蟹仙海鮮蒸氣鍋 (已結業)

琴日第一次黎呢間食海鮮，一黎到呢度嘅人好熱情，講野好親切，又時不時走黎關心客人。服務真係好好。同埋呢度海鮮好高質素，最中意呢度嘅螃蟹，有d優質種類既螃蟹係好少地方食到。蟹肉好鮮甜，蟹黃又好多好正。除咗螃蟹仲有好多種類既海鮮俾我地揀。仲有下底既排骨粥，係經過蒸海鮮滴落黎既汁煲成，粥好鮮美，冇➕調味已有自然既鹹甜。其實食完個海鮮已覺得好飽，d粥完全食唔曬，之後仲帶翻屋企食😂我買個套餐最後仲有甜品食～好滿足既一餐～

男朋友生日食好啲，叫左個$498既餐，同之前食既海鮮蒸氣鍋次序有啲唔同，好野最後先食，咁就可以愈食愈鮮！重頭戲，膏蟹超多膏，肉蟹超多肉，連平時唔鐘意掂海鮮既我都忍唔住揸住尼損，撩到乾乾淨淨😝！仲有師傅推介琵琶蝦，雖然樣子奇特，但食落的確鮮味十足！仲有啲肉同丸，聽講係師傅手打丸來，有驚喜好好味特別係黑色戈粒同瀨尿牛丸！仲有仲有，個自家制魚皮先出色，店員話係用光波爐炸，所以冇油益味送粥一流！最後仲有木瓜燕窩糖水。開始都覺得有點貴，食完即刻覺得值得比呢個價錢！店員同師傅都好nice好有heart，全程有服務，好細心留意我地有咩需要。實不相瞞，呢次係我第一次係openrice比食評，真心覺得讚

事緣我同太太之前係佢剛剛開個時食過一次，係門口睇到個餐牌寫2xx 1個有好多野食，又好似好抵咁，所以入左去試一試。我地指明要出面個餐牌及圖片既餐，佢個餐牌好清楚咁係個份量上面貼住一人的價錢，咁落order時侍應又無講到出面餐牌係半人份量，送到黎發現兩人餐變左一人餐，一問之下侍應解釋個餐牌係上手未改，個餐牌的圖片係2人份量，但只寫1人價錢......！份量太小，食落味道一般，後尾個粥底直頭無味，同某間食海鮮粥底差好遠。原諒我咁直接真係無下次sorry!

週六中午行完山去食，去到得我地一枱客，包咗場。叫完等緊海鮮上場，同店長講好肚餓，竟然冇請碟魚皮比我地食，攝吓牙Lah。啲海鮮堅新鮮，尤其啲蟹，店長幫手揀咗隻處女蟹，真係好多膏，好香好正，唔多講，自己睇圖。最後個粥煲得好綿，不過覺得個粥底落得多咗豬骨，遮咗啲海鮮味。個餐好多野食，食到好飽好滿足。不過，有樣野要挑剔，無得用信用卡比錢，好唔方便。

今天中午食完茶經過元朗茜青街見到有隻大蟹模型，順便影相留念，有位男仕出來介紹，用心地講解食 蟹及龍蝦 之常識，見他非常有誠意，於是訂了位晚上吃飯。果然無介紹錯，膏蟹完全爆膏又鮮甜，澳洲龍蝦好新鲜，果然係食蟹專門店，其他海鲜都非常新鮮及清潔得乾淨👍最怕有沙。還有南瓜排骨粥非常好味，吸收了海鮮的精華。

因為open rice 寫佢既營業時間為1200 到2345，所以我地下午1點去，點知原來佢係未算係開鋪，得一個廚房既員工返左黎，但佢都照做我地生意，因為無人招呼我地，佢都唔知好意思，所以就送左我地魚皮，安格斯牛肉一小碟。我地叫左$298個餐，d 海鮮都好新鮮，而且隻蟹好鮮甜，龍蝦亦好大隻，d肉好彈牙，除左d海鮮好食之外，佢既安格斯牛肉都好好食，我地試過佢送既一小碟安格斯牛肉後，就即刻決定叫多碟大既$188，因為真係好好食，好有牛肉味，油脂分佈剛剛好，但最後個粥底太咸，佢地粥底本身有調味，再加埋d海鮮同肉味就變得太咸，如果佢地用白粥底可能會更好我覺得佢得一個人都招呼得我地好好，雖然無人會幫我地煮，但我地可以慢慢咁享用，唔使夜晚咁趕頭趕命咁食。個店員話下次如果想下午食可以打個電話比佢地，咁就可以準備得更好。

放假是入屯門探兩老和吃住家飯的指定動作，但今晚唔同，竟然沒有三餸一湯的住家飯，皆因老媽突然有約....其實廿四孝老爸已出了元朗準備買餸下廚，但無謂讓他辛苦啦！他咁有心，我就獎他吃餐好。逛下逛下，被一隻鮮紅的巨蟹吸引了，原來是久違的蒸海鮮，真的已有一段時間沒有吃....門口的巨蟹霸氣十足，亦帶點淘氣，難怪取名「蟹仙」，看來蟹是這店的主打。內裏裝滿平實，掛上幾幅蟹畫和相片，骨子企理。長方形格局，一邊設有幾張四人枱，另一邊是一排長沙發椅配二至四人枱，最入端就有張六人馬蹄形枱，座位不多。已經很久不見了....什麼？同樣採用這頂籐帽鍋蓋，當然還有好拍檔計時器。店員會為客人放入食材和預設蒸製時間，當時間一到便會馬上前來取出已蒸好的食品。除了有單點食材外, 還有四款蒸海鮮套餐，分別是【海鮮蒸氣石碢九款】($298/位)、 【海鮮蒸氣石碢十款】($398/位)、【海鮮蒸氣石碢十三款】($498/位) 和【重量級海鮮蒸氣石碢十三款】($688/位)。最後揀了【海鮮蒸氣石碢九款】($298/位)，除九款海鮮外，還有一籃有機蔬菜和粥底，其實份量都不少呀!***************************

作為九龍人的我，真的好少好少來到元朗，難得來到元朗，當然要到處找找有什麼好地方食晚餐喇。行行下見到隻大蟹，已經心動了因爲真的好久沒有吃蒸海鮮了。。一坐下來，已經急不及待為我們介紹種種的套餐有咩分別。。。最後我們選左個298套餐，仲加左錢轉隻大龍蝦。而蟹方面有兩種，我們都鐘意食蟹膏，所以都選擇左膏蟹。。兩個海鮮主角一到場，已經好令人興奮，睇到d蟹膏同蝦膏。。。d肉好鮮甜。。隻龍蝦啖啖肉又唔膩好正真係。元貝青口雖然唔多，但都好大隻。。鮑魚👍🏻👍🏻👍🏻唔好以為淨下龍蝦好食，普通蝦都好正。。。好想食多幾隻。個粥底聚集哂全部精華，真係好正，又鮮又甜。。本身以為份量唔夠要靠粥底飽肚，點知其實都好足夠了，我們都係眼闊肚窄。。全程都係店員幫我地蒸，仲要每款都有講解一下。感覺好親切。

可以係呢度一次過食晒8款海鮮， 滿足晒鍾意食海鮮嘅人(`・ω・´)！！！ 全程唔使郁手，都係坐喺度等食ლ(・´ｪ`・ლ)我地揀左最平既套餐～～先放上粥底！！之後就會吸晒海鮮精華～海鮮有 #肉蟹/奄仔蟹、#澳洲龍蝦、#鮑魚、#元貝/蟶子、#貴妃蚌、#海中蝦、#龍躉片、#青口 . 當中最高質一定係膏蟹同龍蝦(≧∀≦)ゞ 膏蟹係超級爆膏，好邪惡(●´ω｀●)ゞ！！！！ 蟹膏食落帶少少甘甜，蟹肉結實鮮甜， 中意食蟹既人就唔好錯過～～ 而龍蝦肉質彈牙爽甜，都好新鮮！！ 每人半邊龍蝦，完全唔夠喉～～(*´з｀*) 其餘海鮮都okay，係龍蝦同膏蟹較有驚喜(›´ω`‹ )～ 唔經唔覺食晒啲海鮮就已經好飽(｡•ㅅ•｡)♡ 最後仲有蔬菜籃！！！  同用海鮮精華熬成既南瓜粥，好味 ～～亦送左碗椰汁燕窩糖水～好滿足ε≡ﾍ( ´∀`)ﾉ蟹仙  地址：元朗西菁街10號好順泰商場地下16-17號舖

朋友住天水圍，今日難得進去探望她，她說要帶我吃最鮮甜的海鮮！餐廳位置就在元朗的千色附近！進去後店員很熱情招呼，還問我們是不是第一次來食！店員表示他們的老闆是海鮮的分銷商，所以能夠揀最新鮮的選海鮮比餐廳！仲寫包單出面呢個價錢食唔到我地質數的蟹。我地揀左$298/位的套餐，首次店員會先把粥底放到鍋中，然後再幫我地蒸海鮮。見到個海鮮盤我地已經好興奮，因爲有好多款海鮮呀！其中包括：泰國海中蝦，鮑魚，貴妃蚌，帶子，龍躉片和青口。海中蝦：大大隻！肉質彈牙好有蝦味。鮑魚：肉質彈牙青甜，餐廳非常細心已經預早幫我們拆殼，方便客人食用。貴妃蚌及帶子：即使不用點任何醬料已經非常鮮甜！食完令人一再回味。龍躉片：魚非常嫩滑。之後就係蒸蟹和龍蝦，餐廳係用越南的頂級角膏蟹！呢款膏蟹大隻得黎係有超級多膏，蟹膏鮮甜，而蟹肉則夠結實，蟹拑位置多肉！真係出面食唔到的質數。龍蝦亦係好打隻，而且都有不少蝦膏，龍蝦肉質潔白，鮮甜彈牙!蒸埋蔬菜，就可以食呢個充滿海鮮精華的粥la，粥底加入了南瓜同埋豬骨，我地仲特意留返D蟹膏，放埋入去一起煲，味道極為鮮甜。總括黎講，呢餐絕對是超值！尤其是越南野生膏蟹，相信已經比下不少的餐廳。

同朋友慶祝生日，但朋友話唔想打邊爐，唔想食啲好熱氣嘅嘢，結果就定了這間蒸海鮮。餐廳有套餐，價錢根據海鮮嘅種類而定。我哋叫了幾個平嘅套餐有叫了幾個中等價錢嘅套裝。店員都好細心同我地蒸海鮮，避免我哋將啲海鮮蒸過火，好細心。普遍海鮮都新鮮，但青口就較為遜色。最後粥底非常鮮甜美味，今晚食得好飽飽。

話說我家隻狗仔呢排成日都周身痕，想幫佢沖涼之際，先記得佢支沖涼液又用晒，惟有同老公落元朗去睇開果間獸醫買番支，之後順便行下街，然後食埋晚飯先返屋企，原本想食壽司，但係見到壽司店隔離間鋪有隻蟹形擺設，好搶眼，咁就比佢吸引左入去勒，哈哈😅😅呢間係食海鮮蒸鍋，睇完個餐牌，有幾款唔同價錢既套餐，我地就揀左個平平地$298套餐，侍應好細心講解成個套餐有乜海鮮，又幫我地放落蒸爐，較好適合每款海鮮所需蒸既時間，服務周到，又講解佢地老闆開鋪之路，同埋所有海鮮都係由老闆親自揀選海鮮最緊要食到鮮甜，係呢度食到，我見隻蟹好肥美，爆膏，當侍應拎左隻分開左兩邊既蟹仲郁，已經好期待，食落仲好鮮甜食到最後，就係最精華既海鮮粥，仲有甜品椰汁官燕，將呢餐劃上完美句號

元朗友都知西菁街多野食，我同男友都唔例外，連最愛嘅士林都係呢條街。成日經過都見到呢隻蟹仔，但係就未試過佢，今次老闆大有雅緻，話試一試呢間嘅蒸氣海鮮。全場大約10張枱，坐位算幾闊落。坐低見到餐牌分別有4款選擇，分別$298/ 398/ 498/ 688，第一次試當然先小試牛刀試個$298先啦。 其實$298已經有齊我地要試嘅，蟹/龍蝦/蟶子都係我地目標 （但留意返星期五六日/假期前夕係需要$28一位）粥底配料係南瓜排骨。坐多陣，主角就上場喇蟹同龍蝦係主打，質素當然一流，肉質鮮甜之餘又結實，半隻蟹嘅size 就已經接近我拳頭喇而其他海鮮就基本上每人1-2件度，當中貴妃蚌同蝦質素最好蒸嘅部分最後就係蔬菜籃喇 - 分別有生菜/娃娃菜/南瓜/粟米 ，質素就合格啦粥最後我地食唔哂d菜，侍應姐姐話幫我地切絲加入粥會更甜，海鮮嘅精華，加埋南瓜，再加埋生菜絲成個粥都非常鮮甜，雖然個肚已經撐到大哂，最後我地一人食左2-3碗已經放唔落喇。唔知老闆幾時又大發雅致再請食大餐呢

肚氣! 咁樣欺騙顧客, 會會太過份! 我哋一行4人諗住試新嘢, 點知咁就中伏! 我一般都唔開 po 寫負評, 畢竟生意難做, 但係今次堅忍唔住! 我哋 order $398/位 海鮮餐, 落 Order 時店員有講明套餐膏蟹係每人得半隻, 同 HK$298/位既分別只在於多左瀨尿蝦皇,店員極力推介話佢哋既瀨尿蝦好出名, 又大隻, 咁就試下啦! ….點知就中伏喇! 店員拎3隻瀨尿蝦出嚟, 話今次 d 瀨尿蝦細隻左, 所以比多隻! 我哋4個人, 原來係每人得半隻瀨尿蝦? 仲要好勁咁話送多隻? 落單時無講明原來每人比多 $100 只係得半隻瀨尿蝦 wor…而最重要係呢幾隻瀨尿蝦算大?????8寸長都無! 火都嚟既我哋決定食 HK$298 個餐算! 海鮮餐所謂既日本大元貝同大蟶子根本同平時街市買既普通元貝/蟶子size 一樣, 肉又薄! 海中蝦擺明係養蝦黃奄蟹一隻大一隻細 (大唔係真係大啦, 只係大過細嗰隻)個龍蝦就幾彈牙! 所有海鮮基本上無乜鮮味可言!粥底亦都唔好味! 而粟米係變左色既! 店員推介咸檸水, 一大渣得2粒咸檸, 係驚我哋飲到咸檸味嗎? 店員仲話因為 “誤會” 所以送一碟自家炸魚

之前到過九龍城蟹仙，知道它質量不錯，發現元朗也有分店，隨即訂枱跟媽媽來個二人海鮮餐。門前巨蟹裝飾，搶眼又應景。我們點了$298 套餐，有八款海鮮及蔬菜籃。另跟有南瓜粥底，材料有日本珍珠米、醃過排骨及南瓜，用過海鮮後，粥便煲起可食。先來泰國海中蝦，換了紅衣的泰蝦，望得見的美味 😍😍翡翠九孔鮑魚，蒸3分鐘，時間啱啱好，內臟已清，方便進食。罕有大黃奄蟹，蒸9分鐘，華麗轉身後的肥奄蟹 😍😍。爆膏肉甜，肥厚多肉，殼脆易開，人間美食。澳洲青年龍蝦，蒸6分鐘，紅白有緻，令人食慾大增。北韓象拔蚌仔，味道鮮甜，但始終不及刺身吸引。 越南貴妃蚌，新鮮甜美。深海龍躉片，魚皮及魚肉中間有厚厚的膠質，細魚是無法有這樣的口感 😍😍。相對紐西蘭青口，則未算特別。有機蔬菜藍，有粟米、南瓜、生菜及娃娃菜。粟米清甜，我喜歡 😍店家真客氣，飯後甜品竟是椰汁燉官燕，燕窩份量還不少，實在感恩。計時的確做得好，每樣食材都剛剛好，充份將其最好一面呈給顧客，值得讚許。🖒🖒