西龍傳香飯糰 (已結業)

飯糰即叫即做，夠熱，飯也可加大，因為飯被壓實，所以即使眼見size細細，但其實份量已經足夠。飯和料也有很多選擇，可以作多個combination。唯獨紫米豆漿較淡。

抵!好味!!有營養又唔肥如果開向旺角實發~快d開分店啦$12-$15一個飯団就可以食得好飽(正常女仔黎講)牛蒡絲為必食配料

　前幾日經過，見到幾得意喎！又健康，咁就買左個同埋飲左杯黑豆漿！　個飯糰真係幾好咬感，而且６樣都只係＄１２～１５．好抵食，因為夠特別丫Ｍa！不過都要等得算幾耐，見到佢都有貼住請人，即係情況想改善，唔錯！不過員工笑容多ｄ會仲好，有活力ｍａ！　另外黑豆漿我第一次飲．．我個人覺得幾好，都幾大杯！

HK應該係第一間,所以先特別.$15,可以揀6個"送".有大約30種去揀,揀6種唔難.味道唔錯,熱辣辣,都新鮮(即叫即做). 當早餐,lunch and tea 都夠飽.反而布丁麻麻,唔多香同滑.失色不少.

呢間食店我係睇見報紙介紹過,咁0岩我又經過,於是咪試吓囉.我點左個冰湖XX飯底,6種餸,真係好好味...而且佢又有好多好特別既餸,加上價錢OK(一舊飯糰$12-$15)而且又唔係度度有,所以值得一試!!

響去Donerhouse既路途中, 見到呢間野門口有個妹妹仔派緊一張彩色既傳單, 似乎係新開既, 見傳單入面d飯糰好似好特別, 就搵多一日特登試下呢間野。呢間野所賣既飯糰並非一般街上既粢飯, 淨係飯料都有成幾隻: 有紫米飯、五殼飯、糙米飯、紅米飯、冰湖野米飯、小麥胚芽飯等, 另外有成三十幾種餡料, 可選其中六種配料, 亦都可以選佢當日既set meal, 係幫你配好哂材料既飯糰再加多一杯飲品, 飲品包括有豆漿、黑豆漿同埋出面好少有得賣既紫米豆漿。我就叫左個冰湖米飯set加杯紫米豆漿, 個冰湖米飯飯糰咬感好特別好香, 餡料是由三杯雞肉、肉燥、菜脯等製成, 好好食, 最感到新鮮既係佢杯紫米豆漿, 真係有好香紫米味, 聽個老細講, d豆漿係?地自己親手磨。廿蚊一個set, 可以食到d唔係出面可以隨便食到既野, 都算係幾抵食, 不過如果個飯糰再大舊少少就更perfect喇。