西貢星越泰風味館 (已結業)

一心去附近間上海店食下午茶餐，不過那個茶餐是好豐富的啦，是日早餐吃得也是同樣豐富的我已經等到下午三點了亦不覺肚餓，但點都想食碗湯粉，於是轉彎去西貢星看看先。在門口看到食客正在食超厚的棺材板似的物體，令我產生興趣呢。於是仔細看看放在門口的餐牌，啊﹗原來是厚吐司，由於堅厚，令愛吃麵包的我忍不住去會會它...配醬可以四選二，我只要花生醬一樣便可。飲品是凍華田少冰，怎料小冰都有一個水杯量的冰塊，真是無言...只能說華田沖得較濃郁，添加一杯清水入去，味道都剛好。厚多士比跑馬地昌記的還要厚，看到都高興了﹗但烘包的時間未夠耐，上下面帶點焦脆之外，四邊麵包皮並不夠香脆，麵包芯相當軟綿，質感夠密，食完一件是超級飽了。不過花生醬弄得太稀，醬味不濃，如果用粗粒花生醬應會更好，但醬實在下得太多啦，最終剔走所有醬，再以沾醬的方式進食會好好多。希望此厚吐司不會在日後取消啦，因為口痕痕食一件其實都是不錯的哦。

每一次食親尼一間野　都好激氣！侍應態度差　叫落單就吾知行左去邊！吾休做甘款！由其是係男侍應！餐黎到又大力放在面前！真係嚇一跳！仲有前幾日去食！我睇餐牌叫左個海南雞飯！我問佢尼個餐係咪有菜送！佢話係！跟住就要求我不如食令一個餐既海南雞飯！我問佢有冇菜，佢話有個細細碟菜送！食物來了，見我碟菜仲未到！我問佢點解碟菜甘耐都仲未有！佢話我尼個餐係無菜既！甘頭先又話有！？識吾識做野架！仲要走開去！無再行過來！係到避！一走了之！仲有賣單態度都超差！賣成幾個字都未有人來！陣係見到佢地Ｄ人係到傾計！吾休做！吾比貼士佢地態度更差！！

好少入屯門工作,難得入來工作完畢自己一個人就去搵食醫醫肚.因為見到此店既下午茶餐價錢吸引, 所以就入左去叫左個生肉湯河試下.講真個湯河真係麻麻地, 湯底都較重味精, 牛肉片亦有點鞋口似乎過熟唯一一讚就係個河粉夠滑以及價錢抵.

入到屯門做嘢,人生路不熟,又唔想幫襯連鎖大集團,自然唔知有乜好食...撞下撞下,搵到西貢星,就放膽一試...一入到去,燈光好似唔多夠,較暗...但地方唔細,好多張檯,都幾多人食,服務生又算唔錯,唔駛三催四請先幫你落單...要咗個下午茶餐,一碗生牛肉河,牛肉明顯唔算係新鮮牛,應該係雪過再解凍,因為無乜肉味...個湯過濃,應該係味精問題...反而個粉煮得唔錯,幾滑~連埋餐茶$24,算係咁,下次試下其他先得~

午餐叫左個香炸雞翼湯金邊粉, $30 ( 未加一 ) , 整體都唔錯, 不過個雞翼冇香茅, 只係普通ge 炸雞翼, 不過夠大隻, 而且新鮮炸, 唔錯哦 個湯冇咩味, 好似滾水咁, 不過個粉幾滑, 幾熱 , 面質幾好,$30 連野飲係市中心唔算貴, 不過晚市 同星期6,日整日要加一 ~ 服務員雖然快手, 不過落錯左單, 有待改善 ~

朋友仔係澳洲返黎佢住在係果邊成一年半, 返到黎應該要回味下亞洲風味既野啦~柚子好大粒又甜, 仲有脆卜卜既nuts一pat pat 的, 呢個算係我食過最油既蒜蓉炒菜!!用店名命名, 其實唔知係用咩整不過個粉皮炒得都幾爽, 仲配左d 肉絲用芽菜有炸蝦丸、鯪魚丸同雞扎。比較好既應該係蝦丸而已。。。基本上除左個柚子沙律之外, 所有野都係好油不過味道就幾濃幾惹味的喔

是日為朋友仔慶祝生日~所以想去食啲特別既野!朋友仔介紹去這間店~因為食物味道很不錯~^^於是決定去試下~!!當日星期六~真的非常多人,好彩早左去排隊!!所以先有位,唔洗等~^^我地分別叫左海南雞飯,粉絲雜菜煲,香茅豬扒,蒜蓉包!!加多2杯椰汁紅豆冰~上菜既時間都幾快~值得一讚~!!椰汁紅豆冰幾好飲~!好香椰汁~蒜蓉包好脆!香茅豬扒好好味!好香同野味;D海南雞飯都唔錯~雞好滑...!OK~粉絲雜菜煲~我覺得好好味~!蔬菜好新鮮架~

生牛肉湯濛（２８蚊）牙菜相當多，牛肉偏少，沒辦法，下午茶嘛。而且湯底有點咸，味精味很重。咖哩薄餅（２０蚊）份量相當少，而且很小塊！即使下午茶時段，也覺太離譜了吧！咖哩裡面有很多味精…真的真的很重………奶茶也不好喝…奶的比例大過茶……超甜……椰汁糕也是很甜……甜得過份…

我叫左個菠蘿雞絲炒飯個frd就嗌唔知咩炒麵無可否認份量真係極大，係，係極大！但係個飯油得黎又唔乾身不過都ok香ge唔抗拒但又唔會覺得好好食囉都會再來ge因為晚市唔錯之前食果過頭盤$4x有四碌幾大ge卷唔記得叫咩但味道唔錯d甜醬喺隻碟四個角，幾靚ge~價錢適中，還好啦

LUNCH 到左依間野食餐排上有幾個午餐揀都係撈檬 湯河 炒野同埋1D例飯好似栗米肉粒我揀左越式炒河雖然油左D 但係炒得好惹味有D肉絲同芽菜 另外D 河粉唔會一夾就散如果唔係減肥絕對值得一試而且好大碟30蚊內有個炒河又有野飲都算抵食 而個朋友就揀左生牛肉湯河佢話味道都OK 但我試過就覺得湯底咸左D

看完一套期望過高所以帶來了失望的B+偵探後找個下午茶才周圍行.我慣性是食來食去都係幾間店,今次又降落西貢星兩點幾,勢估不到要等位!!門口企著一團人呢,心諗這裡幾時變得這樣受歡迎帶位阿姐剛巧大叫"搭枱不用等~",見那團人無回應,我們就跟著她入去好了我覺得搭卡位會好尷尬,對住唔識的人好難食到野;相反圓枱好好多,起碼隔得開行點,最後四人坐六人枱,選擇正確!耶~上次碗牛丸粉食到我黏黏脷,今次要牛丸之餘,再加牛根,價錢加$1,雙拚要$25了.如上次一樣,粉絲份量多到爆,我分了三分一給老友(撈咖哩汁XD).牛丸三粒,多汁彈牙勁有牛丸味大量牛根不是透明白,全部皆紅噹噹但又不是未熟,質地是好滑好淋好骨膠源架老友著我放棄,但我忍不住食食食,食剩一粒仔,那一粒中間全部是紅色'碎骨'?!(唔知乜黎)這裡的湯粉配菜夠多都是我KEEP住食的關鍵.香蔥,洋蔥,香花草,加埋半飯碗的甜酸魚露,令清湯更上一層樓了.最後將湯飲盡以示'尊敬'XD老友食的咖哩雞飯,白飯少到無論,畀我食一定不夠飽呀不過以下午茶收費給它過骨啦.兜咖哩雞望就好少,原來不是啊,沈底有幾舊大雞脾肉和兩舊大薯仔.汁多到撈埋粉絲後還餘很多呢我望了其他食客

前排同一班朋友走到西貢星食越式下午茶自從去年北越之旅，就冇食過越南菜所以就決定黎呢間...湯檬...一定係主打....記得越南最出名是湯檬更加不能缺少..當然不及越南當地好食法式蒜蓉飽.好脆...而且好大蒜蓉味道香茅豬扒炒飯...個炒飯好掂，加左配料...而且有醬點來食奶油豬扒厚多士與朋友最喜歡食，因為很多奶油.又有豬扒.配厚多士Tea set時間，確實多食客，但仍然有位坐...

食過一兩次, 不過不失的這兒有個BEST KEEP SECRET,就是超好吃的泰式甜品係我食過最好食的！可能都不少人知道，而家佢有個專櫃的，而且有位好好服務的妹妹仔。西米糕好大件，面好多椰汁好香好RICH，雖然12元四件，但份量好大。另外一款都好好食，呢間D甜品以椰汁取勝。

昨日 12:30 左右去到，點了生牛肉湯金邊粉和牛油雞翼。生牛肉湯金邊粉: 牛肉十分「鞋」，金邊粉腍得入口即溶，十分難頂，湯底亦完全不可能用好味來形容。牛油雞翼:有 6 隻大大隻的中翼，可惜只有外層有味道（味道亦不出色），內裡是完全無味，連任何雞味或肉味亦欠奉。環境方面，地板算是清潔，但枱面有不少水漬，四周的玻璃和鏡有很多污漬和手指模，感覺很差。唯一可取之處是員工有禮，無論是門口帶位的女仕還是其他年輕的侍應生都有笑容，與客人說話時有目光交流，這一點特別難得，值得一讚。總括而言，除非對食物無任何要求，只為飽肚，否則都不要光顧。

港島朋友入來屯門交收和探下我大家見到面的時間都四點幾了,什麼也不理住先去食個下午茶.我介紹朋友來這裡吃,因為上年和家人來過tea,抵食又多花款,重點有我喜歡的越式湯粉類這個時間人不多,位子任選.下午茶有炒粉麵,有碟頭飯,有小食等等.至於湯粉餐是自選配料和麵底,一餸$22,二餸24和三餸26,我吃牛丸湯粉絲,朋友左思右想後(因為我不斷嚷著要食牛根XD),終點了牛根和春卷檬粉.等食時我不小心將杯茶倒瀉!!弄到全枱面和地上也是茶...著店員來清潔,幸好她們沒黑面,反而令我有尷尬之感V.V十分鐘後終於有得吃.兩碗粉的份量估不到何其的多呢不會因為是tea價而縮水.我食的那碗,牛丸有五大粒,每粒還細心界了花,口感彈牙兼有汁,粉絲吸了混入魚露的上湯,變得美味可口,重點在配菜,有芽菜,洋蔥,蔥粒及香花草!!全部我都好鐘意食,而且又夠多,食到好滿足.反而朋友的雙併麵的餸份量少得很,牛根三條,春卷兩粒上次在電台聽到DJ閒聊所言,雙併餸比單餸往往為少,其實我也很深信的朋友話春卷好味道,我立走一條牛根食...勁滑...骨膠源...我飲的熱華田甜到飛起,朋友加八元飲三色冰...唔...我覺得好細杯,唔抵!