西貢越南湯河

营业中

休息中

今日去開大坑食飯，食完唔多夠包路過見到呢間叫「西貢」嘅小店有賣越南法包早幾日都想念呢樣野就打算試下啦無乜期望下叫左個豬扒+扎肉+腩肉法包外賣一個法包$68絕對唔可以話平 不過係上環食開都係呢個價咪試下啦即叫即做都係度等左一陣拎果時阿姐提我要趁熱食 我連相都唔記得影就食咗咬一口即刻覺得好驚喜 忍不住叫左一聲「好好食」個包鬆脆又唔會太乾太硬好容易咬得開又唔會成日都係碎屑入面夾左豬扒、扎肉、肥豬腩肉仲有滿滿的酸菜同蕃茄青瓜等每咬一啖都會食到唔同嘅滋味食到最後D肉食晒 諗住無咁好食啦吧等待我嘅竟然係濃香嘅肝醬呢個包滿足晒我對越南法包嘅要求

年初二去左大坑拜神，見到呢間西貢越南湯河，店面好細枱櫈放曬外面，職員好小，佢哋勁忙寫單執枱都冇時間。叫左香茅豬扒飯同豬至尊湯檬粉，佢哋既香茅豬扒味道還可以，但湯粉除左味精水，感受唔到越式口味，豬手都夠林還可以，其他配菜都麻麻地，值得一讚佢地既奶茶，好有越式奶茶味，真係唔錯，只可惜只有冬冇熱飲選擇，而且可能係新年加左價，2樣+2杯凍奶茶收$180，真心好唔抵唔推介。西貢越南湯河 (大坑)大坑浣紗街14號地舖

見lunchtime想食d粉類嘅野食有意無意見到間越南野只係40幾蚊就入咗去點知。。。。。。都唔知叫唔叫伏order咗越式香茅豬扒撈檬加咗春卷同香茅雞翼飲咗蜂蜜綠茶黎到見到撈檬上面塊豬扒係呆咗呆塊豬扒d肉薄到。。。係紙一樣味道就其實唔太食得出因為咁薄而且overcook咗叫做係撈檬同食個汁春卷同香茅雞翼就正常發揮冇咩話好唔好食一句講曬la其實40幾蚊真係唔好要求咁多不過我會寧願佢賣貴少少而做得好dd

今日晏晝經過呢間小店見到出面擺晒檯都有幾檯入面都有人坐，又想試下個法包又肚餓咁就走咗去入邊食越南河同法包，現場環境就好似一般茶記咁無咩特別，誰不知…個西貢特色湯河唔知咩事咸到七彩，其他食材就真係不在話下咁咸同好普通，另外個扎肉法包根本就係咁夾啲扎肉，連鴨肝醬基本嘢都無都唔知想點，食完都唔知自已食咗啲咩…，好在都有杯綠茶蜜叫做好飲同埋個姐姐服務都算幾好。😅食完先記得無影到相，唯有影下個湯同個麵包籃！

天后街坊第一次幫襯這間餐廳，食到一吐氣，不吐不快，希望其他街坊不會中伏。二人午餐點了$80一個西貢特色湯河粉包熱綠茶蜜，一個$78扎肉法包套餐連鷄翼小食及熱㗎啡。河粉上枱時是溫熱的，湯頭完全不像是越南牛骨湯底，衹是一碗普通快餐店超咸湯底，又沒有提供越菜應有的新鮮芽菜青檸及香葉配菜。扎肉法包也很普通，同 $30潛艇三文治沒有分別，完全沒有越南風味。鷄翼小食較為可取，新鮮製作味道適中。最可恥的是熱㗎啡，竟然是沖粉即飲㗎啡，從未見過一間餐廳可以這樣不負責任。實在太伏，所以完全沒心情拍食物照。

今日嚟到大坑做嘢，中午見到一間越南餐廳，立即走入去試試，叫咗一碗雞絲魚片叻沙，上OpenRice望一望見到好多人都話中伏，本來諗住冇乜希望，但係本來沙梨頭又有啲驚喜，雖然計時嘅份量係少啲，不過個湯底算係幾香濃。幾香椰奶嘅味道，辣到適中。同埋花生叻沙嘅味道配合得都幾平衡。驚喜就唔算好大但係就叫做係好食。同埋餐廳就算lunch hour，人都唔係算好多，坐得舒舒服服，見到有其他街坊帶住狗嚟好chill 咁食個lunch,望落都好舒服。如果嚟到大坑想簡簡單單食碗越南河，都應該係一個好嘅選擇

人生第一次寫食評…平時食開唔少越南野，但係呢間應該係全港最難食。D野食又唔熱，咖哩得個咸字，薯仔同牛腩得幾舊，連d飯都爛…今次比唔到好嘅相大家，我同個fd食到一半先嬲到想打食評…再講下我個fd個菜式。佢叫左個香矛牛肉飯，嚟到根本係和風牛肉😑仲要d肉又薄又靭又咸，而且份量又細，牛肉得幾舊。呢間除左可以用QR code落單之外真係揾唔到任何優點…原諒小弟真係唔識寫食評，但係想試伏嘅可以隨時嚟挑戰下自己嘅底線😌

好少係香港食完一間餐廳感覺噤燘陣，服務冇問題，但食物真係唔得，可以話對食物冇咩尊重。 撈檬嘅配菜，得幾條生菜同芽菜，之後個魚露汁用膠樽裝住…….倒個汁時，淨係倒到啲辣椒同埋蒜頭出嚟。本身賣相已經好流4，仲要倒個汁都倒到噤，已經好燥。 其實噤樣個價錢真係唔合理。 真心有一秒諗，枝膠樽汁係咪成枝比我拎走，定食完一枱再加比另一台用…..另外，個人感受，真係好憎食堂食比膠兜膠碗裝住，加上味道唔係好，就好似去咗7仔食微波爐叮飯噤。唉….. 真係好失望 覺得噤製作食物係浪費咗啲食材….

本來去大坑係為咗食名物滑蛋飯/豬扒麵，可惜又係新年假期，初十先開爐呀😿行過見到呢間越南餐廳🇻🇳幾多人食咁就跟機，原來係個伏呀😫。尤其是飯都係強差人意。🌟豬扒飯👦🏻又中伏啦😵‍💫😵‍💫食飯最低要求係飯粒粒分明，點知啲飯落水過多極腍身，一PatPat，難食到🤮🤮呢碟頹飯賣$66再加一真係完全不能接受🥴🌟 Special Pork Saigon Baguette呢個發包絕對係Meat Lover最愛，有扎肉、香燒豬腩肉、豬扒。法包外脆，內裏塗上牛油🧈。香燒豬腩肉同豬扒公平而論係醃得入味同唔太肥膩。醃蘿蔔以甜味為主導，酸味唔太明顯，加上青爽青瓜，表現可接受。

我好鍾意食喇沙湯粉，試過好多都唔算正宗，可能係正宗太繁複無咩神鋪會整，但今日試呢間一睇就知正野，雖然唔肯定人哋係咪正宗，但睇到有啲蝦油浮喺湯面已經同正宗有得比👍炸雞翼香脆夠入咪，略嫌油多咗啲😅炸蝦餅大件又彈牙，咬落唔油膩牛腩飯就不過不失，牛腩夠軟、仔仔超鍾意食牛腩越南滴滴咖啡香濃好味，鍾意飲咖啡值得一試青檸薏米水清清地幾好飲雖然環境唔算好靚，但可以坐喺門口都幾好帶住狗仔都可以光明正大坐埋一齊食😅

💛西貢越南湯河·我哋本身係想去炳記度食個奶油多做tea架 但係原來佢3點幾就收 所以我哋就喺附近見到呢一間 估唔到佢都幾好食 尤其係個法包🤤🤤·special pork saigon baguette $68呢一個超好食 係真係有喺越南食嗰個感覺佢嗰包係脆得黎唔會過硬 界口嗰種 之後佢入邊啲料超級豐富🤩🤩佢入邊係有扎肉 燒腩仔 同埋豬扒 佢個燒腩仔係勁多肉汁 而且好脆 口感好好🤪之後佢塊豬扒都係好好食 完全唔會un加埋佢面頭嗰啲醃蘿蔔 酸酸地咁樣 超夾 成個combo都好正 🤤🤤·saigon supreme curry laksa noodles $85佢個喇沙都好食嘅 不過我就覺得冇佢個法包咁出色 佢個湯底唔錯嘅 都幾惹味 不過啲河粉就真係煮得比較淋 有啲發漲既感覺🙊🙊反而佢啲料真係好多 佢隻蝦好大隻 而且都彈牙既 扎肉 魚片 雞絲呢啲全部都唔錯 我最鍾意就係佢既豆卜 係超係入晒味 一咬就爆汁🤤·#rbyeat#rby東南亞菜#rby💛#rby大坑·📍大坑浣紗街14號地舖

💛西貢越南湯河·我哋本身係想去炳記度食個奶油多做tea架 但係原來佢3點幾就收 所以我哋就喺附近見到呢一間 估唔到佢都幾好食 尤其係個法包🤤🤤·special pork saigon baguette $68呢一個超好食 係真係有喺越南食嗰個感覺佢嗰包係脆得黎唔會過硬 界口嗰種 之後佢入邊啲料超級豐富🤩🤩佢入邊係有扎肉 燒腩仔 同埋豬扒 佢個燒腩仔係勁多肉汁 而且好脆 口感好好🤪之後佢塊豬扒都係好好食 完全唔會un加埋佢面頭嗰啲醃蘿蔔 酸酸地咁樣 超夾 成個combo都好正 🤤🤤·saigon supreme curry laksa noodles $85佢個喇沙都好食嘅 不過我就覺得冇佢個法包咁出色 佢個湯底唔錯嘅 都幾惹味 不過啲河粉就真係煮得比較淋 有啲發漲既感覺🙊🙊反而佢啲料真係好多 佢隻蝦好大隻 而且都彈牙既 扎肉 魚片 雞絲呢啲全部都唔錯 我最鍾意就係佢既豆卜 係超係入晒味 一咬就爆汁🤤·#rbyeat#rby東南亞菜#rby💛#rby大坑·📍大坑浣紗街14號地舖

今次點左個豬扒湯河，加多杯奶茶，價錢用左$55左右啦。老闆娘都算係熱情派個啲，街坊餐廳個種老闆娘啦，雖然服務冇問題，整體環境都係普通裝修，店內物品都有啲雜亂，水吧係一關門就見到既 當時係擺曬啲金不煥係到。奶茶就係越式的。有同老板講少甜少冰，所以係幾好飲架！我點左既係豬扒湯粉，個豬扒啲肉係散收收，一咬落去好似霉左既肉咁，又粉又散收收，完全唔係有正常既口感。唔係我奄尖啦，我相信邊個入去食呢個豬扒都會話好難食，個湯仲要有隻超怪既味，我都形容唔到，所以呢次我就浪費左食物，食完啲河粉就算。所以唔推薦黎試個湯河。

話說今日要去上堂自己一個去搵嘢食，原本見到大坑有間30蚊嘅煎肉餅蛋飯好想試，點知閂咗門。好啦咁行去第二檔嘢試吓牛腩麵，點知又閂咗門。再行去耐住食茶記，點知又係逢星期一休息！經過呢間餐廳，喺外面聞到幾香咁，諗住入去試吓，點知中伏！一坐低女店員俾咗杯水嚟，疑似幾好服務咁。叫咗個豬至尊湯檬$75，有豬手、豬腩、貢丸、扎肉、白蘿蔔、芽菜等配料。話說本人原本叫只係個湯檬，店員問我飲乜，我原本想話唔使要，仲問：「乜有嘢飲架咩？」佢馬上話：「係呀！跟餐有嘢飲。」仲指一指套餐餐牌。我以為係送，聽到佢一輪嘴話有「綠茶、奶茶、咖啡」，我自己又衰，無睇清楚餐牌就話綠茶。佢又問凍定熱，咁我又話要凍。食到一半我先發現，佢所謂嘅「套餐」係同單點唔同價，貴3蚊，而所謂嘅「套餐」就係多杯嘢飲。而且仲要凍飲加3蚊，然後我仲見到要加一服務費。老實講，咁嘅貨色咁嘅裝修格局，我一心以為自己去咗間魚蛋粉檔/茶記，無諗過要加一。都算，但係杯綠茶，根本就係超市買嗰啲好甜嘅樽裝綠茶加冰。$6.6唔係貴，超市買都要，但唔鍾意嘅係佢點解講到好似杯嘢係跟餐送咁。好，講返個湯檬，料係足嘅，材料本身個味道都唔錯，青檸俾兩瓣，比起其他舖係多嘅。

其實不是第一次來吃的了這次再度來吃lunch~這間店很適合健身減肥的人來吃😂午餐+$23可以多點水煮青菜，調味簡單只有幾片炸蒜在上面。同行者點了蕃茄蟹肉湯檬，超多蟹肉肉碎，有三隻蝦也ok彈牙。像豆朴、芽菜、蕃茄等配菜也挺多的。湯底比較清新不像其他越南餐廳那種下了濃烈的茄膏和紅油(？)味。份量也很多不錯不錯~我點了雞絲湯檬。湯底有很大的牛肉味，雞絲口感像雞胸肉沒帶肥肉。然後是份．量．超．多的！相較起來檬粉不算多但吃的飽的剛剛好