西貢越南真味

营业中

休息中

今晚又約左朋友去食好野去到九龍城而家九龍城變左好多 好多新的店都未食過不想吃飯 就去試一下越南菜食下粉面呢間叫越南真味-MENU話係來自加拿大的食物種類都唔少但我地主要食粉面又唔想咁飽就 所以散叫就算鮮蝦蟹膏扎肉湯檬 HK$78湯底好濃的蕃茄味 帶有少少都蝦味應該係自家煮 一d都唔味精蟹肉都好香好濃火車頭牛肉鍋粉 HK$88火車頭就是咩都有d 有牛腩牛根牛拍葉等等好多料牛湯一定是越南牛粉精華好香牛味 好順口 每一啖都好有牛的香氣2碗都好大碗下 食完我地2個女仔都好飽椰汁三色冰好有椰子味又不會過甜 正!加埋紅豆珍多 多左好多層次龍眼冰好多龍眼肉 淡淡地 唔想飲太甜太多味 就要飲呢個7-80 蚊一碗咁大的粉 都算幾抵同朋友來傾計食個粉真是不錯的選擇

今日去左接朋友收工佢話一直都想試下呢間😳因為我地都好鐘意食PHO 🇻🇳 所以今晚就試下佢喇環境都約乾淨企理呀 牆上都掛左啲外國既畫🤩好可愛既設計❤️係有小吧台位置都適合一個人黎食飯唔會尷尬🤪Menu寫住來自加拿大的越南真味😂 🇨🇦 🔥火車頭牛肉窩粉$8️⃣8️⃣平時去食Pho都習慣左點個火車頭河粉因為貪佢料多呢間值得一提係個湯好清牛柏葉好爽脆🤟🏼❤️鮮蝦蟹膏札肉湯粉$7️⃣8️⃣湯好濃厚，帶有淡淡蟹味加上蕃茄味🦀🍅❤️牛油雞翼 $6️⃣8️⃣💛🧡💚大大力推薦💙❤️💜有五隻脆卜卜，外皮非常鬆化，肉質鮮嫩呢個兩三個人黎食一定要點呀❤️椰汁紅豆冰 $2️⃣8️⃣椰汁紅豆冰不過不失啦☺️我鐘意飲既味道咁❤️椰汁三色冰$2️⃣8️⃣同平時既三色冰差不多P.S. 呢到個牛油雞翼一定要食下❤️

【炸墨魚餅】$58採用新鮮墨魚打成既肉漿去炸，外層金黃，彈牙又juicy，但中間部分有少少咸，重手左。【火車頭牛肉鍋粉】$88喜歡食牛既點呢個就岩哂，多種牛既款式，安格斯肥牛、牛腩，牛筋、牛丸、牛柏葉，仲有香蘿蔔，不過重點都係個湯頭到，香濃牛骨味。【鮮蝦蟹膏扎肉湯檬】$78超濃郁蕃茄湯底，仲蟹鮮味，差吾多成碗飲哂，勁飽足！三條鮮蝦但就稍微有點煮耐左，肉質比較緊實。【椰汁三式冰】$28椰汁勁好飲，甜度岩岩好，吾會死甜，料太多。【龍眼冰】$24清清甜甜，仲有好多龍眼肉。

講真 食物正常入到口 但態度就...lunch hour我地2個人去排隊個老闆竟然俾遲黎既一枱4個人同一枱5個人入先即刻恍然大悟明白哂 人地大張單丫嗎 做生意做到咁真係... 唔係幾識尊重每位客人囉或者大家去食最緊要湊夠十幾廿個人咁老闆咪誠意招呼囉起碼未至於好似我地咁 叫襯咩庶蝦/蝦餅/....etc 阿老闆都話呢d要等好耐先有 叫我地嗌其他 講返食物啦唯有牛油雞翼炸係炸得幾酥脆既 而且都真係幾油下鮮蝦蟹膏扎肉湯糊檬一黎賣相似喇沙食落蟹膏味濃度蝦夠爽嫩不過整體個粉都幾咸 重口味人士會Like鮮茄牛腩飯正常碟頭飯牛腩都算夠林lunch冇乜要求黎講都okay既(除左服務態度)

今日專誠約了朋友在上班附近吃飯，見到天氣熱，就不想食飯，想食麵之類的東西。這一間見到剔口有人排隊，就入去試試。我本身是非常喜歡吃麵，河粉更是我的最愛，尤其是乾炒牛河。海南雞河粉：湯底呈淡啡色、味道鮮甜，淡淡的九層塔香氣，河粉細白如絲，輕輕一啜就滑入喉頭，夠滑，份量夠！撒點指天椒，味道更升上一層！而且竟然有蘿蔔作為配菜，真係驚喜。海南雞雞肉夠滑，所配的醬汁酸辣，很惹味。咖喱雞飯：雞塊較大塊，而且連雞皮煎，所以吃起來很香，可惜咖喱味不濃，而且沒什麼蔬菜，只有洋蔥，不過雞塊就有四五件，以份量來計是充足，如果加多一些紅蘿蔔和青椒會更好！鹹檸七：雖然只有一小塊鹹檸七，但整杯的飲料味道不錯，不會太濃，不過太多冰了。環境不錯，雖然鋪位不大，但座位空間充足，坐得挺舒服。

呢日朝早要出黎九龍城呢邊出outing~~完左之後就同拍檔黎左食晏：）呢度午市既套餐都幾抵，平均都係四五十蚊，而且款式選擇都幾多，仲包埋餐飲添~~我要左個“越式牛坑腩湯河”HKd$58，佢就要左碟“香茅豬扒飯”HKd$55之後我地仲要左份有午市優惠既“香茅雞翼”HKd$25 share試下添~~湯河既份量都幾多，湯頭帶有洋葱既甜味，味道都唔差：）而牛坑腩都有唔少，有六至八舊自己食晒一碗都幾飽下！！拍檔亦話佢既豬排飯都唔錯當中既醬油同葱蓉更係拌飯之物xppp25蚊既雞翼一份三隻，炸得都香口，唔會太乾~~個日我地都有跟餐加錢轉飲特飲特飲加12蚊，椰青就半價19蚊食住越南河再飲啖椰青水都真係幾爽xDD

今日係附近見完客，諗住食埋飯先返公司。呢頭附近有好多好野食，有西餐、泰國菜、日本菜等等......今日都食下越南菜，於是去左呢家餐廳食。呢度有午市套餐，平均40幾至50幾蚊就有一個飯、湯粉或者撈檬，再配一杯餐飲。價錢黎講，都算合理☺️我就揀左個香茅牛肉飯，啲飯係粒粒分明～～但又唔會太乾爭爭，食落去仲有種煙煙韌韌既感覺，唔會太淋無口感✌🏾✌🏾✌🏾牛肉方面，食落去肉質細嫩，十分容易咬開，而且無乜筋同埋無乜肥膏，仲有少少肉汁👍🏾👍🏾對於唔鍾意食肥肉既我黎講，好喜歡食🤗除此之外，我仲點左香茅雞翼，見到餐牌話有午市優惠，25蚊有3隻，所以又點左黎食。雞翼有微微煎過，食落去香脆美味😋😋而且雞翼面頭唔會有一層類似炸粉既東西，食落去真係原汁原味！雞肉亦都好滑～～而餐飲我就升級左杯青檸梳打，冰既部分唔會好多，溝淡晒杯野，而青檸飲落去酸酸甜甜，夠哂醒胃🤩

今次黎，人客多左好多，要等一陣先有位。今次d野上得比較慢，店員勁nice, 見到我地d野食比遲入黎既人仲要慢，勁主動同我地跟單。【蕃茄鮮蝦蟹膏扎肉湯檬】$78湯頭好濃郁好正，蕃茄天然既酸味，仲帶著蟹肉鮮甜味。肉丸出奇地好食，用肉碎搓成，吸收左湯汁，勁有口感又juicy。【順化湯檬】 $68順化湯會有少少辣，湯愈飲愈濃厚，會好似食拉麵甘，飲到尾會有d膩，但加入青檸汁就清新好多。材料都好豐富，豬手、牛展同埋扎肉，豬手好正，大大啖肉，肥而不膩。【椰汁紅豆冰】$14今次紅豆冰甜度吾係好夠【凍檸茶】

中午探朋友來到九龍城，吃咩好呢？泰菜？確實唔錯嘅，但想試吓新意思，於是朋友介紹咗呢間地道越南菜餐廳～西貢越南真味。鋪頭唔係太大間，但啲擺設都花咗D心思嘅，有D懷舊小家品令你有温馨的家嘅感覺。好，肚餓吃飯喇，試吓個咖喱牛腩飯先，牛腩件數唔少，两個人share都足够有餘，咖喱香濃順滑，好食特式小食越式粉包，個皮好薄好靚，可以清楚見到入邊的餡料，吃落味道啱啱好，唔鹹唔淡，係吃過粉包中至好吃之一，值得推介畀大家順化湯檬亦係大大碗，感覺好地道。三色冰及越南滴漏咖啡都很正宗，雖然我凈係去過一次越南

呢排另一半鐘意食越南🇻🇳野，所以今日我又帶左佢去食一間係九龍城既越式餐廳食野！😋😋😋😋😋去到我地簡左吧台位置坐，我哋叫咗咖喱牛腩飯、順化湯檬、椰汁三色冰😋😋😋店鋪越式咖喱系列推介之一，牛腩份量多、咖喱汁唔辣，好香好好味！佢地既咖喱撈埋落啲飯到食勁好食！順化湯檬係入面員工介紹嘅招牌菜。好大碗😋😋，一來到已經勁香！入面有牛展、札肉、有豬手同蘿蔔！檬粉吸左d湯入晒味👍🏿👍🏿👍🏿椰汁三色冰賣相靚，椰奶+ 綠荳泥+紅荳+燕菜條，椰奶味重，攪勻一邊飲一邊食入面既野👍🏿又飲得又食得！

因為上星期長期都在內地，忽然間很想吃越南菜，那就今日完成工作後提早去九龍城找一間越南菜吃地點就位於九龍城獅子石道17號地下之西貢越南真味。我們坐下後環境不錯，店裏的的式式，還有幾張卡位，在門口時已經很熱情，現在很有禮貌地問我們點什麼吃，還介紹一些特色的越南菜。坐下後店裏，看見環境有很多特色的裝修，例如從圖片所看，有些很古舊古色古香的風扇，牆壁上還有很特別的圖畫。雞絲沙律****咖哩雞扒飯 ****香茅豬扒湯粉*****飲品：特級椰青*****咸檸七***

今日嚟到九龍城獅子石道17號地下， 一間叫西貢越南真味食飯， 店舖的環境很舒適， 店員很有禮貌，安排我坐咗一個很寧靜的地方， 雞絲沙律， 雞絲沙律十五分鐘內到了， 香玩的雞絲， 沙律很清甜很爽口， 咖哩雞扒飯 ， 很有咖哩味道， 很香的椰汁味， 咖哩不太油膩，很滑的雞扒，香茅豬扒湯粉， 香茅豬扒很鬆化的豬扒， 爽口的豬扒， 很有口感， 味道不太鹹啱啱好，飲品特級椰青， 椰青很清甜肉質很淋滑， 咸檸七， 咸檸七飲品酸酸甜甜很開胃的飲品，

九龍城係一個我幾鍾意的地方，因美食多。以前食肆主要係泰國菜，現在就百花齊放，各式各樣的美食都有。早排電視介紹九龍城美食，話有間加國人回流，開嘅越南餐廳，我同朋友提起，朋友話去過佢哋西貢舖食過，話水準好好，於是帶我到佢哋九龍城店嚐嚐。叫咗個火車頭牛肉鍋粉，海南雞飯火車頭牛肉粉，真係好大碗裏面有牛拍葉，牛丸，牛肉，牛腩，牛筋牛柏葉，牛丸爽口，牛肉，牛腩，重牛味，好淋，湯底濃海南雞飯，雖然有雞腔部份，肉質都嫩滑，䖆個酸酸辣辣汁，跟個黃薑飯，有益飲品咸檸七，咸咸甜甜，好飲好解渴

是日lunch去左食西貢越南真味，都好full下要搭檯🔶海南雞飯 $68個雞有骨既，比較肥，好厚皮不過配上獨有的醬汁，都令雞好惹味而飯是油飯，有心思去製作！🔶火車頭牛肉鍋粉 $88好大碗，超足料，入面有好多配料例如有生牛肉、牛腩、牛丸、牛筋、牛柏葉、蘿蔔最欣賞個生牛肉，都份量多，同埋肥瘦適中食出來好有牛香味，牛筋都好淋，唔會好似橡筋咁牛腩都嫩滑，不會太硬，牛丸彈牙！🔶左：奶茶，右：椰汁紅豆冰（椰汁超多，多到無紅豆味）

九龍城泰菜多, 試過幾間九龍城越南菜尚算可以，今日再去越南餐廳踢館。7pm到無咩客唔洗等位，同友人跟住廚師推介，叫左海南雞飯、鮮蝦蟹膏湯檬，同埋牛油雞翼。先黎海南雞飯，黃油飯香、海南雞亦都滑，重點係有個小辣嘅的酸汁，令本身above average 嘅雞立即升level。蟹膏湯檬，味道好夾。蝦堅係鮮蝦，爽得黎仲有鮮味，唔係冰鮮味道。而檬粉都吸左湯底的精華，食到Lam lam脷。牛油鷄翼味道非比尋常，牛油加少許蒜粒令香味更濃郁，內里肉質嫩滑，再滴少許青檸汁，食起黎唔覺肥膩，毫無罪疚感。呢道菜絕對值得翻啅！本身仲叫左春卷，不過好彩賣晒，因為三樣野已經食到我地頂住個胃。性價比高、味道又好，九龍城都唔只得泰菜揀。食完飯，發現已經幾枱等緊位，好彩黎得早。