西貢松記車仔麵

营业中

休息中

嚟過無數次嘅西貢，第一次走入呢條巷，本來係想食泰國野，人太多所以轉食車仔麵，以舊巷嚟講呢間裝修好新好企理。有別於傳統自己劃紙仔點餸，係搵人落單，無餐，多款飲品，紅豆冰都有…12蚊起，整體定價唔算親民。假日6點幾大概坐咗7成，原來8點就打洋。點咗兩麵一餸，蘿蔔有啲渣，牛香濃入味，豬紅都可以😌

plan去西貢酒店staycation,checkin前先西貢市中心醫醫肚先行入巷附近搵食，忽然心血來潮太耐無食過車仔面，見門面個呀姐係到夾好多餸咁 , 有種吸引力，就即興入左去味道夠哂味 ，個人黎講，反而厭太濃味，但都可以接受牛肚夠林 ， 個人中意食車仔面雞翼係偏浸到林身果種 ， 雞翼絕對夠林夠味 ，豬皮就厭林得有種食落口散的感覺，麻麻地，豬腸朋友食話偏肥，但正體車仔面黎講算中上，絕對唔難食，但又未至於好好食唯一美中不足 ，係我當日去食 ，已經話冇哂河粉，唯有轉左做瀨粉但個人而言 ，呢間可以會值得再一食

一間茶餐聽、食物一般、樓面阿姐態度惡劣，立誓以後就算免費都絕不再光顧。幾年來每逢 weekend 和一班 buddy 出海前都在西貢食早餐，食物出品質素每況越下，但因為店舖"就腳"﹐大家都無乜所謂繼續幫襯。剛過去九月初的星期六，8:00am 被安排入座，桌面污糟滿佈奶茶漬，請阿姐抹一抹枱面和落 order 點餐，5 分鐘後最終自己攞毛巾自己抹，期間一直~~要「求」~~落單，但 4 次被樓面金色短髮阿「姐」高聲近乎"鬧"的說話如下：「得啦~~睇到啦，等下~~~轉頭過哩"呀"❗」~~幾百尺舖面轉佐 15 分鐘先轉完8:15 終於落單。👇Me: 1 個沙爹牛麵、凍 0 茶，另一個蛋牛治、奶茶。姐：牛麵、牛治 呀~~~Me: 另一份"蛋"牛治.......姐：咁咪牛治囉.......Me: 我話"蛋"牛治😡姐：咪講佐 "蛋" 字囉。算啦，我和朋友都免得同佢嘈，因趕時間08:45 要開船。Me: 係~~阿姐你講佐我聽唔到啦，落 order啦~~唔刻。姐： 聽唔到就小心啲、聽多啲，慢慢聽。08:30 無食物，無飲品，眼見真係無時間只好向其他店員吹束多次。08:35 「丟」晒所有野上枱，迫於無

車仔麵不論湯底和配料，通常都應該比較濃味，但依間車仔麵真心好啖味…湯底睇落好深色，但入口卻無咩味道…豬紅、魚蛋和魷魚都一樣係無味道…😣搞到我好疑惑，食到皺眉頭。（好在都有揀啲本身有味道的餸，例如魚餅、蝦餅，唔係就肯定食唔落。）😅以前好多人話依間車仔麵好食，去到西貢必試，我真係唔理解。佢真係講唔上好食，因為實在淡而無味。所以求求其其食咗就算，連相片都懶得影。唯一值得讚，怕且就只係嗰杯凍檸茶，起碼有啲甜味。

見到門面好靚好舒服。以為係好野。點知中伏。魷魚係無口，難以入口。魚蛋係完全冇咬口。我以為車仔面真係好基本既野。估唔到最基本既野都做唔到希望唔好有人中伏。所以寫呢個post

今日屋企人話想入西貢食嘢. 去食佢哋最鍾意食嗰間車仔麵. 侍應都幾手腳好快， 個個都匆匆忙忙. 落單有效率. 如果要慢活可以揀第二間食了.天氣咁熱，冷氣都夠大 舖頭同埋外面係兩個世界. 叫咗一碗牛肚，大腸，蘿蔔，生菜 同埋一碗牛腩跟飯. 先講湯底，湯底比較清，一啲都唔油. 但係個人覺得唔係咁夠味.蘿蔔好林好甜好味道大腸分量好多，冇啲唔乾淨嘅味道都係略嫌滷水味唔夠牛肚正常發揮因為細路仔嘅關係所以叫咗飯食啲飯就好明顯唔係咁得好乾同硬. 但係冇可能要求車仔麵啲飯好食🤔大腸好多牛腩比較少不過牛腩都好林夠味👍

7月25日(日)上午9點，排隊堂食，15分鐘後有位。問樓面取車仔麵menu，樓面照給。點菜時，樓面卻說沒有車仔麵，也沒有說何時有。當時，廚房已準備好食材。1. 請主動通知顧客，沒有車仔麵?。2. 如果要等，請通知何時有。3. 如果沒有，請說不好意思。

炎炎夏日想去沙灘玩又想方便周圍搵食嘅地方西貢真係不二之選星期六由西貢碼頭出發去半月灣回程嘅時候就喺返碼頭附近醫肚記得以前西貢松記假日一定大排長龍星期六下午嚟到入座率大概有一半坐低點餐除咗散叫嘅車仔麵亦都有指定幾款今次揀咗一個乜都有同埋另外一個以牛為主麵底 都係叫油面左右兩邊嘅食客飾物上枱食咗一啖都不約而同要求要加辣汁或者腩汁倒我哋自己食原來真係比較淡不過值得一讚嘅係冷氣夠涼環境都乾淨 上餐速度快

係一個陽光普照嘅朝早我就踏入左松記車仔麵檔餐廳。老實講，佢嗰個早餐都幾抵下份量又多性價比極高。我就選擇咗A餐，因為我鍾意食通粉同埋牛油西多士。飲品個方面我就揀咗一杯熱嘅朱古力，估唔到佢仲會俾咗包白糖俾我喎。餐具用餐巾紙包住唔算話特別乾淨，最好都係抹一抹。佢嗰個火腿通心粉入面有淡淡的牛奶香味，同埋有忌廉嘅口感。唔係講笑，佢嗰兩個煎蛋同埋西多士都有種太燶嘅感覺。我依家深深發覺其實一隻蛋都已經好飽㗎啦。西多士加牛油係一個標準嘅配搭。各方面都冇咩好講究。一個簡單嘅早餐就咁樣完成啦。

成日聽人講食過松記車仔麵先叫做食過車仔麵，今日小妹到西貢一遊，就專登去排隊買碗外賣回去試試。店舖乾淨衛生，餸菜齊整👍佢哋嘅餸款式又真係好多，啲名仲好有趣添。🥢豬大腸、魷魚、雞翼尖粗麵 $63係連埋外賣盒計。先試湯底係幾清嘅高湯，分量嚟講貴精不貴多，魷魚大件厚切入口爽彈，雞翼尖入味腍滑，豬大腸同樣滷得相當入味又不會太濃味，油脂芳香軟腍可口，粗麵彈牙味美。

西貢松記車仔麵是一間老字號店， 已經經營了40多年， 我也食過很多次， 今天突然想吃， 就即興去食吧😉！假期已經排長龍， 估唔到平日店內都坐滿客人😯。 太多選擇花多眼亂， 懶懶地🤔我都係點餐牌上的廚師推介，豬光寶氣麵$68、 年年好運麵$68、 凍豆漿$12、熱奶茶$9。 ▫️豬光寶氣麵🍜 ～ 有豬手、豬大腸、潮式滷肉、豬皮、豬紅和菜， 豬手炆得好腍， 但只有一件。 豬大腸、豬皮和豬紅味道正常， 潮式滷肉厚切，非常硬。 湯底走辣， 顏色深但味道偏淡， 油麵份量正常。 ▫️年年好運麵🍜 ～ 有牛筋腩、牛肚、牛柏葉、牛丸和菜， 牛筋腩和牛丸味道都可以， 但牛肚和牛柏葉太硬， 食食下要放棄。 湯底要小辣， 但完全食不到辣味。 ▫️凍豆漿🥛和熱奶茶☕ ～ 味道正正常常。 好似以前好食過現在， 希望下次會改量一下。

西貢高勝樓內的一段後巷。未正式地被遊客化前早已經成為了西貢的美食天堂。當中，有好多老字號 / 好店，漸漸地因為口碑好而成為各路到訪西貢旅遊人士熱捧的食店。這一天，一家人來到西貢墟樂樂，就決定先吃好再出發去玩。在很久沒來的俱使下，我選中了《西貢松記車仔麵》，一家人來食碗嗱喳麵。我點的叫豬光寶氣麵，根據餐牌上的說明，這麵有豬手，豬大腸，潮式鹵肉，豬皮同豬紅。可真是一個充滿豬的五寶麵。潮式鹵肉算是咁多個餸當中最可口的。又腍，又香，充滿了醬汁香同豬肉的香味，夠肥，更加之可口。豬手也是鹵得入口，皮夾肉香，而且一咬就化開了。豬大腸，豬皮同豬紅都是質素高的佐料，配合了油麵同腩汁，可以說是一碗頂呱呱既嗱喳麵。阿仔點的是一份三餸麵。小朋友好可愛，要的都是可愛的芝士腸、蟹柳同煎雞蛋。麵底就是公仔麵。小朋友就是這樣，只會點自己懂得吃的東西。而且，這一個配搭，絕對不會不好食，都絕對唔會唁啱食。我們加點了一份泰式炸魚餅。即叫即炸，有魚露的香味。有魚肉的香味。雖有少少腥，但大家都接受到。點一點甜辣醬，更是味道美。《松記》雖有素食版的車仔麵，但太太說飽，只點了一客涼粉。沒想到，現在的《松記》那麼多元化，連甜品都有。

每當我地去西貢行山，都會食呢間 #西貢松記車仔麵 F 餐 柱候牛筋腩金錢肚$44金錢肚淋得黎有D口感，大大塊好味道～牛筋腩一兩件略鞋，但整體都係好味既～自選三餸麵 $36我叫左魚皮 、牛丸&煎蛋配幼麵。睇個賣相有少少頹...味道...都係既XD 呢度既牛類相對係出色D既...魚皮夠脆，放落湯底有少少滋滋聲。牛丸&煎蛋就真心一般，牛丸唔夠牛香，煎蛋太熟。

∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘今日介紹呢間車仔麵，係西貢已經開業40年以上，有唔少人專登去西貢食🤓先講下食物質素啦，最出名既就係牛腩牛肚，好入味🤤，真係好好食，而其他餸菜就同其他鋪既差唔多， 唔係話好特別。 而飲品方面，香芋珍珠奶茶就一般般，而鴛鴦涼粉冰 ，味道都算唔錯。 注意📌 星期六日都係比較多人，好大機會要排隊既！∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘∘

今日有啲事要去西貢處理，處理完後，差唔多食晏時間呀，當然要搵食。突然間好想食車仔麵，便入了一間松記車仔麵試下好唔好食。便柯打咗個車仔麵，有豬紅、豬皮、墨魚丸、魚皮餃、雞翼尖、泰式蝦餅。飲品阿華田雪山。麵係油麵，湯底係沙爹味。湯底好濃，豬紅好滑，豬皮好冧，最緊要係冇豬毛，沙嗲汁好入味。墨魚丸唔掂一啲都唔好食。魚皮餃大件好味。泰式蝦餅唔錯有啲冬陰功味。雞好夠冧，夠入味。飲品：阿華田雪山，好濃嘅阿華田味，好飲，貴啲成為26蚊。舖頭夠光猛。總結可：整體嚟講都可以一試。