見見面 (打鼓嶺道)

营业中

休息中

今日男朋友約咗我去食飯，於是就去咗呢一間見見面餐廳食嘢！一去到嘅時候就已經比呢度嘅氣氛吸引住，我哋叫咗一個麻辣肥腸雞煲，呢一度嘅豬腸同埋雞肉真係好好食！豬腸已經清理乾淨，而且口感真係好爽！再加埋呢度嘅麻辣雞煲，麻辣醬汁啱啱好，味道層次好豐富！雞肉亦都係分量十足，而且雞肉好滑

悶悶地想食啲四川菜，呢間之前食過佢間主店，今日試吓佢個三點先😚店內傳菜時間ok!!!點餐大約十五分鐘，一盤滾燙的酸菜魚就可以上檯。酸菜魚用料考究，選用肉質細嫩的生魚作為主料，廚師手工切魚肉，從而確保魚片口感。而整盤酸菜魚內有好多材料，有層次地襯托出酸菜的酸爽、魚肉的鮮滑，整體不會太油膩，好食既😚😚蔥油雞可以跟據自己既喜好黎決定點整隻雞，包括辣度，油同咸度既多少等等。我自己就想食得健康啲所以嗌左唔辣，同少油咸。味道上一啲都唔輸蝕，我覺得岩岩好，唔會因為少左調味而變得淡茂茂，雞肉夠哂嫰滑，我都幾推薦呀😚😚😚香炸魚片頭夠哂香口，一上枱果陣香酥味已經係度吸引人去食佢😛炸到外脆內軟，魚肉既味道都幾出，食主菜之前呢個小菜真係好正呀👍🏼蕃茄蛋花湯，清清地，相當好飲😍😍

朋友介紹黎呢間呀佢話味道好不錯.....座位幾寛敝坐得比較舒服呀點左~酸菜桂花魚(加左寛粉同豆芽)魚肉好滑鍾意佢無細骨例牌份量都好大寛粉同豆芽都食極都有湯底好惹味呀直情想飲佢D湯~麻辣蜆(涼菜)好特別呀第一次食蜆係涼菜呀蜆已經開邊蜆肉脹卜卜比蔥同蒜辣椒舖住幾入味呀~大盤花菜呢個似係椰菜花咁炒得好香又炒得夠淋呀辣辣地幾惹味呀

今日去咗遊車河，遊到九龍城，繼續搵食，搵咗呢間《見見面》川菜餐館。餐館環境很好，乾淨衛生，坐枱闊落，坐位舒適。🦐椒鹽蝦$158廚師選用優質大蝦，再用大量的炸蒜、紅蔥、青蔥、加上椒鹽，將蝦炸炒到蝦殼鬆脆（可以食埋）入口香氣四溢，蝦肉鲜甜彈牙，微辣甘香，鹹度啱啱好。🐟酸菜魚$188（少油）酸菜魚好大盆，裏面加埋大量的酸菜，適量嘅蘿蔔、冬菇、檸檬。（因朋友唔食得辣，所以走辣）雖然走辣也不遜色，一樣好惹味，魚煮得火候啱啱好，不會過火，魚肉新鮮滑身，吸咗酸菜檸檬嘅酸甜味，朋友食到好滋味亦無停口，飲湯嗰陣就覺得鹹咗少少，可能酸菜太多，如果有碗飯配埋就啱啱好！🥦 時菜炒牛肉（芥菜頭）$88芥菜頭炒得好清脆爽口，牛肉軟嫩滑口，好好味。

我之前介紹咗朋友去北角一間食酸菜魚我自己覺得非常之好食，但朋友話佢覺得另外一間俾我介紹的更加好味，搞到我心思思，今日趁有時間即刻去食。去到見到門口有兩個大大燈籠掛住，好有中國氣息，入到天花同樣掛住一些燈籠，裝修都古香古色。一坐低台面擺了兩套食具，寫住家的味道，好溫暖。好期待食這間的酸菜魚，scan咗個QR code，即刻點大盤酸菜魚，魚我點了原條生魚，因這是大盤份量所以食完唔夠再點其他食物。期待已久，主角終於出場，我哋叫咗小辣，所以辣椒並不多，急不及待先飲一口湯，入口甜酸適中，香濃帶小辣，湯頭味道唔錯。魚肉也夠大片，但可能醃製得太耐食落沒有什麼魚味，用筷子夾起就碎，而且湯內沒什麼配料，只有一些酸菜幾片蘿蔔，仲有大量的姜，同我想像中好味道的酸菜魚，仲有一大段的距離，所以食完大盤酸菜魚後都冇心機再叫其他食物然後就埋單走人，另外值得一提的是飲完碗魚湯，一路都好口喝，應該也是加了不少味精吧。

九龍城人氣川菜館介紹，放假來九龍城Shopping順便來一探究竟，餐廳寬敞明亮，座位寬敞，非常適合朋友家人來個小聚餐，Menu 以港人認識的川菜選擇多，難怪店主標榜著"家的味道"正因為老闆是四川人將四川原味帶到九龍城。獨獨樂叫了例牌的酸菜魚，份量完美配合肥仔我嘅食量，入門級酸菜魚最經濟的一款是生魚，貴價d可以揀桂花或龍躉，食落肉質彈牙滑，當中大多是魚片，亦有數件骨腩，酸菜湯足料，由於是生魚做主材料，所以有加檸檬在湯中癖腥，如果多人食建議選水煮魚窩底，材料有更多更豐富。繼之前食過酸菜魚必叫的配搭，桂花冰粉作為甜品可以令口腔酸辣味中和返，形狀如透明涼粉。撈上黑糖漿清香解渴。

天氣開始轉涼，心郁郁想食返餐辣野朋友搵到呢間川菜店話評價唔錯，一行4人決定試試～ 4個人點左6-7個菜平均每人都係$200左右，都算抵食！重點推介係水煮桂花魚，每道菜都可以揀辣度同少油，我哋只係叫咗少辣。桂花魚夠嫩滑，冇食到魚骨，仲額外加咗寬粉、萵苣同蓮藕片，份量超級大！寬粉食極都仲有，索晒汁，又煙煙韌韌，必加無骨辣子雞都唔錯，細細粒但夠香脆入味，我哋叫咗少辣，好香口，啱送酒。家常菜酸辣土豆絲，酸度適中，而且炒得爽口。仲叫咗涼拌木耳，手撕生菜，炒番薯苗不過冇影相，水準都正常。唯一有啲失望係呢個開心涼粉（大概係呢個名），以為係煙韌口感，但原來唔係，比較腍身。

自從屯馬線開通後，屯門來九龍城方便左好多。九龍城呢間見見面，店舖裝修富有中國特色，座位寬闊舒適。今日天氣突然凍左好多，於是同朋友決定晏畫入來食熱辣辣野暖下胃。QR code自助落單，有麻辣度、蔥蒜份量選擇，我地決定挑戰自我，酸菜魚同毛血旺都揀左中辣多麻，多蔥蒜。毛血旺 $118:毛血旺好大碟，紅紅一碟佈滿辣椒同麻椒，第一啖未習慣就感覺辣得好刺激，辣到忍唔住每人叫左一碗白飯，之後慢慢就習慣到。入面鴨血、豬腸、牛柏葉、黃喉、午餐肉、木耳、芽菜、魷魚、薯粉等，材料豐富，配料食極都有咁，相當抵食。酸菜魚 例牌 $188:生魚片厚身大塊，骨唔多，本身蘿蔔、酸菜不少，欣賞湯底同魚片好夠熱，所以食落感覺好夠辣，湯頭酸辣香氣足，麻籽好多，帶點香菇鮮香味。朋友誤以為薑片係筍，咬完不斷強調薑好辣，果種辣頗持久，話比泡椒同麻淑粒仲辣。最後辣到忍唔住飲枝竹庶茅根同加多寶，最後叫埋解之最辣桂花冰粉$30:冰粉可以根據自己喜好加適量糖份，桂花清香，冰粉透明滑身，解辣一流～

一直都覺得九龍城係一個食泰國菜既。而我又係酸菜魚怪，超愛食。朋友介紹九龍城有尼間川菜館。咁就嚟試試。一試便知龍與鳳。暫時係我試咁多間最好味既一間。一定會再嚟。下次試下烤魚。

見見面📍九龍城🍲重慶牛油麻辣鍋 $138麻辣鍋入面有好多香料，食起嚟夠麻夠辣🌶全部食材都變到好惹味😋🥩美國特級牛肉 $138牛肉份量兩個人食啱啱好，肥瘦好適中，仲有好多雪花❄️不過厚薄有少少不一🤫🦆鴨血 $48鴨血有口感，吸晒啲湯汁味道啱啱好😛🥗蓮藕片$38份量比得好多，同重慶辣湯底好夾🤩煮得越來就越入味😆🍜烏冬 $20烏冬似超市室溫嘅包裝烏冬，但係對比起日本烏冬，呢款烏冬同重慶湯底更加夾🤓食落幾彈牙，出奇地好食🥳🧆黑毛肚 $78朋友堅持要食，個樣有啲似黑柏葉，食落幾爽口🤣

已兩年沒光顧這九龍城小店，今晚發現它原來在隔鄰開了新店，擴充營業，新店 裝飾精緻、光猛，菜單簡潔，當然是這邊。先來個大陣象“酸辣烤海鱸魚”，魚應以醃鹹鮮方法處理過然後再炸，再放湯料，有麵皮、大豆芽、檸檬、海帶、洋蔥、酸菜、芹菜、萵笋、大蒜、花椒、木耳、酸蘿蔔片、蒟蒻 ... 數到氣咳！魚肉結實， 雖然已炸到沒什鮮味，但配一個以酸辣為主的湯汁，已不錯。加了個“大盤花菜”，但那魚夠辣了，這菜花要走辣！菜花走過油，有腩肉，有孜然粉，雖沒有辣，但已很惹味，有驚喜！可以翻兜！

小時候的鄰居，經常一起玩，長大了都會聯絡。他們是四川人，最懷念到他們家癡飯食一堆小菜。 今天她帶我來吃午飯，是她最愛的川菜館。九龍城有西鐵後真的非常方便，出口B3 ，5 分鐘步行就到，容易搵。朋友請客由她點菜，一大盤酸菜魚$188，魚是剛剛新鮮劏，魚肉非常滑嫩鮮甜，湯底解鮮甜酸辣，暫時是我在香港別吃過最好吃的。大盤花菜$78 我們兩個都伴了一大碗白飯，好好送飯。腩肉必得好薄。麻辣牛肉，紅油抄手都吃得過癮。桂花冰粉$30最後一人一碗冰粉，很有香桂花香。是一頓完美的午飯，交通方便可以常常到見見面。

中午係九龍城食😋午餐，除咗泰國菜之外呢度仲有呢間口味幾正宗👍嘅四川菜館！裝修幾有🌶四川特色，座位🪑寬敞乾淨企理。烤海鱸魚🐟可以選擇麻辣、酸菜或者泡椒🌶嘅做法，我哋就揀咗🤤泡椒，分量十足，條海鱸魚🐟好大條🤩而且煎得好香👍。海鱸魚🐟肉質鮮嫩彈牙，泡椒🌶香辣惹味，入邊仲有蒟蒻、寬粉等嘅配料，寬粉好入味🤤而且軟淋煙韌好好味😋！口水雞半隻只係$98，分量十足而且🍗雞肉嫩滑到有少少🤏似海南雞咁🤤，味道濃厚入味，香辣麻並重😋！紅油抄手$48大大碗🥣，肉鮮味香，不過個皮就有少少🤏過厚，但就好飽肚。紅糖糍粑$38🤤解辣一流，🔥炸得外酥脆內軟糯，黑蜜夠杰身香甜😋！總結來講呢度風味正宗得來又可以揀🌶辣度、麻度，幾多蔥、蒜🧄同芫荽，客製化度高👍好貼心，好味😋又抵食！

屯馬線🚅通車後，去九龍城食飯真係方便好多，想食酸菜魚好耐🤤，就試下呢間"見見面"🤣…點了酸菜烤海鱸魚，跟住好多配料揀呀…首先要揀 麻辣、酸菜、泡椒，再到大小中辣，跟住多蔥少蔥、少油、少咸……好多好多選擇，有選擇困難症嘅人，最好要同多d朋友一齊去食，多D人好商量丫嘛🤣，條鱸魚烤完再做酸菜真係好好味，啖啖肉、唔多骨，唔單止條魚吸收晒D湯汁，連D配料都非常入味🤤，另外，蔥爆牛肉🐮好惹味👍，四季豆好香口，個碟底沒有多餘油份。下次我要試埋佢個桂花魚先……

📍見見面.好耐無食酸菜魚 黎到見見面🏠店舖裝潢帶有中國風味🪵.酸菜魚選擇左生魚🐟餐廳仲好窩心可以選擇少油少咸同加寬粉💁🏽‍♀️魚肉都夠鮮同爽口 份量都幾多👍🏻寛粉都彈牙 有口感👍🏻.乾鍋田雞🐥同樣都係有得選擇辣度🌶 同揀少油少咸 健康D田雞都幾惹味又彈牙👐🏻炸饅頭🫓加埋煉奶 一流配搭炸糍粑💛炸皮入面有煙韌既口感桂花糖水🥄用黎解辣或潤口一流 加左糖水有桂花糖水既感覺😋想試酸菜魚 可以試試"見見面"