蟠龍半島餐廳

营业中

休息中

海鮮拼盤，隻蝦剌身，無挑蝦腸，條蝦腸好黑呀。牛肋骨扒，變咗做牛仔骨，雖然落足鬆肉粉，鋸到手都軟埋，仲未切開，件肉都凍埋。友人吃黑椒汁炸德國鹹豬手，半世人未食過咁乾嘅德國炸豬手，好在有兜黑椒汁，我用佢嚟送埋塊牛仔骨。$300+，咁嘅貨色，極度失望。我決定去宵夜，直升機餐廳「伏伏伏….」！仲有，侍應生應該更加明白如何上菜，手力又唔夠，伸長條腰，趴上張枱度拎走隻碟，我驚過佢啦，唔可以喺食客嘅右邊上咩？辛苦晒。唯一可以讚嘅，係啲燈光囉，閃下閃下，個人冇咁炆憎。

8月13號成家人嚟咗依度食慶祝生日，侍應嘅態度好好，好有禮貌，啲嘢食好好食，真心幾唔錯，啲肉食落去唔鞋，個心太軟都好好食，可惜冇影到，個廚師將個Happy birthday畫得好靚，另外仲叫咗個燉蛋，好香好滑，推薦推薦

同一個位置的餐廳已經在20年前都有光顧的，最低限度易手三、四次，現在叫 Cova Cafe。今天在Openrice網上訂位，不但有25 Asiamiles 而且有九折優惠。六時十五分依時抵達，我們是第一檯客人，都七點左右才有其他兩三檯客人出現。我們點了一個set dinner，外加一個餐湯及一份芝士白汁焗生蠔。Set dinner，有前菜：青菜沙律，餐湯，主菜是炭燒西班牙黑毛豬胺配波菜芝士腸薯蓉牛肝菌汁。各有食品都熱辣辣，合符水準。只有焗生蠔，老婆大人話可能唔夠新鮮，有少少腥腥地！

散叫沙律 洋蔥湯 牛柳 燒魚唔整，廚房大哂，生日飯前一天問有冇生日甜品，原本話有去到冇好失望，田螺個心凍嘅，收費貴一般貨，同埋無冷氣。其他做唔到就唔好比人訂枱，生日都無甜品或任何可以慶祝生日嘅嘢。其實服務真係OK，奈何廚房咩都唔想整我哋都好無奈，叫咩都冇之後嗌嘅嘢都求其整出嚟，生蠔原本係$240半價變咗$68.1隻，討論之後先至改返單，老細解釋埋廚房要8:00收，但係如果你真係要早收就唔好接我7:30呢一個訂枱啦，我哋可以去第二度食都冇問題。

話說我同太太慶祝生日。 我們六人到餐廳後，首先叫洋蔥湯 但係廚房話唔做。 跟住叫兩個caesar沙律， 廚房都話唔做。 跟住叫條鱸魚， 廚房又話唔做。 成間餐廳個menu都係假㗎。 廚房大曬老細冇佢符。 最唔開心係甜品 心太軟電話有預訂及寫happy birthday。 廚房話收工唔做。 侍應問我哋 食唔食布甸雪櫃有。 冇冷氣全場風扇任吹。

悠閒的平日突想到可駕車到此環境清静的餐廳吃個午餐！地点在入龍珠島入路的左边，门口不起眼而要上一層樓梯才到的餐廳。前身是蟠龍堡酒吧。叫了set lunch的燴牛尾配意粉,賣相很企理也認真，很欣賞其意粉熱度足夠感覺新鮮!牛尾烹調味道很不錯也夠軟度,但稍嫌偏咸了一點。另也點了份牛扒午餐,應要求7成熟,配有焗薯蓉及一小片瓜,配菜份量稍少。牛扒味通不覺有何突破，但牛扒質也可接受了。招呼打点上,以其人手已算是很體貼!可考慮再來!

今晚係即興黎食，慶祝考到車牌🎉 用openrice訂位有9折。職員服務非常體貼，打去詢問訂位情況時主動問識唔識黎，提點我地餐廳係龍珠島迴旋處入口附近～泊車位係餐廳樓下，非常方便：餐廳係一樓，要行樓梯上一層：今晚既dinner set menu:去到時餐廳得一枱兩個人，我地食食下再多兩個人來，共3枱人，好似包場咁餐廳環境舒適, 餐廳內及外面街道都很寧靜～我地叫左立魚柳大蝦同豬胺帶子set~晚餐先上salad：再上餐包及餐湯，餐包係蒜蓉包來的～立魚大蝦，份量都幾多，有兩大塊魚柳，魚柳煎得幾好，脆口但不會太乾～豬胺帶子，老公話ok，不過冇澱粉質有d唔夠飽呢度既感覺有啲似舊式既西式扒房，但當然食物質素較那些扒房好好多。係呢度既用餐既經驗幾得意，行上餐廳時會經過蟠龍半島居民住處，餐廳對面係做spa美容既，天台好似有得包場bbq，估計呢度其實係類似蟠龍半島既居民會所，只不過對外開放。這次用餐感覺良好，推薦～

Order 咗三個午餐，燒春雞、豬髀、羊架，味道不錯，但配菜份量有點兒小，成年人未必吃得飽。氣氛休閒，泊車方便，食完還可以順道去黃金海岸行吓，係假日休閒嘅好去處。

誤打誤撞去到龍珠島，入島前途經呢間餐廳，外面望落去感覺唔錯，好似去咗外國小鎮啲餐廳仔，就決定晚餐在此，好好享受。當晚全場waiter只有兩位，但服務態度良好及上餐速度都頗快。我哋叫咗兩個set dinner, 分別係牛扒同羊架。另外仲叫咗半打生蠔🦪兩種生蠔都唔錯，一隻係creamy d, 另一隻海水味重啲同爽口啲，不過就唔記得係叫咗咩種類喇🙈前菜個薯仔沙律都唔錯。是晚餐湯係意大利菜湯，足料，味道幾好。整體來講羊架唔錯，外面有酥皮，羊架肉淋有羊肉味，叫咗五成熟都啱啱好。

羊扒叫時要５成熟出來變了７成，牛扒要求7成熟也偏生，幸味道做得不錯，但牛扒的汁稍欠特別，似－般餐廳的汁醬，較平凡，羊扒上枱時卻不附加薄荷醬，要叫待應比才端來。前菜沙律也較平凡，用雪藏蝦不太好，蔬菜不算新鮮！環境不錯也寧靜的！待應招待態度也箅滿意。

香港地好少有park & dine 地方，今日竟然偶到。餐廳提供了無限車位，任泊。而最難得的是食物質素絕對得。西餐廳，相信主要服務附近小區居民，聽到侍應不斷稱呼食客為乜生物生，相信是鄰居食客。今日叫了牛排及無骨春雞，一個跟餐湯，一個跟沙律並有蒜蓉包。我較欣賞沙律，因為新鮮，賣相及焦汁都好。粟米忌廉反而有點似罐頭忌廉加粟米。主菜牛排煎得剛好七成，質地及味道恰如其味。第一次食冇骨春雞，其醬汁真的要讚，好惹味，雞胸唔鞋，雞比更係嫰，墊底的薯蓉又綿又滑，完全清碟。最後的咖啡也非常認真！十分推介各駕車人士一試。

🐑 羊扒醃得入味，羊味好出，叫5成熟真係比到5成熟，感動！🐓 燒春雞皮脆肉嫩👍🏻呢兩樣主菜都係$138-148，幾抵，係份量比較少懶所以無影到其他🤦🏻‍♀️🥣 餐湯（羅宋湯）味道正常，料比得好足🥖 蒜蓉包偏細塊，味道都ok🫖 熱檸水幾好，比個壺自己倒熱水🍰🍦心太軟出面脆身，入面流心偏結，都幾好食。雲呢拿雪糕有碎冰，不過都好食因為位置偏僻，所以人少😊 有車嘅話會好方便，樓下勁多免費車位。另外侍應態度好👍🏻 呢間一定會encore！

間唔中都會帶小朋友去青龍公園玩 貪嗰度環境好同小人 揸車都會經過哩間餐廳 我阿爸話細個都有帶過我黎 咁就搵日帶埋阿囡同daddy mammy黎回憶下咁多年無黎都係抱住試下既心態黎食個lunch 裝修無乜點變野食都仲幾ok 豬鞍同西冷都煎得好香正常西餐價錢 坐得舒服 會多d黎

疫情下幾乎無出街的生活，食評也停了一段日子。是次和朋友三個人一起瘟疫下相聚，來到這間隱世餐廳。餐廳人少當然較放心，檯與檯距離也遠，這樣更覺安心。是晚點了：三個晚餐+半打蠔整體三個晚餐也精緻美味，要評價是七成熟的牛變全熟，五成熟的牛反而七成感覺，所以下次五成熟便可。牛味重，汁也好味，整體ok。鵝肝味道濃，但份量偏細。生蠔大隻又抵。焗蠔亦惹味意大利飯汁料美味，但飯較硬，配菜也怪怪的。整體ok,難得出下街食餐好，感覺難得。

N年前（唔知轉左手幾多次呢）食過一次唔差，上星期去左黃金沙灘個邊食，諗起li間，見google, openrice評分都唔差，不過唔太方便，我地搭的士去上到去環境可以啦，就似油尖旺d樓上cafe/西餐既格局，一個晚餐$200-380左右，唔算太貴，成正比叫左份鵝肝牛扒，一份鴨腿鵝肝牛扒 - 牛扒唔係靚野，要五成熟變左9成，好鞋好韌 件鵝肝合格慢煮鴨腿 - 遲過牛扒20分鐘先到（個時得三枱客，已食緊）無味，咸都唔咸下，係咩味都無，食食下發覺難切，先發現根本就未熟，同位叔叔侍應反映，佢都好好，話換話比我，係咁講唔好意思。等多20分鐘再上一份新既，都係咩味都無，仲好老好鞋，食左兩啖我放棄之後有個後生d既女侍應收碟，整跌咗支叉落我件外套上邊，當然污糟咗啦，佢就呆左，過一陣先醒返先識執返支叉，執完企返係我隔離，呆企...（可能好驚掛，似係）直到我問佢有冇紙巾或者濕紙巾，佢先識得拎過嚟俾我。唔好意思/對唔住都無講過一句睇吓甜品有咩食啦，點知都係啲唔吸引嘅雪糕心太軟，奶凍咁總結係：不論服務食物質素環境，絕對冇下次