裕一品四川雲南米線 (已搬遷) 新店位置

西灣河沒有譚仔米線 .... 因為成日都食南記所以今日黎試下呢個** 裕一品雲南米線 **呢份係香草雞翼$30 6隻惹味，好正 食落去仲有肉汁所以都係心叫的 😚😚😚叫左個炸醬米線........炸醬份量多 ***仲可以分 d 俾朋友**我米線叫左 6 小辣 ** 都好辣...... 可能自己食唔慣 ...... 米線彈牙好味 .... 仲有碟皮蛋.....但係自己唔太鐘意.....不過朋友都話正......同埋好好味......

初一跑素，很喜歡齋期來這間米線食店食野，因為佢地好窩心，提供胡椒素湯底以供選擇，而且2點已開始下午茶餐供應時間，除了全單九折外，更有熱奶茶送呢確是C9 最佳之選啊

今日瞓醒睇OpenRice想食米線，就搵屋企附近最近嗰間試吓，睇食評好似話都唔太差， 結果就去試吓啦。。要咗個三餸轉薯粉，叫咗一個酸辣湯底，一嚟到我都有D覺得愕然，因為好似好清咁，食落口係的而且確有酸辣味，係賣相不算是討好，可以有待改善，令人食慾大增果種，例如可以加多啲配菜。。吸引賣相。不過其實整體來講都比較穩定，你冇覺得特別難食，但亦都冇覺得出色嘅地方。下午茶叫四個餸冇叫野飲，要40幾蚊 ，價錢唔算特別平了。但唯一令我最滿意既地方係，就係姐姐嘅服務態度，親切友善，值得一讚

自從西灣河開左呢間米線店之後我真係好耐都無食其他米線！亦都唔洗煩諗食咩好 基本上一諗就係食呢個！呢間米線店湯底除左清湯外 亦有辣有唔辣 任君選擇辣呢 就分麻辣同酸辣 辣度亦有分等級 我自己通常徘徊3小辣同4小辣麻辣同酸辣我都有試過 麻辣就好香 我自己好鐘意而酸辣的話 我個人覺得叫多酸會更好食！米線呢我就好小食 因為個人比較鐘意食薯粉 有薯粉揀所以都加好多分！而且可以叫多米！正！我最最最鐘意食佢地嘅炸醬！啲肉唔粗糙 夠香夠滑 酸度亦夠！店面通上有一男一女係度招呼客人 禮貌都好好會提點食客小心地下濕滑 會唔該前唔該後整體來講價錢合理 2點後嘅下午茶兩個餸加凍飲都係32蚊而且食物質素又唔錯 不仿一試！

有時放假就想食啲清清地既野食食碗米線/薯粉就最好不過啦！呢度自己想食咩就自己圈，圈完交俾店員落單就可以！我地唔係好食得辣，所以要清湯就ok米線/薯粉/米粉都可以，份量要多定少自己決定(就算要多都唔會加錢架，不過食得晒先好叫，切勿浪費！)我地都幾肚餓，每人叫成四個餸，炸醬分開上，方便我地share我呢個係薯粉，芝士丸有三粒，菜都幾多架，我share左少少俾隔離果位😎😎我地咁多餸再加凍飲，兩個加埋100蚊搞掂都算幾好👍

放工去食晏泥到裕一品，知佢2點起有折就2點至入啦。當時我手機都夠2點，去到點單，見佢張單出1點58分冇比折我，咁就向店員查詢番。然後佢答我跟入座既時間，咁我問佢可唔可以等2點再入單，其實張單已經13:58:47，但店員又再話跟機打時間，咁姐系跟邊樣阿？系味跟我冇折個樣阿！我冇可能知部機既時間系幾點架！呢間店整個感覺好呃人，為左呢幾蚊整間店既信譽完全被破壞。我亦都唔會再泥幫襯，請大家都小心唔好被搵笨。配料既豬潤又細又薄，而紅薯粉煮到過淋，咁就要28蚊，大家衡量值唔值啦。

其實想去這間米線好耐了，但總係找不到原來門口喺西灣河街，茶餐廳隔離！香港越來越少雲南米線好食嘅就更少之又少所以有未去過嘅舖頭我都會去試下！我叫中辣，店員都有提我中辣會幾辣我堅持之後食落我覺得剛好（譚仔我食小辣，南記中辣）味道唔錯，食材好似都幾新鮮肥牛煮得耐咗少少日但啲嘢夠熟夠熱都係好事我以為佢無雞翼，原來雞翼係小食嚟！即叫即整，有三款口味，下次會試下！餐廳好乾淨，兩位唔知老細定侍應定廚師都好有禮貌

本人是譚仔Fans, 以前常專登搭車去食米線，自從發現西灣河呢度都有酸辣和麻辣米線和薯粉，就唔駛專登搭車去外面食了。我鍾意叫的餸有豬潤、牛丸、蘿蔔、貢丸、芝士腸、生菜，材料新鮮，但我覺得米線比較淋，但薯粉就剛剛好，所以我通常食薯粉！主要負責落單和收錢嗰兩個應是老闆，態度好好，有禮貌！店內枱櫈都夠寬闊和乾淨！

成日經過都想入去試下終於今日行出左第一步入去試試佢同女友兩個人叫左兩碗米線同埋三隻香草雞翼湯係好夠味同埋真係少油，10小辣比起譚仔辣dd，d餸就同譚仔無乜分別，雞翼ok,同土匪差唔多味整体唔錯，以後去屋企附近食米線除左南記又多個選擇

筆者好鍾意食酸辣薯粉有一次喺家姐既介紹下 試左一次裕一品之後就迷上左喇原因係佢既湯底同出面既好唔同而且好少油 非常清 又夠濃味最重要既係叫多酸 永遠都真係會夠酸感覺呢間店好care食客外賣既話通常都係用膠兜盛湯 而唔係用比較唔健康既發泡膠兜另外整體衛生keep得非常好一個字～正！

呢間野係譚仔d frd，都係自選配料同湯底嘅米線，不過呢間小店唔係大街所以唔算多人。今日叫左貢丸酸辣，8小比想像中辣，但好辣嘅我幾鍾意。芽菜好爽口，丸都ok彈牙，整體來說還可以，但無咩特別。