蠔站 (荃新天地)

营业中

休息中

鍾意食生蠔呢一間絕對是不錯的選擇～$10 per one味道鮮味我同老公食咗三打都冇一隻有問題而且亦開得好快唔需要等好耐另外蟹肉餅：外層炸到脆卜卜而且裏面滿滿嘅蟹肉香味 鵝肝多士：分量可以但煎得比較乾身肉眼扒：手掌咁大$3xx 價錢合理份量相當充足🤭 ，五成熟剛剛好另外也提供兩個汁給客人選擇松露蘑菇意大利飯：相當驚喜滿滿嘅蘑菇香味

愛食生蠔迷，必定要黎生蠔站🤤🤤🤤新鮮生蠔樣樣有！南非、法國、日本；總有一款你會岩！店員用心介紹不同價位、味道，貼心之選。最緊要黎到一定要試埋10蚊生蠔！雖然唔夠其他大隻，但鮮味一流！

講到食生蠔 唔係一定幾十蚊隻先好食嘅, 就好似呢一間餐廳, promote $10 一隻生蠔, 都好正, 好新鮮, 好乾淨, 冇沙, 已經第二次食啦, 一樣keep到呢個水準。 鍾意食豬手嘅朋友， 都係大膽一試， 絕對唔差得嗰啲德國餐廳。 想埋單平啲記住喺openrice訂位有折。

好食，食完八國生蠔返唔到轉頭！店員態度好好！！可以回轉食多次～可惜剌生份量比較少……………………….10蚊生蠔比較細隻+瘦，都係八國生蠔比較好食！！！！！！！！！

睇到做生蠔推廣10蚊一隻去嘗試，結果係唔好貪便宜，生蠔細到無法言語。跟住嘗試叫做正價生蠔，新鮮度係幾好，選品都係差滴。叫咗份西冷五成熟，上到來至少係七八成，自己仲煎的好。唯有鵝肝同沙律還OK。午食話正價七折，搞笑嘅係加一服務費係俾原價，小小錢，但係覺得商家玩唔起，體驗感真係麻麻嘚。如果對西餐生蠔有要求的唔推薦尼間。午市兩個人折完埋單近1200，加滴錢有更多更好的西餐廳選擇。環境勉強ok！唔會再去第二次！

蠔站🦪 雖然有好多分店，但其實我今次係第一次食😂 聽說唔同分店嘅質素相差好遠，我今日嚟荃新天地🤓 經Openrice book檯，單點餐牌有7折，可能因為有7折，所以覺得性價比還可以😆叫咗兩打生蠔🦪，肥美就一定唔係架了😂 但俾緊$10/隻，其實都算係咁😙呢三樣都不過不失，最有驚喜係pizza🤓蒜香BBQ豬肋骨 $268 卡邦尼意粉 $128 四色芝士pizza🍕$168 有嗰幾搞笑嘅小插曲，由於menu嘅選擇真係有啲少，朋友又唔食牛😂 所以係落單時問嗰staff有咩推介😆 佢居然推介墨西哥意式牛肉丸$98😂 仲話其他都無乜特別😂 我嗰fd就笑我話叫得人推介就要食🫣 所以最後都有叫嘅😂 雖然餐牌有廚師帽，但真係無乜特別，屋企都煮到嘅質素🫣青蘋果梳打🍏 $98/jar - 俾我想像中好飲，叫嚟share都幾好🤓仲有飲好多嘅朋友，一個人飲咗兩杯大大杯嘅啤酒🍻 $138，對我嚟講飲返同容量嘅都唔洗食😂最後埋單我哋3個人$982，我會話有4成係俾咗環境分，嘢食中規中矩，但坐近玻璃窗🪟位置望住外面係幾舒服，傾偈唔會太嘈🤓

十元一隻的生蠔比預期好食，我自己都點了十幾隻來食，味道幾新鮮，肉質挺爽口。侍應服務態度頗佳，值得一讚。其他的食物，例如點咗軟殼蟹扁意粉、薄餅、薯條，質素也頗佳，但價錢貴咗少少。

我同阿妹都超級無敵鐘意食生蠔，之後朋友介紹我們就試下，食完一次絕對會有下次！去到環境舒適，坐得幾好，光線充足。去到還要見到塊牌寫住優惠！真的剛剛好！生蠔的味道又夠鮮甜，味道一流又平又正！扺食

朋友介紹好抵食嘅$10 蠔，星期六下午喺OpenRice book 晚飯7:30pm, 唔使排隊又有9折都唔錯😃 🚙揸車嘅朋友可以泊荃新天地一期停車場🅿️，$200/1hr, $400/2hrs 我哋2個人叫左一打$10生蠔🦪、炭燒美國CAB 肉眼扒(12oz)$388, 自家製焗蟹餅，1杯白酒Chardonnay. $10生蠔🦪雖然唔大隻但夠新鮮，呢個價錢冇得輸😋 肉眼扒望落唔似12oz, 我哋叫左5成熟，肉質都先鮮嫩，配菜亦幾豐富，有薯蓉粟米翠玉瓜燒蒜頭🧄。 但配菜溫度只係微暖，燒蒜頭亦唔夠熟，呢個價錢嚟講差少少🤏 蟹餅幾足料，屬比較乾身口感總概黎講70分，環境會比較迫，上菜快，staff 好快手，如果你好似我咁怕等，又想食西餐，都唔錯😊 Dinner for 2: $726

看了評語說這里的生蠔不错，又做特價10/隻，在附近就來食午餐，順便試下生蠔。可能是平日，午餐時間只有兩檯客人。 叫咗一個午前--澳洲肉眼扒配薯菜。包餐汤和饮品，我加钱要了杯白桃乳酸。餐汤是罗宋汤。要了半打生蚝，不肥美，但鲜甜，加上柠檬和cocktail sauce，$10/隻，抵。👍😋牛扒要了七成熟，有一點過熟，會能看到少少红肉，吃到一半就全熟了，再生一點就好。里面的牛筋都煎得刚好，不会韧，好香。👍😋除了给了一兜黑椒汁，还配了芥末酱在旁边，还要少许的海盐分开放。细节满满。配菜有节瓜，薯蓉，沙律菜。很满意的午餐，还会来。

叫左1 set $199 8隻唔同產地嘅生蠔，加一杯酒嘅生蠔套餐，再加左半打$10/隻嘅生蠔試下先，一上枱就知點解$10咁平，對比完後就再加單要多set $199，好正，啖啖肉，好鮮甜，同埋真係食得出好明顯嘅分別，每個產地嘅口感同鮮甜度都唔同。而套餐配嘅白酒就比較澀，好似係Chardonnay，唔太岩我口味。講返生蠔set先，最明顯嘅係美國嘅好鮮甜同爽口；愛爾蘭就極極極極咸，好似食咗一口鹽；日本就非常creamy，一pat嘢咁，我個人就覺得佢無乜口感。另外仲有一隻係比較重海水味，不過唔記得睇返咩國家呢個set我一定會再食！可以試勻哂咁多款，又新鮮又甜，口感非常豐富，回味無窮$10隻蠔聽落都相當抵，但上到枱大小嚴重不一，有隻都未發育完，身無半両肉都可以擺得上枱，同十蚊銀差唔多size真係，你可以話呢個價錢唔可以奢求咁多，但係冇諗過可以咁樣都擺得上枱，完全唔知食咗啲咩，其實都幾令人反感。雖然都知$10蠔都只係賣一個噱頭，但又唔係冇俾錢，如果我知係咁嘅質素我唔會嘥我$60，有種被騙嘅感覺。另外再叫左一個黑松露蘑菇意大利飯，同蟹餅。飯係偏硬身，偏乾，味道幾好幾出，不過冬菇味道不討好，應該係浸左

之前去銅鑼灣oyster station食蠔，環境唔錯，食物又好好，所以諗住想再食。見荃灣荃新天地有一間就想買外賣返去食。返到屋企一睇，嘩！買咗18隻蠔（唔係10蚊一隻果啲），隻隻都好似第3世界黎咁，瘦同埋冇肉，完全同我堂食差天共地。仲有開蠔嘅手勢好差，成隻蠔好似變咗啲蠔碎咁，完全唔開胃。啲蠔殼碎又唔清好，如果一兩粒我唔介意，佢隻隻都有真係好嬲。係唔係唔現場食，個客睇唔到就俾啲咁嘅貨做外賣🙄唔會再去荃灣果間買蠔食😣😣

呢間公司嘅分店去過都有三四間、尤其青衣嗰間分店每次去到食就算係食$10蚊1隻嘅特價生蠔都好、但係啲質素都真係好👍🏻今次呢間都曾經食過，但係今次嘅主菜明顯係比上次做得好、但係生蠔方面就明顯比較弱咗啲，因為偏細隻唔飽滿,但係新鮮度都好高,,因為鍾意食蠔嘅人來講覺得佢偏瘦弱一啲、可以肥美一啲嘅就更加好啦！記得早兩年食過兩三次納米比亞D蠔肥美得來仲好creamy添😁希望下次去食可以再食到肥美超值嘅特價蠔啦😅呢間餐廳總括來講已經做得好唔錯！好值得推介

嘩… 今日真係好開心🤩 因為好似唔駛錢咁食我最愛既生蠔🦪 點解我話好似唔駛咁😏 因為佢只係$10隻，每隻都帶住濃濃海水味，非常新鮮，唔覺唔覺我一個食咗2打半😂另外德國咸豬手皮脆肉香，燒豬仔皮又係相當脆，兩樣都係送酒一流🍺 西冷牛扒肉味濃，怕重牛味既朋友就唔多岩喇🤪 巴馬火腿哈密瓜就唔駛講，唔會差得去邊，鹽香岩岩好💯 但𝗣𝗶𝘇𝘇𝗮 就差D，餅底較乾但都叫有濃厚芝士🙂呢度環境唔錯，咁多分店中我最喜歡呢間，比較靜，幾位朋友傾偈飲酒真係好爽🍷

想平平地食蠔🦪，除左自助餐放題之外，餐廳特價蠔都係唔錯既選擇。就好似哩一間餐廳咁，長期提供十蚊一隻精選蠔🌟，吸引左唔少人黎大吃一番。超級海鮮薄餅 $178 + 10%有啲驚喜佢餅底做得好薄好脆，真係好似餅乾咁，我幾鐘意哩種pizza🍕。佢既配料望落畫面夠哂豐富，有蝦、魷魚🦑、蜆肉同青紅椒🫑，仲有魚籽同蟹籽點綴，當然唔少得芝士🧀喇。食落啖啖都有餡料，非常滿足。黃金軟殼蟹扁意粉 $158 + 10%軟殼蟹🦀唔算好大隻，炸得黃金香脆，不過個脆皮少少刮口，而且都偏向油身。意粉係忌廉汁底🍝，仲有洋蔥🧅、野菌同青紅椒🫑，味道整體唔錯，都幾Creamy又夠味。是日特選蠔一打 $10@ + 10% 是日係意大利蠔🇮🇹，分左兩次上。朋友覺得整體都合乎性價比，掂落去仲有少少郁。入口海水味🌊湧出，就未到好鮮甜肥美個種，平平地過口癮都唔錯。