西樹泡芙 (旺角站)

营业中

休息中

依個意大利芝士，芝士味都好香濃，味道都有啲甜，佢個泡芺皮好脆，而且仲會係有小小蝴蝶餅嘅味道，個泡芺都算大舊，而且啲cream 都多，唔會得好少cream 食完就餘得個泡芺皮，佢係食到最後一啖都仲有好多cream

Brought a chocolate cookie favor of the puff in mong kok when I wanna back home. This is always my favourite puff shop. This one is rich in custard. Once you bite it, the custard start to spill over. The custard is so smooth and the puff is crispy just right. Chocolate favour is strong will definitely buy again and again.

行過地鐵出口，係當眼位置就見到西樹泡芙，唔算好餓但又想食甜品既時候，見到佢就岩曬！鋪面一個個新鮮出爐泡芙排曬係到，忍唔住叫左個原味泡芙同一個芒果乳酪泡芙，兩個都好大個！原味（$19）：外皮超鬆脆，夾埋入面超多既吉士醬，超正，味道始終如一！食到好食既甜品總有種幸福既感覺😋😋芒果乳酪（$25）：同樣外皮係超鬆脆，配埋大大粒既芒果肉，圍滿成個泡芙既中心，加上乳酪醬，酸酸甜甜，味道好！鍾意水果既一定要試下呢款！

西樹泡芙很吸引，這家店位於旺角地鐵站內，下地鐵的時候就看到，吃了晚餐吃不飽，所以特地買了兩個泡芙嚐嚐。泡芙的種類很多，有草莓、藍莓、草莓乳酪、濃朱古力曲奇，看得眼花撩亂。點了一個牛奶泡芙和濃朱古力曲奇。外面的泡芙很酥脆，像一層薄紙，膨脹的很大一個，內餡有忌廉和忌廉布丁，以為只有忌廉，原來還有一層牛奶布丁，口感豐富，有驚喜。濃朱古力曲奇小小一個，但朱古力味道頗突出。外面是曲奇，裡面還有忌廉醬，朱古力加上忌廉，吃起來味道搭配得不錯。

今日係旺角地鐵站等朋友 聞到好大陣芭芙味 就不由自主咁行左去睇下😚😚😚 櫥窗果度放左好多芭芙 全部都好吸引 又想食朱古力又想食士多啤梨😂😂貪心的我就揀左朱古力脆皮士多啤梨puff🤪🤪 朱古力外皮真係好鬆脆 加埋吉士同忌廉真係好creamy 再食埋士多啤梨 食曬成個都吾濟😍😍😍 雖然好邪惡但好滿足❤️❤️❤️

聖誕石板街蛋白脆脆HK $29好耐冇食過泡芙，咁啱經過見到岀左聖誕新款，就同朋友試下。泡芙係石板街口味嘅 Cream ，好濃郁嘅朱古力味，配上綿花糖同蛋白脆脆，口感都幾特別。

北海道牛奶puff我的最愛之一，無論食幾多次都係咁好味！超重既牛奶香味！愛他那嫩滑口感的布丁，牛仔味厚重的忌廉，食的時候成個人仿佛溶咗係入邊～真係又驚肥又抵唔住他的誘惑！意大利芝士tiramisu puff造型搶眼，第一次食，個人認為唔及牛奶同朱古力三重奏。味道可以再濃d

最鍾意食芒果嘅我，今日去到旺角站見到有一間有芒果泡芙食唔使諗即刻買。但係有啲唔開心第一啖食落去係酸㗎🤦🏼‍♂️🤦🏼‍♂️不過第二啖係甜嘅可能係啲芒果唔係咁好但係一樣都係超好食😍😍

經過地鐵站，見到好多人排隊，好香，就買了幾個試下！原本想買芒果同士多啤梨泡芺，但剛好冇貨，只好買綠茶同朱古力味同原味！緑茶泡芙綠茶味好淡，剛食落去覺得沒有味，但中間入面有紅豆，最好食就係食到紅豆果一刻，總括緑茶味太少，如果多d綠茶味甜少少就完美！朱古力泡芺甜度ok,我不太喜歡食朱古力，好怕朱古力太甜，這個剛剛好！原味泡芺最平最好味，雲呢拿味，最岩我食，食完唔飽還想再食的原味，下次買原味好了....

經過了旺角MTR，見到了如此罪惡的泡芙，便忍不住買了數個回家試一試。首先的是我最愛的芒果味泡芙，這個泡芙不同於一般單統加上芒果醬的忌廉，西樹用上的是新鮮的水果，而且有三塊，一咬下去先是鬆化的外皮，然後便是甜甜的忌廉，當中更加上了芒果醬，令芒果味皇上一層樓，但仍有點缺點，雙皇的芒果味加起來，使整個泡芙過甜。接著試的是，帶有巧克力外皮的泡芙，這個泡芙本就有鬆化的外皮，再加上濃味的巧克力，令味道更昇華了一層，加上內在的忌廉，超配。另外兩種表現平平，就不加細說，主因是太甜了。

每次經過旺角E出口都會比西樹泡芺既香氣吸引住，今日終於買了幾款不同的味試下！叫左tiramisu、粉紅岩鹽咖啡、同triple chocolate😋total $77買到番屋企先發覺所有都係同一色既朱古力皮lolTiramisu：真係好似食緊tiramisu咁，中間仲插住一塊餅！好正粉紅岩鹽咖啡：期間限定的味道。面層粉紅色既醬有少少鹹鹹地，配搭下面咖啡cream，味道天衣無縫，很不錯的配搭Triple chocolate：超重朱古力嘅味到！皮仲有少少朱古力脆皮，而中間有少少果仁，令吃起上來不太漏但試過咁多款都係覺得完美最得我心，忌廉最滑！吉士味最重！好中意西樹泡芙會不斷出新口味，每次都比到驚喜我😍🤤

係旺角放工，入左地鐵站行過，見到西樹泡芙，忍唔到手買左幾件，多到個店員仲比個盒我裝XD  我買左件一件芒果乳酪味泡芙，一件朱古力心太軟，一件薄荷朱古力窩夫，一件榛子朱古力窩夫  我係外帶返屋企的，隔左成個鐘，個泡芙表層仲係好脆，入面好多芒果好多cream，好幸福！  個心太軟已經凍凍地，但個識流心，朱古力味都好香濃  兩件窩夫我留左去第2日做早餐，隔左日食都仲ok 薄荷朱古力窩夫係入面有d薄荷cream加朱古力碎，榛子朱古力窩夫就表窩夫餅係朱古力味，入面係榛子味cream    

我係超級鍾意食泡芙，無論係大嘅定係細嘅，咩國家嘅都好鍾意！同朋友去緊旺角食飯，出地鐵站就見到呢間西樹泡芙，當然好興奮，見佢排晒長龍，點都要排埋一份！排左大概10分鐘，終於到我地！我叫左tiramisu，我朋友就叫咗芒果味🤣🙈 我不嬲都食開原味，好似叫特級牛乳🤣 但係今次就想試吓tiramisu🤣✌🏻泡芙外皮係冇溫度，裏面嘅cream就凍凍地~ Tiramisu有粉喺外面，所以食落有啲唔方便，但係有少少咖啡味😂 苦苦地又甜甜地，感覺特別！外面既皮配入面凍冰冰嘅cream，簡直係夏天一個享受😍 我朋友嘅芒果，就好juicy!! 一咬落去就爆汁🤣🤣 不過芒果有少少酸！佢覺得有少少美中不足🤣🤣🤣

有日同fd係旺角食完飯，路過西樹泡芙，心諗都好耐冇食過了，於是買咗一個芒果乳酪味既泡芙，諗住拎返公司食，因為港鐵唔食得野，所以都拎咗一段路先返到公司。返到公司後，個泡芙仲係凍凍地，入面d cream好鬼滑，本身以為芒果會好酸，但係意外地幾甜，配埋酸酸甜甜既乳酪，好易入口。同埋最重要係d皮仲係脆既，食落去d碎掉到周圍都係，哈哈，如果個皮唔夠脆，真係會大打折扣。同身自己唔係太中意甜食，不過呢個泡芙唔會過甜，做飯後甜品啱啱好。

泡芙泡芙！我愛泡芙！～ 《Choux Creme》我對泡芙係0抵抗力！買咗一個原味 $18 同朱古力味 $19 ，其實不嬲都係食開原味m味，但今次身痕所以想食朱古力味😂 不幸嘅事情又再一次發生喇！當你以為上面個脆皮係因為朱古力所以變成黑色？少年你太年輕了！係因為燶左😑好苦💥原味依舊好食，完。 👅：1/10（係比朱古力味）🎏：Choux Creme (旺角)旺角港鐵旺角站11號舖.#chouxcream #puff #泡芙