裕一品四川雲南米線

营业中

休息中

見到食評推介，新年第一餐就選擇佢要行斜路上去餐廳，推門入去店員招呼我地，見到裝修地磚係似复古茶餐廳設計，出奇地闊落舒服乾淨。兩個人叫左一個過橋清湯一個單餸麻辣，麻辣陣味同某哥相似，感覺無甘重味精。份量都幾大碗，而且啲丸同肉食落唔死有味道，選材比較好。不過最驚喜一定係杯凍檸茶！好有茶味，濃口唔苦澀，入口一流，忍唔住飲哂成杯然後失眠左成晚以為無乜生意，坐坐下一枱接一枱，而且店員同客人主要打招呼好有禮貌。會再黎

裕一品由佢西灣河街舊鋪到而家我都有食，水準不變，堂食外賣都好味～外賣可以打電話自取，大約十分鐘到有得拎，而且仲有九五折，算喺咁。外賣嘅話，湯同麵係分開上嫁，唔駛浸到啲麵太淋搞到冇晒啲湯。我覺得佢地嘅辣辣過譚仔同三哥，呢度麻辣五六小辣就似人地嘅小辣。我食開都係麻辣，因為覺得佢地嘅酸辣麻麻地。湯底就都係有韭菜、腐皮、芽菜之類。份量嘅話都夠食，唔會話太飽好辛苦。如果同朋友堂食就可以多叫幾款小食啦～加上座位闊地方又乾淨。服務嘅話，暫時見過嘅職員都好友善，好好禮貌。唯一要挑剔就係，佢地部八達通機有問題，次次都要你喺銀包卡拎張機出黎先感應到。有時拎住太多野就好唔方便~

過橋米線內的每件餸平均質素好好平均比起連鎖米線店好食性價比一定嬴但係雞翼就輸連鎖米線店小小大辣(酸)比起連鎖米線店差唔多但係酸辣湯底真係OK下午茶時間仲有九折絕對係另一米線選擇

真。隱世米線鋪位置坐落系西灣河同筲箕灣地鐵站嘅中間 再由電車路轉上一條斜路仔 過一個路口先會見到鋪頭兩邊地鐵站出發嘅話都要行8-10分鐘🥴🥴個位咁隔涉都做得住當然有原因佢個麻辣湯系回憶中舊時嘅Tam Jai味🥹🥹真系9成似🔔而且辣度都好似Tam Jai咁有好多選擇依家普遍Tamjai分店我覺得都系大退步 甚至可以話無咗以前個味係呢間米線鋪食得返都幾surprise 💕酸辣湯就唔推介酸味唔出 唔惹味帶有小小三哥嘅胡辣湯底嘅味米線方面都同Tamjai勁似⋯⋯薯粉就呢間鋪頭好食啲唔係連鎖鋪頭個種扭扭薯粉 係比較索湯又彈牙嘅薯粉但係試咗兩次都證實 叫薯粉嘅麵底係比米線少啲米線配菜唔多 芽菜韭菜都得小小（見圖六 碗麵未食過🍜）小食方面食過雞翼同白肉雞翼唔推薦☹️炸過火侯 除咗肉質不夠嫩 亦令雞皮面頭嘅調味香料變苦蒜泥白肉嘅蒜味超濃蒜泥完全覆蓋曬白肉咁濟仲要真係蒜泥唔係蒜蓉🧄大蒜愛好者必食😍不過佢調味上係無辣油如果無辣不歡就唔駛叫了餸嘅話第一次最叫過橋米線試曬去☝️普遍都正常幾好味雞肉 肥牛 魚丸 都不錯蟹柳係最平個隻蟹柳 就唔好單叫了😣蘿蔔有小小酸味 都麻麻地

今日經過筲箕灣，見到呢間米線店，膽粗粗入去試吓，叫咗套餐酸辣湯底薯粉，湯底出奇地好食，叫左小辣，個人覺得都已經好辣🤣套餐份量亦都好多，價錢平民抵食，佢嘅土匪雞翼亦都好出色

Eating in this restaurant for sure I need to highlight its spiciness. In my opinion, their spiciness level is higher than the commercialised one while in a better deal. We ordered two bowls of mixian. One in sour and spicy soup topped with black fungus and soy eggs. One in spicy soup topped with bean curd skin and blood sausage. We added soy milk as drinks. They allowed to choose more or less mixian or even adding extra portion. I asked less mixian but still huge. They gave mountain of side vege

叫左一碗大米線入面都好多料>包括:牛丸·生菜.蟹聊·墨魚·腩肉.竹生.菲菜·雞肉·肥牛份量粉多過餸~~2個女人都可能夠，男人就要叫多的轉紅薯粉免費。出面好多都有比錢轉我叫左小辣麻辣，其實都幾辣下，但香味就一般好彩唔咸~另外叫左麻辣雞翼的肉質都有小小鞋，但表面好靚仔金黃色,同面頭的粉過多再叫左炸魚皮正好脆，有魚油·分量多環境乾淨好舒服

禽晚送朋友返屋企，晌佢樓下有「裕一品四川雲南米線」，朋友推介食，所以就買左外賣返屋企。我地買左兩碗米線（墨魚頭加蟹柳清湯米線+墨丸炸醬麻辣10小辣米線）加兩個小食（新疆香草烤雞中翼六隻+紅油海蜇）返屋企。值得一讚係我冇講分湯，裕一品都自動幫我分湯上的，返到屋企麵質唔會變，軟硬度岩岩好。麻辣10小辣真係bb辣，下次可以挑戰下一個辣度，但湯底夠香夠麻，真係好正。全部食物返到屋企都係好味，最推介食香草烤雞中翼，即叫即做真係好正😋😋😋

唔同大連鎖店米線，逼逼夾夾，三唔識七坐埋一齊，呢度地方寬敞舒適，老闆娘親切有人情味，尤其是依家疫情底下，地方乾淨好緊要，佢仲要係佢冇乜味精，唔會食到好口乾。推介

已經食過好多次嘅餐廳依然好有水準,價錢相宜, 都係自選餸嘅麵食, 但係有自己特色嘅.  係譚仔以外嘅選擇. 店內夠寛闊, 環境衞生亦唔錯, 極力推介炸醬蟹子包紅薯粉, 食到辣嘅不坊試吓佢嘅酸辣同麻辣, 不錯!

我好中意食米線同紅薯粉，今次要介紹返我覺得東區最好食嘅米線，等大家唔洗成日食譚仔食到悶。呢間食店舊鋪係西灣河聖十字徑，上年大約八月九月搬左去筲箕灣新成街，鋪頭大左好坐左，味道係保持到水準平時係出面食嗰d米線酸辣湯或者麻辣湯都係油淋淋，呢度就唔同啦，湯底係幾清澈唔渾濁，唔會食到成口味精勁口渴，酸辣麻辣一樣咁好味我平時食開雞肉韭菜麻辣紅薯粉四小辣，而男朋友就食佢個大窩米線套餐配酸四小，夠哂多餸，我成日搶埋佢d菜呢度d烤雞翼拍青瓜蒜泥白肉都值得試

夜晚同媽兩個人想食得清啲，於是就揀咗係新成街新開咗好似一個月嘅裕一品四川雲南米線。叫咗一碗雞肉魚蛋清湯薯粉及一碗豬紅蘿蔔清湯米線。兩碗都揀清湯，不過湯底就鹹咗啲，而蘿蔔及豬紅都好好味，魚蛋及雞肉都可以，啱哂鍾意食清啲嘅我。米線份量可以自己決定多或少，而且價錢真係抵食，每人只需$35，店員態度好，店內坐位都算多，環境衛生又做得唔錯，可能位置問題，所以比較少人去，因而食客就更加覺得坐得舒服，慢慢食都可以 ，而且食物味道都可以。

係餐廳門口睇餐牌果陣，覺得食開咁多間米線，呢間個樣好似有啲唔同🤔🤔試下伏唔伏先😌💁🏻‍♀️豬潤腩肉酸辣米線湯底唔同平時食開果啲，呢間色水比較清💁🏻‍♀️小食：川味口水雞呢隻應該叫巨脾先岩，大隻到嚇死人😱😱初時睇以為好辣，但辣味其實無乜，似食緊凍肉多啲🙈🙈💁🏻‍♀️小食：新疆香草味雞翼好入味👍🏼👍🏼啲香料好有新疆當地風味