西樹泡芙 (旺角站)

营业中

休息中

朋友係團購網見到有西樹泡芙優惠就買左幾張，但門店偏少，今次我地差不多半價黎用這券買甜品北海道牛奶芭芙：牛奶布甸好滑，有入口即溶的感覺，但芭菲皮就淋左少少。芝大利芝士朱古力窩夫：外皮好soft, tiramisu 味都濃，芝士味都夠，而且份量都幾大件，剛剛好啱下午茶食。

女友好鐘意食爺爺泡芙，今日失驚無神話想食，但最近嘅爺爺喺九丈遠，邊度揾泡芙叮！醒起地鐵站有泡芙賣，不過唔係爺爺，頂住癮先啦～呢間嘅原味泡芙相對唔算好重雲尼拿味，表面鬆化較硬身，同內軟綿綿嘅吉士打醬造成强烈對比，好彩女友都收貨，不過佢話如果沿路經過見到爺爺佢話要照食喎…呢個肥妹真係幾好胃口

久唔久行過Choux Creme都會買件泡芙食吓，因為泡芙食落好似一陣風咁，又唔飽肚又唔怕肥，最啱口痕嗰陣買嚟食。買咗芒果乳酪，呢款係我成日食嘅口味。個原味泡芙都算脆口，中間嘅乳酪忌廉酸中帶微甜，不過鮮芒果肉就太生，好似酸咗啲，唔知點解呢排去邊買親芒果類嘅甜品都係唔熟嘅。

今日行過泡芙店，等人個時買左三重朱古力泡芙食。朱古力cream 滑而濃味，唔錯，有朱古力漿加成，香甜的味道層次提升。表皮上的朱古力碎令口感加強，微脆。雖然呢間泡芙比之前食質素下降左，不過間唔中食下都ok。

次次去到旺角站，都聞到好香o既泡芋味！雖然加價加到$17蚊，但都忍唔住要買！泡芙吉士軟滑，奶味香濃！吉士甜甜地，味道清新香怡，沒有丁點油膩感。份量比例上都算多。泡芙外層香脆，如果撞正出爐時間，外皮脆度會更佳。 

放工後會經過這間以賣puff 聞名的店，差不多每次都會心郁郁想買個來試，但當諗起回家後便吃晚飯就會打消這個唸頭 但今天難得會夜食飯，就買左我最愛的抹茶flavour來試。這個抹茶紅豆puff單看外型已很吸引，泡芙外皮好脆、有抹茶粉在上面，而入面的抹茶cream比較甜，沒有抹茶的甘味，由於不是抹茶雪糕，就不過分追求它的甘味了。但幸好抹茶cream夠滑，加上配以紅豆，口感十足！

今日經過旺角港鐵站，見到Choux Creme有款法式蜜糖燉蛋，單係外型已相當吸引，所以就買左黎試下，法式厚麵包，好脆且仲有D蜜糖香味，中間加左好多cream，好滑，真係口感十足，超好味，大家不妨一試

去到嘅時候岩岩出爐半熟芝士撻，買了一個回家加一個Honey Cream brûlée puff!! 當番到屋企打開個袋發現$18蚊嘅撻原來係一個"一口撻"...當場失望了，再吃了一口～沒什麼好吃…沒有半熟…沒有芝士味。😞Bake的比較好吃！Honey Cream brûlée puff不過不失…應該沒有要番兜的感覺！拜～👋

今日經過旺角地鐵站， 岩岩有帶團購coupon， 諗住買個芭芙食， 見好多人係出面等緊， 唔知等乜， 原來芭芙店都出左半熟芝士撻！ 問店員買芝士撻可唔可以用coupon，原來可以，甘我又等下先。芝士撻18蚊個，手心甘大到，撻呢家嘢我認為熱食最好。同男朋友share, 一搣開，啲芝士就流曬出唻，好似幾！芝士味唔係好濃，不過又幾滑身，個餅底好鬆化，下次可以再試！不過無例明幾時會出爐。唯有碰碰運氣啦！

身為紫薯控既我當然唔可以唔試呢個限定版既紫薯puff啦!喺玻璃櫉窗外所觀察到有一puff既餡唧得無咁平均，於是請店員姐姐幫手揀件有多d紫薯蓉既成件泡芙既造型都好吸引 除左有幾粒深紫色既紫薯肉，上面既糖粉都係紫色架！切得細細粒既紫薯肉質地比較硬，可能係雪硬左同本身切得薄身既關係，如果係稔身同可以大粒D多一點咬口就更好^^ 粉紫色既未似期望中既純紫薯蓉，如果係的話質感會比較粗糙同有濃紫薯味，呢個係加左cream所以質地軟滑同甜味重一些，但入口都食倒淡淡既紫薯香味。如果泡芙底層無焗多過頭導致有一小部分有些微苦就更好。整體都唔錯，不過下次我會挑選食番北海度牛乳布丁味或原味，是我心目中的頭一二名呢。

地理位置方便且等候時間快是最大的優點 食物質素ok cream口感light, 而不膩chocolate mouse 口感夠滑 chocolate味濃中間有合桃粒puff做到脆身但有點太dry但索價$22 比在hysan place urban bakery的puff 貴50% 但質量不及它 趕時間醫肚這還行但不會刻意再來嚐

同朋友到旺角食飯，去地鐵站搭車回家，順道買兩個回家三重朱古力$22有濃濃的朱古力味，好味內有核桃，如果不喜歡果仁或食物敏感，這個或者不適合。近年3.6牛乳在香港好hit,這個有cream和pudding好creamy

我一直都很喜歡Choux Creme的日系芭芙,但不太常吃,剛好當天到旺角,所以和朋友各買了一個來吃這間分店在旺角鐵路站E出口附近營運多年,想購買芭芙也是十分方便的我買了士多啤梨乳酪芭芙($20),朋友買了濃朱古力曲奇芭芙($18)包裝袋的設計也很漂亮我自己的士多啤梨乳酪芭芙很美味,芭芙皮口感豐富鬆軟,配上香濃幼滑的乳酪和美國士多啤梨,味道一流而朋友的濃朱古力曲奇芭芙看起來也是很棒,據說內裡有芝士忌廉

早前團購買左多張半價優惠卷現在才有時間購買旺角地鐵站內的分店是即時製造非常新鮮 人流一如以往都多櫃內有不同款式 整齊企理精美的紙袋原味泡芙內裡忌廉吉士外脆卜卜 仲有少少微暖內裡凍冰冰 每啖都食到吉士蜜糖燉蛋泡芙中間係忌廉與燉蛋燉蛋有微少蛋味配上少量忌廉蜜糖味不足 食不到蜜糖味芒果泡芙剛剛新鮮整到 看到職員放上架即時買了一個嘗試芒果生的 超酸加上忌廉同芒果醬幸好食了甜的兩款才食芒果味

Every time I pass by a choux à la crème shop, the aroma always smells so sweet and delicious. That time, I finally bought my first two choux at Choux Creme: one black, chocolate covered, and one white, original flavoured. Although the package indicated that one should consume the product on the day of purchase, I still waited for the morning. Choux for breakfast it was. As expected, the original chou (white) tasted better. The black chou was harder to cut with its hardened chocolate top. The bit