影片
以上资料只供参考，请与餐厅确认详情
食物方面 叫左幾個餸 啲餸味道麻麻 幼麵唔彈牙 牛腩都唔好諗住係牛什麵檔個啲牛腩 而係好多膜痴住少少肉 不過個腩汁幾好味 服務方面 講真都唔覺有咩好嘅服務態度可言 環境方面冷氣太大 總括嚟講無下次
继续阅读
#街邊檔車仔麵 喺深水埗一提起車仔麵，第一時間會諗起文X。喺網上討論區留意到附近其實有一間都有唔少好評，原來自己十年前有食過。今次主要嗌咗#豬大腸 #豬紅 同唔係到到地方有嘅 #黑柏葉 ，面底就一定係指定要 #油麵 。三餸一麵$46，唔算平。不過今次食過之後就覺得有啲失望 ，其實除咗豬大腸鹵水味夠調味好之外，黑柏葉爽口但冇乜味，豬紅更係失敗，味道欠奉。油麵勉強可以唔夠彈牙，湯底味道亦不夠，可能係咁啱得咁橋，偏偏選中我呢碗麻麻地。$46喺深水埗應該都仲有唔少選擇。
继续阅读
店舖不大，圓枱圓木櫈，坐得唔太舒服，但好有風味，小時候嘅車仔麵檔都係咁，快啲食完，快啲趕返學趕返工。豬腸、鮮黑柏葉、牛腩河河粉又幼細又滑，鮮黑柏葉好爽，有口感，豬腸乾淨爽口，但唔夠入味，牛腩夠淋、夠入味，整體不錯！每個餸都係$11。
继续阅读
其實本人都已經食過唔少嘅車仔麵 今日嚟到呢度 做咗一碗蘿蔔冬菇豬腸油麵 辣汁加腩汁 等左兩分鐘就有得食 湯底有啲咸 我同事叫左酸齋 牛腩 豬紅 我地交換食的 豬紅冇咩味 牛腩就偏碎 食落去冇咩口感 冬菇都算好食有口感 面質太韌唔夠淋 齋出色，唔會太酸，又唔會太甜 蘿蔔都清甜嘅 可以話係中規中矩嘅車仔麵 但係勝在價錢平 一個餸先11蚊 三餸一碗43 真好抵食 不過就唔好期待到可以同最好食果d 比 環境就一般 睇落都算係乾淨嘅 枱面醬料有啲蓋俾人開咗又冇收返 有啲醬料外露咗 感覺就唔太乾淨 過一次就算
继续阅读
食大碗間車仔面鋪頭真係大大話話最少食左1x年絕對唔會差得過對面x記，超又超級足料，d 炆野好入味。夥記有禮貌，都係做左1x年，好有親切感最好食係豬腸，我基本上每一次都會叫，豬紅都好食， 唯獨是蘿蔔就甜咗少少，可能多左d. 冰糖
继续阅读