譚仔三哥米線

营业中

休息中

在黃大仙附近處理完公務，便決定在譚仔三哥用餐，當時上午十一時多，人客不多，加上用餐環境闊落，隨便找位置坐下，也不用人貼人。因為肚子餓，除了點了米線，還點了一個小食。叫了一個一人小食，連米線叫才可享有$12優惠，這是我一向吃開的小吃，輕微辣度，可見小青椒片，或可以說是完全不辣😂😂，有時見汁多會撈米線食，會有意想不到的美味👍🏻。今次雲耳都無失手。最重要的米線上桌了！今次點了竹笙雞肉番茄湯米線，嘩，竹笙真的很多啊，有時會給很少🤣，今次好像吃也吃不完，但有少少沙石。雞肉都給得大方，頗嫩，難得☺️。但湯和米線則一般，一向喜歡譚仔三哥的番茄湯就是因為它的濃郁，但是今次味道不但偏淡，還有一種說不出的奇怪味；米線則煮得偏軟，「靈魂」失手！我想真的各店廚師手勢不一🤔。

好耐冇食過譚仔，有小小懷念佢地嘅味道，所以過左黎食😊一人嗌咗一碗米線蕃茄湯底過橋米線$55超級無敵抵食，好大碗，其實就可以兩個人一齊食都得，如果係細食嘅女仔，應該三個食都完全夠配料都好多，有豆卜、墨魚丸、牛肉、豬肉、豬潤等等......另外一碗豆係蕃茄湯底，我嗌咗冬菇同埋豆卜😍幾乎次次都係嗌冬菇、豆卜、金菇不過番茄湯我個人覺得鹹咗小小小小 如果淡翻一丁點就perfect☺️💕👍🏻不過已經好心足 價錢味道都唔錯 CP值係好高嘅 

樂富真係冇乜嘢好食，今日射咗連uny嘅food court都冇得食喇，購買購買啲黑心店舖，同埋嗰啲貴到飛起嘅嘢，得返嘅選擇好少。所以最後都係回歸譚仔啦。入到譚仔當然唔使睇menu都背得出，兩個人梗係最抵食大碗麵，走咗豬潤，十小辣過橋米線。在家大土做餸。成餐飯都係悶悶嘅幸福感。不過雖然話好開心，簡單間譚仔都有少少唔同，食物環境，同埋師傅茶水阿姐今日嘅心情，都好影響個人嘅食物㗎。呢間譚仔就hea hea地啦，杯凍奶茶少甜心識到好似咖啡咁，今晚一定唔使瞓。

身為一個香港人，米線必定是每個月至少會食一次的食物，特別是去了外國的時候會更加懷念。譚仔三哥貴為連鎖米線店的龍頭，應該沒有香港人是不認識的，而小弟也是常客之一。煙燻溏心蛋一坐下，基本上餐牌𥚃面的菜名都已經背熟了，見到煙燻溏心蛋有點好奇，只賣10元而已，心𥚃想就算是不好食也沒有所謂了。在沒有什麼期望下食了，只感到驚喜萬分，淡淡的煙燻味為香滑既的溏心蛋加添了幾分鮮味，變得較有層次。土匪雞翼新鮮即烤，烤得又香又脆，味道非常特別，有香茅同芝麻味，香氣撲鼻。雞肉嫩滑多汁，不帶油膩感。牛肉墨丸牛丸麻辣米線主菜就當然要叫麻辣湯底的米線，麻辣10小辣，選了牛丸墨丸牛肉等三個餸，牛丸新鮮手打夠彈牙煙韌，墨魚鮮甜美味，有濃郁的墨魚味，牛肉煮得軟稔入味，口感豐富特別。米線線條較為粗身，份量多，質感爽滑煙韌，入口香甜，吸收湯底精華。而作為招牌的麻辣湯底夠惹味，10小辣的辣度輕微，可以將湯底的鮮味昇華，令人增加食慾。食了這麼多東西，還點了一杯清爽解渴的凍檸檬茶，結賬都是每人七十多元，性價比極高又美味不肥膩，所以試過連續幾晚食也不覺得厭。

在中途才想拍照記錄一下享受自己獨自一人午餐的浪漫......這次點了雞肉腩肉麻辣小辣走芽菜少米線！價值$39！因為有大概一小時用膳的時間，所以用了較長時間吃這碗米線要是平時的我，早就用十五分鐘了斷它無論是米線、雞肉和腩肉份量都正常值得推介！最愛三哥湯頭之推介三酸 胡辣 和麻辣。這裡又開始可以成為我的飯堂了！吃不厭倦的譚仔三哥，今天坐得比較耐，也算是午膳用餐時間，都有足夠的空間和位置，員工態度也很友善！

我好鍾意食譚仔三哥呢間一星期會黎一次食物質素穩定，唔會突然變濃變淡上菜速度都幾快而家新形既譚仔店面裝修靚左好多，亦唔會set到d枱凳迫一迫幾有空間感譚仔姐姐既服務近年都好左好多有進步要支持下希望譚仔三哥可以keep住

今日天陰陰，最啱去食下啲醒胃野，落樓下買咗個譚仔外賣，叫咗個過橋米線，果然夠足料，豬潤墨丸腩肉樣樣齊，份量方面足夠兩個人食。不過今晚得我自己一個人食，根本食唔晒，唯有留返聽朝再煮麵加送食。因為第一次叫外賣，唔知道佢係分開兩個碗上，雖然唔係咁環保，但麵既質感就得以保存。食物質素方面，豬膶都幾滑，墨魚丸就夠新鮮，最衰每樣丸都只係得一粒，感覺有啲唔夠喉。總括而言，過橋米線嘅性價比都算唔錯， 50幾蚊分兩餐食，都算幾底下，下次可以再幫襯。

如果要選擇，我必定會選擇譚仔三哥，而樂富這間就是我最經常來吃的一間，因為很近返工地點，也很闊落，基本上每次晚餐時間過來都不用等位。相信食開的朋友都有自己的固定喜好，可以一坐低就落單。而我與男朋友最常點的就是不同口味的過橋米線套餐，再另外根據當天的口味配一個小食，食到很飽很滿足。過橋米線（麻辣五小辣）過橋米線很大一碗，對於不想吃到太漲而難受的朋友來說，足夠兩人分量。配料很豐富，令這個湯底會比平時散加配料的更為濃郁，所以成為我們每次必點的主食。尖椒皮蛋皮蛋配上辣汁很入味，再配上尖椒蒜蓉一啖放入口中，十分滿足。總結地方乾淨闊落，服務態度良好，推薦大家可以來這間譚仔三哥試下。

今日喺附近運動場做完運動就同朋友嚟到譚仔三哥依到食米線咁於都唔係太肚餓我今次淨係叫咗一個餸，同埋清湯湯底炸醬好香，但亦都唔辣米線嘅軟硬程度啱啱好，湯底唔係用粉溝，但就鹹咗啲

最近黎到呢頭返工，見到有譚仔即刻要lunch過去食。大愛米線ge我唔會銷過相信之後都會過嚟食，因為嗰邊都冇乜選擇，米線陣就經常多人排隊，係一點前過嚟唔使等位就有位啦地方又大又企理，上菜速度一流，岩哂返工ge我💗🔸清湯冬菇 少米 $34 評分 8/10冬菇數量足料，有六粒大冬菇腐竹芽菜都非常足料就算小麵都足夠我吃，相比起其他分店少麵有時會少得驚人。**少米嘅話可以減一元** 胃口老嘅朋友可以叫小麵吖值得一提呢度嘅米線比其他分店相對硬身，如果食開超林嘅朋友要落order嘅時候同姐姐說明喔一定會經常去幫襯

去開樂富返工,午飯時間到到都多人,  呢一間係新開嘅譚仔三哥, 可以一試。呢間嘢啲侍應,  唔知係唔係因為人唔多嘅關係, 態度十分好。 我叫咗一碗 豬潤 貢丸十小麻辣米線,凍檸茶。 貢丸係彈牙嘅, 但係又唔係真係咁有咬口。 豬潤就分量比較少,  但係米線一定係份量充足,  辣度亦都相當之理想的。唯一可惜就係杯凍檸茶好甜, 甜到我要問阿姐加水, 奉勸其他人黎又叫凍檸檬茶的話就要叫小小甜。 我見隔離枱食緊土匪雞翼, 望落去好似比其他鋪頭細隻。 同事食既牛肉米線, 佢話啲牛肉有啲生生地。,

今晚突然好想食米線，所以約左daddy去三哥。呢一間三哥係樂富開咗冇幾耐，店舖面積大，乾淨，枱與枱之間唔會太逼夾。呢一間三哥價錢較某啲地區貴。嗌幾個餸已經差唔多一個過橋米線嘅價錢。但係因為我哋食唔同嘅辣度，所以我地兩個人食通常都會嗌一碗過橋米線同埋一碗普通米線，然後啲餸share食，咁樣就比較經濟。同其他分店嘅過橋米線味道一樣最近嘅新寵！番茄湯茄味好濃郁，酸酸地又甜甜地，又有得揀辣度，perfect！仲要好多腐皮！不過食過幾次都係嗌小辣，有時會比較辣，有時就冇乜辣，有啲飄忽凍菜蜜雖然嗌咗小冰，不過都仲係有好多冰，但係味道都係足夠嘅。

試完可以再試，何解甘喜歡吃米線，當然要夠味夠特色，樂富地鉄站出口對面有間叫譚仔三哥米線，真係值得試完再試，上次吃過唔夠喉，今次再叫碗大大碗招牌過橋米線，好足料，上次叫小辣，今次叫5號辣，眼水都流埋，但又想吃，無計好好味，米線幼滑，餸料又多款，重有碟小吃，抵

路過樂富新開一間米線叫譚仔三哥米線，門口排左一陣，安排近門口舒服卡位，餐牌好多精美圖片介紹和款色，我當然要試佢招牌麻辣過橋米線，54蚊價錢合理，大大碗，好多料，約十多款，吃落味道十分美味，比附近吃過嘅米線更入味，店服務員耐心介紹食物又好服務，晚餐幾十蚊值回

第一次寫食評，我喜欢的谭仔竟然糸負评，可能这间不太旺，那个腐皮竟然不新鮮，有点变味，不知道是否谭仔三哥卖了，食物缩水还是我不好彩，2粒腐皮超细，叫生菜比得3小塊环竟服務能保持，但现在付款还沒支付宝及微信，什么年代信用咭付款也说壞的，以為在家楼下开了，很开心，点知缩料到这个地步，应该不会常去乐富谭仔