蟹仙海鮮蒸氣鍋 (已結業)

呢間蟹仙已經係我第三次食，每次食完都非常滿意，係一間非常高質既蒸氣海鮮火鍋店！門口有大大隻蟹既裝飾，非常搶眼！入面地方唔算大，但非常整齊，每張枱都有個鐵架係旁邊，方便放未蒸既海鮮🦞！調味料係雪櫃保鮮拎出黎，攪掂調味料店員就會收返，以免變質。我地今次叫左298/位既海鮮套餐越南頂角膏蟹、澳洲青年龍蝦、翡翠九孔鮑魚、日本大元貝、越南貴妃蚌、泰國海中蝦、深海龍躉片、紐西蘭青口/韓國慶南蠔、有機蔬菜籃⋯⋯非常多選擇！侍應先落粥底，南瓜粟米排骨粥，材料十足！侍應仲話我地坐個個位係爐皇，因為爐既蒸氣量最適中，煲出黎既粥最好味！先蒸左翡翠九孔鮑魚，日本大元貝，泰國海中蝦仲有一隻紐西蘭青口先～因爲貝殼類既海鮮都係蒸相同時間！侍應服侍周到，幫我地蒸完仲幫手分埋上碟，然後仲將海鮮既汁倒落粥底到，非洲貼心！日本大元貝同紐西蘭青口洗得非常乾淨，一粒沙都無，非常新鮮多汁！比係外面酒家食既好食好多！泰國海中蝦非常大隻，肉質鮮嫩，蒸既時間剛好，蝦肉唔會痴殼！翡翠九孔鮑魚同樣清潔功夫做得非常好，食落亦爽口彈牙，鮑魚肉亦非常厚，勁好味！食緊既同時侍應已經蒸緊越南貴妃蚌&深海龍躉片，貴妃蚌非常多汁，食落唔韌，好鮮甜！龍躉

生日朋友話約食飯，近近地係元朗食，但意想不到一間細細既餐廳入面有咁多新鮮海鮮🦞中意食蟹必試膏蟹！啲膏有兩層架🥰全晚令我最難忘就係呢隻蟹~~食完所有海鮮，下面有個粥底，但建議放少啲水，會比較好食同更鮮甜。另外去既時間較早，餐廳師傅好有耐性為我地介紹食材，服務生都好主動好有禮貌，整體都唔錯👍🏼

本人居住屯門，特登跑黎元朗食，約左朋友食飯，去咗元朗食蒸海鮮。鋪頭細細，估唔到材料又幾新鮮喎！我哋食$398一位的海鮮餐，份量都好足！落完單海鮮好快就出現！侍應會嚟幫手整海鮮，擺好晒，set好時間制，一陣就有得食。食完海鮮仲有粥食，材料有南瓜同排骨，加埋之後嘅海鮮精華，個粥好正㗎！係健康既味道，又鮮美清甜😍😍D海鮮蒸幾分鐘就食得，乜嘢調味料都唔落，食到海鮮嘅鮮味！蝦非常爽甜，一人有兩隻，好開心😘😘龍蝦好容易起肉，拎住成舊龍蝦肉咁食真係好正龍蝦好新鮮，啲肉好甜，一人半隻都有啲唔夠喉呀！之後就食膏蟹，真係好爆膏❤ 食得好開心

之前聽朋友介紹，今日lunch同屋企人去試一下，順便慶祝父親節，原來lunch要booking，因為未必咁早開，好彩有其他人booking，唔係就白行。😅店鋪以蒸汽火鍋為主，海鮮總類好多，有不同價錢，可以點套餐或散點，我們三個人選擇了3份套餐，每份$398/位，有淹蟹、琵琶蝦、澳洲青龍、大元貝、青口、鮑魚、海中蝦、生蠔、貴妃蚌、龍躉片、菜等，基本所以海鮮都是進口，非常生猛，最後食埋個粥底，鮮味十足。👍👍👍店員好nice，好有耐性介紹海鮮，服務滿分，食完還有糖水送。唯一美中不足就是只收現金，要食的話一定要帶夠錢😂

今日要去元朗搵個fd, 佢推介左我嚟呢間超抵食粥底海鮮！$298呢個餐好抵食，有成9款海鮮，不得了！而且全程由店員姐姐計時適心幫忙烹調，全套服務非常貼心🍀大黃奄 (2人一隻)一見到就兩眼發光，太多膏！全部都係膏，唔單止啲膏好好食，連肉都好甜好正！🍀澳洲青年龍蝦 (2人一隻)又有好多膏啦！啖啖肉超過癮呀！好想encore 🍀日本大元貝可以揀蟶子或元貝，我地就揀左元貝，超新鮮超好食🍀越南貴妃蚌 最鍾意食蚌時入面爆汁的味道！🍀翡翠九孔鮑魚蒸的時間剛剛好！新鮮爽口！🍀深海龍躉片 又鮮又好味呀，一食愛上🍀紐西蘭青口估唔到蒸青口都咁好食！🍀泰國海中蝦爽！🍀有機蔬菜籃啲菜係甜咖！🍀粥底食粥底蒸海鮮 粥底是精華，吸哂海鮮精華後好味到不得了🍀椰汁官燕燉雪燕居然仲有官燕送，$298無得頂！

居住在元朗這麼久，都沒去試過西菁街那邊的食店，這天心血來潮，突然想帶媽媽來吃蒸氣火鍋！這裡主打吃海鮮，尤其是蟹！對於第一次吃蒸氣火鍋的媽媽來說，真的超新奇，而且每款火鍋配料都超大份，看得她目瞪口呆！而這裡的食材的而且確非常大件及新鮮～首先上場的是超豪華海鮮拼盤！裡面有日本大元貝、越南貴妃片、紐西蘭青口、翡翠九孔鮑及深海龍躉片，全部都非常新鮮，經過蒸氣火鍋蒸煮後完全能留食材的鮮味，連醬料也不用沾，已經好好味！當中我最喜歡鮑魚，而媽媽即最愛大元貝！其實全程都有侍應幫忙蒸煮，並會因應食客進食速度進行蒸煮服務，非常貼心！吃完一堆海鮮後，他們便為我們奉上有機蔬菜籃，份量真的很多！！然後便是重頭戲─亦即是主角膏蟹！完全沒有預料到膏蟹的膏會多成這樣！完全傻眼！！真的太誇張了～除了滿滿的蟹膏外，也是啖啖肉！蟹肉超甜～～～覺得超幸福！！！澳洲青年龍蝦也是超級多肉超甜～曾經吃過像香口膠般的龍蝦肉，完全咬不開！但這裡的龍蝦也實在太好吃了～有結實彈牙的肉感，但卻不會咬不開，真的很讚！！吃到這裡其實已經超級飽，但是蒸氣火鍋的重點之一，就是一直深藏在鍋子最底層的粥，因為上面蒸過的海鮮的汁會流到最底層，讓粥充滿鮮甜

cp值很高， 個老闆好好人， 下晝冇乜人， 佢全程過嚟serve我哋。 佢每一款海鮮都同我哋介紹，又真係好好食好鮮味， 意想不到這個價錢能夠吃到這個水平的海鮮， 大飽口福。

今日黎到元朗食好西 係九龍有另外兩間分店的蟹仙海鮮蒸氣鍋專門店叫左set 一人300蚊 廚房發辦唔洗自己諗 啱晒我呢d有選擇恐懼症的食貨份量好夠食又新鮮越南頂角膏蟹 啖啖膏又厚肉澳洲青年龍蝦 好大舊肉 蒸到剛熟好嫩滑紐西蘭大蟶子同北韓貴妃蚌 彈牙好味！翡翠九孔鮑魚 肉質有彈性 簡單點豉油已經好好味深海龍躉頭腩 口感彈牙 膠質重紐西蘭青口都好大隻 仲有泰國海中蝦 手賞咁長肉質彈牙最後係有機蔬菜籃 飲食均衡😌蒸海鮮的精華滴晒落下面的粥底 最後食真係超正😌好啱同屋企人黎食 清清淡淡唔會太花巧

第二次來吃蟹仙服務態度勁好 所有食物都勁新鮮 叫左398個套餐隻蟹爆哂糕已經值回票價 賴尿蝦都好大隻仲要有人幫你拆埋殻勁方便 因為平時覺得好麻煩寧願會唔食 個人認為性價比高的一餐😋

試左398個套餐有10款食物，有龍蝦，有10吋長瀨尿蝦，瀨尿蝦係整好凍食既，超多膏最後個粥底超鮮味，好抵食既一餐。食既時候全程有人幫你睇時間，瀨尿蝦幫你搣埋殼，好貼心既服務

平時想食餐海鮮都要起碼四五百蚊呢間蟹仙極力推介 一人$298的海鮮餐究竟有咩食呢打頭陣係越南頂角膏蟹見唔見到入面有幾飽滿?!蒸海鮮的好處係唔會好似打邊爐咁十下十下撈上黎啲膏已經唔知跌晒去邊😂澳洲青年龍蝦 | 紐西蘭大蟶子 | 越南貴妃蚌 | 翡翠九孔鮑魚 | 深海龍躉片 | 紐西蘭青口 | 泰國海中蝦 | 有機蔬菜籃店員逐樣逐樣幫我地計好時間蒸確保係剛熟夠嫩滑唔會overcook海鮮的精華同鮮味得以完整呈現 仲滴埋落下層的南瓜粥底添 好濃縮的鮮味🥳呢個價錢食到9款海鮮真係好抵 仲要款款新鮮！老闆話啲海鮮日日直接空運到每間鋪架！最後仲有冰糖燕窩送添！

一行四人行完山同朋友慶生，揀咗呢間蒸蒸海鮮試吓，我哋食下午，負責人非常熱情，服務很好，雖然啱啱開舖，已經一早準時預備好招呼我哋😊海鮮套餐有平有貴選擇，重點係整體非常新鮮，海鮮先甜無比，清洗得好乾淨，種類都幾多，招呼五星級享受，價錢絕對合理，非常低食，絕對係會再encore 的食店👍🏻下午食其實幾好，坐得舒服又可以慢慢傾下計😊唯一美中不足係唔收信用卡，要走出去㩒錢蟹，龍蝦，同埋賴尿蝦係必必必食架

今天跟朋友聚會偶然在openrice看見這間餐廳賣相很吸引 便立刻book位初嘗蒸氣火鍋 吃後感覺很新鮮海鮮很出色,蟹膏多得不得了最後的粥底火鍋更是令我十分回味店內的職員服務態度也很好會再回來

今晚同朋友相聚、試試蟹仙海鮮蒸氣鍋、店面已經有隻巨蟹招牌、十分吸引、雖然店鋪座位不多、但環境尚算舒服、店員會自行介紹各式蒸氣鍋套餐比我地選擇、好窩心！今次試海鮮蒸氣石鍋九款及十款、當中膏蟹十分鮮甜、蟹膏味道香濃、令人回味、鮑魚同海蝦都十分彈牙！另外我印象最深刻數到瀨尿蝦、一來店家已經好細心為我地拆殼、方便品嚐、我無加任何調味、蝦味仍然好甜美、好嫰口、十分好味道！加上全程店員幫忙處理氣鍋、為人客蒸海鮮、服務好全面！店員服務態度簡直令人滿意、套餐價錢又唔貴、海鮮好新鮮、超價、可以再次光臨！

服務和食物質素不錯，但價目並不清晰，除選餐的價格外，還有額外加收的附加費，結果服務費是餐單的23%，這比一般的服務費高。建議附加費加在餐單價錢旁，不宜在埋單收費時再主動另外補充說明，感覺就是明知你唔知，但是在收錢時才提醒你的感覺.....