西貢松記車仔麵

营业中

休息中

之前聽朋友講過"松記"好似幾好食於是見今日行開起呢頭諗住入去試試點知谷到一肚氣本人帶住隻細貓入去<--有拎籠袋裝住佢唔俾我我同隻貓入主鋪坐問佢咩原因又唔講係都要我地去側邊無乜冷氣既細鋪<-- 污糟d果邊個四眼女人一尾係咁推我地入細鋪<-- 驚死我地整污糟佢D地方心諗你講明唔俾我帶寵物入去食野我無所謂我最多咪唔食但你想做人生意又要阿之阿左果下黑人憎如果大鋪唔俾做咩細鋪又俾即係乜都係你講晒服務同態度差成咁就算搵再多食評寫好你都無用啦>.<

聽講呢度食車仔麵好出名，就黎試下啦，裝修過既舖面尚算坐得舒適。呢度車仔麵既餸款式唔多，但基本既豬皮，魚蛋，蘿蔔，牛腩都有，我叫左個牛腩冬菇咖喱魚蛋油麵，麵底唔多，好肚餓既話應該唔夠飽，牛腩ok，其他都冇乜特別，係個湯底幾夠甜囉，之但係會唔會係因為落左味精就不得而知喇！我地另外叫左個油菜，係白菜仔，但好似唔多夠熟，有少少硬。係度食車仔麵加$5有涼粉一碗，唔好錯過！雖然點菜時要自己出去排隊叫，但叫完後會有侍應幫你拎埋位，免卻倒瀉既危機，呢點值得一讚！總括而言呢度既食物唔算好突出，況且也不便宜，試過就算了！

咁熱嘩又要排隊、香港朋友又一失敗介紹、第一次去西貢。不過～～失望、她們的服務態度的確是惡劣、全欠笑容、吹人叫餸好似客人煩住她們咁！冇心造食物、食後手震心跳出汗、嘩味精仲多過我湖北地道嘅小店地方、地面充滿陣陣的漂白水味道、不過只是「乾淨」的表面工夫、好像在醫院吃東西、影響了我３個同胞的食慾、令我很忿忿不平嘅係價錢唔平、又話大陸人唔識食、港式車仔麵又唔係有宝駛唔駛咁大枝嘢啊。通菜有砂大腸有猪除唔似係猪紅嘅紅猪皮有毛

阿姐話例牌車仔麵一定要2個麵,印象唔好車仔麵最偉大之處就係鍾意要幾大幾小份量都得豬皮,豬紅,牛肚一般;蘿蔔好甜無根招牌豬手唔入味,唔得!涼粉唔似涼粉,似染了色的大菜糕

佢樣樣都好食,佢係以車仔麵為主,食物全都有麵,有:油麵,幼麵,粗麵......好多好多!總之一句:好!

尋日Family day，本來諗住食返滿泰雞粉，好可惜勁多人爆晒仲要有人等緊位，我地唔耐煩(因為趕住bbq)下見到松記有位就入裡面醫o左個肚先買野bbq~好可惜我係唔食牛o既....所以試唔到牛肚牛筋腩....豬手原本想試~但怕左豬手層皮所以覺得好可惜~老公: 牛腩牛肚豬皮米線我: 雞翼貢丸3寶米粉工人: 牛筋腩油麵我地3個都話d湯底好正，老公話d牛腩肚好入味，very good~我d雞翼+ 3寶都好好味...又估佢唔到喎~唯獨係地方淺窄d.......d阿姐惡d囉~

13-1-2007在西貢午飯突然想食車仔麵, 和太座到松記, 大家都要了四(送)幼麵。(一) 豬皮, 豬大腸, 豬手及釀茄子。(二) 蘿匐, 魚餃, 冬菰及釀豆腐。八種送大多交足功課, 尤其是冬菰, 豬皮及釀茄子, 只是湯底及幼麵比較一般, 不及天后鐘記。

今日行完山就出咗西貢市，好耐冇食松記，於是就帶咗男友嚟食車仔麪。男友叫咗豬手、牛腩、菜加米粉，而我就叫咗牛腩、豆卜、鷄翼加粗麪。講真佢D豬手、牛腩和鷄翼真係煮得好諗好入味，但係其它餸就好普通，個麵重完全唔好食，幸好湯底仍保持水準。叫餸時D阿姐好惡，好似趕時間咁趨你，真係值得改善吓。

如果專程入去西貢,只去松記吃車仔麵的話,實屬有點混吉,市區很多麵店水準更好,何必呢?但純屬路過/約人晚飯早到,友人未到找地方dum波鐘/大家在附近晚飯前打底,又無不可.大雜會共冶一爐,湯底比幾年前吃過的更濁,色水曖昧,碰也不碰.多種材料,只得鮮甜,無渣的蘿蔔比較有印像,其他的同外面的沒有分別.為何成為車仔麵之名牌,或只是在地域上的特殊關係,世界上有樣最美麗的事情,叫做距離.今次只是美麗的謊言.

今日同朋友到西貢行山, 之後d朋友話去食車仔麵, 入到去之後先發現這裡是不用落單的, 要自己到檔口處排隊．好開心．可以自己在檔口處指指點點，睇住ｄ亞姐在自己面前做麵．ｄ朋友仲話係這裡特式．不像出面的車仔麵檔晝紙仔．今次試左魚旦羅白豬手牛腩，仲飲左他們推介的熱柑桔蜜．好好味地方又乾淨，佢地仲攞左好多奬呢！

其實我第一次來食, 上次係幫襯到面既越南野車仔麵, 其實無乜要求, 只要唔太貴, 食完唔肚痛就係啦叫左一個三料車仔米粉, 牛腩, 牛肚同蘿蔔三樣野既味道都唔錯, 起碼唔會太硬先啦另外, 叫左一碗細既招牌豬手, 又真係炆得夠火喉喎比起好多大麵檔, 一點都不失禮下次可以再來最值得讚既係地方, 真係好干淨, 其他麵檔要學下

其實論食物只係一般,不過不失咁啦,不過呢道真係好乾淨,講真,食市乾唔乾淨真係好緊要,如果污糟,d野幾好食都會扣分啦,而呢道價錢都ok,一般車仔麵東價錢囉!

入西貢掃街之祭，大牌寫著「招牌豬手」，行到累就同同事試試。在入舖的車仔麵檔大玩「剔紙仔」時，這裡還停留在讀書時站在檔前排隊叫，不同的是先吃後付款，當然卡位加梳化位是較讀書時柴娃娃坐在乒乓波檯吃不知舒服上多少倍。車仔麵離不開魚蛋、豬皮、豬紅，味道不過不失，奇就奇在還見得著橙色的牛肚，最後點了粗麵配蘿蔔豬手。麵無甚好說，倒是「豬腳」可以講兩句，南乳來浸唔入味不單止，皮薄的豬腳半點膠也吃不著。豬腳若非被黑色粗體bold大的話，一試無妨，至少唔會比喊面。

It's my first time to write sth in OpenRice...the noodle is OK la but not surprise...only 豬手is nice!!So hurry when order things..

今日又到"松記"食嘢,現在除了車仔麵外，還多了午市飯食。我當然叫了車仔麵，有豬手，牛腩，蘿白同尤魚，食物都幾好沒有失水準，特別係豬手好入味。我同行的同事就叫了個鮮茄豬扒飯，佢話個豬扒飯塊豬扒好正，十八蚊真係好低食大大碟。不過只會在平日中午時間供應！服務都算幾好，有人幫你送到位，自己只係點吓餸，地方裝修完環境舒服好多，好乾淨，車仔麵檔算係好好。