西記粥店

营业中

休息中

6月10日端午節，唔知喺唔喺，人年紀大咗，有食得一年得一年，嘅心態，就越珍惜啲應節食品，所以揾食肥華，在今個端陽節，就同靚媽到此粥店，食粥，食粽，做早餐，唻感受吓，呢個節日氣氛，其實此店號嘅食品，普遍都Ok，腸粉，炒麵，油器炸物，粽子，都啱肥華口味，再加上齊全嘅，醬料，在鳳凰村光顧此店，食上述食品都算喺正確選擇，唯是此店各款粥嘅，粥底都偏杰到近乎糊狀，呢款粥底就，真喺非肥華所愛，幸有靚媽相隨，肥華可以叫一碗粥，共同分享，再用開水溝稀個粥底，肥華咁就食到一碗，啱口味嘅粥嘞！

西記粥店 門口有個放「油器」嘅櫃油炸鬼 牛脷酥 芝蔴煎堆都有好吸引不過今晚食返至愛孖寶 白粥 $10加 銀芽炒麵$14 （外賣加盒錢$2）=盛惠$26呢個組合無得輸 我喜歡－個另類食法 就係將D粥畢係D炒麵度撈來食 哈哈 下次大家都可試試

又到黃大仙返工既日子，深夜1點周圍行下！唔想食明記，咁岩比我睇到有碗粥舖！岩哂我，深夜唔想食太飽既人叫左個碎肉粥 加 半隻咸蛋貪得意又叫左 齋腸，到比錢時屎忽痕又叫埋炸兩多謝總共齊頭60元！返到屋企打開盒粥，夠綿夠味，多肉碎！仲食得出有好重既咸蛋味！食完碗粥後 發現好多包醬既獨立包！剩係呢個設計已經滿分！齋腸其實冇味，食豉油及甜醬，好味最後食埋個炸兩，又麻醬又甜醬油炸鬼仲要半淋半脆，深夜能夠食到呢d炸兩小弟覺得十分幸福下次會繼續幫襯

10月16日揾食肥華和靚媽到此店食早餐，因此店的有味粥個粥底杰過糊，完全唔啱肥華口味，所以就算當日係跑馬日，肥華都寧願食此店白粥而捨棄平常在其他粥店必食嘅碎牛粥，但出乎肥華所料原來此店嘅白粥底，都比肥華食開嘅一般粥店杰又係呈現糊狀，有見及此肥華衹好先食其今餐所點嘅其他食物，銀芽九菜炒麵，及齋腸和荳䊢仲要放慢速度進食，俾時間個碗成糊狀嘅白粥有出水機會，冇咁杰身可以拉近肥華嘅食粥口味，才可KO呢碗白粥，其實此店出品係唔差觀乎靚媽將佢點個碗艇仔粥食個清光，就知水準不俗，話啲粥唔啱食衹怪肥華食粥口味異於常人，非此店之錯

家就住附近，以前在户户送点过，价平量大，口味还不错。今天早上无事，特地来店里尝了尝及弟粥，量感觉比户户送的要大，满满一碗料，33元一分价钱一分货啦，主营粥和肠粉。

今日無乜胃口，所以食粥係最好嘅選擇！同屋企人一齊嗌左西記粥店😆我嗌左個狀元及第粥、油炸鬼、鴛鴦米麵、同鮮蝦腸粉！全部都好平啊，性價比超高！狀元及第粥其實就係加豬心、豬潤和豬粉腸嘅粥，個人好鍾意食西記嘅豬潤，唔會好腥，口感有爽脆，十分過癮🤩 仲嗌左條油炸鬼，浸係粥入面食真係一流！👍🏻吸曬粥嘅味道👍🏻呢種食法推薦大家試一試！西記腸粉食過幾次都唔錯，皮滑！今次試左鮮蝦腸粉，鮮蝦好大隻，一條腸粉有3隻大蝦，口感爽脆，蝦味無乜，應該係冰凍蝦，不過依呢個價錢黎講已經非常唔錯👍🏻鴛鴦米麵係屋企人嗌，試左幾啖，味道正常，但係十幾蚊真係好抵🤣

真的很久沒來幫襯，前幾天（6/6/2022）路過很想食炸兩，便來。坐下見菜單，無咗下午茶套餐，連湯飯湯麵都無咗，記得前兩年幫襯過，湯飯味道還唔錯，配料選擇都多。點咗皮蛋瘦肉粥，粥底綿及夠味，配料足夠。炸兩，內𥚃油炸鬼仍脆口，配上麻醬及甜醬食，好味。咸煎餅，味道一般。

早晨！有冇鐘意食粥嘅朋友（熱情揮手👋🏻）？呢間啲粥其實唔差，全日粥餐有8款選擇，今次叫咗2個粥餐同蛋黃咸肉粽。但員工真係有啲西口西面，果日佢哋仲好似有啲小拗撬（笑），感覺同個店名幾夾～都算係一種港式風味嘅體驗，見隔離枱有個女仔都帶咗個外國人嚟食📸️✨✍🏻 / 荔灣艇仔粥配炒麵及豆漿💵價錢：HK$39▪️美味：❤️❤️❤❤🤍呢個全日粥餐好抵食吖，仲連埋一杯豆漿40蚊都唔洗！雖然杯熱豆漿唔夠香濃，但食粥麵配熱豆漿始終開心啲～個艇仔粥就好足料，重點係有我好鐘意食嘅熱氣花生。而個炒麵份量滿滿，配辣醬好味🥛💕✍🏻 / 皮蛋瘦肉粥配油條💵價錢：HK$29▪️美味：❤️❤️❤❤🤍呢個雖然唔係生滾粥，但啲粥都好綿滑，重點係見到有頗多皮蛋同瘦肉（試過買蛋撻王嘅粥係乜料都冇）。可惜套餐冇得轉炸兩，就咁食油炸鬼就爭減啲，不過呢份油炸鬼都係脆卜卜嘅👍🏻✨✍🏻 / 蛋黃咸肉粽💵價錢：HK$17▪️美味：❤️❤️❤🤍🤍咸肉粽加豉油一流！不過呢個咸肉粽啲肉就一般，食落好嚡😂⚡️💬派心心時間💵埋單價錢：HK$85/2人▪️美味：❤️❤️❤❤🤍▪️抵食：❤️❤️❤❤❤▪️服務：❤️❤️🤍🤍🤍▪️環境：❤️❤️❤🤍🤍

平時想食粥品，腸粉，炒麵呢類食品，都係行路或撘車落到，新蒲崗生記粥店食，但近日天氣實在太熱，陽光又猛烈吾想曬親，靓媽嘅白滑飢膚，就衹好到此店進食上述食品，老實講我對此店印像吾係咁好，因以前食過覺得D粥品味道麻麻，腸粉直情係店名，西記，不過鬼叫住處附近衹得一粥麵，同佢有粥類食品供應，自己又吾鍾意快餐店形式進食形式舖頭，所以就到此店食餐啦，吾知係吾係對此店冇其望，反而有驚喜，粥品，炒麵，有正常水準外，連西開嘅腸粉都吾西嘞，擺得落口，食得落肚，加上係收平民價錢，以後我吾駛吓吓想食粥，都走去新蒲崗囉

2/11係依間粥店買外賣，等緊外賣嘅時候，店員就繼續工作，但相中嘅男人唔小心跌左條油炸鬼係地下，竟然即刻放反入個櫃入面繼續賣出去。仲要依家係疫情期間，係咪應該更加注意衛生呢？本身跌咗係地下嘅食物就唔應該再賣啦係咪啊？

未入門口就見到鋪頭d油炸鬼、牛脷酥等油炸小點，睇落都好吸引，呢啲炸物配粥一流呀！我自己都帶咗個牛脷酥食，好香好脆。放飯時間過嚟幫襯，鋪頭都好多人嚟幫襯，睇落都係做開街坊生意。.叫咗一碗狀元粥食，用了都唔少啊，豬肉片、豬腸、豬潤，每款都起碼兩塊起跳用生米熬煮的生滾粥的口感細緻綿密，加上豬雜提味，真的是百吃不膩喔 !呢度仲有甜品食，叫咗一碗隱藏糖水，紅豆溝綠豆沙，都幾大碗下，好彩兩個人share，如果唔係食完粥，再食呢碗糖水應該飽到上心口。

日日茶餐廳食早餐，食到都唔知食乜好，久唔久轉下食其他，今日就去左西記粥麵店。老實講，大熱天時真係食唔到熱辣辣既粥，而且本人的都唔太喜歡食粥，感覺好似唔飽咁，好快就肚餓😂😂（個人問題🤪）我多數就會叫個炒麵，加杯凍豆漿，今日加多個煎堆。老媽子就左個豬紅魚片粥。炒麵正常，個粥都滾熱辣辣，但個煎堆就厚左dd。凍豆漿係杯上，但唔知點解要比飲管，呢點真係好唔環保，大家記得記得提阿姐「走飲管呀，唔該」。但d阿姐有機會都係唔記得，層經有個仲覺得好奇怪，呢方面真係要再教育一下！

一場「安心偷食」搞到 #小秘書 成個下晝喺度追蹤佢哋啲新聞，手機whatsapp仲閃過不停... 嘩哈哈😄 唔係想落井下石，不過單嘢真係好爆囉😅可能之前太費神，未夠七點 #小秘書 已經好肚餓，唯有早啲開餐啦 見附近開咗間粥店，就入去試試。我呢日叫咗 #艇仔粥、#咸肉粽，粥煲得好綿，料都幾多料㗎，水魷魚、牛肉碎... 至於隻 #咸肉粽 不過不失啦，口感硬咗少少，不過咁大隻都係收$15，無要求啦！整體味道係唔差嘅，街坊價囉👍🏻

晚餐好想食炸腸，之前食過呢間，係連鎖店黎講都覺得可以，粥食完唔會口乾今晚叫左粥套餐（免牛粥，炸腸，豆漿）+單點咸肉粽~免牛粥正正常常啦~炸腸（今日重點）唔夠新鮮唔夠脆，唔知係咪夜晚關係~豆漿一般貨色，不差~粽，隻咸蛋唔得，燸米可以

黃大仙鳳凰村真係食宵夜嘅好地方呀！粥粉麵飯樣樣齊，就連蛇羹都有！總有一款岩你心水！夜媽媽11點幾突然好想食生滾粥！見到西記粥店，完來已經有幾間分店，未食過就試一試喇！呢間西記開到零晨2:30架！真係夜晚瞓唔著都隨時可以食返碗除左生滾粥，佢仲有自選3餸湯飯同2餸湯麵！選擇都好多晚上11點幾都坐無虛席呀！炸兩炸兩可以更脆唔知係咪太夜的關係油炸鬼只得微脆所以比較失色生滾豬潤粥加豬紅粥底夠綿豬潤夠味不用點豉油亦都好夠林加$3有豬紅非常抵豬紅大大粒好夠滑推薦必加項目生滾雞粥雞夠滑粥底有雞味