西貢松記車仔麵

营业中

休息中

今日去釣魚🎣 臨上船就緊係食個早餐先啦 咁就叫咗個叉燒意粉拼雙蛋牛油多士 凍飲 一來到就知個叉燒唔多得 大家睇下就會知 食落就有個陣油益味 唉 多士即叫即整 keep 到香脆 唔似有啲餐廳咁 上到枱已經淋哂 小插曲 同行朋友加錢轉出前一丁 不過可能想食多啲 諗住加底 諗都冇諗過加底出錢一丁 係要成17蚊 提返大家哩間餐廳本身係賣車仔面 只係做埋早餐個啲 相信一直有得加底哩啲 可能早餐冇得加左啦 其實直接話早餐冇得咁加底 唔駛吹個價出來嚇走客人睹

不要期望。不是我想像中的車仔麵。豬手又肥又唔淋。朋友食油麵話好粉碗湯又唔夠熱。我食粗麵都係差唔多一樣。湯底無特別。小食無驚喜仲好漏。真係唔明點解仲有咁多人會話松記好食。又話去西貢仲話一定要嚟食。

放假入黎西貢行山，見好網上好多片講到呢間既車仔麵好似好正甘，所以行完山特登黎試下... 呢間係碼頭附近，唔難搵，2點半左右去到唔使排隊，入面間隔望落都企理... 至於野食方面，我地嗌左2款招牌既車仔麵，有豬手，大腸，牛筋腩，再加碗淨蔔蔔，唔係話難食，不過好普通，d料唔夠入味，可能因為佢地既料係斬得比較大舊既關係，另外湯頭都係偏淡... $60碗我個人覺得唔係甘值... 應該冇下次... 下次會留返個肚食下其他小店好過

朝早0800黎到西貢，好多茶記都滿人，是旦求其入一間茶記填飽個肚就出發，點知就出事。依度早餐餐牌我冇影到，價錢一啲都唔平：Mcdull叫左個叉燒意粉+雙蛋多士+熱檸水$38；我就叫左個五香肉丁出前一丁(轉一丁+$4)+餐肉旦多士+凍檸茶$45$45食個早餐真係一啲都唔平，但質素真係低到一個點。吹水佬可以呃你十年八年，但有圖有真相，真係一睇就知難食。啲面似係預先烚熟，到有人叫面就加啲熱湯就送出去。言猶在耳……隔離枱嘅呀叔指住碗面，同個侍應講「我叫左出前一丁喎」侍應呀姐話「係呀，一丁黎㗎」呀叔喃喃自語「唔x係化…」呀叔雖然有講粗口，但都冇繼續爭拗落去，真係一名紳士👍見到呀叔咁紳士，我都唯有扮下紳士，繼續硬食依碗軟淋淋，完全唔似出前一丁嘅出前一丁。太陽蛋，餐肉似係飯堂呀姐求其煎嘅水準。Mcdull安慰我「心平氣和，唔好勞氣，乖」啱既「好又一餐，唔好又一餐，今餐咪唔好囉」好快食完就俾錢走人，見到依間咁嘅舖頭都差唔多full house，心諗「痴線㗎，點解做人做事做到咁hea都生存到？」Mcmug綜合評分：2/10☹️👹垃圾水平，black listed Mcdull 綜合評分：食物真係嘛嘛地，同

廿幾年前小學開始食，果時無咩零用錢，但果時有十蚊剩麵之類，就算加幾個餸都係廿零蚊，其實成條食街都好多回憶，當然而家要變番咁就無可能…今日去食吓，可能疫情無得督住叫野食，咁算啦，坐低點野，點咗幾個餸，都六十幾蚊，正路嘅，但碗野到啦就同以前（講緊一年內既事）唔同，個碗細嘅？我都叫咗加腩汁，但佢就應該無加比我，個湯變咗醬油味或者直接叫豉油味…完全唔係以前果種味，食物？正常囉，但世界在變，老闆娘變太子女，會唔會有日比更多嘅錢都變唔番以前陣味呢？（但最近去深水埗文記又食得番差唔多味道）

切勿期望過高，非常普通的普通，湯底味道沒有特別，而且太濃稠，只能靠自己加辣椒油加味。看open rice食評點了生粗面，沒有鹼水味，不爽口，非常普通。🥲有點不知道會有如此多好評 .......... 有時真係不能盡信🥲🥲🥲🥲🥲🥲🥲🥲另外，餸方面，豬紅完全不入味，而魚皮餃就只有兩舊，另外點了炸魚皮，沒有味道+淋的😭😭😭😭😭😭 好失望食食下 竟然有蒜頭的伊 在湯裡🥲沒有下次。。。。

今日嚟到西貢玩水上活動玩完之後非常之肚餓因為體力勞動太多啦去咗西貢好出名嘅美食街入面有好多舖頭好平民化知道呢間車仔麵都非常之出名所以就入嚟試一試都多人排隊嘅不過輪轉比較快都好快入到去佢嘅選擇非常之多所以都諗咗一輪先落到單俾佢餐牌上面嘅雪山阿華田吸引咗本身第一啖都覺得冇乜味道但攪勻左啲阿華田粉之後就好濃啦都推介飲嘅之後就嗌咗一個自選車仔麵再加一個八寶車仔麵我自己覺得啲餸單獨分開來講都算好味但係加埋落個麵同個湯底就格格不入冇嗰種惹味嘅味道出嚟一般般啦佢個湯本身比較稀同埋我叫咗辣汁嘅但一啲都唔辣

係西貢玩完水，勁肚餓，即刻搵間速食醫醫肚！搵到呢間松記車仔麵，係小巷到但其實入面好大間好多位男朋友嗌左豬紅，雞翼，豬腩肉（大推！！）蘿蔔豬腩肉好正，肥瘦分明，一層層隔住雖然係有d heavy, 但久唔久一次冇問題啦！真係好正！男友嗌既係生粗麵，好好好好味，同出面食既粗麵係唔同的，好彈牙，好爽口！ 好有質感！ 唔到周圍都有而我就嗌左set, 有牛柏葉，牛筋腩，瀨粉就冇咩特別，只係粉絲果類牛筋腩好好味，湯底係腩汁，好惹味咖喱魷魚，好大碟，好味生菜芝麻珍珠，普通，芝麻糊既溝稀版

係西貢爬完龍舟之後，好攰好攰行到黎呢間車仔麵店，晏晝經過勁多人去食，夜晚就少啲人，店入面任坐，碗麵仲會送到面前，唔洗自己出去排隊叫.車仔麵個麵底都已經好多選擇，竟然有銀針粉，最驚喜係生粗麵底，真係好好味，係雲吞麵檔個種生粗，唔係蛋粗麵！.個湯底好香好好味，大推魷魚同控肉，魷魚入味又彈牙，配車仔麵一流，控肉好肥好邪惡，松記煮得好入味，食完都唔覺得漏。.價錢HKD$40-50左右，份量ok，有機會係西貢玩完上水活動可以去食～

今日海下大潮 先係西貢醫左肚先入去。 本想食雞飯，但大家唔係好餓就求其了。我叫了個牛根牛肚油面一上枱 都好細碗。葱一粒都沒有，色相已經唔吸引。 再看看，牛根得一件 其他都是牛腩同牛肚。牛根唔係好貴咋，都只得一件。 食上去又唔係叫差，但水平唔高，中偏下。油比較多。食物份量少。如果餓， 兩份都未必飽。朋友叫了豬手面，沒影相。食完話自己整仲更好食。價錢又唔係平，水平真好唔多好。服務只是不過不失。一定唔會再去。還是食雞飯安全點

西貢松記車仔麵👻夏天要擁抱大自然入西貢玩水啱哂係入面食埋lunch行過見到依間大大間又有冷氣係幾好坐既🤣不過野食就還好啦🧐.🔅豬紅蘿蔔炸墨魚條麵 HKD 40蘿蔔夠清無渣幾好豬紅正正常常墨魚條可以有咬口啲同埋份量太少$12得一條🔅紫菜墨丸河粉 HKD 30墨丸都得得兩粒紫菜正常無特別🔅芝麻珍珠特飲 HKD 12飲品有半價都抵飲既芝麻味都有不過偏甜可以嗌少甜就very good.❌成日催啲客 禮貌欠佳.整體黎講：食物還好 禮貌欠佳🤨.🎈 西貢松記車仔麵 (西貢)西貢福民路高勝樓19-21號地下

突然間想食車仔麵，特登嚟試吓呢間，地方清潔衛生，服務唔錯，揀咗幾樣餸配粗麵，再加多杯柑橘蜜，嘢食等咗一陣就嚟到，先講湯底，味道一般，欠缺層次，加咗辣油，唔夠香，粗麵淥得好求其，有啲麵又硬又黐住晒，魷魚就好韌，蘿蔔唔夠入味，豬皮豬紅韭菜就OK，但豬皮都係係好似煮得唔係好夠耐，不過每樣餸嘅份量都算幾大份，杯柑橘蜜都幾好飲，整體冇驚喜，無論環境味道都唔係好地道，欠缺風味，稍為普通咗啲⋯⋯ 唔會再專登嚟食囉！

同朋友行完山，回程前醫個肚。5時許不是繁忙時間，但仍客似雲來。地方企理，店員友善而有效率（主動提供椅子放背包）。點了煎釀三寶生菜粗麵，三寶非常足料，很大塊且充滿魚肉，又不會煎到太油。菜新鮮。跟麵的蘿蔔也有驚喜，非常鬆化冇渣。粗麵麵底很大，一碗麵作為晚餐也夠飽。朋友吃盆滿砵滿（八寶）麵，更加大碗和多餸。性價比超高的黃店車仔麵。

一家大細行完山過來試下， 講明四位一齊探熱，只安排兩個入去？？！另外兩個呢？ 兩個坐係到，又過多一陣又趕人去第二邊坐四個。咪又一齊過去第二邊。 大熱天時又無冷氣，又焗明明做足防疫規矩， 仲要捉住原本未入的兩個罵我們：「你們未探熱啊！出番來，如果唔係咪食啊你班友！」 你們唔記得可以禮貌點，洗唔洗趕客？算我哋照再做多次。隨便一個車仔麵套餐，60-80蚊一個餐。來到的餐溫不熱，淡無味⋯⋯態度差味道差環境差不再光顧，多謝

行完山到咗西貢，想食車仔麵自然就諗起松記因為佢個朶夠響，未嚟過不如就搏吓，一直對車仔面有要求，亦都有心理準備因為見好多負評，但身邊有個老友食過話ok 所以就增強信心。（而家就知真係要帶眼識人枉我仲啱啱請佢食甜品）。排緊隊見到個餐牌覺得幾貴，車仔餸豬大腸$22，雞翼$14兩隻，冬菇$12，面底$13， 真係想問有冇跟一杯house wine.點咗碗三餸面豬红冬菇雞翼$47。熱騰騰一碗面端上，湯好濃但淨係顏色夠濃而係冇味，好似將啲滷水溝淡其實只比鹽水稍好，一碗湯麵嘅湯唔得其實已經係死罪！豬紅一夾就散亦都冇底未，冬菇好普通，雞翼係正常嘅滷水雞翼但唔值$14蚊。成件事唯一可取嘅就係碗麵夠熱同埋地方夠乾淨。小弟近30年都未食過咁差嘅車仔面！牛頭角文記，銅鑼灣永年，新蒲崗回味，地道；黃大仙濃記，味源，友記；柴灣財記…都好，唉點解我會入咗去呢間呢。雖然講嚟講去都係幾十蚊，但性價比太低，人生苦短何必浪費一餐嘅時間喺呢度。費事影相，再睇吓其他負評深有同感，望吓啲好評更覺世事無奇不有。