蘭芳冰室

营业中

休息中

行過見到新開嘅冰室🥢 所以決定試下 餐廳環境企理 細細間 係門口見到有煲仔飯 又唔洗排隊就試下啦 葵芳嘅街坊都可以一試✿ 臘味排骨煲仔飯 ✿ [$65]煲仔飯即叫即做 所以要等耐啲 臘腸比較淋 對我嚟講唔算係好好食 但排骨幾入味 豉油滲入飯焦 好香好食✿ 魚香茄子飯 ✿ [$52]冇鹹魚香嘅魚香茄子 似係肉碎茄子🍆 不過調味唔會好鹹 好普通 地址➸葵芳高芳街27-29B號高芳樓地舖★好食指數★：2.5/5★服務態度★：3.5/5★冇加一★

今日再次試蘭芳冰室，都係早餐我6:41落單，6:51先出到餐。今日我都係要多個F餐，炸魚，炒蛋，芝士多士，同例牌嘅凍齋啡走甜～今日炒蛋比較多水👅我行返公司大概5～7分鐘路程炸魚～大家都明一定係鯰魚，但睇吓你後期做得好唔好，今日依個炸方面，OK嘅返到去仲係脆口，不過味道有啲腥，炸魚面常溫下係暖。炒蛋～同上次比今次⋯冇調味及出晒水芝士多～係有陣淺淺嘅芝士味，真係好淺今次個凍齋啡就冇錯啦，真係走甜，不過走埋啡味，極其量叫凍黑水。後話：出餐嘅時間，上次同今次都要10分鐘先攞到餐*唔係繁忙時段亦都唔多人*兩次都係朝頭早7點前嘅事，我亦都明白做水吧會好似打仗咁樣，但今日我見水吧哥哥，好忙碌咁樣試味，如果唔餐嘅速度加快，樓面嘅熟練度增加，我深信佢哋都會好攰。ps~之前同一位置嗰間同一時段係爆場嘅，今日到我走嗰陣都係得六檯單人客。其實$45可以有再好嘅選擇戴返頭盔先～味道因人而異，我覺得唔啱未必你唔啱。出餐時間比較耐請大家預時間

早日經過見開咗間新冰室，咁新店當然試吓，咁約0624左右落單，樓面哥哥對落單系統都要摸索一下，0627落到單，早上冇乜人我眼見我係第一張單，最後我等左10分鐘0637先出到餐。講一講我叫咗乜嘢～早餐E 要雞扒，蒜蓉包，炒蛋，凍齋啡走甜。雞扒～比較硬，調味偏重味啲，我覺鹹炒蛋～中規中舉，冇蛋香蒜蓉包～師傅好重手勁鹹凍齋啡走甜～都係衰果樣變咗凍齋啡好甜🤦🏻‍♂️(我間間餐廳都係咁叫10次點都有兩次係咁😫)真心$43 如果咁嘅質素可以好多選擇，不過新檔都要比機會嘅。