西宮 (已結業)

依家平平地食個放題都要二百幾接近三百蚊，嚟到元朗見到$178 加一就有放題加buffet, 咁抵就即管試下有無伏。場內唔算大但都幾企理而且食物都幾多種類，落完放題order 就出去拎野食。有冷盤同熱盤，冷麵出奇地好食，爽口唔會一 pat pat, 焗西蘭花焗得剛剛好，有少少芝士味，唔錯！魚生叫左幾款，最特別有象拔邦，食落口唔好好un, 其他都食得出係新鮮無霉味個d另外仲試左個糖心蛋同凍豆腐，又唔錯喎，個蛋煮得啱啱好。另外佢地仲有我最鍾意嘅cold cut ,竟然有埋巴馬火腿配哈蜜瓜。巴馬火腿唔算好多肥，但勝在味道咸香夠！最後encore 多轉buffet, 試埋生蝦同青口，青口夠大隻，但生蝦如果凍少少就正d, 不過正體嚟講都滿意，性比價高，值得一試。

同媽媽補返個私人母親節慶祝，之前試過既西宮，見佢又出咗新野食，就去試下啦！今次食5:30-7:00呢個時段，所以唔多人我地2個人都分到張近窗既大台隔離台，都好闊落冷盤選擇，煙三文魚+蜜瓜自行配搭冷豆腐都係要encore既上次嚟唔覺有，泰式生蝦、青口冷沙律甜品corner，凍櫃選擇都唔小有藍莓芝士餅，石板街，木槺布甸，大菜糕都有呢個布甸好滑各款剌身，燒物，火鍋都係入字任何刺身呢d就必叫架啦，今次幾鐘意d希靈魚同象拔蚌即叫即焗芝士生蠔溏心蛋，賣相不錯，但淡左D左上角係黑松露青口我地個景，望返落大馬路椰子+蜆湯底，臨尾碌下D菜同魚皮食最後一圈甜品 XD$168+1，好抵丫

食放題食放題 朋友話元朗有間好平好平但有好好味嘅放題 冚家一定要去試下啦 一去到佢同其他放題有啲唔同嘅就係佢有類似自助餐形式嘅 食物 例如parma ham啦 芝士啦 亦都有壽司啦 亦都有凍蝦青口 凍魷魚 除此之外佢仲有燒牛肉 燒蠔 仲有好多飲品 有甜品櫃 除此之外仲可以叫放題放題上有魚生 有燒雞翼燒物 仲有火鍋 同埋拉麵等等 因為一個人嘅肚皮有限所以我知你介紹幾個比較好食嘅嘢畀你哋食唔曬咁多 比較好食嘅其實係燒豪， 消耗加上咗芝士亦都燒得唔太乾非常好食 仲有吉列炸蝦 亦都係好食嘅一種 parma ham 亦都唔錯配水蜜瓜亦都幾好食 同埋燒雞翼 燒得非常之香

今日同朋友係元朗行街街買野，友人突然話好想食自助餐，於是我地立即攞個電話上openrice搜尋下附近邊到有夜晚的buffet食，好快就見到原來開心廣場6楼全層有間叫西宫是食自助餐，見到價錢仲要是好平好抵食添，於是乎我同朋友立即行過去開心廣場嗰度！搭完上到去已有個侍應好有禮貌甘問我地幾多位，跟住就帶我地去坐低，然後仲好溫柔甘話比我地知而家是任食2個鐘的自助餐+任食火鍋添！呢間buffet原來有好多選擇架，有日式的壽司，包括鳗魚壽司、鯖魚壽司、花之戀全部都好新鮮好好食！又有不同的沙律同埋日式冷麵，食落全部都好清新配搭得啱啱好！仲有好多不同的熟食……芝士焗蠔、豬手、鴨腳、蒸魚、炸天婦羅蝦、 焗薯蓉，樣樣都熱辣辣好野味！至於甜品亦都好多元化……木糠布丁、芒果布丁、牛乳布丁、啫喱、芝士餅、馬卡龍，仲有任食的杯裝雪糕同埋雪條，全部甜品都好香好甜好好味，簡直就是我的至愛！西宮食自助晚餐總括來講真是又平又抵又多選擇，簡直是超值……下次我一定會再來光顧既！'.1

星期日去元朗食大餐！早已聽聞元朗西宮食物選擇多，去到真係各式美食都有！好少buffet會有泰式生蝦，仲要任拎，我當然吾客氣拎左幾碟，好食！新鮮！啲肉係爽嘅，吾係霉淋淋，勁正！除此之外，仲有凍盤，蜆肉，螺肉，青口，蝦，魷魚！我覺得最好味係青口，一連食左幾隻，都好新鮮，另外叫了牛舌，厚切的，肉質吾鞋，煮得剛剛好，配合調味料，一定要試食！一般大路刺身都有，呢間嘅三文魚最好食！已經好少可，喺任食嘅店鋪食倒咁出色嘅三文魚了！半肥，新鮮，值得一讚！仲有呢間竟然有芝士，平時只會喺酒店地方先會有，仲要有幾款，配合餅乾食，附圖，白色呢款最啱我口味，好柔軟，一絲咁，芝士味好濃厚，識得食一定係揀呢款！哈 ！最後飲品方面我鐘意佢有忌廉，係我至愛，甜品雪條都有好多選擇，非常滿意！另外，員工效率極其高，員工人手充裕，雖然星期日，所有食物都補給得好快，以呢個價錢真係好抵食！

今日同朋友行開元朗 ，就話好耐冇食過自助餐，所以就今日見到開心廣場 樓下 有一間自助餐 ，價錢太貴， 就話不如去試下。上到去原來都唔同時間有唔同價錢， 因為我哋好早呀關係，所以可以178一位食個半鐘 ，款式都算幾多 ，畀心目中好味， 下次可能再晏多少少可以食返三個鐘都係238個價錢，都想可以接受 。食物就一定有佢寫嘅磯燒 ，而且仲有火鍋添， 日式同西式都唔少得，甜品選擇都多，而且飲品都會有道地茶，韓國飲品，啤酒汽水選擇。一排野食可自選擇或點餐紙叫待應比都得，有點似酒店。芝士肉醬意粉味道正常吾錯，芝士味都濃，芝士焗蠔，蠔味十足又夠大隻，不過芝士味偏淡。之後燒食品有雞軟骨燒得好香又脆口，牛脷夠厚身但吾會好硬，牛味重又香。雞翼燒得好脆而入面雞肉保持到嫩滑。磯燒野食都多元化，最愛吃的有蜆，好大隻又有海水味少少咸已十分夠味。粟米燒得夠乾身又香口，香草腸油左少少但香草味好夠，三文魚頭或腩，我就選擇左腩位，少少魚脂加上魚肉好味道，又吾會太燶剛剛好。壽司就選擇左3款，細細粒可以食到吾同款式，燒三文魚尤其出色。當然要叫個烏冬食下啦，係有意外好味的肥牛烏冬，肥牛吾會就咁放落去冇味，係有用洋䓤炒過十分好味，

今日爸爸生日， 專登諗住同佢去食自助餐，但因為爸爸唔想行去咁遠， 所以就係openrice搵到間西宮，同佢一齊食自助餐 。提早咗一日打電話去，話爸爸生日因為原來係長者有折之月仲有生日優惠 ，食落都幾抵食。 因為我哋食得好早五點半， 所以成人178 之後爸爸生日在節仲抵添。嘢食方便有磯燒 ，中式西式日式都有， 選擇都幾多 ，而且仲有唔少甜品嚟添。 飲品方面都有倒地嘅烏龍茶 啤酒 同埋比較少喺放題有得飲嘅檸檬茶，而我就當然飲我最愛道地烏龍茶啦。磯燒有人幫我地燒，可以自己拿或點單，燒得都幾香又夠熱，菠蘿勁甜多汁好味道。出面仲有芝士併盤同巴拿馬火腿哈蜜瓜，係放題係比較少見而味道都吾錯。爸爸之後叫左個义燒拉麵，份量多又味道吾錯，面質感都彈口又好味，义燒肉味勁濃。小籠包比心目中好味，有肉香同肉汁，西蘭花就偏淡冇咩味道，只有輕微芝士香。焗生蠔…芝士味夠濃郁而沒想到蠔十分大隻又夠甜，吾似煮完超細隻，有驚喜喎，最後我地仲食左差不多10隻添。刺身叫左甜蝦，三文魚，油甘魚，赤蝦..款式可能冇其他放題咁多，但勁新鮮又冇雪味，魚夠鮮甜又厚肉，油脂足十分好味，赤蝦十分大隻又夠香甜，最後仲食多幾隻添。甜品選擇吾少，

第一次來食這間放題 , 本來唔洗出到旺角或尖沙咀地區就可以食到放題都幾開心但因為這間放題系分段的而我們是食8點15分那段時間 , 為免冇位所以我們都先電話訂位希望準時入座食多d , 但去到有訂位的我們都要等成 15 - 20 分鐘才能入座 < 這裡要改善下 > 入座後第一時間叫左一些刺身及燒物 , 刺身新鮮美味 , 然後再進攻一些分段推出海鮮 , 芝士燒扇貝 , 芝士燒蠔等等：) 頭盤都系一些凍蝦 , 凍螺 ! 飲品有 : 可樂 , 7 up , 忌廉 , 芬達 , 鳥龍茶及綠茶等等但都比我發現了一些個韓國啤酒 < hite > 這裡有 , 還有韓國牌子飲品忌廉溝鮮奶如果以上都唔鐘意還可以自己沖熱檸水或檸茶等等燒丸子炸蝦天婦羅小量壽司串燒雞軟骨及牛舌還有我最愛支豆及甜品同雪糕雪條

上個星期日同女朋友去元朗拍拖，睇吓附近嘅新發展，同埋去食下我地好鍾意的B仔涼粉然後行到夜晚，真係諗唔到食咩嘅時候，就見到一個宣傳介紹呢間抵食放題--西宮岩岩五點半，客人並不多，我哋唔駛等位就可以入去，而且可以趕係優惠時段內入場 同普通嘅放題唔一樣，呢度嘅自助吧除咗有放題本身嘅魚生刺身、壽司、炸物之外，還有巴馬火腿、芝士等前菜，仲有海鮮、熟食，更值得一提嘅係有即叫即焗的芝士生蠔！而飲品也有好多選擇，罐裝有烏龍茶、檸檬茶、忌廉鮮奶、啤酒等等，還可以自己沖咖啡、奶茶、檸茶等等。Round 1首先自製一碟日式沙拉加埋巴馬火腿、芝士作為前菜，沙拉菜很新鮮，加埋日式麻醬簡簡單單已經好好食，而車打芝士十分濃味，如果你對芝士嘅味道較敏感，就建議加埋面包一齊食！Round 2其實係食緊Round 1嘅時候，我哋已經入紙點咗一D即叫即整既食物，當前菜食得差不多嘅時候，食物就剛剛好送到上來呢度燒物十分抵讚，雞軟骨有用到七味粉調味而且燒得岩岩好，而菠蘿亦冇燒得太乾，食起來仲係啖啖汁！另外，主角上場了！大大隻既芝士焗生蠔！！芝士味香濃生蠔既味道都很不錯，而重點係：無限食如果你係期望食到番本既，呢個係你必叫之選R

好日都唔會走咁遠，因為要幫朋友搬屋就走到嚟元朗。既然朋友請，緊係要食豪d d我地6點半左右去到，未到食飯時間唔係好多人，$178 加一一位，半buffet 加半放題，價錢算係幾抵。坐低見到任叫生蠔加$30就可以，不過朋友唔食生蠔所以就無叫。放題食物主要熱食為主，都有魚生，最驚喜係有卜卜蜆鍋，第一round 先叫d 魚生。因為想留肚食多幾款，所以只係叫左幾款大路小量，象拔邦同三文魚都好食唔腥甜蝦size 適中都鮮甜。食完一round 就試下buffet 啦～食物比我想像中多同種類都唔少，之前睇comment 有好多人話fill 野fill 得好慢，但我今次食反而無，仲快得好緊要，一無左一兩碟就即刻fill 返滿 竟然有泰式生蝦，不過我嫌唔夠辣，而我最鍾意就係佢個糖心蛋，一次食左兩粒之後再叫多次放題食串燒同焗野，叫左芝士焗蠔同牛舌。芝士味夠香而且蠔無縮水牛舌都夠味而且唔係薄切切。我太過戰鬥力低，食左三轉就好飽，野飲同甜品選擇其實都好多，但真係食唔落，最後簡左烤海鮮作句號。蜆我覺得凍盤好食d,但烤蠔真係估佢唔到咁大隻，而且好鮮甜，唔會烤到乾晒以呢個價錢有咁多野食其實真係好唔錯，如果住元朗個邊

朋友最近在天水圍大西北置業上車，裝修後新居入伙，邀請我地一大班朋友入去食晏house warming!玩到下午4點幾，我同男朋友就出番元朗市中心行下，行到開心廣場，見到個廣告牌，樓上有間叫西宮的餐廳，食酒店式自助餐又有生蠔，刺身等，叫價唔洗200蚊一位，太吸引喇^^決定又要去試下新野餐廳座位寬敞，裝潢時尚，部份座位又有間隔，私隱度再高d，在等候安排座位其間，望到一個個大雪櫃擺放各式各樣的飲品，法式甜品。另外，又有沙律水果吧，生蠔，青口，凍蝦等海鮮吧.........太吸引了，好多選擇 一坐低，梗系要點番兩盤剌身醫下肚先，試左三文魚，油甘魚，甜蝦三文魚同油甘魚系水準之上，夠新鮮又有油脂香。甜蝦都大大隻，好驚喜又鮮甜。凍蝦爽口又夠新鮮燒物方面，最喜歡燒芝士生蠔同燒菠蘿。生蠔本身都算幾大粒，燒得唔會太乾身，芝士味道適中。菠蘿本身已經好甜好香又夠juicy。另外，餐廳有提供我最愛既章魚小丸子，章魚大大粒夠口感，上面又鋪滿沙律醬同木魚碎，熱咧咧，好正又滋味，不錯不錯。第二輪就拎左熟食試下，煎牛扒不錯，廚師仲好好人咁切左2大舊俾我，啖啖肉夠juicy，牛肉味濃，忍唔住走去排多轉隊，食多兩件第三輪，

今日放假，想食好野，款式多，但係價錢必須實惠，居然俾我Friend搵到尼間西宮，主打海鮮，和新鮮刺身，我覺得距嘅鹹香薄切巴馬火腿伴清甜哈蜜瓜及芝士拼盤好正。刺身有三文魚、吞拿魚、赤蝦、甜蝦、象拔蚌、都係非常新鮮，希靈魚好脆，當中少不了即切燒西泰式咖哩牛舌。都係好滿足到我味蕾，蝦好清甜，好爽，芝士燒蠔好正，芝士味濃厚，蠔好飽滿、好多汁，味道好夾！👍沙律拼盤唔少得，健康之選、沙律菜好甜，好爽。多款壽司任你選擇，我食左必食的鰻魚壽司、燒菠蘿都好甜，無渣、多汁，燒雞翅、皮脆肉嫩滑，燒得岩岩好。仲有章魚小丸子，係超好味尼、甜品都好多選擇，最後食碗即磨芝麻糊，芝麻味好濃，正到爆，今次真係又好味又抵食，食左真係掙左，服務態度好好，多謝你地甘用心對食物和我們，今日係超開心吖

朋友仔生日，訂了位於元朗開心廣場6樓的西宮，海報十分吸引，生蠔海鮮自助晚餐加日式放題，很像好吸引呢。我們訂了8:15的哪場，結果站在門口約等了15分鐘才能進場。老實說，確實被海報的標題吸引了，但食物素質與卡拉OK的自助餐可以媲美，有所不及的是，連歌都無得唱。 食物款式不多，味道與質素亦不佳，盛食物的碟子像飛機餐的碟，位置好迫，整個感覺就是在廉航的經濟位食平價自助餐。 憑心而論，只有串燒雞翼及焗蠔稍為好食一點，和好飲的忌廉溝鮮奶。 總結，在元朗區不乏有食客，懂得做一張吸引食客的海報好重要，更重要是得做團購宣傳，即使質素平平，也可以客似雲來。

因事出突然😑打亂了原先為媽媽安排好的慶生飯局😫唯有四出打探一下還有什麼選擇、上Open Rice見到這間的評語好壞參半😥媽媽又說不想去太遠食、所以就選了這間博一次、貪其位於元朗😝雖然我們揀選了晚上8:15的時段、但都仍要等候一陣才被安排坐位。（這點要改善一下了、因為是限時、這樣會蝕了一點時間喔）有自助的部份、都是一般的大路嘢啦。冷盤、沙律、壽司、熱食、甜品、飲品、雪糕但每樣的種類都不是太多😂另有部份是填表交單的食物。燒物、刺身、拉麵、火鍋（無睇錯、真係火鍋都有架😁）刺身是新鮮的飲品方面有韓國品牌的啤酒、忌廉溝鮮奶、可樂、芬達、7up,忌廉、烏龍茶（我覺得飲品選擇算不錯了）我梗係唔執輸啦值得一讚的是～～某一店員的貼心同細心、令我加分不少😁正當我們很努力地用甜品擺得靚靚想當成🎂🎉（諗住給媽媽一個驚喜）正當苦惱著如何用食用的朱古力筆寫上祝福語句時，這店員出現了👏他問我們有什麼可幫忙？我們一聽他這樣說、便將需求告知他。他聽後、接過我們的甜品便進廚房了。到他再出來的時候、我們雙眼都掙得很大、實在是不能相信、整得太美了👍很窩心啊☺️

其實之前同屋企人食過一次 果一次 不過不失 上次食 唔洗加錢先有生蠔食 算係不過不失 今晚同左男朋友去食 諗住上次食都唔係話差 就諗住帶男朋友試下 去到 環境算係唔錯 開始叫左刺身 同芝士焗蠔 哇老實說 啲魚生唔太新鮮 八爪魚刺身硬崩崩咁 諗住平平地 都唔追求啲咩野 到果個芝士焗蠔 其實好似皂水味嘅蒸蠔 叫左一次冇再叫 然後出去拎野食 原本想出去睇下有冇生蠔 點知原來冇左 款式其實得好少 得啲蝦 青口 壽司 之類 原來生蠔依家變左要加錢 仲要38蚊一位 其實都知中伏 咁平 本身淨係諗住加一位 加左就仼叫 每次只可叫三隻 點知佢話唔比加一位 要兩位一齊加 都算 加就加 嚟左六隻生蠔 完全唔新鮮 夾雜住勁多沙 叫左一次冇再叫 基本上得甜品先叫好食啲 今次都覺得瀨晒野 完全冇野岩食 水準係低！ 好啦 論到員工服務態度喇 都未食完 佢就幫你收晒啲碟 其實好似趕你走咁 其實我地未食完 佢已經成碟收走左 問都唔問一聲 收完碟野 轉果頭仲埋嚟收晒你啲餐具 垃圾之類 基本上佢已經收晒枱面所有野 但其實我地仲未食完 直係谷鬼氣 最後都係埋單走人