譚仔三哥米線 (富盛大廈)

营业中

休息中

每個星期必定要食返一次先安樂既! 西菁街呢間譚仔三哥無時無刻都係咁多人, 我2100 去到都全場滿座每次主打一定係過橋米線 (三酸湯底少辣), 兩個人share 岩岩好 湯底夠濃, 份量夠多 小食之中最愛就係蒜泥白肉, 應該係用刨肉機黎切, 所以塊塊都薄到透明 如果可以厚返dd 就100分啦!兩個人埋單都係$87, 可以食到捧住個肚走, 簡直係快餐中既LV ar 

次次去譚仔都係因為諗唔到食咩？唔係囉。。。係習慣一得閒就會想食 雖然次次叫一樣無所謂啦今日見到有d呀姐新新地都幾有禮貌唔錯唔錯我一坐底就等我叫凍檸茶我覺得譚仔做得幾好紅茶味夠 檸檬都大方今次好好丫，叫少冰真係有少到👍🏻👍🏻👍🏻好快有得食豬潤酸菜墨丸如果食得小嘅女仔記得少米線可以減一蚊又可以為地球出一分力☺️☺️今日個湯都好夠麻 我仲係小學雞食10小辣無進步過😂😂😂墨丸次次食都好似有d唔同咁今日嘅淋d 不過味道都係咁好 三粒小氣左d豬潤無尿味仲剛剛好唔會太熟or太生酸菜令到個湯提升不少😋😋😋土匪雞翼我機本上次次都點今日同平時一樣做得好味雞翼入面好滑 外皮做得夠脆 正！兩隻大一隻細dd ok la😁😁😁一個人譚仔 正！

這家譚仔分店經常人頭擁擁，難道元朗的譚仔特別好吃？腩肉炸醬米線，這兒的米線不錯，有點彈性，最近在九龍塘又一城吃過的非常軟林，這兒的還有點嚼勁。腩肉份量亦不少，夾極都有，有些較肥，但不致於全件都是膏，不錯。炸醬微辣而大大碗，佐米線來吃一流，一小碗夠送成碗米線了。凍檸茶少冰，略帶茶味而未致太甜，$7還是不錯。結果發現這家譚仔味道的確不錯，但是大熱天時要等位吃譚仔就簡直是天方夜譚

一個人食譚仔都幾好丫人多等位又易d 人小一個人坐四人枱又舒服dhahaha因為2點幾過左lunch時段有好多位自己行入去搵個靚位坐不過今日d呀姐好慢我舉左好耐手先發現到我。。。🙁叫左碗豬潤墨丸酸菜10小辣走芽少米線係我嘅常餐😋😋😋少米線係因為我次次都食唔哂加上我又想食雞翼😂😂😂少米可以減一蚊tim 天氣熱無可能飲熱野。。叫左杯凍檸茶少冰少甜到左發現甜有少到，個冰就都好多😅😅😅😅正呀！不過今日食頭幾啖好麻呀麻到條👅好痕。。。要飲多幾啖檸檬茶先ok豬潤我覺得三哥處理得剛剛好唔會硬 所以我次次都會點食到中段土匪雞翼到👍🏻👍🏻👍🏻好香好滑，食完剛剛好

好耐無食譚仔啦，近期見譚仔捐錢俾我鄉下地震就順便支持一下譚仔。腩肉牛肉麻辣米線，味道依然，料同以前一樣咁多，而且店員仲好細心幫我分湯添。而且最近麻辣青瓜只係$10份，可以一試整體評分 7/10(繼續支持)

一個人的晚餐, 我好多時都會嚟呢度食, 雖然附近新開咗另一間譚x, 不過試過之後, 都係鍾意三哥的味道多啲~是日又嚟dinner, 點咗至愛的魚腐腩肉麻辣木薯粉(三哥先有木薯粉呢~)魚腐入味有咬口, 木薯粉煙靱爽口, 十小辣的麻辣湯底, 我怕辣的, 但都會堅持點呢個湯, 因為麻得嚟辣味唔太搶, 得呢間的辣度我先頂到.

一個人的午餐~好耐無食譚仔啦，突然心血來潮想食喎~ 牛丸豬潤炸醬糊辣少米 炸醬帶少少酸，糊辣湯底少辣食起黎好香，而且最鍾意佢本身有配芽菜同韮菜，食起來有咬口，爽脆爽脆又健康~好滿足!點左少米平一蚊之餘仲做埋善事添~唔錯唔錯~

食米線一想食就要食譚仔啦！講米線夠彈牙，講辣夠辣等等。 所以我同班fd係元朗唱完k就去左附近既譚仔三哥米線！我地分別叫左唔同米線，而我就叫左牛肉十小辣米線。譚仔十分好，有人想試下辣就一定試十小辣，但係食落去條脷都麻麻地，幾果癮！！牛肉就不過不失啦重點黎啦，蒜蓉泥腩肉。腩肉切得很薄很薄，蒜蓉泥勁香味雖唔係個個接受到，但對我黎講就簡直係極品黎！！香味十足既腩肉配上米線，天衣無縫！

去到咁遠，都唔識路，見到有譚仔，仲唔即刻沖入去食返餐XD唔洗講，指定動作，相機食先，雞絲呢D就梗係要叫啦~食左咁多年，都係keep到水準! 又飽又抵，識食一定食譚仔!

我朋友做完運動後便去了元朗千色店後的譚仔三哥米線食我最喜愛的米線。一坐低就有位！我地一行三人點三碗大米線。我在湯底方面選了麻辣三小辣，因為自己本身不太食得辣。在餸方面，我點了腩肉和墨丸。另外叫了一杯凍奶茶。大大碗的米線來到了，金黃色的湯面上包含了一些辣油看起來非常吸引。首先說說米線吧！米線很有口感，令人不能停止咀嚼。半肥瘦的腩肉比例好好，份量不少，亦很香。而墨丸則很有鮮味。我對這一餐很滿意，唯一缺點是椅子不太舒服和較矮。下次再來！

今日與友人約好共進晚餐, 因為中午冇食午餐, 所以打算平平地食餐好飽既。簡黎簡去之下決定左食唔會令人失望既譚仔三哥!!三哥唔單止令人大滿足, 仲次次都咁好食。今次就簡左大大碗既過橋米線, 唔想咁熱氣所以簡左清湯底。佢個米線好足料!!有魚蛋，豬肉，雞肉，腩肉，牛丸，火腿!!!好飽~~~加多一個土匪雞翼, 三哥既土匪雞翼真係好好味,佢d香草好好食!!d皮又好脆!!!食完真係覺得聽日都唔駛食飯。夜夜地去譚仔食仲可以坐到閂門, 係一個好好消遣既地方!

平時黎三哥呢道食譚仔通常都係食麻辣特辣湯底，但由於呢排係附近返工，差唔多日日都黎食...所以都想試下第二隻湯底，本身食開辣既我，如果要清湯我一定會唔岩食，因為會覺得無味，淡...不過我都幾鐘意酸，所以今次就試下佢個酸辣湯底...一碗米線既靈魂一定係個湯底，所以碗野一黎到當然要試下個湯先，第一啖飲落去，真係一個字，酸!雖然唔係好覺有辣，但係呢個酸真係好味，好似吸引住我係咁飲個湯咁，真係飲唔停...或者有人會話，鐘意辣又鐘意酸點解唔食三哥酸辣?三哥酸辣?當然有試過...不過...如果要將三哥酸辣同普通既酸辣做比較，我可以話，根本無得比，點解?因為三哥酸辣既酸同普通酸辣既酸個味食落根本唔同...普通酸辣既酸你會覺得佢好似真係用酸菜煲左好耐好耐，d味出晒黎既感覺，正如老火湯一樣...試完呢個酸辣之後我係道諗，如果將酸辣加麻辣特辣唔知個感覺又係係點呢...??

好耐無係元朗食譚仔，今晚突然想食佢嘅皮蛋，就黎左。人唔算好多，雖然都係要撘枱，但未至於話迫到手頂手。枱上餐牌轉左，多左新湯底，三哥酸辣？唔知同平時有咩唔同呢。想食嘅皮蛋，好快就上左，好酸但唔辣，皮蛋心好綿好正。竹笙炸醬胡辣第一次黎錯左墨丸，好彩佢都肯換，雖然面有難色。竹笙吸左湯汁好正，但份量少左。炸醬比譚仔甜，都好味。木耳清湯木耳份量同樣少左，上次黎食多到擺滿成個碗，而加起碼少左一半，依然爽脆。清湯真係好淡，要加皮蛋嘅辣油一齊食。凍檸茶，一杯正常，一杯走甜。又係例牌比左少甜……點解次次都錯嘅呢？食到底……加料！！算，基本上都無乜邊間食市無架嘞，眼不見為淨啫。

今日同朋友出去食午餐，我點左個過橋米線套餐，$44（所謂的套餐，竟然唔包餐飲:-/）真係超大碗，超足料:-)個麵有:米線，芽菜，好多的豬肉，雞肉，腩肉片，白魚蛋，牛丸，火腿，豆卜…而且仲附加左一d炸醬同鹹酸菜，炸醬好好味，甜甜的。:-) 但鹹酸菜我可能食唔慣，覺得味道好怪，接受唔到。:-(而我就點左酸辣湯底$+1，個湯底顏色有d似清湯（我仲以為人家比錯），味道是偏酸，但不辣。但唯一美中不足的是，跟餐飲要加$7，覺得價錢唔係好合埋我食晒d配料已經超飽，d米線就食唔晒:-o真係大碗到唔信，好抵食

幾個月無食過譚仔，咁岩要出元朗交電話費，當然要去滿足下啦~雖然係學生放lunch時間，但都未至於好滿座，所以都唔洗等位...初初以為譚仔無咩點變，點知一坐底，咦...個餐牌變左喎，再唔係以前既三角柱體，而係變左張過左膠既餐牌..@@叫完野食同朋友一路傾計一路周圍望咁等，望望下，見到有個呀姐推住架車仔，上面裝左好多一碗碗既米線咦...車仔?又一新玩意，以前只會見到d大力士呀姐一個人拎住3碗大大碗米線行出黎俾d客，而家竟然變左車仔仲有一樣新玩意，就係紅色大桶啦，而家d呀姐會拖住到紅色大桶出黎汁碗...真係夠晒方便，唔洗行幾十轉先汁晒咁多張桌...等左一陣，熱辣辣米線終於到啦，睇落個樣無咩變...首先梗係要試一試個湯先啦，味道同之前無咩分別，讚！然後我一定會食腐皮先，吸左d湯，食落口，完美但係當我去夾腩肉既時候，當堂呆左...呢塊係腩肉?定肥牛呀?咁...薄既...以前既腩肉係厚度岩岩好，半肥瘦，點解而家縮左水架?唉...失望，希望下次去唔會係咁啦...