蟠龍半島餐廳

营业中

休息中

結婚週年, 撞正出面好多社會運動進行中, 想揾個地方安安靜靜咁食飯都好困難. 最後選擇左蟠龍餐廳. 當晚人唔多, 得二枱客人, 老闆好親切, 好好人, 又介紹啲食物比我地, 我地最後點左二個晚餐, 再開左支紅酒.  其實整體上我都覺得好不錯. 有得泊車, 食物質量都煮得唔錯.  價錢就大概由 $200 - $400 一個餐. 睇妳叫咩食啦~~ 我地點左個 Resottio 同埋一件肉眼扒.  二樣野都好好味, 所以下次大家想揾個靜既地方, 呢個絕對係心水選擇.食下 High Tea 又得, 晚餐靜靜地, 傾下偈都可以. 唔使成日都去酒店食嘛... 

老公話想帶我去兜兜風順便食lunch, 所以黎左蟠龍半島既Nova. 呢間理論上應該係間意大利餐廳，當日好似冷氣壞左，就咁搬左d 風扇出黎吹下降溫，環境麻麻。我地食既係lunch set, 老公要左 "燒去骨春雞配香草紅酒汁"($138), 無乜特別。而我叫左"美國珍寶牛肉漢堡配法國香煎鵝肝"($148), 鵝肝都肥美，不過個漢堡就有d 令人失望，凍既，同我係澳洲食既漢堡差天共地。總括而言，nova 交通不便，價錢唔算平，每人around 一百尾到一個lunch, 環境一般，食物質素性價比不高，試過一次就夠。

上個月經過媽媽推介，第一次嚟呢間餐廳，因為媽媽鍾情呢度嘅環境。今日我哋又再嚟一次，希望可以享受假日悠閒的午餐。今次我哋order左三個set lunch，分別係香煎盲曹魚柳配香草白酒汁，炭燒英國豚柳配蜜餞香桃汁及蒜蓉牛油虎蝦配意大利麵，另加$20一碟白飯。上主菜前會先上沙律及湯，今日沙律係普通生菜沙律，餐湯係粟米湯。炭燒英國豚柳配蜜餞香桃汁主菜賣相好好，好吸引。食落味道都唔錯，唔會生又唔會太熟，而且個汁好好味。蒜蓉牛油虎蝦配意大利麵呢個主菜係爸爸點嘅，上次我都試過，個人認為意粉油咗少少，而且得一隻蝦唔係好夠！香煎盲曹魚柳配香草白酒汁媽媽點咗呢款主菜，不過因為佢好飽所以打包咗，唔知好唔好食呢！

前兩日經朋友介紹依間餐廳，佢話食物味道幾好，所以就同女朋友夜晚黎到食晚飯，叫左兩個餐。一個肉眼五成熟，一個龍蝦意大利飯。首先講下個餐湯磨菇湯，味道不過不失，可惜偏鹹。到黎左主菜，首先個肉眼扒叫左五成熟，黎到變左七成熟，女友話算啦照食，肉質有D乾，可能七成熟關係。之後到個龍蝦意大利飯，賣相正常，一食落口勁鹹，食左一半已經放棄。最後甜品朱古力奶凍送既，味道正常。依間野食物味道差，性價比低。唯一要讚既係侍應服務態度幾好。冇下次!

一路都未試過嘅餐廳， 平時搭車经过出面睇都唔似餐廳😂😂太靚，成棟白色，門口係黑色閘今次自己膽粗粗晏晝來試下 ，一入到去覺得幾高級，環境真係舒服嘅佢呢個係Set lunch有沙律、餐湯同飲品嗌左个魚柳，吾錯又靚又好食☺️☺️服務又幾好，好留意我食完未同埋需要D咩最緊要係坐得舒服😂下次會叫埋朋友一齊試埋其他菜

今晚食咩好？喺屯門 屯市幾個商場食野食到悶又唔想排隊 又唔想被限時間上網搵搵 搵到呢間餐呢間餐廳喺蟠龍半島即係青山公路 過咗黃金之後有點隱世的環境唔錯 氣氛有情調晚上 有set dinner 又有二人餐揀有湯 有salad 有main 有dessert 有 drink 價錢合理食物質素湯好creamy個steak very juicy Prawn spaghetti 好入味 加上隻蝦好易甩殼Chocolate mousse 就一般啦Btw 個餐飽配上garlic butter 都好好味gaaaaa呢間餐廳有得免費泊車一定會再黎

同爸媽一齊食飯。。。搵間好d嘅餐廳又唔想佢地去太遠，於是上網搵吓啦！搵吓先發現有間咁隱秘嘅餐廳。揸車唔難搵，其實響路口，而且獨立一間屋大把車位。入到餐廳安排我地坐窗邊，睇埋餐牌揀好喇。可能餐廳位置較偏遠，所以假期都唔係太多人，而且揸車會較方便。。。雖然係咁，但我地會再嚟，因為食物質素好，服務質素都佳。。。無帶錯爸媽嚟！

在屯門區找一間高級好食而價錢合理的餐廳也不容易，突然想起這間較隱蔽的西餐廳而最正是免費泊車而不是代客泊車那種！餐廳環境是變了，較之前新穎和簡約，可能是重新装修過(因為好幾年沒有光顧了)，但加了價抗通賬也是難免的。然而最重要是食物質數有進步，由頭盤至主菜都不錯，只是咖啡跟以前一樣難飲苦而不甘香！最後加了一個奶凍甜品。以下是兩個午餐南瓜餐湯 : 口感滑而不杰，够熱主菜~香煎鱸魚配鮮茄沙沙 : 魚煎得够香而滑，小小蕃茄配搭中和了油煎感I主菜~綠咖哩雞飯 : 咖哩清香不太辣，雞件也是去了皮甜品~奶凍 : 够滑，朱古力味濃不太甜，生果也急凍過，保持了新鮮

情人節當天，再次來到這裡食情人節晚餐，當晚還是同老公的結婚紀念日。幸好一早訂了座，全間餐廳都佈滿心心氣球，很靚啊！佈置很有心思。餐廳職員都安排到個舒適的座位，當天推出的情人節晚餐$1388 ，價錢都算合理。頭盤係海鮮拼盤 ，擺碟很精緻，餐湯有野菌湯和海鮮湯，海鮮湯很鮮甜，超級好味，到主菜點了石班拼老虎蝦黑毛豬鞍，味道還不錯。唯獨是起菜真的比較慢。其待下次再有新的菜式，一定會嚟試！

地點：比較偏遠環境：有浪漫氣氛食物：同高級餐廳一樣服務：侍應服務態度良好今晚同老公食左2人套餐，太約用了1個半小時食candle light dinner。 下次都會去食多次！

慶祝生日，不想去人多的地方和不想趕住食，老公訂左Nova Cafe 食晚飯，貪佢地方寧靜。早d食，訂左6點，可慢慢食，食飽散步去黃金海岸。是日餐牌早d食，未有客人，環境仲靜侍應介紹幾支酒，最後揀左支白酒，果香味多d，幾好飲，安格斯肉眼扒🥩，七成熟，老公話好食。黑毛豬鞍配蕪花果汁，有少少‘un’。整條鱸魚，好香口 但要快快食，一凍左肉就唔滑。諗住之後出去食甜品，無叫餐廳內嘅甜品，叫多杯咖啡時侍應送了朱古力奶凍比我地食，好開心😃。我地約8點走，暫時只有4張枱，聽侍應講8:15pm 將會有客。環境靜靜地，雖然食物價錢不平，但可以慢慢食，唔使急住食完還枱，有時間都會再嚟過。

一入到去！拎住蛋糕，就知切餅費$80、有推薦和牛$580，魚2款生蠔！大概$60隻！介紹果時一隻味濃d,上台時又話另一隻濃d，呢隻果隻我都唔知邊隻，2款生蠔味道都ok最終叫左4個餐（和牛，牛，鴨胸，豬胺）和牛不太似和牛，煎到面頭有格仔鴨胸不太好味，慢煮鴨胸是燒鵝味道，肉質唔好牛一般般豬胺好味道，好淋，不過個汁甜甜地不太好味，個個都係果個汁！果個三文魚洋蔥等等配料的食物！個人覺得唔好食，完全唔夾，難食個南瓜湯一般般，普通過普通有餐包細細個，有整熱先上台！最後餐飲檸茶檸水，自己冲茶冲水，檸檬在杯內上台

位於蟠龍半島的西餐廳，印象中裝修了好幾次，不知是易手還是翻新，但仍是一家遠離繁囂市中心的西餐廳。中秋節當日才預約，到達時發現面積小了，有2-3組客人正用膳，但空間感十足，檯與檯之間仍保持一定距離。侍應見我們有一孕婦也再三確認坐位是否夠闊落先來生蠔（沒拍照），點了gillardeau，鮮味十足。各人再點了套餐包括前菜、餐湯、主菜、甜品及飲品前菜是蟹肉牛油果他他，蟹肉分量足，牛油果有些略厭不夠熟，吃起來不夠細滑扒西班牙有骨黑毛豬配紅桑子汁（$378）豬肉味濃，近骨位置肉質油嫩，配菜爽口，薯仔烤焗到外脆內軟，讚。但略厭豬扒煮得太熟，肉質有點粗糙，但可接受炭燒澳洲羊架配露絲瑪莉汁（$398）這是媽媽點的羊架，味濃且很juicy 煮得剛剛好忌廉芝士焗原隻龍蝦（$478）侍應說是晚龍蝦是從三聖採購回來，果然夠新鮮，雖然是用忌廉芝士焗，但濃郁的龍蝦味是沒有被蓋過炭燒頂級美國安格斯肉眼扒（$478）友人內心爭執了良久最後放棄了鵝肝牛柳決定點安格斯肉眼扒，果然不令人失望，牛肉跟油脂化開的甜味簡單炭燒已經足夠吃飽的同時送上甜品及餐飲，中秋節滿足了。

食物質素劣，烤魚等了45 分鐘最後還是煮唔熟..牛扒還可以.order 左 wine waiter 完全忘記，沒有人服務，係以這個尖沙咀價錢，食物及服務完全不能接受👎🏻

昨晚想同媽咪慶祝生日，經朋友介紹到一間屯門西餐廳，到了之後感覺餐廳環境很優雅寧靜，服務員嘅態度細心有禮貌。原來他們餐廳正推出週年紀念晚餐，$298有四款菜式選擇，有頭盤、湯、主菜、甜品。其實他們還有一個主打晚餐牌，菜式都ok。但我們選擇了他們的週年紀念晚餐，點了炭燒星鱸魚和肉眼扒，仲有半打法國生蠔，生𧐢新鮮好味，媽咪好鍾意食，又再叫多半打。兩款主菜水準都ok,鱸魚皮脆肥美，肉眼扒好好味，超讚！值得推介！