譚仔三哥米線 (健威坊)

营业中

休息中

好耐無食三哥米線晏晝時間 用手機外賣自取 去到即刻就有得攞 仲有折唔知食咩餸好唯有做貪心的人 叫過橋米線 樣樣有酸辣 個人覺得唔夠酸改咗薯粉 成碗野最多的是豬潤 正常好味竹笙 入哂味 牛丸 mamaday 墨丸好似譚仔好食啲其餘餸 正常味道 不過不失

今次試佢新出嘅花膠胡椒雞美線，仲跟左個套餐，加$16有口水雞翼同一杯野飲。估唔到米線入面有大概3舊花膠，仲要幾大塊，都幾煙韌。雞肉比平時嗰啲大舊，好有咬口，啲雞都好滑。湯底叫左糊辣，唔辣但係有啲酸酸地嘅味，好開胃，配合埋米線好夾。口水雞翼同平時差唔多，少少辣，單骨雞翼大概有6支，因為單骨，所以都比較入味，每支都沾滿口水汁，好濃味。另外，杯凍檸茶有啲甜，不過都可以接受。最近佢個外賣杯換左，大杯左。雲耳叫左口水汁，都好入味。

等外賣等左成個鐘，一點半等到兩點半，企起出邊等到真係好嬲，由肚餓等到已經完全唔餓 飽曬，問佢仲要幾耐佢話唔知，然後我叫佢退錢俾我又唔肯退，叫我等多陣好快有，好，我等多陣，等左20分鐘都冇....真係嬲到爆，最後等左整整一個鐘先有....拎返屋企係真係已經飽曬....食唔落。希望你地可以加快一下外賣嘅速度.....其實有好多人都趕時間，外賣又慢，叫你退又唔肯...問你仲要等幾耐又話唔知。真係嬲到爆...

心血來潮想食譚仔試吓佢個酸辣粉😂嚟到呢間買外賣Lunchtime好多人都等咗around25分鐘👉🏻三哥酸辣粉（固定配料有雲耳，青瓜絲，豬耳，同埋脆脆）另外加咗個魚片頭酸辣粉對於食開清湯嘅人來講都算係挑戰！因為醬汁嘅辣到最少都有五小辣所以特登嗌定杯凍檸茶解辣🖐🏻不過個醬汁其實幾好味偏酸 食到底嗰張醬沉澱位越食越麻辣但都算順利完成成碗粉配埋幾個配料都係滿意嘅脆脆正唯一覺得個辣度可以少啲同埋有啲肉碎會開心啲🙂

今晚去譚仔三哥想叫外賣，去到店鋪門外，首先最令客人不便的是 ： 餐廳沒有將餐單貼在門上，要買外賣要先排隊，去到收銀位先睇到張餐單，要即時唸食咩…好唔方便，後面大把其他食客排隊，令我完全沒有時間思考食咩…跟住隨便叫了一份過橋米線套餐，理應是很快便可以取的，但在門外的姐姐 沒有將每份外賣的單號都讀出。我一直企在門外等待，所以很清楚阿姐係無叫我份餐的單號。令我白白在門外等了超過十五分鐘之後，我先睇到我的外賣早已放埋一邊，我令到返屋企食，亦都唔夠溫度。再者，在等候既過程中，見到一個無穿制服的男人， 沒有量度體溫之下，隨便咁搵同抄亂d 已經放埋一邊的外賣。 有穿制服的職員完全無阻止，任由個男人係度抄。在疫情嚴重的情況下，呢件事係好唔合衛生既，一來唔知個男人有冇病，二來個男人隻手亦唔知乾唔乾淨。總括來說，呢間餐廳的服務態度好差，亦無乜野衛生識， 我不會再幫親。

時間過得真快， 又到每星期嘅放鬆日， 每星期禮拜日例牌跟屋企人打麻雀,5:30打完去健威商場搵食, 好耐冇去食譚仔三哥， 同我弟婦姪女叫咗個 新款嘅好惹味嘅豬肚米線， 個湯唔辣好惹味個豬肚夠淋，另外叫咗個 過橋米線轉薯粉， 薯粉好特別煙煙靭靭，

腩肉雞肉清湯，加份蒜泥白肉真係個好好嘅組合！腩肉同雞肉可以放埋落碟蒜泥白肉到！啲腩肉厚身啲，仲有口感過原本嗰啲！雞肉同個蒜泥都好夾！依個組合每次都好快食晒！連啲汁都撈埋！正！

而家不過差唔多乜嘢都有得食而且選擇又不斷增加不過依家香港越來越多嘅莫過於係譚仔或者譚仔三哥因為都有唔少鍾意食米線嘅人我自己都係其中之一尤其是對譚仔三哥梗係情有獨鍾無論係堂食或者外賣。譚仔一直都係我頭三之選勝在有辣，而且可以比自己揀今日想食麻辣定酸辣甚至係番茄湯嘅話款式多之下有陣時比車仔面更加優勝我自己食譚仔三哥通常都會要預付因為同真正嘅魚腐味道差唔多同埋啲料好足絕對係會夠飽牛丸或者墨魚丸都係一啲比較熱門嘅選擇當然一定要試吓

小弟，吾食得辣，所以每次去餐食三哥米線，只能夠嗌清湯，之後嗌個尖椒皮蛋，加4,5,6夠落湯，再偷女朋友一啖麻辣底，辣度對我黎講，就arm arm 好。今日，一如既往，叫雞肉墨丸清湯米線，叫左女朋友鍾意食嘅豬耳，我平時好驚食，要左口水味。之後黎左，就加左，三，四舊豬耳，加左一啖麻辣湯落我碗清湯，出奇，係出奇地好好味嘅辣，對於我呢d好想食辣，覺得辣jeng但又真心吾食得好辣嘅人黎講，直頭一絕。我估每次我黎食，我都會叫呢個combo.

每次OT都唔知食咩🙈次次都想快快食之後就走！三哥會係一個幾好嘅option😆又可以食辣 🌶 黎到都係食麻辣10小辣😂豬潤好味，有辣嘅竹「生」正🤤同埋三哥啲凍檸茶好飲喎～凍檸茶要好飲其實都唔易hahahahaa 三哥個啲有「茶餐廳」feel ge! 另外土匪雞亦都必叫！感覺叫多啲小食會開心啲😆 有時會叫尖椒皮蛋，叫汁勁好味，今次試左叫口水汁豬耳，仲正！本身都好中意豬耳，配搭佢個口水汁嘅好好味（雖然真心辣，可能下次叫清湯加口水汁落去😂）

又到食午飯時間，心血來潮想食米線，於是去左呢間連鎖米線店。到達店門是中午12時15分，取票等了三分鐘便有位。一入去，安排了坐圓檯搭檯，搭檯當然無問題啦，午飯邊度都係咁預左。本來6個男人剛剛好少少迫，點知再搭多個男人入黎，7個人一張檯7碗米線，根本頭撞頭手撞手，隔離食完一啖我先敢落手，仲有一點最重要，食米線會彈汁架，左面果碗彈黎我果碗，我果碗彈去右手面果碗，點食呀，左邊地盤佬，我係單眼佬，右面係教師，傳黎傳去。為增加營業額做到咁盡，以後譚仔會少左我呢個客。

今日突然想食三哥，終於一嘗所願，大雨天時，好在三人檯等１０分鐘就入得。本身諗住試新野，但驚中伏，所以都係食返平常野啦乍醬魚腐米線 + 土匪雞翼 + 凍檸茶 = 盛惠$58唔知分店問題定自己口味唔同左，覺得食物好咸　

當OT吾想諗食咩，or 想快快食完，三哥米線會係一個選擇。我呢d廢廢，食醒辣都吊吾住，每次叫都係一樣。雞肉米線清湯，好似好dry, 有時候都會加下豬潤甘，當然當然會偷下女朋友嘅麻辣or 胡辣湯底，加兩至三下就夠皮。然後會叫尖椒皮蛋，好好好好味，加埋落過米線，d辣度就arm arm 好，吾會太dry, 亦都吾會太辣食吾到。最後，點都一定一定要叫細份土匪chicken wings, 是常識吧！落單到野食ready 都好快，大約十分鐘有得食！

這一間三哥譚仔米線，每逢中午總會有20多人在排隊，所以為了不用排隊，通常我都會預早15-20分鐘就會打電話去叫外賣，差不多時間才去取，今次叫的是三哥麻辣10小辣，配魚腐和腩肉，如果不能吃太辣但又有辣味的香味叫10小辣就岩哂，而家當魚腐入邊充滿湯的味道就更好味，還有很喜歡麵有酸菜和芽菜令整個麵更有口感，真係明白點解會成日來排隊了！

老公上星期獨自吃完譚仔，搞到我都好想整番碗！😹義父麻喇山小辣走九，加細土匪雞翼義父（魚腐）充滿豆和魚味，有5件，索左湯吃，幾好。食落感覺上健康D🤪土匪雞翼，即叫即整，所以都等左差不多15分鐘。重口味之選，醃得幾入味，有芝麻香味配搭，水凖之作。