蛇王二 (已結業)

冬天梗係要食蛇啦！夜晚七點鐘嚟到蛇王二，等咗10分鐘左右就有位，翻台好快。2個人分別叫咗一個蛇羹餐同埋一個燉湯餐。蛇羹餐- 蛇羹：料好多，充滿蛇肉，冬菇等，但係呢到啲脆片係佢加埋，唔係比啲客自己加-潤腸飯：佢呢度啲臘腸潤腸都係自家製，我哋鍾意食潤腸，所以兩條都叫曬潤腸-蠔油生菜燉湯餐- 叉燒燒鴨飯：叉燒帶少少肥，燒鴨香嫩- 菜單豬肺湯：依家屋企好少煲豬肺湯，因為清洗步驟好繁複，所以一見餐廳有賣就一定會叫唻飲。呢個湯好清甜，豬肺好食。

恆久歷史的蛇羹店。細細個已經食佢喇😂😂😂人來人往，仍然多人到爆。幸好唔係繁忙時間，所以都好快有位✌✌👀花繚亂，套餐非常之多。眼見很多人叫燉湯，而且睇得出啲燉湯非常專業，好有懷舊風味。雖然我今次沒有叫。我們點了一個🐍羹餐(菊花會五蛇羹一碗，脆皮潤腸飯一碗，蠔油生財一碟）另外散點一碗蛇羹和一碗🐍汁浸🐔飯。蛇羹一樣同以前一樣清香菊花味，湯底蛇肉都配合得很好食，而且蛇肉份量都多嫁。👍👍👍脆皮潤腸飯，啲潤腸都唔係太低質素嫁，可能因為自家制，比起外面有些店舖好食多，所以套餐真係絕對超值。蛇汁雞飯，啲雞都好滑，不過就缺了小小🐍汁味道，可能我太重口味😂😂不過總括來說，都很正。下次再經過一定會試燉湯，因為只要睇到那些古法燉湯個賣相，已經感覺到不能不試😋😋😋Ps: 還有原來過了冬天，3月左右就無糯米飯食嫁喇。如果鍾意食鴨腿湯飯和扣肉飯，咁就請緊記，過左3月後才有得食，因為我都想去食😂😂😂（服務員講我知的😜😜)

Not a fan of 蛇羮🐍但平時欠奉湯水既單身一族，真係可以過黎飲個燉湯，真材實料，疑似無味精👍🏿是日點左個西洋菜煲陳腎潤潤佢，再加個潤腸糯米飯，好中意佢d潤腸，好香玫瑰露，肥瘦適中。店內伙記可能少似湯水，長年燥底，自己執生。店內地方淺窄，會同其他人客親密背貼背坐，大家記得坐直d😉

今次食久違了嘅蛇王二🐍 $72hkd 材料好豐富，上面有卜卜脆，檸檬葉和菊花🌼食完之後個身真係由裏面暖到出外面🤣OmG 蛇汁雙脾飯🐍🥳燒鴨脾和豉油雞脾🤤食唔到有蛇汁😋雞脾肉質夠滑 ，切件夠厚，每一口都很滿足感🥰 叉燒份量頗多，切雞一般正常☺️🥢另一次去食lunch燒味飯係香港人嘅至愛😍無論男女老少都食得起嘅燒味飯！細個鍾意食臘腸，潤腸就真係一般喇👋🏻大個咗之後就開始接受潤腸嘅味道，呢間蛇王二出名係脆皮潤腸🤪味道真係好濃郁，食一舊都要扒幾啖飯先得😆至於脆皮我就覺得唔係話好脆！但整體來講都好出色😋 呢個飯都幾抵食仲送埋例湯，雖然係例湯但唔會太hea都有煲過吓嘅😆，當然冇燉湯咁正啦！未完㗎！食燒味飯點少得碟姜啊😍💰$57hkd📍 蛇王二 (銅鑼灣)銅鑼灣波斯富街24號地舖

天氣一涷小小 就俾個藉口自己去食蛇羹， 招牌蛇羹非常足料 滿滿一碟 料足鮮味 要趁熱食 否則會變得好杰身。 燒鵝髀飯啖啖肉 燒鵝皮薄而香脆 無多餘肥膏。潤腸飯有小小酒味 食落非常重口味 個人非常喜愛 一啖咬落去滿口油香。

這兩天天氣持續寒冷！好多人都話食碗蛇羮暖身！蛇羹唔啱我，但都嚟到蛇王二飲番個燉湯補一補！我覺得這裏環境比其他食蛇的地方乾淨同整潔好多！價錢雖然比較貴一些！但起碼坐得舒適除了蛇羮有燒味有小菜！碟頭飯唔算貴！（跟湯會平少少）各款滋潤燉湯同樣真材實料，童叟無欺！我們八點多去到但仍然人頭湧湧！所以被安排搭檯！店內職員很快就遞上點菜單！首先每人來一個樟州雪耳燉鱷魚肉！燉湯熱辣辣上枱！雪耳軟錦錦幾乎入口即溶！那肥厚的魚肉實在是小妹至愛!!!飲完這盅燉湯，感覺好滋潤呢！兩個女生都想吃燒味！是燉湯燒味套餐！點了一碗切雞燒肉飯這裡只是細細碗！雖然size小小但仍然落足料！切雞肉嫩燒肉皮脆啖啖肉。然而，底下的豉油汁沾滿白飯才是精髓所在！油而不膩。朋友吃燒鴨燒肉飯！大家光速吃完自己碗燒味飯！回家的路上感覺一臉盡是滿足！這裡的裝修是中式老店格局！員工亦是年紀較大！是日星期三跑夜馬收看賽馬台！也算是一種特色！

今晚放工後去左聽talk，聽完talk, 老公來了附近同我一齊食行左一陣都唔知乜好，突然唸起前排有人提起「蛇王二」嘅糯米飯。跟著就行左個圈行返返去聽talk附近嘅「蛇王二」食飯。「蛇王二」，聽個名應該要叫蛇食，但我地兩個對蚊都麻麻🤣其實「蛇王二」除左蛇羹之外，其實佢嘅燒味飯，燉湯，糯米飯都不錯啊！去到都要排隊，不過等左一陣就有位。另外匿度要留意係有d大排擋feel及座位有d逼嘅。不過我接受到冬瓜燉老鴨湯 - 好味雙腸糯米飯 - 好味😋叉燒飯 - 有以前d叉燒舖嘅叉燒味

話說早前天氣凍，收工走咗去蛇王二食蛇羹！去到已經見有十個人排緊隊，可能因為拎咗米芝連，排隊嘅有好多都係遊客！好彩最後都只係等咗15分鐘左右就入得，都算係快啦一場嚟到，當然要食蛇羹！蛇羹好足料，不過胡椒粉未撈勻，有兩啖唔覺意辣到傻....不過估唔到最有驚喜嘅係肥膶腸，好甘香，仲要真係脆皮㗎！聞說食兩條臘腸要跑返19個圈先消耗到啲卡路里，咁唔知呢兩條膶腸又點計？除咗膶腸，燒味雙髀都好正，淨係睇賣相已經好吸引！隻切雞髀肉質勁滑，而且好有雞味

冬天 食 #蛇 🐍 有幾好我唔識答你😝 不過每年我哋都會安排一餐 #蛇宴 比大家搵個藉口出嚟聚吓👯‍♀️ 可惜今年搞手唔喺香港，要月尾先返嚟😪 我哋唯有食住 #蛇羹 止吓渴先啦！上年試過中環嗰間老字號，食物係唔錯嘅，不過價錢就有啲離地🥴 #小秘書 都係簡單啲，去 蛇王二 食個套餐就可以。#蛇王二 $114已經有一碗 #蛇羹、#糯米飯 / #臘味飯+一碟 #油菜，我哋兩個人叫一個餐、再另加一個 #蛇羹 就已經夠😏 #小秘書 最鍾意食 #蛇王二 嘅 #脆皮潤腸，咬落脆口之餘、綿滑嘅口感又有啲汁，浸埋落啲白飯上面剛剛好👍🏻 #蛇羹 嘅配料都好豐富，蛇肉當然唔少得，師傳仲喺🐍羹面上加上檸檬絲、菊花、薄脆，令味道更好😋 不過要求貼身服務嘅你哋，就要考慮吓先幫襯😅🤣 事關銅鑼灣地價貴，逼夾啲坐埋一齊就在所難免，而且啲 #伙記 嘅態度都 #非常地道😝 即係成班都係 #大聲唔代表無禮貌 啲friends呀🤣🤣

常常經過這裏 今天不是太肚餓又想吃點什麼 所以醒起走過來這裏門口大約排10個人左右主要也是說普通話的 看了一下原來是米之蓮推介 陳小寶的爸爸說 吃蛇羹必須連埋糯米飯 我看了一下原來是真的！這裏還有出名的臘鴨、臘味糯米飯、燒味、燉湯等。好像真的有點蛇羹茶餐廳的雜。我們點了一個蛇羹餐，臘腸飯加蛇羹加油菜 $115 然後見到別人吃臘鴨好像很好吃 我又多加了個臘鴨髀主菜蛇羹果然不錯 臘腸及臘鴨就有點overrated 了 但伙記態度還是不錯的.

呢間蛇王二係我搭開嘅小巴站轉角 我行過無數次 但都無試過😂 睇戲嗰啲蛇舖會坐係一籠籠蛇附近？驚驚哋🙊 最後係同事話要帶大家食燒味飯 結果嚟咗呢度 我先發現 咦 原來係佢😂Lunch坐滿 都算幾多人 而且唔少大陸遊客 唔知係咪咩旅遊書介紹過🙊 一籠籠嘅蛇方面 就其實無嘅😂 燒味飯加燉湯套餐 70幾至90幾不等 視乎你嗌咩湯 就咁聽落以燒味飯餐嚟講好似小小貴 但睇下佢個餐牌 見到咁多款燉湯就知佢其實有誠意嘅 十幾款 款款都係老火湯又多工序 真係值我叫咗燒鴨油雞飯配椰子燉鴿湯 燒鴨油雞飯幾好 飯唔糊 粒粒分明 燒味味道都正常 見好多人加條臘腸膶腸嗰啲 但我唔好臘味就無叫 椰子燉鴿就真係出色 原盅上有張紙貼住個蓋嗰種 唔係勺落去扮😂 而且好充料 有相為證 好清甜 帶我哋嚟嗰位同事叫咗螺頭湯 話之前試過烏雞 都正 Lunch有原盅燉嘅老火湯飲 尤其宜家凍凍哋 感覺幸福 最估佢唔到 '蛇王二'原來有呢啲食 有驚喜 呢幾十蚊抵俾抵俾😂

今日得11度，所以去左食暖胃蛇羹！七點去，都晤算多人!因為晚飯時間所以亦叫了叉燒油雞飯！本來對叉雞飯冇太大期望但出奇地好味！叉燒唔太乾，雞都算嫩！蛇羹方面，好足料！飲完之後好暖！超正！120hkd 埋單，好滿足！

天寒地凍就諗起食蛇羹，昨天晚上只有12-13度凍冰冰，喺明珠廣場睇戲之前就走咗去銅鑼灣開咗好耐嘅蛇王二食蛇羹，暖暖身。這裏一到冬天好早就排晒長龍，無論本地居民或者內地遊客，個個都知訂嚟食蛇羹，依度除咗食蛇外，仲有好出名嘅脆皮鮮鴨潤腸和燉湯。蛇羹用料足，味道依然濃郁惹味，但不太夠熱騰騰和獻汁稍杰。鮮鴨潤腸味道濃郁，酒香四溢，好正，但外皮比較遜色，冇以前咁脆皮！糯米飯好味香口，份量不少。整體水準稍為比以前遜色了一點，但依然OK，唯獨是坐得比較擠迫。

口嚨不適，出現咳嗽!正想飲些滋潤湯水，調節吓!行完波斯富街剛剛路經這間不起眼的餐廳，被個燉湯招牌吸引了視線便入去看看有咩好嘢食。餐廳主打各式燉湯，蛇𡙡，燒味飯叫了個忘記了全名大概是准山忌子竹C雞！落單不過五分鐘就送到...燉湯size也適中，個湯燉得好甜！好清好好飲! 飲得出係無落味精或落得極少，而且好足料好足料!!藥材味濃，淨係個湯渣都已經好夠食!!!點了碗切雞燒鴨飯，飯同餸既份量比一般燒味店多雞肉雖然是雞胸，但雞件還是滑的！另外成排鴨翻開後發現只有超薄皮夾肥膏同骨寶全無肉，仲好鞋不過都油香氣四溢 總結水準不是很特出，但非常滿足啊

菊花會五蛇羹($72)秋風起，就係時候食蛇羹，暖一暖身啦！依家有蛇食既地方，越黎越少，真係難搵左。呢間都開得耐，所以都黎食下。其實蛇羹味道同碗仔翅有好似，但蛇肉口感會比較實淨，同時薑味亦較多，食完成身暖晒。呢間蛇羹黎講，都算幾貴，但勝在蛇肉量都足，同時味道頗濃，唔洗加胡椒粉都好夠味！記得一定要落多D薄脆食，口感會更好。不過甘細碗點夠，一定要叫埋套餐。包埋燒味飯同油菜，甘就夠滿足啦。