譚仔三哥米線 (形點 II)

营业中

休息中

要等位既三哥~其實三哥既辣度我覺得間間都有D唔同今次叫左蕃茄5少但係飲落同平時2少差唔多..唔知係咪廚師唔中六合彩重手左呢XD-另外叫左蒜泥白肉真係好耐都無叫過再食番覺得油左但係味道淡左..........-呢間真係好多人以前都係叫外賣多推薦大家係外賣APP落左單先啊如果唔係即場叫要等半個鐘..

🍽肥牛鹿茸菇米線（砂砂湯）原來個「砂砂」湯係指「沙嗲」湯，微微辣，不過對於我嚟講其他湯吸引啲🤡鹿茸菇幾得意，幾有口感，唔係爽，要𡁻嘅，味道幾重菇味，類似茶樹菇～

朋友又約食譚仔，今次就去形點間三哥，下午茶都好多人，不停有人走又有黎，個門口堆滿人等嘟針卡，個部電話勁唔聽使，個個都係嘟唔到，煩。特登黎試個新湯底，見咁多人話好食，就叫呢個肥牛鹿茸菇砂砂湯米線，肥牛同鹿茸菇係一定要叫嘅餸，唔可以唔要，只能夠加餸，對於唔食牛肉嘅人嚟講就冇辦法叫到呢個湯底，除非你要走牛但係照收你牛肉錢囉。講返個湯底，個湯底係幾好味，有沙嗲味甜甜地咁，所以叫五小其實都唔辣，第二次食叫三小個湯就好味好多。啲肥牛都幾垃圾，無牛味得個肥字，鹿茸菇就幾好食好爽口。配料嘅芽菜韭菜同腐皮真係越嚟越少，腐皮得番一塊，芽菜韭菜有幾條咁，聽到隔離枱話全走，真係好想去夾埋過嚟。朋友叫嘅墨丸三哥酸辣湯米線，佢話五小辣啱啱好，好食喎。依然都係叫咗兩杯凍檸茶，正常味。

三哥都有得轉菜底啦！今日就試試佢Yoho mall呢間三哥都真係好旺👯‍♀️👯門口已經貼咗張外賣等25-35分鐘嘅牌🤣反而等位就好快💃🏻我地20:08落單 我嗰碗菜底等咗廿幾分鐘先有🫢而另一碗過橋就等咗半個鐘左右⏱⏱⏱不過我哋見咁多單 所以都預咗~🙆🏻‍♀️🍜講翻啲野食！我叫咗🍅茄湯鮮冬菇🌶小辣🥬+$3轉生菜底但菜嘅份量真係好少🤏🏼🤏🏼🤏🏼同走米線加一份生菜差唔多☹️咁嘅話真係唔多抵 又唔夠飽😣如果可以多啲就好啦🥺🥢我盡夾一下 原本嘅芽菜仲多過生菜…夾完呢下之後下面都已經冇乜🈚️🈚️🈚️呢個菜量真係少得唔多合理明明少米都有得減一蚊🪙一份菜都係5蚊💰🍅不過作為蕃茄湯愛好者🫶🏻我都係覺得好食嘅純粹真係好唔夠喉😿😿😿希望三哥可以比多幾條菜我食🧑🏻‍🎤清哂都未飽😂

5級評分好味😋😋😋😋😋回頭 🤩🤩🤩🤩性價比 💯💯💯💯好耐冇食譚仔，所以就叫咗碗酸辣湯底嘅米線，另外仲叫咗蒜泥白肉，同燒茄子，蒜燒茄子真係好好食！

我去拎外賣個陣，我問門口個呀姐唔該想問外賣有未？佢一句話你睇唔到我做緊野？ 態度非常差，見佢無著制服，應該係經理來，已經send電郵去總公司投訴，以後都唔會幫襯。

最近發現咗譚仔三哥個米線底可以加三蚊轉菜底，所以過嚟試咗～呢日嗌咗雞肉麻辣湯底5小辣轉芽菜底，本身就好鍾意食芽菜，所以都覺得唔錯！芽菜煮得夠稔又索哂啲麻辣湯好入味，不過份量就少咗啲…如果多返啲芽菜就好haha另外加咗大香草雞翼，熱辣辣幾香～熱奶茶正正常常

三哥近期成日都推出新產品～最近就有個砂砂湯肥牛米線🍜真係唔錯幾特別😋湯底好惹味濃郁 辣辣地🌶️仲有啖啖的花生味 有啲似沙嗲🥜米線超索湯 似係沙嗲牛肉麵嘅變奏版🤣

最近天氣熱只想吃米線🍜通常我們兩個人吃都會叫過橋米線，因為貪佢有很多材料，啱我哋什麼都想食樣樣材料有少少，而且以兩人分享食價錢都抵呀！仲可以選擇辣度，呢間店味道水準都keep到每次都好吃，簡直係抵食之選，而且佢咁啱有特別飲品都係加$12，可以試吓新口味，幾好呀！

喺YOHO啲餐廳都唔算平，所以都係食返譚仔三哥就算啦。入到去叫返平時叫開嘅墨丸雞肉米線三小辣，唔知係咪錯覺，好似份量比其他分店少啲，可能鋪租貴啲佢要將貨就價掛 味道冇咩分別如果想平平哋喺YOHO食都OK嘅

今晚落雨叫外賣一定會有排等，所以決定用外賣平台落譚仔三哥外賣自取。家人叫咗個薯粉加3樣配菜，我就叫咗套餐跟米線，2碗都係跟三哥酸辣十小辣。當然另外亦叫咗好幾樣的小食。我同家人都會認為三哥的味道較為適合。除咗2個薯粉及米線都OK外，同大家分享下其他小食。蒜燒茄子，口水雞翼及土匪雞翼都夠香又夠入味。油芽菜我雖然簡單，但我同家人都好鐘意食。第一次試Impossible meat乍醬香醋粉皮，呢個小菜就只係普通。

一個星期總有一兩日係會去譚仔三哥度食米線，見佢之前出咗水煮鴨血湯米線拌老油條，就去試吓。嚟到飲下個湯，覺得有啲似落咗豆瓣醬嘅味，有啲鹹，不過就好惹味。米線依然都係滑同埋煙韌有口感，鴨血唔太鹹味道可以，老油條就咁食會有啲硬，浸咗落湯索左啲湯汁，脆脆地幾好食。另外我仲會嗌埋一人小食，通常都會食麻辣豬耳，或者麻辣雲耳，覺得口感脆脆地好好食。我嘅習慣食譚仔3哥係會飲凍檸檬茶走甜，慢慢食碗米線，食一啖飲一啖， 10分滋味。

今日叫咗個鴨血米線，同埋過橋米線（蕃茄湯），再加左唔同嘅小食～有每次都嗌嘅土匪雞翼～口水汁豬耳～同埋第一次試嘅口水汁豬脷。全部都正常發揮，好好食。啲姐姐服務都好好～～

三哥終於還大家鴨血啦🤩🤪作為三哥同Tyson既粉絲點可以唔支持呢😌今次期間限定既小食都有驚喜💯有啲仲係同日本同步推出🥳各位三粉有口福啦：🍴水煮老油條鴨血米線🍜鴨血分量超多有六塊🤪而且好入味🥰好味過之前既版本！水煮湯由五小辣開始🌶比平時辣不過好惹味😜覺得辣可以食埋芹菜解辣😌之後再繼續食😆老油條有驚喜！唔會好快淋晒😀吸哂湯既精華☺️口感味道岩岩好😋🍴自選米線— 京白菜🥬、油揚、鵪鶉蛋🥚有新餸梗係要試下🤪強烈建議大家配蕃茄湯🤩呢個組合真係正🤣油揚索哂啲湯😚鵪鶉蛋必試😍京白菜都清甜多汁👍🏻平時食得肉多可以balance下！一啲都唔肥膩😎🍴香醋芝士鮮原茄🍅呢個配搭又出奇地夾😂蕃茄已經去左皮好貼心😌蕃茄清甜配上酸酸既香醋汁🫦開胃一流🍴蒜香雞翼尖🧄蒜味勁重😜好入味！雞皮好滑好爽口👌🏻一啲雪味都無🤩份量都多起碼有8-10隻😛食到舔舔脷👅🍴蒜辣雞翼尖🌶嗜辣既一定要試埋蒜辣雞翼尖😋重蒜又夠辣😏真係比相像中辣😳超過癮😆🍴鴛鴦哈密瓜爆珠梳打🍈賣相好吸引😆翠綠色既哈密瓜梳打襯上橙色爆珠，感覺好夏日好繽紛🤣爆珠加梳打真係無得輸🍹雙重享受！味道亦都偏向清新🌱岩哂一路食米線一路飲👍🏻📍譚仔三哥

三哥真係特別好味d, 除左最鐘意嘅胡辣，好適合我呢種想試辣味，有唔太食得辣嘅人，而且胡辣味有種好特別嘅香氣，食極都唔會厭，番茄都好好味，好濃郁，而且經常有新野食。