譚仔三哥米線 (東港城)

营业中

休息中

用app早20分鐘叫定外賣，準時到譚仔阿姐（店長）話張單剛剛落我覺得好奇怪，明明早20分鐘落單⋯咁我照等多陣，但諗諗吓覺得唔對路，問另一個店員（佢印咗我張單），個店長又搶住答，但完全冇幫我跟過張單，講嘢態度又差⋯睇個外賣餐車冇咩外賣，我都係唔明點解要咁耐怕有漏單⋯其實好聲好氣話廚房仲整緊咪得lor, 知三哥好生意要等好正常，但唔應該係咁嘅服務態度，仲要賴個app?⋯嘢食係ok, 但咁嘅服務態度搞到一肚氣食唔落

譚仔及譚仔三哥，相信對香港人一啲都吾陌啦不過2間大家又喜歡食邊間多點呢？本人就喜歡譚仔三哥點解？原因係辣的種類及米線都略比譚仔小勝一籌又不時有限定推介一個月最少同男友會食2次，坑口沒有太多選擇假日午餐一般都要等大約20分鐘不過服務態度真係有待改善，次次叫姐姐落單永遠見到好似見吾到甘，次次要3吹4請先有人落單（好似吾憂做甘），不過餐廳係自己揀的都無計啦酸菜、腩肉、魚片、豆卜、米線轉薯粉普通酸辣男友本次叫了，直得一贊魚片沒有魚骨及魚肉很滑溜豬潤米線胡辣（三小）本人的例牌，胡辣口水雞翼也是我們例牌，間中會叫細土匪雞翼

話說呢排見到好多人嘅IG，都有呢一個譚仔三哥煳麻湯魚爽肚米線🍜隔住個screen見到都流口水,我咁鍾意食辣野點會放過啊😬個麵一嚟到我已經聞到好香嘅煳麻辣味道😋聞到都流口水呀，第一啖梗係飲過湯先啦，個味道香辣得來仲有啲痳，個魚爽肚真係好食到不得了，非常爽口又彈牙👍🏻真係想食完encore再encore芥末魚子鱈魚滑豆卜，食落去第一啖有少少芥末味，之後就咬到啲魚子颯颯聲，然後就會聞到啲鱈魚嘅香滑味，即係食一粒芥末魚子鱈魚滑豆卜，你就可以感受到三種口感，係咪非常值回票價呢🥰🍜

係人都知譚仔三哥最鍾意玩新野㗎啦，經常推出新嘅款式，最近就知佢又推出一個新款，仲要係ian賣廣告 所以就試下啦。湯底都係佢原本嘅糊麻湯底，一如既往嘅香不過其實佢都仲可以自己再揀其他湯底嘅。咁當然糊麻湯底係佢優先推介啦。另外就有個Wasabi嘅豆卜其實我覺得就相當奇怪，同湯底完全唔夾😟唔推介。不過魚爽肚係爽既，好味。👍🏻加咗個茄子非常香口，👍🏻👍🏻上面係勁多蒜蓉，而且茄子都相當林，非常抵食。🥰

夏天食咩都冇胃口，阿媽又懶得煮，咁又姐係食外賣啦，唔想食飯咁dry就決定食譚仔三哥，佢而家做緊推廣加$13可以有一個小食同埋飲品，因為我哋覺得食一餸係抵過食兩餸，一餸嘅份量係比較多，兩餸嘅份量每樣都會少咗，所以叫兩餸其實一啲都唔抵，於是我地就買咗兩個一餸米線，回家交換d餸就變兩餸啦，我最欣賞譚仔三哥嘅三哥酸辣，因為呢個口味係另一間譚仔冇嘅，只能夠喺呢度食到，但係另一間譚仔嘅豬耳俾呢一間好食，佢嘅質地比較好，不過譚仔嘅外賣出餐真係好慢，3個阿姐喺堂食嗰度，因為都未到晚市所以唔係好多人，但係又唔幫手包外賣，啲外賣已經出咗好一陣都冇人打包，呢個真係要改善

今日想食譚仔就去左食啦😋最意外既係雞肉生菜蕃茄湯是滿滿的，令我真的好意外，感覺好像好多咁🤣食到好飽飽 好滿足丫😋最近愛上左蕃茄，所以試下佢呢個湯底，感覺都唔錯既，唔係好鹹，但又唔係好淡，所以接受到既，因為我都唔係好食得太重味既食物🤣生菜都多既，雞肉可能就差少左d，可能依家生意難做 所以少d掛🤣-蒜蓉白肉泥:覺得好重蒜蓉味同辣味，如果唔係好食得辣既人 可能就唔係太岩食啦🤣食完都要食返d香口膠 唔係就會同人對話 人地就知你食過呢個食物啦🤣🤣-土匪雞翼:覺得都好食既，但味道可能淡左少少（個人覺得，今次水準差d）或者下次大家食個陣 可以嘗試食左淡味食物先 應該會更好🤣

Where I live there is a Tam Jai and Tam Jai Sam Gor, they are literally next to each other so the competition is intense haha.If u are a regular customer like me, u will know they don’t taste the same. The biggest difference is the 炸醬。I’m not very used to the taste of sam gor minced meat. Anyways, today we ordered bunch of stuff, 尖椒皮蛋，土匪雞翼，木耳，口水雞 and 套餐米線。Everything tasted good, except the 口水雞，bit too salty.

三哥竟然推出鴨血米線 搞到身為譚仔粉絲既我都要去試一試 鴨血可以係話我近年最愛嘅食物 鴨血米線一碗有成五舊 份量都叫識中 仲會配埋豆腐串果d質地既野先$39 真係好抵食 今日順便配埋腩肉同鮮冬菇 仲有燒茄子🍆 鴨血味道有d失望😞真係冇乜鴨血香味 質感實淨 但唔係硬 冇乜特別想再食 川xx好食好多腩肉就冇乜特別 但本人覺得譚仔好食d 而鮮冬菇都冇譚仔咁厚大 呢個反而有d失望燒茄子🍆呢個係有驚喜 蒜蓉好多勁香 茄子質地整得啱啱好 每一舊都會食到蒜蓉 呢個真係好好食

今日嗌外賣⋯⋯叫左碗雞肉牛丸紅薯粉～但係啲湯得幾啖 ，同冇湯底冇分別 ，雞肉又硬又冇味 ，好難食 ，得生菜係入到口 ，未食過咁難食嘅譚仔三哥 ，打入冷宮 ，仲要收成一百蚊 好揾笨⋯⋯

成日食三哥 次次都係雞肉米線 有時都想試下新嘢 最近去發現佢地出咗酸辣魚片米線 仲可以轉湯底‧˚₊*̥(∗︎*⁰͈꒨⁰͈)‧˚₊*̥ 我揀咗煳辣湯底 同魚片都幾夾 魚片鮮嫩得嚟份量都唔少冇食到酸辣湯底不過我估中意酸菜魚嘅話會好啱～仲試咗蒜香茄子同新飲品 夠薑瑪莉蒜香茄子一上枱就好香蒜蓉味 睇落好多紅油但係又唔會太辣 主要都係突出蒜香嘢飲係加咗荔枝 愛玉 新鮮薑蓉同士多啤梨茸嘅薑味梳打 薑味配水果意外地夾 食辣嘅時候飲真係好爽～ 𓏲𓏱𓏭𓏭煳辣魚片米線蒜香茄子夠薑瑪莉

相比其他分店，份量相當足料，酸菜有4條細加豬潤有4舊，份量取勝我都第一次食譚仔份量係咁「足」。另外有叫野飲，野飲正常。而新出小食蒜蓉燒茄子，呢個係5小辣，唔食得落太辣既人都岩食，幾好食。

平時去三哥多數都食清湯/蕃茄湯底, 早排三哥出左酸菜魚米線, 聽落非常吸引, 中意食酸菜魚既我又點可以錯過呢? 酸菜魚米線湯底係用酸辣湯底, 酸酸辣辣對於平時食得清淡既我非常惹味, 感覺上味精味無平時果D咁出, 而魚片就好好彩有6塊(因為見網上有人話得3塊xd), 而口感亦都彈牙, 唔會有種好假既感覺。另外可能加左腐皮既關係，湯底應都再粉D結D, 感覺上creamy D， 但加既豬潤就唔太新鮮， 有D失望呢。

係藍黃之爭同COVID-19之前，識食酸菜魚都一定係番大陸食，又平又好味，食酸菜魚既餐廳多到呢😅😅 不過今時搞到咁，番去搵正野食應該都難上加難啦🤦🏻‍♂️其實香港都有得食，味道亦唔錯既，不過價錢上真係爭好遠，想食價錢優惠啲既可以睇番我之前介紹 銅鑼灣麻王，想食平民價既就要將就下，去 三哥 食番碗酸辣魚片米線啦🤣今次已經係第二次試呢碗，原因係因為第一次食無強調要番原本跟既酸辣湯，俾左清湯我🤦🏻‍♂️ 第二次再試強調左一定要係原本既酸辣湯，終於有得試啱味啦🤣

​📍 譚仔三哥米線譚仔三哥一向都係leighleigh既comfort food，佢嘅招牌三哥酸辣米線同土匪雞翼係C先生同我嘅最愛。今期驚喜推出酸菜魚米線，有三哥特創酸辣汁,身為三哥忠實粉絲嘅我即刻去左試➖➖📌魚片米線今次試清湯更能食出魚既鮮味，魚片係脆口鯇魚，食落好爽口，連埋皮食好滋味，伴碟有埋酸菜同埋辣椒粒去吊味，下次要試下酸辣先，肯定好香口。➖➖📌蒜燒茄子 $16有大量蒜泥on top，勁濃烈既蒜味，加左少少三哥秘製紅油，帶點辛辣，幾惹味。茄子燒至金黃色，新鮮軟稔，份量都幾多。$16都幾抵食➖➖📌熱情查理 +$10炎炎夏日緊係要飲返杯清涼飲料啦，熱情查理係有熱情果青檸果荼，配上菠蘿片同埋芒果菠蘿果凍，飲落好fresh好解渴，有果凍係入面更有口感.​地址：全線譚仔三哥  

睇到佢哋呢排賣廣告話外賣自取有優惠加2蚊有野飲同埋小食，加4蚊可以要其他小食，但係要買過橋米線或者係三餸米線先可以有優惠，所以一直吸引我想去外賣自取。今日終於有機會去食，依家譚仔姐姐會係門口比買外賣既客先填好食咩，然後再幫你直接落單，我覺得呢個服務吾錯，等d客可以保持距離，雖然老實講呢排都幾多人出黎食飯或者係買外賣，但呢個措施都有一定效用。不過人多相對時間要等耐d，話就話要等半個鐘，但係我最後都無等足半個鐘先拎得。我買左過橋米線連4蚊優惠，竟然優惠既飲品可以叫凍飲，都係一樣價，甘又真係好抵食，我叫埋皮蛋先加4蚊，連埋1蚊外賣盒，總數61蚊，本身過橋米線都夠抵食了，咩餸都有d，我鍾意食辣，所以照舊食返5小今次既5小都幾夠味，皮蛋比我想像中都大份，米線都好食，還在水準之上，份量也十足，吾知係咪呢排胃口好，自己一個都食得曬成碗同皮蛋，奶茶就甜左d，但還可以