282
37
41
| 餐厅: | 蛇王芬 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
影片
港铁香港站 E1 出口, 步行约7分钟
继续阅读
电话号码
35795954
开饭介绍
招牌菜是蛇羹，同时供应炖汤及小炒。
继续阅读
营业时间
今日营业
11:00 - 21:30
星期一至日
11:00 - 21:30
公众假期
11:00 - 21:30
公众假期前夕
11:00 - 21:30
以上资料只供参考，请与餐厅确认详情
有关奖赏计划
相关文章
成日行过中环都见到呢间有历史嘅蛇王芬！其实一路都冇去过因为觉得只有蛇羹食，原来佢哋仲有好多特色经典怀旧菜同埋新派嘢食，呢日就同老婆大人去试吓正唔正。原来为咗庆祝130周年由而家起去到8月30号每逢星期五嘅六点半到八点半，喺舖头门口有音乐表演真系好鬼in啊。最吸引我嘅系除咗嘢食仲有同本地品牌五味杂陈合作推出特色嘅鸡尾酒，我哋呢两个酒鬼见到即刻心心眼啦。入面嘅装修真系好怀旧真系有细细个去蛇舖嘅感觉。除咗蛇羹同埋经典菜之外佢竟然出埋鸡蛋仔！呢个月会卖原味同埋佢哋招牌嘅鸭润肠鸡蛋仔，下个月仲可以试到陈皮味嘅鸡蛋仔正啊喂，行过唔入去食饭都可以喺门口买返底食吓。讲返我最钟意嘅酒呢杯叫做五味杂陈嘅鸡尾酒个底系金银花菊花茶，再加埋洛神花、红枣同当归呢啲中药材配毡酒，个味道特别到不得了而且饮酒都可以清热气劲呀。我哋今次主要嚟食呢个130周年甜酸苦辣、苦尽甘来套餐！首先就有一杯叫做闭月羞花嘅开胃酒，味道酸酸甜甜听闻对女士特别好添。套餐用咗呢个好有中国风嘅黄色雕花全盒上枱都几有霸气㖞！入面就摆咗代表甜酸苦辣四道人生嘅菜式，听闻都系咁多年来客人钟意嘅组合。甜嘅代表系怀旧炸蟹钳一人有两只！好鬼有弹性嘅蟹钳上面淋咗啲酸甜嘅西柠汁，食落去好有咬口又鲜味真系好鬼开胃。酸嘅代表系山楂梅子荔枝金沙骨！松化嘅金沙骨食落去有啲山楂同梅嘅酸香味，配埋𠮶粒多汁嘅荔枝又酸又甜好过瘾。苦嘅代表系鱼肉酿苦瓜！系我老婆大人最钟意食嘅菜式，鱼肉好弹牙苦瓜又够甘香，加多片煎香咗嘅咸蛋黄成件事真系好有客家嘅味道。嚟到辣嘅代表就有椒盐辣子鲍鱼！呢只南非鲍鱼都几有个头，用咗椒盐嚟爆炒香味自然出色，鲍鱼食落去弹牙唔会靭辣度我都食得几舒服唔错唔错。太史蛇羹应该冇人唔识喇啩！入面都好鬼足料见到一丝丝嘅蛇肉，食落去味道仲好鲜甜添掂㖞。腊味糯米饭入面有蛇王芬嘅招牌润肠已经好味咗3分！加埋佢做得几软熟我就几钟意呢个糯米饭喇。唔够仲有呢个咁鬼可爱嘅蛇形白饭，我就钟意加啲蛇羹落去一齐食。甜品都唔少嘢㗎呢个系小西瓜蛇鲜果丸丸糖水！除咗西瓜盅之外入面仲加咗哈密瓜同埋芋圆，再加咗啲蛇酒同雪碧食落去真系好鬼特别。除咗130周年套餐之外其实仲有好多怀旧手工菜，迟啲再约一大班朋友嚟试吓先得。
继续阅读
小时候车公公经常带我去蛇舖吃蛇羹和糯米饭！这种美食充满著我美好童的年回忆，而香港现时剩下的蛇舖真的寥寥可数！其中一间屹立于香港百年老字号蛇王芬原来已经创立130周年，为庆祝这开心日子店家特别举办揉合传统与创新的文化活动，另外还推出130年志庆套餐带来香港的集体回忆让大家细味人生的甜酸苦辣。蛇王芬由即日起至8月30日逢星期五晚上6时30分至8时30分，于中环阁麟街店外举办音乐表演以悠扬乐韵带来年青的气息。当中更联乘本地创意饮品品牌五味杂陈为店家打造特色美酒来祝贺。店内充满历史印证的陈设带上古典味道，墙上更挂满非常有意思的名人的手笔。第四代传人吴卓芝的太爷太嫲皆为中医，这趟由「五味杂陈」重新演绎这份传统，打造出期间限定欢迎特饮金银花菊花・五味杂陈鸡尾酒$85，选用蛇王芬自家煲制的金银花菊花茶为基底，加入毡酒、洛神花、红枣、干姜、当归与蜜糖等中式材料，调制出既有草本清香亦带果酸甘甜的鸡尾酒，饮品更以话梅粉巧制出蛇形图案超合打卡。这趟连街头小食也融入庆祝活动之中！独家推出创新口味的鲜鸭膶肠及陈皮鸡蛋仔，鲜鸭润肠鸡蛋仔加入了膶肠除了蛋香还渗出酒香非常惹味，原味鸡蛋仔$28、膶肠鸡蛋仔$35、陈皮鸡蛋仔$35，每日于12:30pm至7 pm供应行过路过不要错过喔。蛇王芬特别推出130周年志庆甜酸苦辣、苦尽甘来套餐粤式Bento Box Set $280！以甜酸苦辣不同的味道来寓意人生不同阶段，配以中国风黄色雕花全盒盛载非常有韵味，另加上欢迎特饮、经典太史蛇羹、鸳鸯肠糯米饭及甜品小西瓜蛇酒鲜果丸丸糖水共八道菜非常丰富。先由开胃酒闭月羞花打开序幕！这款以洛神花制作的浸泡酒有养颜暖宫之效故取名闭月羞花，洛神花的酸红枣甜干姜辛带来不一样的酒香，味道非常独特很有个性。餐厅选上20年来客人喜爱的小菜组合成这甜酸苦辣的全盒！甜～怀旧炸蟹钳/2件！蟹钳炸至金黄吃下好香口，内里则包裹著弹牙虾胶蟹肉鲜味十足，沾上吴妈妈钟爱的西柠汁带出鲜香甜美的味道。酸～山楂梅子荔枝金沙骨/3件！金沙骨裹满以山楂、梅子和荔枝调制的酱汁，口感松化味道酸甜开胃非常适合炎夏品尝。苦～鱼肉酿苦瓜/2件！这道传统客家招牌菜又令我想起亲爱的嫲嫲，苦瓜环内让满鱼肉缀以一片煎香的咸蛋黄，淋上薄薄的琉璃芡汁苦尽甘来加上咸鲜味道突袭味蕾。辣～椒盐辣子鲍鱼/2件！南非鲍鱼大大只非常饱满，用上干红椒与秘制椒盐爆炒香气非凡，加上弹牙又鲜味的鲍鱼带出无限滋味。太史蛇𡙡！传承自广州江太史家族的秘制五蛇羹食谱，由金脚带、过山乌等五种鲜蛇配衬以老鸡与猪骨、竹庶、陈皮等慢火煲足一昼夜的汤头，再加入花胶、鲍丝、火腿、陈皮、姜丝、鲍鱼丝及花胶丝等食材，一口吃下温补美味嘴巴满足非常。单尾更有蛇形白饭及鸳鸯肠糯米饭各一！蛇形白饭有点可爱超适合拍照打卡。腊味糯米饭！店家的招牌菜选用本地自家制腊肠与润肠搭配粒粒分明的糯米饭，油香满满的糯米饭口感软熟，加上葱花、白芝麻及肉松香气更甚。小西瓜蛇酒鲜果丸丸糖水！西瓜盅绝对是有人生经历人的回忆，色彩缤纷食材藏身于起沙的小西瓜内，加入了蛇酒和雪碧甜美中带出淡淡酒香好有意思。趁著蛇王芬130周年的庆祝气氛大家也去感受喜庆的味道啦。
继续阅读
始创于1895年嘅百年老字号 蛇王芬原来今年将踏入130周年 最近推出一系列活动包括期间限定130年志庆套餐仲推出左期间限定特别口味鸡蛋仔同鸡尾酒逢星期五 更会于店外举办Busking✨甜酸苦辣、苦尽甘来套餐130年志庆套餐 以粤式便当呈现 共八道菜除咗便当盒 仲有太史蛇羹 鸳鸯肠糯米饭甜品同特饮等 精致又丰富✨太史蛇𡙡经典招牌菜 蛇𡙡足料 以五种鲜蛇 再加入左多款食材熬制 味道鲜甜甜✨怀旧炸蟹钳炸蟹钳虾胶结实弹牙 蟹肉鲜甜配上香甜西柠汁 配搭又几得意㖞酸✨山楂梅子荔枝金沙骨荔枝肉清甜多汁 金沙骨入味特制酱汁酸酸甜甜 好开胃苦✨鱼肉苦瓜面层一小块咸蛋黄点缀苦瓜回甘 酿入鱼肉 味道丰富辣✨椒盐辣子鲍鱼外层微脆 鲍鱼大只鲜味爽弹 椒盐好惹味✨鸳鸯肠糯米饭糯米饭黏糯 配搭润肠同腊肠带有淡淡腊味油香 甜品✨小西瓜蛇酒鲜果丸丸糖水✨金银花菊花．五味杂陈鸡尾酒 与本地创意品牌五味杂陈联手打造以蛇王芬自家制金银花菊花茶为基底配搭Gin酒 洛神花 红枣同蜜糖等中式材料调制 味道清香酸甜✨膶肠鸡蛋仔店主为左想老字号与年轻一代接轨创作出两款特别口味鸡蛋仔鸡蛋仔外脆内软 内馅加左鲜鸭膶肠味道咸咸甜甜 带少少膶肠甘香 意想不到有惊喜 味道几夹 总结：食物可以 套餐精致吸引 除咗130周年套餐 仲有一系列怀旧手工菜包括茶熏太爷鸡 荔芋香酥鸭等菜式供应环境正常 服务唔错 价钱可以
继续阅读
唔明点解全场差唔多空晒都可以叫我坐个角落位. D野食已经唔系好食, 咁既服务, 真系明白点解香港越黎越多食店关门大吉, 我谂呢间所谓百年老店好快都会关门大吉. 真系恭喜晒
继续阅读
呢间老店我食咗成十年，冇一次好似今日咁差，真系恼恼哋！ 叫咗个午市套餐，一碗炖汤，一个双拼饭； 加咗个金银蛋唐生菜同埋凉瓜牛肉饭。 果个双拼饭来先：一条腊肠，几块白切鸡，几条菜心，摆系个细细哋嘅碗仔上。啲白饭温温哋，几乎系冻嘅，果啲鸡就完全冻嘅，冻到好似雪柜入面啱啱拿出来咁，冇味道，又柴，呃人咩？ 条腊肠就正常，菜心又系冻嘅，唔知系几时就渌咗摆系果到嘅。总之差到我都唔敢相信佢系真嘅。同伙计讲咗，佢就拿返碗饭入微波加热，但系厨师就话啲鸡系室温，冻咗系今日天气凉。 凉瓜牛肉饭最起码系热嘅，但系味道都麻麻，牛肉好柴同埋有阵雪味，唔多好食；凉瓜又系好似渌咗好耐，不过总算味道正常。 金银蛋唐生菜都唔错。最好系个炖汤，鲜甜，够热，点解其他𩠌就冇呢种水准？ 店家好似冇晒心机咁，好鬼可惜，又少咗一间老店。另：食饭个碗仔系蹦咗嘅，缺口处好利，我朋友差啲整伤咗手指，好得人惊！
继续阅读