蠔站 (永昇中心)

营业中

休息中

朋友說這間餐廳做生蠔特價，個人也鍾意吃生蠔，所以來試試餐廳感覺很舒適，播放著80、90年代出名的音樂，頗有情調。一入餐廳便看見生蠔吧，白色的外牆及一些仿植物裝飾，配合柔和的燈光，朋友來午餐聚一聚感覺不錯。首先當然要點特價生蠔，是這次來的主要目的$10一隻，我們點了6隻。是法國fine de claire生蠔。雖然是$10隻，但細緻位都做得不錯，例如以一盤冰保持生蠔溫度。以$10來說size是不錯，都有鮮味另外，見有另外promotion也很吸引。跟餐以$120優惠價原價$218即開生蠔，有韓國生蠔及Scotland嘅生蠔，當然一份錢一份貨，比起$10更肥美，更鮮味。個人認為可以兩款優惠都點，試試不同款式。韓國甜蠔Scotland生蠔牛餐香煎西冷拌薯菜牛肝菌燒汁 $98配餐湯及飲品牛扒夠份量法式焦糖燉蛋配雪糕 $88燉蛋頗滑，個人不喜歡太甜，這個甜度剛剛好

朋友生日去咗這間餐廳食飯、服務態度非常好食物好味又有不同種類的蠔，食咗四式芝士pizza，甜品都非常好味心太軟非常好味，仲有食咗炸魷魚圈，多款食物任君選擇！環境舒服非常乾淨

Oyster Station同同學家長吹水，佢推介呢個餐廳集團，話天后同銅鑼灣分店同步推廣，每日推出平靚正生蠔，堂食每隻$10，產地定時轉換。價格咁親民，今日同老公專程去食好嘢！先嚟半打Carlingford 愛爾蘭生蠔 (特價$10/隻)。每隻唔算特別肥大飽滿，但勝在肉地爽脆，滲透淡淡地嘅海水味，啱晒我哋兩個beginner嘅品嚐級別！酥皮波士頓龍蝦 ($268)係主餐牌推介之一，可以配長通粉、扁意粉，或者天使麵。牛油酥皮薄身，焗得香噴噴，趁熱食，真係冇得頂！老公鍾意食龍蝦頭，龍蝦肉亦比想像中多好多。天使麵勁掛汁，配濕潤開胃嘅自家製蕃茄汁，酸酸甜甜得來，口感唔錯！荔枝乳酸梳打($48)比較一般，加啲荔枝果肉或者荔枝味椰果，咁就好啦！

好耐無食蠔啦~記得呢間餐廳都幾舒服好坐，食物質素都好好👍🏻所以今日同屋企人一齊嚟食多次！🤤星期日妟就嚟到唔算多人，可以揀位坐~餐廳播嘅英文歌都好hit🤣因為無lunch set，我哋分別嗌咗6隻$10指定生蠔🦪今日新鮮到嘅三文魚刺身，法式鵝肝同炸軟殼蟹扁意粉🤪生蠔係愛爾蘭嘅~好新鮮又鮮甜同埋唔算好細隻，$10嚟講係性價比好高！😍不過我覺得三文魚刺身都好值得讚🤩店員無講錯真係好新鮮，同係其他壽司店食嘅唔同，三文魚望落紋路靚又夠厚，加埋少少檸檬汁🤏🏻就好好食😋法式鵝肝雖然唔算平但係抵食嘅~~~鵝肝好厚好大件，煎到啱啱好，入口即融，配埋有牛油嘅多士同柚子醬，真係想再食多幾個😙沙律菜都okay新鮮~🥗最後炸軟殼蟹扁意粉嘅軟殼蟹份量都正常，入面有洋蔥同蒜頭仲有青椒紅椒，同好食嘅忌廉~扁意粉口感都唔錯，鍾意就算食完都唔會覺得好滯👍🏻呢個價錢正正常常啦🤣下次去應該要食佢其他生蠔先得！🤣

今次去試天后地舖,店子相信是集團較細的一間,但裝修佈置一點也不馬虎,不用多說先叫了滿滿一盤鮮生蠔開開胃先,靚女店員更細心介紹今次推出的是法國綠寶石蠔,由於食海草,所以蠔身羣邊會有淺綠色,入口海水味畧淡,但鮮味濃郁,更配以圓鰭黑魚籽,每10克也只須十多元,使味覺又多一份口感。正,又要添食啦！另外再order咗一客BBQ豬肋骨,除了份量很大,更配以香脆薯角和爽口沙律菜,靚女真好介紹,主食叫了虎蝦意大利飯,兩大隻虎蝦上枱時已香氣撲鼻,意大利飯就超有咬口很有水準。相信又要再來光顧其他菜色了

朋友介紹屋企附近有一間唔錯嘅生蠔餐廳，店內有好抵嘅$10生蠔，冇上限任叫，當然要試吓啦！另外再叫多半打$218嘅試吓有咩分別！見到一大盤生蠔心情特別靚， $10生蠔雖然細細隻，但係絕對新鮮，加上可無上限咁叫，真心抵！而$218半打嘅蠔相對大隻又好肉，今日呢款法國蠔食落去係偏重海水味同埋較為爽身，啱晒好友口味！見到menu幅相好似好吸引，就點返份七成西冷扒鋸下！牛扒上枱好靚，仲有我最鍾意嘅原粒焗蒜頭！牛扒切開粉嫩熟度剛好，點少少鹽帶出香濃肉味又唔會太漏！而且脂肪邊位煎得焦脆香口，切少少入口，甘香美味🥰！而且呢度嘅配菜唔似其他餐廳着重用大量牛油煎煮，完全食到蔬菜本身嘅清甜味道，唔會越食越漏！黃金軟殼蟹天使麵都冇得輸，軟殼蟹食落唔係剩係得層炸粉，而真係食到啖啖肉㗎！可能係因為夠大隻！啖啖天使麵都食到金沙蛋黃，超yummy🥰望望下見到原來呢間餐廳有好多分店，下次蠔癮起又可以去另一間試吓！

<抵食好味$10生蠔>😋位於天后這間主打食蠔的西餐廳, 有多款唔同生蠔可以選擇, 不過以性價比來說, 這款每隻$10既生蠔的確抵食又.好味. 今日食既係愛爾蘭, 入口鮮甜, 而且沒有限制上限, 正🤩除了生蠔外, 亦十分建議order 這裡的海鮮😍 好好味.<酥皮波士頓龍蝦長通粉>{$268}😋 , 賣相已經值100分, 原隻龍蝦, 中間用酥皮裝著龍蝦肉及長通粉. 肉質爽口彈牙而且份量多. 係我近期食過最好味既菜式.<法式煎鵝肝>{$158}😋 鍾意鵝肝既你一定要食. 煎到外脆肉軟, 有入口即溶既口感. 絕對值得一試.整體所有食物高質, 款式選擇多, 尤其係鍾意海鮮&生蠔既你記得唔好錯過😍🦐餐廳 : Oyster Station🦞地址 : 天后木星街9號永昇中心地下3及5號舖

蠔癮起，即刻嚟到天后呢間食生蠔為主既 #OysterStation 勁擦一餐！因為呢度嘅生蠔又平又好食，全日都係$10就食到一隻新鮮食開嘅生蠔，仲可以無限追加，勁抵！另外，呢度嘅Pizza都好好食仲可以雙拼fifty fifty ($198)，啱晒我呢啲有選擇困難症嘅人😹我地叫左四色芝士及超級海鮮，薄餅焗到好香脆，兩隻味都好好食，芝士嗰款既芝士味超級香，勁推！😍之後我哋仲叫咗個🦀🍝黃金軟殼蟹扁意粉 ($158)，軟殼蟹炸到金黃色卜卜脆，一咬落去成個口都係蟹既鮮味，配搭煙靭嘅扁意粉，口感唔錯👍🏻 整體來講，呢度唔止食蠔唔錯，其他西餐小食水平都幾高質，價錢合理，絕對會不斷返嚟食🥰👍🏻

呢間Oyster station同其他分店有少少唔同有種台灣/外國小店清新感覺一入門口就見到生蠔櫃🦪🦪位於小巷子入面一入到去都覺得環境非常開揚好光猛,樓底好高🫶🏼lunch set 好大份好抵食🤪食到我勁飽~加左杯白酒 LUNCH有半價優惠餐湯係洋蔥湯係好好飲足料既洋蔥湯 抵讚!♥️第一次喺蠔站飲到咁好飲既餐湯所以非常有驚喜十蚊蠔唔會令我失望 新鮮♥️香煎三文魚伴菠菜$8️⃣8️⃣塊三文魚扒超大塊煎到外面脆卜卜 好食!而且襯菠菜都好夾呢道非常健康~LUNCH SET 轉酒 有半價優惠

已經不是第一次去蠔站食飯, 好耐之前同同事去過中環果間食過一次, 今日同男朋友係港島區拍拖, 碌碌下Openrice發現原來天后有蠔吧的分店! 於是決定再食一次!!! 🤤餐廳位於木星街, 地點都幾容易搵, 電車站一落車, 過條馬路就到。一場來到蠔站, 當然要食蠔啦! 與之前一樣, 餐廳做緊 $10一隻生蠔 (幾年前都係呢個價, 真心抗通漲🤭)。我同男朋友一共點左6隻蠔, 食得出幾新鮮, 雖然細細件, 但味道鮮甜, 仲有濃淡適中的海水味, 性價比真係好高!辣肉腸Pizza ($178)Pizza黎講, 我最中意食Pepperoni 🤩。而呢個Pizza除左有Pepperoni之外, 仲有勁多芝士, D拉絲拉到好高🤤🤤🤤。除此之外, 呢個pizza份量都幾多, 一個pizza 分到8塊, 我地兩個食到勁飽。黃金軟殼蟹扁意粉 ($158)我地揀左扁意粉, 但其實仲可以揀長通粉或者天使麵。一上枱既時候係超級香, 男朋友勁中意! 😍 撈均左D扁意粉之後發現扁意粉都幾掛汁, 醬汁入面咸蛋味好香, 但唔會太咸, 不錯! 不過如果個意粉可以再煮耐多少少, 應該可以更加入味。軟殼蟹炸到穌脆香口, 蟹味都

小弟本身唔太好生蠔既，因為怕腥但我一位勁鍾意食蠔既朋友係都要帶我黎呢間，話一定會令我改觀又比佢講中喎鋪仔細細，但五臟俱全，環境都幾舒適指定生蠔$10/隻呢Ｄ生蠔既新鮮度簡直係顛覆左我對生蠔既認知我以為生蠔係一定腥但係呢到既生蠔係唔腥得黎仲有陣陣鮮味果隻鮮味就好似食緊好高級既帶子刺身咁但係佢會提供到帶子比唔到你既滑溜口感同淡淡既海水味就連我呢個平時一隻生蠔甚至係所有蠔都唔會食既人，都一連啪左幾隻就知道佢有幾新鮮幾正黃金軟殼蟹意粉唔好以為呢到得生蠔掂，連其他野食都好高質架軟殼蟹炸到金黃酥脆咬落去仲有陣陣蟹香意粉都唔錯，個汁既味道同濃稠都剛好香辣炸雞翼雞翼脆得黎入面依然嫩滑仲辣辣地好惹味炸薯角薯角亦都炸得高質口感香脆，同時入面既薯肉依然保有水分，令你食到啖啖著香同三五知己一路食一路吹水就最岩

🦪生蠔有「海中牛奶」的美稱，具豐富營養價值，滑嫩口感總使人欲罷不能。不過生蠔的風味深受溫度影響，若生長環境的溫度較低，口感與品質就會相對提升，因此夏天選擇位於南半球的澳洲蠔，冬天選擇位於北半球的歐洲蠔，就能享受到肉質豐滿的頂級美味。今次係Oyster Station🦪叫左Set精選蠔只係$120好抵食😋六隻有三款蠔分別係Miyagi 🇯🇵宮城蠔、Claggen🇮🇪愛爾蘭和French Fine De Claire🇫🇷法國紛迪加蠔 宮城蠔🇯🇵肉質較結實爽口，味道濃郁愛爾蘭蠔🇮🇪 🌊重海水味，令人回味法國紛迪加蠔 🇫🇷 蠔肉有透明感，肉色帶淺，肥度適中，帶點榛果香味與甜味。主食就叫左冬蔭公海鮮扁麵🍝好惹味🌶味道偏辣🤩同黃金軟殻蟹🦀天使麵軟殻蟹香脆可口大隻有咸蛋香味，夠Juicy 😋

朋友知道我鐘意食蠔而且這裡的蠔好抵食$10/隻，當然就同我一齊來食啦，在維園行過來都不用太耐就來到，入到去氣氛都不錯。我們2人叫了6隻蠔，都幾鮮甜厚肉度適中，仲有濃濃海水味，以這價錢質素真不錯。主菜我們叫了一個通粉和薄餅，食完都幾飽同價錢都合理。 白酒香蒜辣椒蜆肉可選不同麵我就選了長通粉，蒜味十足少少辣，蜆肉好新鮮又厚肉食到鮮甜感，長通粉都幾彈牙。超級海鮮薄餅，薄身薄餅好脆口，芝士好多仲有拉絲感，入面蝦同魷魚都十分新鮮，每人都有3片，因味道都十分夠味不用再加任何調味料都已不錯。

想大擦生蠔，除了酒店自助餐外，香港也有不少蠔吧，今次就來到Oyster Station 蠔站的天后分店「蠔」食一餐。餐廳面積雖不大，但座位距離不會太近，坐得自在舒適。全線分店全日堂食供應$10一隻生蠔優惠，價錢划算，還可以無限追加。餐牌不只主打多國生蠔，亦有海鮮刺身、頭盤、小食、薄餅、意粉及扒類等菜式選擇。無上限任叫$10隻指定生蠔，今次就一口氣點了半打，只不過是$60一盤。全部生蠔都是即叫即開，保證原汁原味。一入口滿是豐富海水味，卻不會死鹹，帶出先鹹後甜的餘韻。將鹹鮮海水、嫩滑冰爽的蠔肉一併吞下，肉質細膩豐盈，香軟綿滑。薯角 $68炸物小食即叫即炸熱辣辣，入口不會過於油膩。金黃厚切薯角連着薯皮炸得外層鬆脆，肉心軟綿細密得似薯蓉。迷迭香燒春雞 $228燒雞份量十足，足夠二人享用，雞皮薄如蟬翼，燒得份外香脆乾爽而富焦香。春雞夠大隻厚肉，燒烤期間把油份迫出，變得肉汁豐富，沒有絲毫雪味。主菜伴以燒雜菜和薯角，平衡一下肉食的油脂感。

食蠔癮又發作，今日訂了去天后食oyster station ,貪佢座位舒適，有好多卡位，座位之間寬敞，保持距離，而且食物又有保證。今日$10 特價蠔係來自法國的Fine de Claire, 叫了10隻礦物味濃郁，海水味唔算太咸，帶子位鮮甜，而且size 比想像中都算大隻。另外叫了蒜香BBQ豬肋骨$268，好大條，而且切起都好厚肉，多肉汁，肉味濃，旁邊配了BBQ燒汁，味道好夾呀！好惹味。配菜有薯角，唔會好乾身。還有沙律菜加上黑醋汁，好開胃。食完都好飽肚。另外餐廳還有推介多款是日生蠔，價錢合理喎！