蛇王良

营业中

休息中

突然間好想食蛇羮，回顧一下舊年完全無食過蛇羮，我印象中食蛇羮的地方不多，來來去去都是灣仔蛇王燊和北角蛇王良， 後者坐子比較多，而且有我喜歡的菜飯。 我們提早六點前食晚飯, 當然有原因。原因好簡單只係唔想同太多人迫埋一枱， 其實來過的人都知, 六點後這裡一定坐爆晒, 由其是更氣開始涼, 更多人食蛇羮補身。 我點了 $68和 $75套餐配一碗細蛇羮, 亦可加錢改大碗， 套餐彈性大，胃口大的人可以加到夠為止。 細蛇羮份量足，對我而言絕對夠食。食蛇羮必先加上不過檸檬葉提味，脆脆保持得脆口。 蛇肉不小，還有雞絲、木耳、果皮 、小量金華火腿， 相當足料，味道鮮香， 亦不會太稠， 岩我口味。  上海 我至愛個碗睇落大，但菜飯唔太多， 咸肉切得較細粒,   應該是先飛過水所以咸味去左一半， 略為淡口，白菜切得碎，翠綠爽口和飯粒融合一起，好有家的感覺。   上色度均勻, 咸香足，腊味令糯米飯口感更油潤，口感干爽，不會太油膩，男友三扒兩撥已吃光一碗腊味糯米飯, 就知佢好喜歡。 食完蛇羮離開店舖時真係感到暖笠笠。 

外母生日，咁岩去開北角食飯食飽飽，就行去炮台山方向外父話有間蛇王良食蛇羹想食左好耐，但老婆唔食既關係，一直都無得食，難得同外父有共同喜好，就入左去食價錢黎講，真係幾抵wor之前同事係筲箕灣個邊食，細細既都要六七十蚊仲有好多補品亦都有好多套餐當晚餐食都得好多報導！外父話開左好多年我同外父食左2碗細既一條條個d就應該係蛇肉好足料呀！人地話食完會暖泣泣，但係我又無wor體質唔同掛！檸檬草，好香，加埋一齊仲好味卜卜脆，唔少得啦老婆唔食蛇，叫左碗龜板湯最近熱氣，飲返碗岩哂唔算太苦，有少少甘甘地店員話係龜苓膏變成膏之前就係龜板湯———————————————————-懷舊真材實料小店

食左蛇羹好多年，有好多搬遷都會跟著去食，因為香港吃蛇的店不多。呢間的蛇羮好吃，但比起其他店的比較少肉，比較湯，也不大碗，簡稱比較貴。不過檸檬🍋葉及脆脆都切得好幼及好脆，處理得好好。本來印象好好，可惜一指錯，滿盤皆落索。今日去食蛇有一個疑似老闆娘的中老人年女仕🧓🏽坐在裡面，我問男老闆問題，男老闆一向很有禮🙇🏻‍♂️，知無不言。但在問答過程中，疑似老闆娘的女仕一直插嘴，一直叫男老闆「唔駛問佢」「唔好理佢」，叫男老闆不要回應我，男老闆很柔和的等🧓🏽🗣完才回答我。有一位年輕男仕，估計是太子仔，也是被這個疑似老闆娘的長者指指點點，也是沈默。我是不了解蛇的功效才請教老闆，我如果專業過你就唔會問你啦。唔適合做sales and marketing 就回家睇愛回家啦！經濟唔好，今時今日仲咁既服務態度👎🏿👎🏿👎🏿，唔憂生意可以唔做，基本禮貌都無

行經電器道搵食，見蛇羹加糯米飯確實吸引，雖然已過食蛇保暖的最適合日子，但都係忍唔住入去＂參觀＂一下。今次選了5號餐，亦都想試下其他，唯有留待下次。來了，枱上薄脆及檸檬葉是任加，尤其加上檸檬葉更添香氣，味道咸淡適中，重要係材料十足，糯米飯也十分不錯，粒粒分明而且軟硬適中，配上切細的臘腸臘肉，一碗實在唔多夠喉。下次一定再來，唔會等到秋冬天。臨走見到牆上貼上的一則食評有＂臥虎藏龍＂四大字，雖然未有時間細閲文章，但我已經明白當中的意思了。。。。

真係勁足料入邊 啖啖都係 嘢食又有新鮮薑絲勁多蛇肉木耳我自己都唔知幾多年冇食蛇但係舅父外地一場嚟到 叫咗我幾次咁就陪下佢啦因為食完少少嘢先去 所以淨係叫咗一碗蛇羹已經係叫細碗但係 佢都係好大碗又足料我食咗半碗就飽到唔想食同我以前嘅記憶一樣有啲似雞肉咁嘅口感但係冇咁容易咬爛食完真係有一陣暖意間舖頭仲有其他嘢食賣我貪得意仲買咗蛇膽陳皮阿媽以前會 成粒蛇膽part入口再飲啖酒真係勁嚇人呢間舖頭幾十年嚟都冇乜變到都仲係充滿人情味

早年曾一度流行宅配及送工商區即日新鮮無味精、無防腐劑的老火靚湯，近年已被連鎖湯品涼茶店取代，且品質良莠不齊。想要品嚐真正新鮮湯水燉品，老饕們可以來北角這家蛇𡙡老店一試。當店除了馳名的蛇𡙡、蛇湯外，亦有祛濕排毒的龜板湯。此外，店家每天均有指定多款燉湯，食客可按個人口味及身體狀況點湯，更可向老闆預訂特製燉湯（材料可用蛤蚧、冬蟲夏草、石斛、田七等等）及滋補糖水（如燉花膠、燕窩）。大皇是日點選了花旗蔘竹絲雞燉三蛇。竹絲雞即烏雞，可補中益氣，養血安神，而且比普通雞少脂肪及蛋白質，花旗蔘降火滋陰補氣，剛好對應了大皇血虛體寒的身體狀況。點了湯後，老闆先送上餐具、豉油及盛湯料的碟，相當細心；之後從廚房端出一盅燉，一看已感到暖呼呼的。打開盅蓋，見到湯料相當多，有多條蛇碌、烏雞件、花旗蔘片及薑片。掏出湯料後仍有3份2盅的湯水，絕對足夠二人飮用。燉湯十分足料，肉味及蔘味平均，且沒有一絲油膩感。大皇喝了約一碗半已經十分滿足，剩餘的湯老闆用了外帶湯碗給大皇盛起拿走。

臨近新年當然要扮靚靚，做完靚靚Facial，當然少不了擁有靚靚指甲啦！在城市花園酒店對面有一間出名蛇羹店，曾幾何時愛人帶我過來吃蛇羹保暖，今天適逢12度又剛巧經過這裏，當然要會一會肥美蛇羹啦！細細的店舖只有三四張小枱，下午五時也座無虛席，看一看餐牌意外地發現價格竟然多年來也沒有加價，(心想會不會減食材呢？希望不要不要不要) 今次我點了鹹肉菜飯餐$65，包括一碗細蛇羹加一碗上海鹹肉菜飯。看見相片的你有沒有流口水呢？哈哈！超級肥美的蛇羹，沒有加價！也沒有偷工減料！在現今的社會，在繁榮的都市，物價指數高昂的香港區，實在是非常難能可貴的美食。這碗上海鹹肉菜飯很素白看似不太吸引，但其實青菜白飯配合粒粒鹹肉，簡單又好味，而我最喜歡用多出蛇羹汁撈飯，份外滋味。主角蛇羹味道又香又有蛇的甜，一匙羹充滿著蛇肉，再配合爽囗的木耳，令這個冬天不太冷！(最愛的張學友唱：我與你夢著夢長長夜未冷。。。只擔心痛快息間變得有限。。。劇烈地熱烈地熱熱地共你告別平淡。。。我與你望著夢長長夜未冷。。。相擁中暖暖身體變得怠慢。。。永遠也懶放開臂彎。。。)

又隔咗一排冇同雙親食飯，咁岩“秋風起，三蛇肥”，佢哋提議食蛇，屋企附近又有呢間老字號，other half又未食過，就哩間啦。叫咗3個糯米飯+ 蛇羹餐，幫老豆叫個羊腩+蛇羹餐。蛇羹足料，但 other half 覺得某集團總部餐廳好味d。 糯米飯夠乾身，但兩老話米有d生。餐廳環境夠哂歷史，加上一樽樽蛇/蛤蚧酒，都夠兩老講下舊時。有時，回憶正是食物最好的調味料。

1月既時候無啦啦凍到得十零度咁凍既天氣下就會不期然想食蛇羹好多女仔可能一聽到食蛇就會好驚但係小公主細細個果時已經會跟老豆去食所以而家大個左，一到冬天都會想去食蛇羹 + 糯米飯餐 $65因為食家朋友介紹左北角呢間蛇王良所以就去左試下去到大概8點幾，都幾多人等位下入到去叫左個糯米飯套餐先黎既係主角蛇羹蛇羹好足料，D蛇肉好粗下味道都唔錯，有蛇肉既香同甜同埋有屋企既感覺，即係唔會有味精味個羹既質地又好，唔會漿口又唔會食兩食就變水不過糯米飯就差D睇個樣都已經唔多吸引食落好淡，而且D飯一堆堆咁可能叫羊腩會好食D龜板湯 ~$40另外見到佢有龜板湯 所以就試埋個湯雖然有少少甘甘地但其實係甘中帶甜飲完個喉嚨會好舒服而且同個蛇羹一樣，好有自家煮既味道話咁快就飲哂成碗雖然個糯米飯真係幾令人失望但係另外兩樣野都好有質素而且店主服務好好有機會大家都去試下啦 

凍凍地，朋友提議去食蛇，呢晚簡左蛇王良。鋪子小小，略有擠迫，街坊小店，需要張就一下。呢到可以選蛇羹跟羊腩/ 咖哩雞翼/上海菜飯/ 腊味燸米飯/ 腊味菜飯。我就簡左腊味燸米飯。 請返個蛇羹，好足料，蛇肉一絲絲好幼細 (有d蛇鋪會一舊舊蛇肉，我偏好絲多d)，香濃陳皮味。 檸檬葉絲同薄脆放在桌上，任人隨意添加，絕不小家子，非常好。好期待個燸米飯，可惜燸米飯竟然無花生，好失色呀，而且咬落d燸米仲有d生，扁咀。雖然個飯麻麻地，但食完蛇即刻全身都暖曬，好野。

今日好冷吖，想食蛇，但又想食羊肉。。。記得從前住的地方，附近好像有得食，便一試。蛇肉不錯，羊肉亦沒有“so"味，唔提供腐乳的。想是店主的“味自慢”吧！但真的ok!汁送白飯一流。但是，最驚喜的是薄脆，好新鮮，好脆！

上個星期乍暖還寒，首先想到的當然是打邊爐，想到今年還沒有吃過蛇，便走去吃蛇羹。「蛇王良」在北角電器道，沒有遊客，只有街坊， 供應多款套餐，＄60 有一碗細蛇羹加臘味菜飯，算抵吃。店子細細，得幾張圓枱櫈，但地方乾淨，只是抬頭時還會見有有藥酒浸著一些動物，幸好有電視機分散注意力。 蛇羹是細號，有很多肉絲和蛇絲混合，吃到的當然肉多過蛇，味道正常，加了檸檬葉絲，味道便不同了，吊起成碗蛇羹的味道，吃蛇，檸檬葉絲不可少。這裡很慷慨，任落。臘味菜飯，臘味少得可憐，算啦＄60。

下午茶時間經過，　聽聞呢間蛇王良幾出名就入去試試同一般食蛇樣細細間，　圓枱櫈，　可以一ＳＥＴＳＥＴ　套餐叫，　我就點左個細蛇加個糯米飯糯米飯夠乾身，　菜同臘味都多，　臘味既油滲落糯米入面感覺香口，　不錯蛇跟都算落足料　食得出有幾多蛇肉。整體ＯＫ，　價錢都不貴，　係一個食蛇既好選擇。！

Tried this randomly because I have not tried it before.There are various of sets.The best part is seeing jars of reptiles!!!!The snake soup was how it should be, it was loaded with snakemeat, ginger, bamboo shoots, Chinese mushrooms but the taste was not impressive.Didn't like the rice with salted meat because it had a weird smell.The glutinous rice was ok but very soggy.The tea was nice and strong.

牆身貼了很多訪問和廣告, 是一間老店, 經營了很長時間, 頓然期望升高了不少.細蛇羹, 大碗腊味糯米飯, $63,蛇羹太杰, 落粉略為重手, 但材料豐富, 冬菇味香, 蛇肉不少, 熱度不太夠, 天氣凍的情況下, 略遜一籌.腊味糯米飯, 唔記得影相, 材料算多, 腊肉, 腊腸, 膶腸, 但飯身水準未如理想, 飯身偏濕, 有些一舊舊.