炸魚柳或雞髀。本來朋友想點炸雞翼卻被告知沒有雞翼。食物就像普通茶餐廳般，番茄湯底普通，不夠濃，太少番茄，雞髀很少，食物份量不太足夠 - 唯一可取之處是烏冬彈牙。另外朋友說餐牌上的”出錢一丁“名不副實，口感像較廉價的公仔麵。更加讓人失望的是侍應的服務態度惡劣，下單時極黑面。另外還不讓客人因為聞到街外汽車廢氣換位置，罔顧他人健康。價錢不吸引，食物普通，態度惡劣，已入黑名單。

148 蚊牛扒， order5 成熟， 黎到差唔多熟哂， 仲要連叉都吉唔入。同個waitor講， 佢過同我搞搞佢， 之後就攞左入廚房。 出番黎我問佢你諗住點搞，佢過都係幫你整熟少少， 我心諗已經熟哂囉喎， 我request轉第二樣菜， 佢過做唔到。最後決定即刻埋單走人。 好耐無試過食到咁差嘅扒， 仲要係咁嘅價錢。

好耐未試過食到超難食的牛扒、羊扒！我一定唔會再幫襯，重要$148$158難食過茶餐廳好味價錢唔重要，難食又收咁價錢就當自己唔好彩牛扒order五成嚟起碼9成熟，羊扒冇味，意粉油浸

落單後等咗35分鐘都未有嘢食=》失敗落單時已落咗邊款甜品，最後叫佢拎嚟話無=》失敗食物好一般價錢尚算可以妹妹一個人招呼咁多枱凳佢辛苦第一次幫襯就印象咁差下次都係幫襯番千之瀧認真無下次

好扺食！$88有沙律、熱飲、一片法國長條包、布甸／雪糕，同埋主菜－咖哩吉列豬扒蛋包飯。個豬扒好脆，蛋包飯好大，而且好食個出面啲餐廳。這個星期差不多日日都來食晚餐

去到陌生既地方做野，周圍貢搵野食。落住大雨，見到呢間靚靚地既小餐館，即刻入去涼住冷氣食個lunch先。因為未到午飯時間，所以都好多位，店主仲比左個卡位我坐。店內好闊落，裝修都幾有格調，令人心曠神怡。午市餐牌好簡單，但食物都算多元化。我叫左一客懷舊什扒，好期待到底會有咩野扒類。上枱時係豬扒、雞扒同火腿。份量好足，大大塊，好有睇頭。扒類都係預先煎香過的，有誠意，肉類新鮮，調味都幾好。作為一個豬雞腿飯黎講，確係唔錯。但有一件事錯了，懷舊什扒飯點能夠無煎蛋呢？當我一心諗住回味童年常食既味道時，見唔到半熟既荷包蛋實在令我失落。至於配飯既豉油，竟然係生抽！懷舊什扒飯配甜豉油是常識吧？另一個令我感到失望既地方。呢間餐廳環境算唔錯，服務都幾好，食物其實都幾好食架！但錯在改錯飯名，帶比人不合理期望啦！希望能改善餐牌或菜式。

同紅魔鬼見客，連啲客都叫我哋快啲去食嘢，咁就梗係要聽啲客話㗎啦。今朝睇Openrice嘅新餐廳發現呢度，啱晒喇就行去食。門面似茶餐廳，入去見到好大塊黑板，覺得似cafe，不過睇睇menu，又似茶餐廳... 是但啦，實在好肚餓，你係乜都好啦美式全日早餐 ($48)$48一個all day breakfast？！紅魔鬼就叫一個試吓，先嚟一個番茄螺絲粉，湯超濃，番茄超多，仲要好大碗；跟住嘅all day breakfast份量都OK，咁嘅價錢唔expect用炒蘑菇；薯餅唔油膩，炸得酥脆，紅魔鬼都非常滿意；其餘嘅不過不失，唔可以話好好食，不過只要諗起呢度所有食物只係收你＄48，都唔會有咩特別要求喇焗豬扒飯 ($62)用錫紙盆上菜，個面焗得有啲乾，芝士唔勻，就咁睇好唔靚；豬扒其實煎得唔錯，有麵包糠喺面嘅，都算係金黃色，不過豬扒太薄，而且有陣中式酒嘅味道，難度係用中式酒去醃過？！我期望焗豬扒飯嘅豬扒會有茄汁味，而唔係中式酒味..... 飯冇味，似食緊白飯多啲，好想撈茄汁食，不過啲汁好酸，完全唔係我expect嗰種茄汁，而且杰到完全撈唔到飯.... menu話呢個係限量發售，期望會好好味，點知呢個係