蜜蜜見 (已結業)

可以有熱食有甜品，一次過滿足哂兩個願望，結果入到去就真係太多岩食既搞左勁耐先決定到😂😂2個人嗌左三款熱食：雞翼，辣肉腸意粉(跟餐加左杯黑牛)同豬手；甜品就嗌左oreo 2.0(雪糕加果仁加…5層脂肪啦總知😆)同仙草芋丸熱食真係每樣都正，雞翼炸？焗？唔太油夠light，加埋蜜糖汁夠清！辣肉腸意粉因為蕃茄汁就少少酸辣，夠開胃但又唔會不斷飲水…只係個腸無乜味豬手拆哂骨，岩哂懶人！如果蜜糖味再多d就仲正😊但都夠脆，正！甜品一清一濃，肥左都抵，特別oreo 2.0同黑牛，個朱古力雪糕夠哂味，正！！p.s. 餐廳既侍應好好態度又好服務，一定要讚！

今日係母親節,出去食個飯慶祝下.近近地係將軍澳附近搵到間小店,雖然餐廳地理位置唔係幾好,但勝在好方便泊車,環境寧靜舒適,而且店員都係好好傾同好funny,最中意就係黎呢種餐廳食野,吹得水黎又唔會係咁煩住曬.我地6個人叫左好多野食,因為見樣樣野都好想食下,叫下叫下就好多咁.蜜蜜豬手 $128豬手製作需時,要早小小叫.味道真係唔錯,一般豬手都係好易整到肉質好柴咁,但餐廳整到唔會,仲有保留到肉汁,相當唔錯.小食拼盤 $108拼盤就有洋蔥圈,炸粗薯條,3隻雞翼,小小沙律同埋3條炸芝士條,而雞翼都有3款味道都可以揀下,今次我地就揀左蜜糖味,好好食.個拼盤一次滿足曬我地想食多幾款既願望.意大利大啡菇意粉 $68菇意粉個意粉底應該係卡邦尼意粉再加上蘑菇汁同好多蘑菇,食落口蘑菇軟硬度岩岩好,又唔會整到蘑菇冇曬汁或者好熟咁.意粉軟硬度又係岩岩好,真係相當唔錯.香煎日本帶子蘆筍意粉 $88 3粒大大粒帶子,呢個價錢黎講相當有誠意,而且個人好中意食蘆筍,蘆筍唔老同埋又唔會好淋身,意粉都係卡邦尼,唔會好鹹.香煎挪威三文魚扒意粉 $98三文魚意粉係好多女士既心頭好之一,我好多時食三文魚都係因為果日唔想食紅肉,就

今次黎到將軍澳發展中既地方食野,環境幽靜舒適。方便一家大細三五知己一齊傾下計gathering.推介菜式卡邦尼意大利粉⭐️⭐️⭐️⭐️⭐️ （Max :5⭐️)雙色薯條⭐️⭐️⭐️⭐️⭐️ （Max : 5⭐️)卡邦尼意大利粉：意粉質感唔軟唔硬入口岩岩好，配埋芝士粉除左足料，強烈既芝士味，仲加埋忌廉入口更加juicy，份量岩岩好夠2個人share。簡直拍得住一流既西餐廳。唔知係咪我太肚餓關係，定太好食我地好快就食曬成碗。雙色薯條：顧名思義即係2隻色既薯條啦，一隻係黃到金既粗薯，另一隻就番薯甜薯條。一咸一甜味道混合埋一齊岩曬唔同人既口味之餘，仲係即叫即炸絕對夠曬心意。店內環境雖然鋪面細細但佈置都十分舒適而且地靈人傑人小小岩曬大家吹番成個下午/晚上架！仲有不同既揮春同有意思嘅宣傳品添。 咁有質素嘅店舖係呢個疫情下多多幫襯啦。人均消費：$88價錢絕對大眾化，讀緊書既學生都負擔得起！地址：將軍澳唐俊街12號天晉匯地下G06號鋪

之前見到新聞圖上既甜品相睇落好精緻，所以今日就同朋友一齊去試，叫左四樣野，老實講，四樣食完都係覺得一般什至難食我地分別叫左Oreo2. 0, 雞翼薯條，三文魚意粉同埋椰汁紫薯西米露，我吾肯定菜式名係咪正確，因為本身覺得吾算好食無諗過寫食評，所以無刻意記低菜式名，但最後一道上菜既三文魚意粉實在太令人愕然，所以先決定寫見到條三文魚我真係嚇一嚇，半條皮係燶既，吾使食已經知道一定好乾，然後意粉只係溝芝士，香草同甜度都拿捏得吾好，整體只係喊，無乜香味椰汁芋圓西米露一上見到結達達都知出事，我係嗌熱食都結到咁，原因係因為椰漿落得太重手，令到甜品又係偏咸，啲芋圓份量少而且細粒，普通貨，咬落無口感自於雞翼薯條，雖然雞翼大隻，但友人既評價係：無乜味。Oreo 2.0已經係相對上食完覺得唯一接受到既食品其實今日去到店舖好多人，店舖既員工亦有禮物同埋睇落好勤力，不過我覺得除左菜式上既研究，其實最重要都係食物既味道！老闆同員工真係要俾多少少要求係食物水準上！

今次叫咗四樣野，榛子醬可麗餅 雙色薯條 同 辣肉腸意粉 同 一杯白牛，驚喜既係四樣野都唔差。咁就跟佢黎餐既次序講啦～首先黎既係辣肉腸意粉［8/10］意粉偏酸幾開胃，辣度岩岩好，讚既係以前食啲意粉成日嫌佢唔夠汁或者好淡味，今次又夠味夠晒汁👍🏻白牛［8/10］係雪碧溝雲呢拿雪糕，特飲黎跟個主食加五蚊就有幾抵飲，本人比較大飲，略嫌唔夠大杯，不過係正常size唔洗擔心太細杯。榛子醬可麗餅［7.5/10］驚喜既係佢連埋啲碎一齊食好正，偏甜唔會過火，會跟一球雪糕，試左朱古力同雲呢拿同個可麗餅都幾夾。雙色薯條［7/10］薯條+蕃薯條既組合，薯條幾好食，不過蕃薯條就比較普通，如果早啲上餐會開心啲，因為岩岩炸起太熱啦。

#200313沙漠中的一點甜💛.重要的事說三次❗️❗️❗️#justeat_黃店 #黃色經濟圈 #黃店.<#酥脆雜莓拿破崙 $52>其貌不揚😆但頗有驚喜的👍🏿一片片薄薄的酥皮夾著吉士 忌廉和莓果層次十足☺️酥皮香脆不油膩👍🏿若然能做到一層層千層酥般的效果不論賣相或口感定會加分🙈吉士濃稠挺身和清新的莓果粒互相配合🍓只是略嫌忌廉未夠挺身但整體不錯👌🏿旁邊還有雲呢拿雪糕🍦草莓🍓藍莓等賣相一流盡顯心思💛.<#宇治抹茶芝麻心太軟 配雪糕 $58>其實這款先前已經介紹過😚每次必點水準依舊👍🏿近日換上自家炒芝麻更濃郁香醇🙂還有起沙口感👅強烈要求推出芝麻糊😀蛋糕甘苦味突出😛外脆內軟🥰今次主要是介紹雪糕🍦加$12可選限定口味❗️花生醬雪糕🥜酒味售罄只好選花生醬味的😌可惜味道偏甜亦沒有花生粗粒未能滿足花生友🤭威士忌雪糕🥃終於一試的確不令人失望🤤入口帶冰涼口感酒的香氣慢慢滲出👍🏿感受到的酒的辣味混合奶香更可口☺️🤤🏆還有必飲洋甘菊花茶😍.將軍澳貴為美食沙漠黃店又實在潦潦可數😌大推這家又黃又美味的甜品🥰🇭🇰..📍 #蜜蜜見(將軍澳)將軍澳唐俊街12號天晉匯地下06號#justeat_西式

讚1. 班戟即叫即製，雖然耐左啲，但味道好，班戟皮整得幾好，鬆軟，榛子醬好足料2. 環境幾舒服，露天位好開揚3. 服務貼心，侍應同啲客好好關係，笑容好彈1. 有賣咖啡就好，硬係覺得甜品配咖啡先夾

食飽晚飯散步散步消化下就行過見到呢間甜品，忍唔住又入去食下😂入到去見到好多香港人加油既貼紙同咭（好明顯黃店😂）得3位後生仔打理，非常有禮貌和笑容招待，有客食完走咗，清完野會用消毒酒精噴枱面再抺一次，非常乾淨要加分👍🏻試左佢哋呢款皇牌奶蓋伯爵珍珠奶茶味心太軟，有珍珠漏出係幾特別既，味道都唔錯香滑榛子醬可麗餅就少地去有得食，所以我會推薦呢個甜蕃薯條我自己就覺得太幼，口感差少少，低味道都可以

喺TKO搵嘢食成日行過天晉呢邊都睇唔到有呢間Cafe佢屈喺兩間舖入面，隔離好似係花店同藍色店呢間估唔到高質，而且係黃色小店入面打理嘅都係後生仔嚟呢間舖仔細細，但論質素其實唔輸蝕其他店Carbonara $64去開Cafe一諗唔到食咩嘅話我一定係揀Carbonara因為呢樣係最容易分到間Cafe食物質素意粉上面有1-2塊Bacon最驚喜係Bacon係脆卜卜狀態而唔係軟淋淋狀，Bacon好香脆意粉沾滿蛋+芝士汁一碗睇落好似唔多，但實際上份量都唔少其實一碗已經夠食啦連花茶/汽水建議揀花草茶食完主食飲返杯熱花茶會比較舒服花茶亦可以解解膩我揀咗薰衣草茶好少會飲到薰衣草味花茶感覺好清新，第一下入口其實有種平時薰衣草味護膚品咁但飲落好fresh好舒服覺得比玫瑰花茶同洋甘菊茶更舒服薑味梳乎厘 $48值得推介係Ginger Souffle！本身我都好鍾意食Souffle呢杯Souffle唔同普通原味Souffle佢加咗薑，一勺直頭睇到有薑絲，確實真材實料Souffle質感輕軟，好有蓬鬆感焗嗰時蛋白同奶黃混合得宜焗完脹到好高，入口好鬆軟食完超滿足！

環境方面，鋪面並不大，室內大約可以容納30至40多人，由於當晚人數不多的關係，所以不用排很久便有枱。見伯爵茶珍珠心太軟是推薦品的第二位，便點了一個試試。心太軟內的流心珍珠很香，食落口暖暖的，甜度適中，茶味香濃。心太軟之上有一層微鹹的cream cheese, 味道配合伯爵茶珍珠流心。另外配上一個士多啤梨味雪糕，雪糕奶味不夠，但味道可以接受。這個甜品$58，不是很便宜，但絕對物有所值。服務方面，好多糖水舖都會在食客食完後盡快趕你走以提高轉枱率或可以儘快落場放工。但他們沒有催逼我們離開，感覺良好。

將軍澳甜品鋪一向唔多，除左呀嫂個間外重有咩選擇呢？ 我今次就介紹呢間高質精緻既西式甜品店😋 蜜蜜見，以後都可以密密見啦❤️首推Earl Grey Bubble Lava Cake，伯爵茶心太軟第1次食，重加左芝士奶蓋，好清香特別😋 配埋特濃朱古力雪糕真係超級合襯👍自由搭配芋圓生果仙草凍，都唔錯，不過下次再諗都係會揀番小品西式甜品😋講左咁耐到主角啦👍 香滑榛子醬可麗餅，餅質香脆鬆軟，可脆脆既堅果粒，配埋特濃朱古力雪糕同埋Nutella 醬，真係好美味😋 原本諗住2個share一份，最後忍唔住叫左2份唔使爭💪以後唔好再話將軍澳無甜品啦，認住呢個名：蜜蜜見👍

蜜蜜見有小食、主菜、甜品，選擇種類不少，係度可以食晚飯再食甜品都得~舖內由3個後生仔女打理，特別有親切感同人情味，而且服務態度亦好好、好細心。下午茶時間黎到，所以淨係叫左小食拼盤同薑味梳乎厘配雪糕。小食拼盤有雞翼、洋蔥圈、薯條、番薯條，雞翼一早調好味所以好好味！粗身番薯條炸得脆身香口，不會太油膩，甜甜地好食過普通薯條。最驚喜係炸洋蔥圈，平時比較少食，怕會太辣，呢度洋蔥圈好脆，洋蔥本身就好林，無左嗰種流眼淚的辣，很不錯。薑味梳乎厘配雪糕，雪糕多款口味選擇，Vanilla、朱古力、Strawberry、Oreo等等，仲可以加錢轉其他口味。梳乎厘薑味濃郁，重有一絲絲的薑絲，甜度岩岩好。

喺將軍澳附近行咗好耐街， 行到咁上下就想搵個地方坐下底，但係又唔肚餓，呢個時候甜品舖就係最好嘅選擇啦上網搵再搵揀咗呢一間，老闆好好人服務周到，叫咗一份草莓pancake同蜜糖雞翼，Pancake有啲簿，但價錢幾平，雞翼蜜糖好足料，推薦

Came to TKO district to visit my friend and originally not planning to eat anything but plans have changed and we went to dinner instead. My friend is a dessert freak but I am personally not so we came to enjoy the best of both worlds. We ordered some spagetti to share and a porks knuckle which were all delicious and I ordered a french kiwi juice which was very fresh and juicy. They had dessert which was also nice from what I heard but I havnt took picture as phone went out of memory. Nice small

這店可算是將軍澳站附近，做的甜品最有質素的一間，好吃之外，更是價錢低，適合老百姓來光顧。餐廳設計簡約，以白色雲石作為主绸，簡單又大方。最方便的是還有供應意粉等晚餐，不是只有甜品供應。「意式雜苺奶凍」上面有一球草莓雪糕，下面是新鮮的草莓以及藍莓，果味濃郁，鮮紅色的草莓醬有水準，酸甜味均衡，突出了香草奶凍的味道，奶凍還有很多雲呢嗱籽在裡面，令香草味更香，整體發揮良好。「Oreo 2.0」這個比較特別，甜品分了幾層，上面是朱古力泡沫，一些綿花糖，下面是濃濃的朱古力雪糕，底下更有Oreo碎，跟雪糕一齊吃，口感豐富。服務最好，點餐下單飛快，店員很好禮貌，要大家大大力地來到吃多點甜品。