譚仔三哥米線 (富盛大廈)

营业中

休息中

照道理應該每間既辣都應該係一樣，但原來唔係囉，呢間係辣啲既所以呢間我只會點10小辣都夠辣鐘意食竹笙，爽口，索埋啲湯入去，正👍🏻見到有新飲品，鹹檸梳打，即點，好飲👍🏻

今日3：00食下午茶已經賣左一排廣告------撈薯粉今日終於有機會食啦！雖然份糧唔多，但下午茶黎講都算ok,唔怕食唔晒。薯粉 $39+凍檸茶$9譚仔姐姐服務態度好好翻食指數

譚仔三哥做左咁耐 都keep住有新野 呢點我好欣賞酸辣撈薯粉價錢: $39食後感: 味道的確唔錯 暫時係我覺得三哥 最好食的食物 每一款佩料都同薯粉好夾 由其係青瓜好fresh 豬耳水準之作la 脆片增加左唔同嘅咬口 我叫左2小辣 因為姐姐話呢個比平時湯米 嘅要辣 但對辣妹子黎講 可以再辣啲 另外 大食女表示 份量 感覺比平時少整體感覺 似平時小食嘅汁 重口味汁 撈薯粉咁 唔算特別，但係好食嘅蜜桃乳酸價錢: 跟餐+$10飲後感: 有冇人同我一樣 見到特飲 都會試下 呢杯 甜度適中 乳酸味同個桃好夾 罐頭桃我細個好鍾意食温提: 記得食呢個要用圍巾，姐姐冇主動比圍巾我， 我淨係影相夾左一下 已經彈到條褲 好彩平時有用紙巾當口水巾用 件3先冇事

.今日早收工見肚餓，同媽媽去咗食譚仔雲南米線，見到佢有個新出嘅蟲草花雞湯米線，好似幾健康咁，所以就諗住試下😋，加多$8仲可以食埋紅豆椰汁糕，好似幾抵咁，就叫埋啦😝蟲草花雞湯米線 $42一見到個米線就覺得好養生，好足料，有好多蟲草花，杞子同雲耳做配菜，呀媽話女人要食多啲，因為補身得黎又抗氧化🤣仲有竹絲雞蛋同埋雞卷🤤啲雞肉好嫩滑👍🏻個特式湯底好濃，一啲都唔油，有少少藥膳味，好有呀媽靚湯嘅感覺😋紅豆椰汁糕 +$8份量都唔少，都幾抵食。食到好香好清甜嘅椰汁味，又香又滑，配埋紅豆口感極好，簡直係絕配😎呀媽食完都讚，話估唔到會有咁養生嘅餐單，好啱佢食☺️ 不過今日餐廳都多人食要等位，呀媽話下次叫網上外賣平台 算，不過就發現原來得個米線可以外賣，甜品就唔可以啦🙈🥺

早排因為疫情問題, 少左同男朋友見面😞, 趁住今日係白色情人節, 總算搵到個由頭出黎見面, 食下飯了🤩。全港太多三哥分店啦, 於是我地揀左方便我地既元朗店。可能因為特別menu只係一日限定, 加上座位間隔比較疏落, 所以我地去到門口要禁飛等位。不過好彩門口位置都幾空曠, 可以唔洗逼埋一齊等位, 始終疫情期間保持適當既距離安全D。無庸置疑我地就梗係揀最特別既「椒夕相對二人套餐」啦👫🏻, 有齊前菜, 米線, 雞翼同埋野飲, 幾經濟實惠😂。其實仲有「單身快樂一人套餐」, 不過好似無人一個人黎食呢個餐。溫柔手拍青瓜 (口水汁) 、情竇初開雲耳 (口水汁)味道正常, 青瓜同雲耳既口感爽口, 而且份量頗多。不過口水汁唔夠香。雖然多汁, 但偏油膩。煙韌纒綿過橋米線 (三哥酸辣)同平時一樣, 酸菜、炸醬會同米線分開上。同男朋友一齊share呢個過橋米線既好處就係一次可以滿足多種唔同既願望, 因為配料有好多, 包括豬, 牛, 雞, 墨丸, 魚蛋, 豆卜等等…羅曼蒂克土匪雞翼 (細)雞翼比較細隻, 不過質量都OK, 外層香脆內層軟滑, 咬落去有少少汁, 幾juicy。夠薑男朋友 (10小辣)淺藍色既外觀好

今次係譚仔，唔食米線食薯粉🤪🤤薯粉煙韌好有咬口，另外仲試左蕃茄湯配麻辣10小，蕃茄湯食到蕃茄蓉，配埋麻辣，酸酸辣辣，好開胃🤤🤤腩肉一層肥一層肉，食落有豬肉既油甘香👍🏻

譚仔一向係窮L恩物, 以前更係上左癮咁一星期要去至少一次...今次見譚仔再出新野, 真係想試左一段時間喇, 因為對佢嘅小食一向都情有獨鍾, 例如雲耳/土匪雞翼/皮蛋啦, 可惜今次......呢個係麻辣流心蛋 - $10/隻, 首先講個賣相已經唔討好, 睇個樣好似整左好一段時間咁,而蛋嘅質感冇咩本身應有嘅彈性,  但要一讚嘅係真係做到流心效果再講就係個味道, 佢個麻辣味只係加左D桂林辣椒醬上去, 食左一啖, 唔知點解會有一陣酸味.最初以為真係整左好耐而壞左, 所以要求換過一隻.但食第2隻都仍然有以上種種問題, 但係果陣酸味只係蛋黃位置有, 而蛋白係冇嘅, 所以疑點歸於被告, 我當係調味失敗去計算.為免爭拗, 所以我直接放棄亦冇要求退款了, 反正都只係10大元.不過離開之前我都見到有其他走左嘅客人都有留低左食左唔夠半隻就放棄嘅流心蛋枱面. 相信我地睇法都一樣吧.

今日去咗位於西菁街嘅譚仔三哥米線食嘢🍲 叫咗個三點後先供應嘅蕃茄湯素食米線🍅 🍲,即時落咗order,因自己本身係一個蕃茄迷，👀吓係米咁有🍅味先😆 蕃茄湯素食米線/ 熱檸水 $44.00+$9.00.唔講得笑,超級大碗😱, 真係有一大匙蕃茄蓉， 餸有鮮冬菇、木耳絲和韭菜， 啲餸超級多， 食咗好耐先ko完非常之抵食👩‍⚖除咗果大匙🍅 蓉外，湯底🍅味唔算太濃沃，比較稀溜溜 ，但係以$5.00一個餸嚟講,份量算好多😆

好像一星期便要吃一次三個譚仔，極度想念他的番茄湯，想著想著，心動不如行動，便約了男朋友放工去食。今日照樣叫了韭菜雞肉番茄湯五小辣，這樣的配搭是最好吃的！另外小食是醋香雲耳，和辛燒蒜茄子。番茄湯依然出色！茄味濃郁～雲耳冇口水汁味咁辣，酸酸甜甜， 10分開胃，男朋友都比較鍾意食呢隻口味。另外茄子10分香，而且蒜味濃郁，不過食完真係好口臭！所以建議大家食完就返屋企，如果係lunch 去食嘅話，真係臭足成日啦;)

今日做完運動個人攰到死，無乜精神！經過 #譚仔三哥 見到新出左辛蒜燒茄子、解辣蘋果酸仲有 柑桔香梅添好香嘅蒜蓉味加上辣辣地即刻成個人醒曬！仲要份量又夠足飲埋解辣蘋果酸，小小酸甜好滿足喔！

每次諗唔到食咩，都會嚟食最愛食嘅譚仔三哥🍲🍲🍲 貪佢又好食，又抵食😂😂😂快靚正之餘，仲梗有一間喺左近😛😛😛我同個friend兩個人食，大家都照舊叫咗麻辣湯底。我地都鐘意食魚腐，永遠都係膽，其他就拖咩都得次次轉😛mine:雞肉-魚腐-麻辣-五小辣-少米線my friend: 魚腐-炸醬-麻辣-小辣-少米線有某幾間食過5小辣我都食到出晒汗，但哩間啱啱好。米線又幾爽，我最驚d好淋果d米線😂 個friend碗小辣勁紅， 我太廢handle吾到🙈🙈🙈

一向有食開譚仔三哥既人都知道,佢既麻辣湯底係幾個湯底入面最好食既見今日落雨天氣涼左,所以叫左一碗雞肉麻辣5小米線,另加一碟細土匪雞翼同細蒜泥白肉個面食落同其他分店既一樣,質素叫做CONSISTENT...雞肉都算多細土匪雞翼,略略D雞翼細隻左D,但味道好香夠晒惹味細蒜泥白肉, 好油,唔夠多蒜,D腩似又碎

一個平日既下午一點半，呢間三哥廿幾張枱坐滿左考完試既中學生。搵餐晏仔入黎為左食個快飯，唔洗點諗就叫左一碗雞肉米線麻辣五小辣，加杯凍檸茶，例牌要小甜。無耐先到既係餐飲，都跟左五六塊檸檬架，比普通茶記既多，可能係要加7蚊咁多既關係啦。茶味正常，唔會太苦澀，飲落爽口，飲左幾啖會麵就上到。一如既往，沾住麻辣紅油既湯底上面鋪住滿滿既雞肉，麻香氣撲鼻引發食慾，黎三哥就係為左食呢種帶咸香既麻辣味。麵既份量相當充足，胃口唔大既人都好應該叫少米，唔會浪費之餘仲可以平一蚊添。一片雞肉，一口米線，一啖檸茶，四十蚊有找就輕鬆填飽肚，一陣陣酥麻既感覺為平庸既生活帶黎一點刺激，簡簡單單就一餐。

想食平野？個刻就諗起譚仔啦～ 於是就同朋友衝左入去搵位坐。。其實平時我係清湯擁躉，鑊鑊都係叫「清湯腩肉米線」，今次要黎個小小突破，轉左湯底，叫左「蕃茄腩肉米線」哩個價錢既蕃茄湯底都預左係荔膏架啦，所以都可以接受既，但係D腩肉就接受唔到囉，「鞋」不但止，仲要部分有異味，感覺好似變左味，有其中一碗叫左「3小辣」，朋友話：下次可以變小辣/中辣，因為食落一D都唔辣。。。至於服務態度方面：個人認為不過不失既。

今日同老公兩個一食左過橋米線煳辣兩份SHARE~因為驚米線太少,  所以我地叫左+底(+$12)+左底既感覺都好似只係多平時既份量少少~+$12好似有少少唔抵~煳辣湯底亦都無左以前咁濃味~好似好淡咁~而且等左好耐, 等到杯野飲都差唔多飲晒都未黎~好耐無黎~ 今次再食番真係有少少失望~